大圍小館

营业中

休息中

成班沙田友有大有細，見新開左間〈大圍小館食〉，於是去左食。地點方便，出左火車站都係行一陣就到。先叫左炒飯，小朋友秒剎，我都未食到一口所以唔知味道如何。1）蒸蟹飯，見佢無汁以為好dry好淡，點知食落係甜甜地既蟹味，一D都唔dry。 （食完至記得影相）2）生炒骨，除左表面既汁，裡面舊肉都入味。用食送飯一流！3）燒乳豬脆口，推介 4）粟米班塊，鐘意佢粟米汁另上唔會浸林件班塊。肉質食落去唔散口，成道菜睇得出有心思，唔知係咪老闆係粟米班塊迷，否則唔會咁有心思識得咁整。（無影相。。。。） 6）豉油虾（唔知叫咩名），連殼都食得，絕對係新鮮整唔係番熱野，正！ 7）蒸勝子- 好大隻呀，d粉絲好入味，又係撈飯之選。 8）拆肉泥鯭粥，推介！！！！個粥好棉，食落去魚味甜，一 d都唔腥。但拆肉太小肉（個價都平d），下次會叫原條，可以多d肉食.9) 而糖水就食Mango布甸好滑，細細碗，剛剛好。 價錢係中位價，睇下你點叫，我地多人叫好多招牌野，價錢除開都合理，最重要係性價比高。 最愛推介： 泥鯭粥，蒸蟹飯，粟米班塊，豉油虾。 地點方便，野食又好食。

今日難得星期日 就帶屋企人去大圍試呢間新開既菜館 門面裝修幾有特色野食方面選擇都算多 都有好多懷舊點心可以揀，今日就試左以下幾樣：金蒜排骨飯：不錯👍🏻排骨有鮮味 個飯都好好食豉油皇魷魚：極推！好正 出面好少有 多數炸既 但呢個豉油皇魷魚好夠味 👍🏻合桃叉燒酥：一向鐘意食叉燒酥 但呢個比平時酒樓個隻特別 個皮好鬆化，出面都比較少有，驚喜下次一定會再encore蝦餃：皮算薄 蝦都爽 不錯燒賣：不錯 唔差 椒鹽九肚魚：魚夠滑 香口 👍🏻沙律明蝦角：好耐無食過喇 皮脆 感覺新鮮炸起 但食落唔會太油膩 山竹牛肉球：OK 手拉布腸粉：都幾滑 但見人地食腸粉包住春卷個個好似幾吸引 下次要試脆皮燒頂鴿：都唔差 幾香口 夠味 蝦片係脆既見晚飯都有好多海鮮小菜揀 下次有機會會再試

一個喜歡食首餐果陣，要有杯咖啡既人，今日出開大圍市中心，突然想起大圍最近多咗間大圍小館，鐘意試新嘢的我，棄啡改飲中茶。我們兩人叫了:山竹牛肉(正常，好味)，蜂巢炸芋角(由細到大都鐘意食，覺得都唔錯)，咸水角(正常)，混合醬蒸鳳爪(第一口食落好淋，隨之味蕾告訴我，快飲茶呀！咸到腎病發作了。😂)以上每款點心$23.80。/ 鵪鶉蛋燒賣(普通，賣$27.80)，灌湯餃($31.8, 點比家人食的，但佢吃了一口，已經話麻麻。)另叫了北菇蒸雞飯($38，份量唔細，雞嫩滑，正常)，埋單二百幾。/ 飲茶期間，問兩位女侍應拿辣醬，都一去冇回，最後要同黑衫經理講，讓他Order同一女侍應，才即刻有。埋單時，我站在收銀檯前等那位收錢既男士，等極佢都當我透明的，要再開聲:唔該埋單，才有反應。《總括: 價錢適中，味道普通，服務有待改善。如果以我個人來說，會否再來飲茶食點心???試過便好了，價錢差不多，一樣要搭檯，我會行番過隔離粵軒，點心比這兒更精緻。》

中同Gathering... 我地人多又唔想食酒樓啲圍菜，有人提議試大圍呢間新野於是就試下book 18個人 睇下有無啦點知真係book 到 一坐低就要叫個「小朋友炒飯」楊州炒飯 比啲小朋友食嚟到見佢好靚仔 炒得夠香夠干身 所以我呢個大人都要同啲細路爭飯食XD 跟住又叫左啲小菜： 京都肉排 生炒骨 金銀蛋浸菜 等等 都整得幾好蒜蓉粉絲蒸蟶子皇：雖然係大路嘢但我覺得比三聖啲海鮮店整得仲好味特別推薦： 椒鹽九肚魚 - 外脆內軟 部長好介紹豉油王蝦 - 炸得岩岩好 又香口 已經貼心地去除晒唔食得嘅部位，可以連殼啪晒成隻蝦 *太搶手影唔切相招牌即燒乳豬 - 酥脆而不膩 值得一試估你唔到之選：粟米大魚塊 - 賣相平平無奇嘅佢 出其不意地好味 個粟米汁係另上嘅 值得一讚再飽都食得落推介：嚟到沙田當然唔少得碗靚粥啦叫左個 拆肉泥鯭粥， 明明叫個陣個個都過飽唔食點知最後個個都隊隻碗嚟搶食最後仲有糖水同芒果布甸送添有機會會再嚟試呢間野嘅其他小菜

今晚試咗呢間新食肆。我地一家五囗試了幾款家常小菜：1.老火湯—合掌瓜粟米煲豬肉喜出望外，好有火喉，完全唔係出面的味精湯😋😋😋2.咕嚕蝦球超大隻蝦，值回票價😋😋😋3.啫啫生菜煲熱辣辣，香噴噴，冬天食會好正😋😋4. 雜菇扒豆腐小朋友至愛😋好有誠意的小店，下次會再來試下其他菜式

見到新開張，於是同屋企人去試，星期日晚餐，4個人都可以訂位，又唔限時間，即時加分。地方企理，檯同檯之間還算有空位，不會背貼背。餐牌選擇不算多，最後叫左6樣野，上菜快，雖然份量精緻，但味道不錯。伙計勤快，態度好。星期日晚都仲有免費糖水，真感動！😆

試了晚市，燒味以燒鵝乳豬比較出色。小炒鑊氣足夠， 能逼出油份。 主打豉油王蝦，豉油王炒麵等。當晚海鮮選才亦不錯。若有機會，會再試茶市。Its a nice authentic Canton Restaurant, good services for a family dinner here.

