大壹燒鵝 (MOSTown Street新港城中心大街(3期))

营业中

休息中

今日喺馬鞍山，成兩點先有時間食午餐，經過呢度嘅時候，見到竟然仲有人排隊，咁估計應該係好嘢，而龍尾嗰幾個客人啱啱入晒去，咁我都即刻排吓，結果等咗3分鐘就可以入去坐低😁叫咗$56嘅午市套餐「叉雞飯」，包一杯熱飲；餐廳個名叫「大壹燒鵝」，咁我好肚餓就想食埋佢個招牌燒鵝，結果就加咗個$118嘅例牌「大壹燒鵝」😋😆叉雞飯好快就嚟到，叉燒好瘦冇肥膏，但係肉質一啲都唔硬，反而非常軟熟；切雞就係雞胸部份，幾好雞味。仲有，嗰碟蔥油非常美味，沾雞連飯一齊食好香好正。「大壹燒鵝例牌」要咗上庄，鵝肉多汁好有鵝味，鵝皮仲有少少脆，唔肥，好味，平時最多食一兩塊皮，今次竟然連皮全部食晒😆；仲加咗啲燒鵝汁撈落碟叉雞飯度食😋熱奶茶就幾香幾滑。我明白點解咁多人排隊啦😋

今天去馬鞍山探朋友， 跟他吃個晚飯。朋友介紹之下今次選擇了吃燒餓。拔絲咕嚕肉 $98這個咕嚕肉很出色, 拉起每件肉也有拔絲的效果，咕嚕肉脆身身帶甜，那種果甜味來自菠蘿和無花果， 入面的肉鬆軟， 味道入口難忘馬介休香煎蓮藕餅 $98馬介休是經由鹽醃製而成的，味道會有點似鹹魚， 但海鮮味更甚， 蓮藕餅的肉香配以這種鮮咸，非常匹配。大壹燒鵝髀飯飯 $98燒鵝髀大大隻,已經切件,方便進食, 燒鵝皮的皮笑得香脆可口， 帶有陣陣鵝香， 內裏肉嫩多汁。咬下肉汁溢出， 香齒頰留香， 肉汁流入內裏嫩肉中，沾染一些油膩感，更顯得燒鵝的皮香脆嫩可口。

疫情放緩之後，餐廳都開始多返人啦~我同朋友兩個人嚟到大壹燒鵝。仲記得細個個陣放學屋企人都會帶我食瀨粉下午荼呢！首先上嘅係香妃雞配叉燒瀨粉，香妃雞肉又香又滑，叉燒都軟嫩多汁，顏色鮮明，好高質呀。我仲叫埋鹹檸七，味道又甜又咸，仲有檸檬既清爽，好解渴呢~.而燒鵝飯嘅燒鵝實在太吸引，本身只係叫咗兩份套餐，但係我哋都忍唔住再叫多份燒鵝呢，燒鵝嘅肉同脂肪都多，皮脆肉嫩又多汁，食落好香但係又唔會油膩呀~好彩叫多一份，可以好好過下口癮，下次晚市可以嚟斬料送飯呢！

又入馬鞍山搵朋友食飯傾吓偈，這間之前已經食過他們的燒味非常之出色，今次就試吓他們的小菜小炒啦。蠔仔粥一大窩熱辣辣蠔仔粥非常足料，蠔仔每粒都大大隻叫大蠔就差不多，粥底綿滑又香濃，有肉碎芫荽同柴魚令粥底提鮮。椒鹽九肚魚又是大推頭平時在其他餐室吃，都是只得十件八件到，但這裡真的吃得好滿足，九肚魚肉質鮮嫩又鮮甜，炸得香脆惹味。涼瓜炒牛肉涼瓜翠綠又爽脆有回甘味，而牛肉又是很足料一啲都不會吝嗇，牛肉鮮而肉嫩炒得火喉夠，食到舔舔脷。凍檸茶茶底夠濃又夠凍，喝飽食醉很滿足啊！

