大壹燒鵝 (MOSTown Street新港城中心大街(3期))

营业中

休息中

喺馬鞍山搵食，提到燒鵝，點少得 大壹燒鵝 嘅名號！作為一間燒鵝名店，佢嘅招牌燒鵝遠近馳名，但今次同另一半去到，因為佢食咗下午茶，唔太肚餓，於是決定試吓小菜，點知竟然有意外驚喜！今次我哋點咗蠔仔粥（碗）、椒鹽豆腐及腐乳炒通菜
呢碗蠔仔粥真是一個大驚喜！粥底煮得稠滑濃郁，米香同海鮮嘅鮮味完美融合，入口暖胃又舒服。蠔仔新鮮又大粒，咬落去鮮甜多汁，完全無腥味，仲帶有淡淡嘅海洋香氣。粥入面仲有蔥花同其他配料，增添咗層次感，食落去每一啖都好惹味，充滿大排檔嘅家常風味。作為主食，呢碗粥真是一個暖心嘅選擇，令人回味無窮。
椒鹽豆腐係大排檔嘅經典菜式，大壹燒鵝嘅版本真是一個大成功！豆腐外層炸得金黃香脆，咬落去「卡滋卡滋」，內裡保持住嫩滑嘅口感，入口即化。椒鹽調味恰到好處，帶有蒜香同微辣嘅風味，食落去好似將大排檔嘅鑊氣同香氣都帶到嘴邊。簡單嘅菜式，卻做到咁出色，令人停唔下來！
腐乳炒通菜係另一道驚喜！通菜炒得爽脆淋口，保持住青菜嘅鮮綠同清甜，配上濃郁嘅腐乳醬，鹹香惹味，入口充滿鑊氣。腐乳嘅味道唔會太重，剛好同通菜嘅清新平衡，食落去好開胃，仲好下飯。呢道菜真是一個港式大排檔嘅經典代表，簡單卻充滿風味。雖然今

呢間係常年必吃榜上面嘅食店，真係名副其實店入面座位唔多，一到飯點簡直一位難求，經常要喺門口等好一陣先有位坐但講真，等都值得！佢哋嘅燒鵝真係冇得彈，塊皮烤到脆卜卜，油份又控制得好好，唔會覺得膩至於叉燒，絕對係必點推介！肥瘦比例啱啱好，邊緣帶少少焦香，入面嘅肉又嫩又多汁，送飯或者空口吃都一樣正滿意度真係爆燈

今日去咗茶餐廳食燒味飯，體驗咗經典嘅港式滋味。平平地揀咗燒味飯，一人一碟。燒味雙拼飯：叉燒、油雞。叉燒燒得恰到好處，蜜汁鮮色香甜，肉質鬆軟，肥瘦適中。🍖油雞皮滑肉夠味。飲品凍檸茶: 凍檸茶茶味香濃，檸檬酸甜，非常解渴。🍋另叫了燒鵝、燒肉雙拼飯全餐。燒鵝皮脆，鵝油甘香🦢燒肉皮脆卜卜，肉質鬆軟，肥瘦均勻🐷套餐有油菜，油菜份量多，爽口。例湯足料🥣飲品鹹檸七鹹鹹甜甜，非常解渴，鹹檸檬嘅香味更加突出🍋

落雨天最好買外賣返屋企食，有人想食飯有人想食麵，就諗啲餐廳係比較多元化嘅。大壹喺馬鐵馬鞍山站行幾分鐘就到，非常方便。今晚三個人食，行過聞到燒味嘅味道非常香，我哋叫咗一個叉燒燻蹄飯、一個叉燒燻蹄瀨粉、一個XO醬雞球炒烏冬。之前有朋友食過都讚呢度嘅叉燒好味軟硬度適中味道香甜，所以今日決定嚟試吓。其實打開盒飯叉燒味已經好濃，我一啖咬佢個質感係非常好，個蜜汁味係好濃好濃，呢個甜度剛剛好又唔會太肥膩，而肉嘅質感亦都係好適中，分蹄一啲都唔肥膩，配合埋個醋汁非常夾。仲有我想讚一讚個瀨粉，湯粉分開返到嚟加咗啲湯落個粉度軟硬度非常好，個炒烏冬XO醬炒好有鑊氣，一啲都唔覺得油膩，整體嚟講呢間餐廳做嘅燒味同埋炒粉麵都係好好。

