大壹燒鵝 (MOSTown Street新港城中心大街(3期))

营业中

休息中

朋友住馬鞍山，要湊小朋友好少出九龍，今天就一就她，於新港城tea一tea聚一聚，她地主好介紹，平日斬料加餸都不錯。馬鞍山站落車，過新港城那邊，然後沿住三期方向，行人天橋行到尾，去到馬鞍山廣場三期便會找到電梯落地下，方便搵到這燒味茶記。下午茶時間剛開始，門外見有幾個人排隊中，等候了一會好快都被安排入座。每人各自點了一個湯粉餐，燒鵝油雞湯檬~驚喜好彩燒鵝髀，隔離兩位長者都是脾，皆大歡喜，燒鵝肉香皮脆，加少少甜酸醬更添美味。油雞肉質嫩滑，如果配飯，我會加入更加多的蔥油。燒鵝貴妃雞湯檬~朋友的燒鵝一樣賣相吸引，貴妃雞類似白切雞，肉質嫩滑。凍檸茶及熱杏霜~法蘭西多士~厚切麵包中間夾有花生醬，西多特色就是勁邪惡，鮮牛油加上甜甜的糖漿，這樣吃甜品為今天帶來完美的句號。肚餓的話可以選擇午餐牌，午餐到5:30。

今日入左馬鞍山探朋友，佢帶左我黎呢度食晚飯，餐廳夠哂光猛，枱到枱之間有距離，安心又安全👍茄汁煎生蝦蝦煎得非常脆身，完全掛到茄汁，夠哂入味！ 蝦大隻彈牙，爽口無揸，食材高質🤤燒鵝招牌燒鵝一定要order 🤤🤤我地叫左上庄，會偏肥少少，但啖啖肉既感覺真係大滿足😋鵝皮燒得脆脆的， 肉質厚實，非常juicy! 好耐無食過啲咁高質嘅燒鵝🙃芝士脆炸時蔬好特別啲菜式，本身食菜都係炒，但炸真係好少食到，炸粉唔會太厚，但有濃濃芝士香，包住爽口蔬菜，好fushion 🤗凍檸茶茶底香濃帶苦澀，味道正宗😋😋

燒鵝，最化算就是在店鋪享用，做燒鵝配料多、工序繁複，做到成功美味的燒鵝不容易，資深廚師更是功不可抹，今天午飯在「大壹燒鵝」，燒鵝是必吃之選，炎炎夏日楝吃湯瀨，燒鵝拼乳豬瀨粉是我的至愛。燒鵝拼乳豬瀨粉亮麗登場，看見已經垂涎，燒鵝皮脆、肉質甘香，滷汁融合鵝肉汁，味道層次更升華，隨酸梅醬佐吃食欲大增。脆皮鬆化的乳豬件，人見人愛，百吃不厭。鹹檳七喜消暑又消膩，正！咕嚕肉飯&涷朱古力奶，咕嚕肉與飯都份量十足，爽口白飯夠熱騰騰，咕嚕肉粒粒很匀均，肉質嫩滑，酸酸甜甜的很開胃呵！

評分：🐷🐷🐷🐷🐽（5🐷滿分；🐽半分）馬鞍山係美食沙漠已經唔係咩祕密啦😂難得朋友誠邀入山，仲話大壹係佢既唯一食堂，就即刻入去試試佢！見到門口條人龍，就知道佢真係好受街坊歡迎😍首先講下服務🗣入到去真心覺得好有人情味，個個伙記都好似fd咁，野食又黎得快，已經好耐冇去咁熱情既茶餐廳食飯了💛唔係講笑，佢地既燒味真係絕對對得住4.5🐷既分數🔥燒味絕對唔係茶餐廳頹飯水平！一黎粉麵份量超級多，燒味高質得黎又大份，好抵食🤤燒鵝既肉好厚實，燒得好靚❗️燒腩仔全部都係半肥瘦❗️乳豬既皮超級超級脆❗️超級力推！我地1點左右走，隔離枱已經冇得叫燒鵝同乳豬🙊🙊想去既朋友要早d啦🤣