開左學真係好忙,趁今晚無堂疫情亦開始回落,就同阿媽出去食下飯,沙田選擇唔多所以去左馬鞍山,呢間係住馬鞍山既親戚話唔錯所以試下6點半出到去已經有不少客等緊外賣,堂食唔算多以為無咩人,點知7點左右好爆,幸好早到,入鋪前量體溫有搓手液good餐牌選擇多店舖名有燒鵝,相信都不錯,因為我同阿媽都不太喜歡脾位,叫左例牌上莊($118),即叫即砍上菜快,肉厚實食落好香,以往好多時食鵝肉都覺得霉爛,亦無肉味,另外值得一讚係酸梅醬,似鋪頭自製,偏酸可以解膩外出食飯通常點屋企難處理既餸,椒鹽鮮魷($98),雖然望上去偏白,但其實已經炸透非常脆口,鮮魷亦爽,認為可以落多少少椒鹽唔想食白飯要左干炒牛河($88),鑊氣夠唔會過咸,牛肉量多最後叫左一枝藍妹,非常夠凍!!!!份量大碟,價錢同酒樓差不多但無須茶錢加一,服務好好,幾位侍應好有禮貌另外見到好多客人點雙拼飯,份量都好多,燒腩油雞7點半左右沽清建議大家早d去,下次想試雙併飯

這家餐廳開業已有一段時間，但一直都沒特意去試，事緣男友生日，想為他預備他喜歡食，但平時嚴禁進食的邪惡菜餚，例如乳豬，本來想買一整隻季XX的乳豬，但畢竟只有兩個人食，真的吃不完，而且他對乳豬滿挑剔的，只愛吃飲宴那種一片外皮連著薄薄一層肉的乳豬，印像中只有飲宴會這樣裁切，即使太X那種他也不喜歡，因為肉太多，找了不少地方後，才突然想起我家附近還有一間"大壹燒鵝"，看了其他食客提供的圖片，覺得這兒的乳豬應該對他的口味，所以在中午時段買了個乳豬飯小試一下。這兒的燒味飯大約$50多(午餐免費附送例湯或熱飲)，感覺有點少貴(平常只吃$38特價燒味飯)，不過今日想他有個特別午餐，所以不打緊吧！餐廳職員滿有禮貌，疫情關係不能堂食，只好外賣回公司，外賣的等候時間不太久，效率不錯！乳豬外皮香脆，皮下油脂不會太厚，下面連著一層薄薄的肉，由於皮脂跟肉的厚薄都差不多，配上乳豬醬同吃，吃起來富油香之餘亦不會太油膩，整體口感亦不錯！唯一有點可以改善，就是飯質偏乾。之前提過服務挺不錯，衛生方面其實也很滿意，外賣飯盒表層非常乾淨，不會沾有油或其他醬汁，拿起時不會滿手油，不錯！下次有機會也有興趣試試其他燒味。

星期日和女友去食大壹燒鵝,午餐時段都尚算多人,門口都多人排隊等買外賣,我地等左一陣就有位,十分幸運！餐廳環境尚算光猛企理,基本衛生條件不錯,侍應姐姐殷勤有禮,冷氣充足,亦可以用八達通結帳。叫左一個燒鵝飯同埋一個乳豬燒鵝雙拼飯,加埋一杯熱奶茶及一杯少甜凍檸茶,加埋129蚊,價錢尚可接受。乳豬真係燒到脆卜卜,中間夾左層豐厚軟綿既肥豬肉,配埋汁醬一齊食落口,本人覺得十分滿意,連不愛食肥肉既我,都唔會抗拒,大口大口咁食,盡情享受燒鵝皮脆,肉汁都不錯,佢咁啱切到鵝脾位,所以唔使加錢都有脾食但本人略嫌鵝肉少左d,如果鵝再大隻小小就好了, 不過呢度既鵝一向都唔算好肥, 所以感覺上無咁邪惡凍檸茶同奶茶都係一般茶記既水準總括而言,本人十分滿意呢間食肆

1. 大壹燒鵝-例牌下庄（$148）即嗌同餐廳名同名既招牌菜！燒得都幾靚，食落燒鵝皮幾脆，呢隻鵝都幾肥美，所以中間脂肪層都有一定厚度，我自己就主攻瘦少少既部分，同行朋友中意食肥d，所以佢主攻肥d既部分，岩岩好2. 椒鹽鮮魷（$98）呢個高質！首先鮮魷都幾大條，炸粉比例合理，食既時候有粉有肉，口感唔錯。仲記得以前食過一d一咬就魷魚同炸粉完美分離既🌚 呢間唔會，而且味道唔會過份重口味，我自己幾中意呢個，而事實上我去親大牌檔都一定會叫呢個餸，哈哈哈3. 蒜蓉開邊蒸蝦（$138）冇諗過咁大碟，一上到黎我呆左😨 個蒜蓉好開胃，每隻開邊蝦上面都有好多蒜蓉，已底下就有好多粉絲，將d粉絲mix埋豉油蒜蓉，雖然都幾油，但真係惹味4. 白飯（$12）白飯我只係食左兩啖，因為我想食粉絲多d🤣🤣 白飯正常水準，綿得黎有咬口，朋友負責清哂