相信大部分香港人都喜歡叉燒，我和太太也不例外。早前與朋友聚會，話題轉到「叉燒」，兩位分別住在大埔和沙田區不約而同的朋友，大讚大壹燒鵝馬鞍山店的叉燒。我和太太曾光顧大壹燒鵝銅鑼灣店，卻沒有留下半點印象。前陣子經過馬鞍山，剛好是下午6點，想起朋友提到大壹馬鞍山店的叉燒，試試無妨。門外有3個客人等候外賣，店內已8成滿座。我們點了叉燒飯和拔絲咕嚕肉。叉燒飯大約有10件叉燒，甜度剛好、淋淋哋邊邊卻有點點脆，少少肉汁感覺不會乾，與香軟白飯一起放入口，正👍🏻。拔絲咕嚕肉上菜時仍感到鑊氣，輕咬一啖，脆香的外層，咬深一點嘗到肉汁。伴菜是鮮菠蘿片及蕎頭，酸酸哋非常惹味。整體來說，叉燒好味，高於一般水平而矣；拔絲咕嚕肉有少少驚喜，但拔絲的份量再減少一點更好，溫度下跌令大量拔絲黏著，影響味道。

搬咗黎馬鞍山近一年，一直都知馬鞍山係出哂名美食沙漠，見呢間燒味好似都幾多人幫近呢個月又少係屋企煮飯，就諗住試試佢啦一坐低諗住嗌個燒腩仔燒鵝雙拼再加隻鹹蛋，男侍應態度勁唔耐煩咁講冇哂燒腩仔同鹹蛋，咁我自問當日去食飯嘅時間係8點幾，賣哂都唔出奇，就轉咗做叉燒燒鵝叉燒食落平平無奇不過不失，但作為主打燒鵝嘅燒味店，啲燒鵝成舊都係油咁滯，食完個飯好似冇肉落過肚咁，完全係唔合格之後呢個月內都幫襯過三，四次，每次都賣哂燒腩仔，所以就試咗佢哋嘅油雞同切雞，”鞋”到乜咁，又係唔合格嘅程度後黎得知佢哋最後一爐燒腩仔係下晝4點半出，咁我每次放工食唔到都冇辦法啦，咁啱今日放假就諗住去食個晏，可以試下佢嘅燒腩仔，去到嘅時候都有大約十人排緊隊，等大約十分鐘後入座，點知坐低落完單後5分鐘，侍應又走過黎同我講冇燒腩仔，嗰下已經嬲嬲地，但都仲好冷靜咁問佢有冇得等下，要等幾耐咁，佢竟然同我講冇得等？？？就算要等一、兩個鐘你都可以同我講聲，我最多晏啲先返黎食，你而家咁嘅態度擺明係趕客啦？最後直接起身走人，以後都唔會再黎！P.s. 我每次去幫襯(包括今日食唔成呢次)都有嗌加鹹蛋，每一次佢都話無鹹蛋，無鹹蛋你個餐牌上面就唔好寫

我真係好唔開心，去過大壹燒鵝食竹羊腩飯兩次，心情完全由期待變成失望。第一次去食飯時，我已經感覺到啲餐廳嘅衛生狀況唔太好，唔小心食到一根頭髮。雖然我默挑走，但心裏唔舒服，始終覺得食物應該保持基本的衛生標準。當時我以為只係偶然事件，想著可能下次會好啲。第二次再去，我本來期望能夠改善，但情況更衰！上菜後見到兩條彎曲、疑似陰毛的東西，令我完全無法再食下去！好明顯呢啲係衛生問題，食物出現這種情況簡直難以接受。對於呢家餐廳，食物質素和衛生狀況真係令人質疑。

今日母親話想休息一天唔煮飯😉所以我放工就去左大一會合我母親同父親喇😗我地三個叫左人頭餸😚😋啫啫通菜煲餐廳好有諗頭先上左個砂煲🥘再將煮好既通菜倒落去，再係客人面前炒香啲蝦米、肉碎同埋菜😊非常之有鑊氣😍😋拔絲咕嚕肉個拔絲汁酸酸甜甜好開胃🤤碟咕嚕肉仲要有無花果又有菠蘿配襯，食左粒肉再食生果又可以減左啲油膩感啦😉😋碧綠龍躉斑球呢個碧綠呢可以選擇荷蘭豆🫛或者西蘭花🥦而今日我地就揀左西蘭花🥦斑球都有好多舊，舊舊都好厚身，仲要一啲都唔腥😜👍🏻整體黎講，係馬鞍山區呢間既炒餸食飯都算數一數二👍🏻舔舔脷指數👉🏻6.5😋/10😋滿分 可以一試😋