沙田區一直沒有好的燒鵝。新強記偶有佳作但品質不穩定，環境也欠奉。海港勉強及格，但離皮脆肉嫩尚有一段距離。其他茶餐廳，酒樓更是乏善可陳。每次想吃好的燒鵝，都要出尖河咀棋哥，甚至乎元朗天鴻。現在終於有了大壹！大壹燒鵝做到皮脆肉嫩，乳豬也是皮脆肉嫩。二者都新鮮熱辣，不斷新出爐。唯獨叉燒不夠肥，不知是否雙併給的部位不好。飯也煮得好，泰國香米，軟硬適中。另外還有小菜如水晶咕嚕肉，蟹粉菜式。會再來試試其他菜式。

呢間大壹燒鵝，係馬鞍山都幾有人氣，經過好多次門口都有堆人等外賣，趁今日收得早，帶鐘意食燒鵝既阿媽黎試下聽個名就知主打燒鵝，質素一定有保証餐牌選擇好豐富，除左燒味飯套餐及一系列燒味外，亦都有好多小炒小菜類實有野岩食燒鵝脾飯黎到即時心心眼原隻大鵝脾，啖啖肉，份量十足燒得皮脆肉嫩，肉質結實，入口滿口鵝香味，絕對係水準之作除左燒鵝出色，乳豬都有驚喜乳豬皮燒得又薄又脆，皮同肉中間有一浸油脂香，但食落又唔會覺得肥膩肉質一d都唔乾硬，好juicy馬介休香煎蓮藕餅煎得好靚，底面色澤均勻外層好香脆，入口充滿咸香味整體今晚點既食物都好有水準，價錢亦都比樓上新港城既餐廳經濟，無加一無茶介，但有服務

馬鞍山，呢個美食荒漠嘅稱號，稍有少許緩和，不過，整體區內，菜式嘅選擇其實唔算多，當然質素亦有少少參差，就例如燒味一樣，除咗快餐店，街市及酒樓之外，其實就已經冇乜選擇不過，呢間燒味開咗之後，成日見到有人排隊買野，聽講話，佢啲燒味都唔錯架，所以今日我同朋友就來試試佢由於我哋今日糖食，所以應該都幾唔錯，可以新鮮熱辣禁食，佢有一個燒味套餐，價錢屬於正常，不過我同朋友一係唔食，一食就食個雙拼飯，叉燒拼燒鵝髀！其實除咗燒味，呢度都仲有其他小炒菜式食㗎，見到選擇都OK多，可以加個菜添所以我哋都真係加咗個菜，呢個係菜心炒牛肉，都幾有驚喜喎，見佢整體份量雖然唔算話真係好多，但係相對貴少少嘅牛肉，份量都真係幾多㗎牛肉都做得幾嫩口，唔韌，而且味道啱啱好，菜心更加係好食，因為非常爽脆鮮味，感覺到係新鮮，而且幾靚嘅，一個普通嘅小菜，帶有少少驚喜！影個全相先，兩大碗飯，加中間一碟小菜，連同兩杯飲品，兩個男人食，都已經非常滿足，非常足夠主角就梗係呢碗燒鵝髀飯加叉燒啦！係咪好吸引先，燒鵝髀成個感覺其實真係好奢侈，但係又真係好吸引，而且真係唔係成日食，所以呢碗飯一上枱嗰陣，已經比佢深深吸引着其實可以就咁燒鵝加叉燒飯，不