最近家姐搬左黎馬鞍山,好多朋友都二口同聲話馬鞍山係一個美食沙漠,今日難得放工冇野做,就走左去馬鞍山探我家姐啦.經過我呢個肥妹味雷,好快就俾我搵到一間美食餐廳啦!!你都未見過,茶餐廳可以排長龍,唔通要有食飯時段??但又唔係喎,入面真係坐滿滿,地方已經好大,都真係可以坐爆,咁一定好味啦!!望一望個餐牌,好似同正常既茶餐廳冇咩分別,咁就排隊啦~坐底即刻叫兩個白飯先啦,因為都等左15分鐘,好肚餓.聽店員介紹,叫左個士多啤梨骨,唔介紹都真係唔會叫,個名咁特別,都未聽過.原來係排骨用士多啤梨去煮,排骨肉質非常嫩滑,肉味濃郁,士多啤梨真係好特別,士多啤梨味勁濃,帶有小小甜,配飯一流!!另外仲叫左個淑鹽九吐魚,呢味餸我係去澳門,親戚介紹,外面一層爽脆蘇炸皮,入面一條滑滑既九吐魚,有一條細骨,但做得好既話,就會連條細骨都可以,非常特別!!果然係一間要排隊既茶餐廳,下次可以介紹馬鞍山朋友黎食了~

星期日午飯時間，排隊只用左5 分鐘左右，lucky😊與友人各叫了單拼飯，然後交換餸食，抵過叫飯拼飯燒鵝外皮脆，肉質嫩滑😍乳豬都唔錯，不過個人比較鍾意燒鵝+ 凍檸茶，夠解渴😌下次會再光顧

呢間平時排哂長龍，我好憎排隊，所以開左咁耐到近期先去試，燒味果然好掂，乳豬，燒腩，叉燒都一流，總於明白點解長期有人龍！不過要食到佢嘅乳豬都好講緣份，我黎左3次得1次食到，聽講每次一出爐都好快賣哂！今晚再黎試下食宵夜，點左蒜蓉蒸開邊蝦同蠔餅！開邊蝦清哂蝦腸，鋪底嘅粉絲好入味！蠔餅d蠔好大粒，好鮮味，洗得好乾淨，一粒蠔殼都食唔到！另外，雖然係茶餐廳格局，但店員好禮貌到不得了，值得一讚佢開到半夜1am, 算係馬鞍山市中心少有嘅宵夜地方！

試過食下午茶，見到人哋啲 燒味幾靚，所以就決定試下晚餐今日星期日都預咗要排隊㗎喇，去到大概七點，等咗大概 25分鐘先有枱，前面嘅都有人頂唔順太熱走咗😅燒腩仔賣曬喇！店員話如果晚市要食，要好早到 我哋四個大人一個小朋友總共叫咗 兩個雙拼燒味飯， 一份小食 (沙薑豬手) ，兩個餸， 全部都幾好味呀 叉燒好正，肉好淋 乳豬皮好脆 燒鵝反而就唔算太好，皮唔脆。。 啲蜆係最普通嗰隻，但係佢出奇地整得入味之餘又冇沙, 要讚！ 炒龍躉片配通菜，第一次有呢個配搭，又幾好食喎，雖然炒龍躉片就炒得老咗少少。。另外要讚嘅嘢係佢哋嘅服務員態度超好有一位短頭髮戴眼鏡女士超好禮貌 絕對係平時茶餐廳唔會見到㗎！裏面嘅氣氛有啲似係大排檔咁，比較嘈吵， 所有員工好似好忙， 同埋上菜速度都會趕啲嘅， 枱與枱之間嘅空間都比較少。。如果想慢慢坐下食嘢嘅話，可能平日就會啱啲~~可以改善嘅地方: 試過三次凍檸茶嘅檸檬都比較冇味， 可能要換下其他來源/入貨。。總括: 價錢嚟講算係酒樓嘅價位，勝在冇茶錢冇加一，碟頭大碟，味道好，服務好，絕對會再幫襯！