以前喺馬鞍山住時每隔1到2個禮拜必定去食喺沙田區內真係無邊間有依個水準👍🏻今次係老公想食燒鵝，姊妹同姐夫想食酸菜魚就揀左大壹燒鵝😚叫左唔係好多都係4樣嘢1️⃣例牌燒鵝鵝皮烤後啱出爐嘅燒鵝味極香，形成燒到金黃酥脆的表面保持了肉質的鮮嫩。再加上酸梅醬唔係食肉獸嘅我一食都食左4舊。2️⃣豆豉鯪魚油麥菜鯪魚鮮美同油麥菜的清新，每啖都充滿驚喜。無論是作為主菜還是配菜，豆豉鯪魚油麥菜都能令人愛不釋手所謂食唔停。3️⃣酸菜魚雖然天氣好似涼咗，但我地一向怕熱。都要食酸酸辣辣嘅菜令我地有胃口。今次其酸辣鮮香嘅酸菜魚，主要魚和酸菜酸菜的脆嫩和魚肉的鮮嫩形成鮮明對比口感豐富。4️⃣椒鹽鮮魷椒鹽的咸香與魷魚本身的鮮味，配合得好好炸得乾身酥脆，配啤酒一流🍻整體評價⭐️⭐️⭐️⭐️⭐️

Went here with my family for lunch on Easter Monday. .My mom got Kitchen One Roast Goose Rice. The goose was meaty and succulent with a crispy red skin. The balance of the meat and fat in the portion was just right. My dad ordered Singapore-Style Noodles. The noodles emitted an aromatic scent from the curry sauce. He found the dish not particularly exceptional though. .The store was quite popular, so we waited for a while before we could be seated. Personally I thought the food in their Causeway

見到好多人都話佢嘅「拔絲咕嚕肉」好好食，所以特登嚟試吓，兩個人食唔到好多嘢，叫多碟燒鵝飯拔絲咕嚕肉-果然係拔絲，名不虛傳，咕嚕肉外脆內軟，除了肉，仲有菠蘿、蕎頭、無花果，覺得依個餸好有心思燒鵝飯-可能唔係髀，所以冇乜肉食，得兩三舊有肉，大部份都係皮，不過啲皮都好好食蔥蓉同個甜豉油汁撈飯好好食紅豆冰-紅豆軟綿綿，好多紅豆，唔會過甜，味道啱啱好❤️好好食😋👍🏻下次再嚟過❤️P.S 依度啲侍應都好好人

雖然平時住附近都未黎過食一次 今日心血來潮食 嗌左碟燒鵝飯真係好乾 好似烤左好耐之後拎出黎咁樣 皮超乾 肉好柴 燒肉仲好食過燒鵝飯 雖然係6.左右去 但都未至於可以乾到咁樣 好失望

我享受了一份美味的下午茶，價錢只需$48元就食到廈門炒米，係餐廳非常受歡迎，味道甜甜酸酸的口感，包含炒米、豬肉片、蝦仁、蔬菜和蛋，然後用糖、醋、番茄醬等調料進行調味。不僅味道豐富，還相對比較營養均衡。希望你度過一個愉快的下午。

呢間野真係愈做愈差，食物差，態度差，唔會再幫襯亦都叫親戚朋友唔好再幫襯！首先講下態度 。收銀個呀姐成尊佛咁坐係度，落order買野食好似去求佢咁 ，都算 。我去買一家人既外賣，其中一個係燒腩河，個收銀呀姐同我講無燒腩，咁咪問下屋企人想轉咩啦，問完話要油雞河，你先同我講話無河粉？你玩呀？定扮麥兜？ 你唔一次過講無燒腩無河粉？食物質素 。個乾炒豬頸肉河係差既（又話無河粉！？），多油到個底啲油倒到出黎，又無鍋氣，成盒野好似比啲油浸熟浸熱佢咁 。而啲燒味真係不知所謂！ 燒鵝肉乾到柴皮咁，燒鵝皮韌到塊膠咁！叫瘦叉燒，你比啲又燶又得返肥膏既我，咩意思？仲要返到屋企打開袋先發現乜野醬都無比到！！！燒鵝無燒鵝醬，燻蹄無醋！！！（唔係自動比架咩？定係要自己出聲話要？）係馬鞍山住左咁多年，幫襯呢間野都唔少次，真係睇住佢愈做愈差！我好少寫食評或black list餐廳，但係經過今次之後，我真係忍唔住要完全black list左佢！

同老婆想試吓佢地小炒，入到去個男店員指我地去兩人位，但我地想座另一邊卡位，個男店員話卡位那邊是食小菜，食燒味就要坐比較窄的兩人位，唔好阻住佢地。咁即係要我地預先要諗定食咩，結果我地去咗兩人位，叫了燒味加小炒。食飯途中，有另一台食客話想要瘦义燒，佢攞碟义燒去個客度，好吋咁話碟义燒瘦過佢，但佢自己一點都不瘦。 跟住又話另一台客由下午茶坐到晚飯，但其實餐廳仲有大把位，結果俾兩個客話返佢轉頭，佢就縮埋一邊，兩個客俾完錢走咗，就行返出嚟講哂粗口話阻住哂。如果這是現今香港飲食業的態度，我真的明白香港的現今狀況是有原因的。但幸好，店中的其他女店員態度良好，其中一個更同我地講，如果點咗小菜唔夠擺，可以過返去卡位坐。個燒味瀨嘗可，小炒太鹹。