對返工嘅阿媽來講，有時真係唔想煮飯。今日落去試吓大壹燒鵝，喺馬鞍山呢個美食沙漠，好彩有時都會搵到好嘢食！一行三人叫咗四個菜，燒鵝梗係唔走得甩啦！講真真係唔錯，皮脆肉香，好食過馬鞍山其他嘅酒樓。半隻嘅份量都幾多！第二個餸係拔絲咕嚕肉，拔絲就唔係好見到！但味道好食，用新鮮菠蘿更加係驚喜！再加上喬頭出奇咁搭！好食到停唔到口！第三個餸係避風塘軟殼蟹，避風塘啲蒜蓉好香！但軟殼蟹唔係好入味！第四個餸係蒜蓉炒通菜，都幾大碟。今餐食得好滿足！埋單五百幾蚊！抵唔抵見仁見智！但我就食得開心！

晏就成日都黎呢度嘆lunch or tea, 因為燒鵝真係一食難忘🙈今次第一次係度食晚飯🥰招牌燒鵝❤️必叫之選！皮脆肉嫩，燒鵝超入味，唔點醬都已經好夠味！炒西蘭花❤️惹味菜式，無草青味，有濃濃蒜香，微辣，餸飯一流👍避風塘軟殼蟹❤️炸蒜份量多，非常香口！軟殼蟹即叫即炸，炸漿唔會太厚，食到啖啖蟹肉😋大壹炒飯❤️粒粒金黃又彈牙😍炒飯整體味道濃郁， 又唔會乾爭爭， 仲食到淡淡嘅鵝香😍好出色👍食左咁多次，每一道菜式水準高上，服務又好，值得推介😃

至從發現左呢間大壹燒鵝後，就冇再幫襯過太興😅大壹又平啲又好食！叉燒同燒腩仔好出色！💯係我食過最好食嘅燒味！！👍🏻不過燒腩仔經常售罄！想食就一定要早燒味單拼飯$52，熱飲+$5，凍飲+$7(其實叉燒唔止咁少，一嚟到太肚餓食左兩舊先記得影相😂）叉燒非常林滑，肥瘦適中，味道啱啱好，唔會太鹹！真心推介！👍🏻💯豉油雞亦都好出色！好滑好有雞味！就算雞胸都好好食！👍🏻乳豬同燒鵝我都試過，反而冇叉燒，燒腩仔同雞咁出色乳豬太肥，燒鵝皮唔夠脆另外值得一提嘅係服務態度非常友善！服務員好有禮貌而且只係惠顧百幾蚊 食個燒味飯，店員都多謝前 多謝後！絕對係值得時常幫襯！！

初初見到佢哋開張真係好開心，因為大家都知道馬鞍山出咗名係美食沙漠，諗住可以多個選擇。講返頭幾次嘅光顧，感受係唔錯嘅，叉燒就算冇叫肥叉都唔會話好瘦好柴，滿心歡喜以後多個選擇，直至到後期次次光顧都唔愉快（因為冇咩選擇所以仍然光顧多幾次）食埋今晚我決定以後唔會再回頭啦！🙄不愉快事件一 （服務求其）叫咗個外賣雜扒飯配黑椒汁，一打開檢查俾咗咖喱汁，我同佢哋講我係叫黑椒汁嘅，阿姐就話不如直接比多一碗黑椒汁你，但係嗰啲咖喱汁已經係淋晒係啲飯同扒度⋯我接受唔到咖喱汁同黑椒汁一齊食囉😅 咁求其都得嘅咩？不愉快事件二 (食物質素下降）今晚係我最後一次光顧佢哋，叫咗外賣炒餸, 如下:燒鵝👎🏻首先佢叫大壹燒鵝, 咁你對佢燒鵝一定會有期望，味道還可以，但係份量比較少主要都係骨頭。 大壹炒飯👎🏻用得自己個名做個餸名，通常都係對個菜好有信心，但係真係離晒譜，首先個飯係無味嘅，基本炒均勻都冇，仲見到白色嘅飯咕嚕肉👎🏻一早睇食評見到好多人都有點呢個菜，睇相好似好正咁，唔知係咪我今晚唔好彩，啲肉超細粒，主要係食佢外皮啲粉🙄非常失望炒菜心👎🏻食得出菜心係預先灼熟，再落鑊炒，非常油膩，似食緊好油膩嘅烚菜心總括，由初開張食物質