馬鞍山越來越多好味的小店，呢間大壹燒鵝，以燒鵝馳名。而喺馬鞍山區內，要搵一間好食嘅燒味餐廳，呢間大壹可算係首選係寧靜嘅內街街角，會發覺一間零舍光猛，門面比較光鮮嘅小餐館，門外有一條欄杆，晚飯時段好多時都要排隊等候門外有一個菜牌，可以見到除咗馳名嘅燒鵝之外，仲有唔少海產，煲仔菜同埋家常小菜嘅選擇燒鵝燻蹄雙拼飯$63嚟得呢度，一定要食燒鵝，燒鵝皮燒得好薄好脆，食得出用香料醃過，份外入味。肉質方面，咬入口多汁鮮嫩，咀嚼嘅時候完美地釋放出淡淡的鵝肉清香避風塘軟殼蟹$138以辣椒，蒜頭及香芹炮製而成嘅避風塘料頭，絕對能夠帶出軟殼蟹嘅鮮甜味道，軟殼蟹滋味嘅地方，係咬落啖啖肉，伴隨着豐腴嘅蟹膏，一啖吞晒落肚每一件都經過油泡，外脆而鎖死蟹汁蜜桃黑醋肉出街食飯，比較鍾意食啲功夫餸，起碼係自己屋企難煮嘅，黑醋骨亦都係其中一款。同軟殼蟹異曲同工，每件肉都先經過油泡，脆卜卜嘅外層，配搭着鮮嫩而多汁嘅肉排。每件都均勻塗滿蜜桃黑醋醬，酸酸甜甜嘅味道，係夏日中帶來清新嘅感覺又食燒味又食海鮮，兩個人食每人都係百零蚊，喺馬鞍山來講，算係經濟得來又好食之首選

每到週末都會同屋企人外出吃下午茶，今次去咗馬鞍山嘅大壹燒味。其實之前已經想去，但每次經過都要排隊，襯住weekend有時間就排下，大概等咗30分鐘就有位了 (真誇張，下午茶都長長嘅人龍，去就要預時間排隊啦!)三人被安排坐卡位，環境舒適，而且服務員態度十分好，就算全場滿座都好細心同有禮貌。上菜速度都算好快，無幾耐就已經準備好，我地叫咗叉燒米粉、欖菜肉鬆炒飯、雞柳炒一丁，全部都好合格，很滿足的一個下午茶。下午茶MENU 好多選擇叉燒米粉 叉燒肥瘦適中，入口軟稔，而且分開上枱，米粉配清湯更加突出叉燒的香氣欖菜肉鬆炒飯 米飯粒粒分明，一上枱已經聞到欖菜的香氣，味道有咸香，好有鑊氣XO醬雞柳炒一丁 十分香口，充滿XO醬的香味，一丁炒得煙韌而且不會太油膩

平時好小過黎馬鞍山，但咁岩今日去左馬鞍山探朋友，夜晚諗住落街搵下野食，朋友話我知馬鞍山係一個美食沙漠，聽完之後都驚一驚，好彩朋友即刻介紹左一間茶餐廳，咁就去睇下啦！位於鞍誠街8號新港城3期N座地下7-9號舖有間茶餐廳，第一次去真係笑左出聲，因為真係第一次見呢Ｄ奇景，茶餐廳要排隊？？我大約7點半去到，門口已經滿滿都係人，我排第7個左右，不過好彩係茶餐廳，流動都算快，我大約等左半個鐘就有位啦，入到去睇下人地食咩，我又跟住啦，第一次食丫嗎^^"先叫左呢到最出名燒鵝，等左一段時間先到，可能因為真係太多人叫！我叫既係燒鵝下莊，大大隻脾超吸引，睇見都流曬口水，果然真係好好味，皮脆，肉嫩，唔會好咸，肉夠厚，搶住食曬呀～二話不說叫個白飯加清菜，白飯滿滿，粒粒乾身飯香味，清菜叫左蒜蓉炒菜芯，我最怕菜芯硬同有根，好彩呢間冇，菜芯煮得夠淋身，完全冇根，仲好清甜，引唔住，一條接一條！食食下，又好想叫Ｄ野黎餸飯，睇睇下叫多個嗜嗜滑雞煲，最愛叫嗜嗜煲入面既豬潤，爽口唔會好粉，一煲有四五舊，通常最快俾人搶曬，呢間Ｄ雞肉仲正，又滑又嫩，鮮雞味濃郁，配飯一流！馬鞍山都真係美食沙漠，不過好彩都仲有一兩間美食可以選擇！