最近香港連續多日錄得零確診，疫情雖然未過但有所緩解，所以飯還是要吃。收工後就和朋友兩個人來了家附近這家燒鵝餐廳。平時都是要排隊等位的，今天就不用等了，看來大部分人還是認為eat from home比較適合。 入門量體溫，再用酒精搓手液清潔雙手。較近的檯都會用膠板隔著。這些都是近期香港大部分餐廳都會採用的防疫措施。做了不一定有用，但不做就一定沒用。 招牌燒鵝就當然要吃。燒鵝的精髓在於燒鵝皮燒得如何，入不入味，能不能鎖住肉汁，大壹的燒鵝做得算不錯，配上定律要求要點的酸梅醬，入口滿足。如果白飯能淋上多一點燒鵝汁會更好。 另外我們還點了兩個小菜：馬鞍山小炒王和炒淮山。小炒王十分足料，有腰果，芋頭絲，蝦乾魚乾和韭菜花，口感十分豐富且美味。炒淮山是一道比較健康的菜式，鑊氣十足，是送飯佳品。 希望疫情快點過去，大家可以吃得更加開心和放心。

叉燒油雞飯賣相不錯，看上去不乾身，肉又飽滿。油雞很出色，肉非常之嫰滑，皮脂肪很少，適合我這種怕肥的人，而且豉油味香，我覺得我可以再吃多一碗。叉燒肥瘦均勻，肉也是軟的容易咬開，外皮很香甜。米飯的口感很驚喜，軟硬適中，粒粒分明，少有的餐廳在飯上也好吃。叉燒韮黃炒蛋飯份量很多，炒蛋加韮黃是不會輸的組合，非常好吃。炒蛋的叉燒比起燒味更瘦一點，每塊都好大片，適合用在炒蛋，叉燒的肉汁炒在雞蛋裡一流，味道更加豐富。

上星期去左馬鞍山買野，記得有個同事介紹過有間食燒鵝好正嘅，咁就去試下。距離新港城遠啲果邊，近住宅，一過天橋就係，仲可以回憶下以前讀書嘅日子。一去到有好多人等外賣，同埋堂食都唔少人，應該有品質保證喇。下庄大壹燒鵝：黎得呢度必試喇！果然名不虛傳！皮脆肉嫩，肉汁豐富，皮薄而不油。我平時唔食皮嘅都咬左一小口，真係幾香。下庄就有脾食，啖啖肉。黑蒜紅皮炒飯：俾佢個名吸引左，原來紅皮係燒肉皮。有啲黑蒜甜甜地有蒜頭香，飯炒得乾身，粒粒分明。加埋啲豆角令到成個飯有唔同層次嘅口感。拔絲咕嚕肉：不嬲都鍾意食啲酸甜野。呢個咕嚕肉一夾起真係拉絲架！炸到個皮好脆，內面舊肉唔乾，同埋真係有肉架。唔同有啲餐廳個咕嚕肉得舊粉。仲有啲菠蘿係新鮮菠蘿，所以果種天然嘅酸味可以中和返拔絲嘅甜味。正！

今日興起想去踩單車一個人由沙田踩去馬鞍山天氣真好踩完一輪就去食下午茶見到呢間嘅茶餐都幾啱食就入去坐茶餐好豐富有個雜錦蕃茄通粉配火腿奄列仲有一個奶油豬仔包加飲品肥仔喇！雜錦蕃茄通一啲都唔hea比起一啲自稱濃湯嘅都更濃蕃茄味！雜錦通仲要唔係俾雜豆係火腿，餐肉等等嘅雜肉粒😍😍好味！火腿奄列都好大份，有半隻碟咁大奶油豬仔包都唔錯唔會硬繃繃香口得黎都軟熟飲埋杯熱朱真係一個完美嘅下午茶！點解屋企附近無咁正嘅茶餐廳㗎🤨