難得的星期日，小編走咗去飲早茶。門一開，都幾多人排隊，但等位時間不算太耐，大概幾分鐘，不過可能空間比較窄嘅關係，酒樓服務員說所有枱都要撘枱的，嚇到其他客人走了，所以...如果大家想人少少去飲茶，要有心理準備自己與朋友不能獨佔一張枱。點心選擇適中，有新式及傳統點心，亦有小菜。小編點了叉燒包(小編最愛)、豆苗餃等，平均價為20-35一款點心。可能小編喜歡吃乾身少少嘅叉燒包，覺得食落比較有漿感，黏黏的，咀嚼幾口便一團了，所以覺得味道不算太出眾。如果要推介一款菜式，我會選擇豆苗餃，皮薄而透，內餡不會過熟。最驚喜是，鵪鶉蛋燒賣，太耐無食，覺得挺特別的，用料挺豐富的，如果想回憶一下以前嘅點心，可以一試。芝士蝦長春卷有點令人失望，雖然做得挺完整脆口，長長幾（利申：4）條，但是味道比較普通，蝦嘅口感好似無乜？！（開頭係食到蝦嘅）然而，芝士味又不夠突出。茶位每人10蚊，收加一服務費。如果問小編是否會成為此酒樓常客，毫無疑問，很抱歉，小編覺得不值得，因為同樣價錢，我相信附近酒樓有更精緻味美的點心。

星期五晚約左班老友去食飯，知道大圍開左間中菜，又係大圍地鐵站隔離，雖然未食過，但有係大圍住嘅老友話，嗰間店好多人去飲茶食點心，時常都要排隊，咁相信都應該都唔錯，膽粗粗約埋一齊去試下。因為我自己收工收得遲，去到啲老友已經食緊啲前菜，佢哋話豉油王魷魚鬚好好食，不過...佢哋食晒囉。枱面上仲有啲海蜇、豬腳，海蜇就普普通通啦，但係豬腳真係幾好味，值得一試。👍原來佢哋叫左好多嘢食，乳豬、叉燒即燒即食，正！豉油王炒麵、薯仔牛柳粒、咕嚕肉、粟米斑塊、三杯雞(加辣)、啫啫芥蘭都有一定水準。👍👍不過，有幾個餸真係值得推介:花蟹籠仔蒸飯，飯有蟹鮮味，而且飯軟硬適中。乾燒蝦，非常野味，而且蝦肉爽滑。黑松露炒什菇，完全估唔到，炒菇原來可以咁爽脆。炸鮮奶，真係無得頂！！超好食！！外面脆漿薄脆而不油，內𥚃軟滑又有濃濃奶香，真係第一次食到咁好味嘅炸鮮奶！👍👍👍其實仲有好多嘢好想食，不過要等下次先可以再試，因為真係好飽！

於大圍的新店開幕，充滿懷舊風味的粵菜，對於我這個新界之友，與朋友和家人又多一個新選擇。喜歡懷舊風的我，一行六人，第一次光顧，揀左好多懷舊菜式，例如我最愛的蜜汁叉燒，炸鮮奶，生炒排骨，粟米班塊，馳名乳豬，黑松露什菌，啫啫介蘭，籠仔蟹蒸飯，炒麵，菜膽翅煲雞。乳豬燒得非常好味，皮脆肉嫩，豬頭仲可以攞返煲粥𠻹。叉燒就一般般啦唔係好夠味有待改進炸鮮奶好唔同，外脆內軟，滑滑的鮮奶加埋鬆脆的外層，超級好味最喜愛的是黑松露什菌，味道濃郁不膩，感覺好健康啫啫芥蘭超香濃，未上檯果陣都已經流晒口水入口真係好味到不得了。粟米斑塊班，D斑塊超新鮮，炸得又脆，粟米汁濃度適中，味道超好生炒排骨勁有風味，一定係必食之選！炒麵同龍仔蒸蟹飯更加唔使講啦，味道一流又香口。我最愛嘅梗係菜膽翅煲雞啦，D翅又粗又大條，勁有膠質，好似飲左好多骨膠原落肚咁不得了

同老婆去大圍探朋友，朋友帶我地去食一間新開中菜館。地方乾淨企理好緊要，如果唔係老婆實鬧。講番食物，估唔到有唔少傳統點心食尼隻灌湯餃同平日食開，連湯上的唔一樣。朋友話尼種係懷舊鐵片灌湯餃，有鯊魚骨湯係餃入面，老婆話好膠好正！尼味魷魚鬚唔講得笑，好惹味，又彈牙，一上枱就秒殺鵪鶉蛋燒賣聽過，但小弟都係第一次食，幾特別沙嗲金錢肚，又係已經比較少見的傳統點心沙嗲味好香，金錢肚夠爽叫左兩種包，流沙包同麻蓉包。流沙包平日都成日食到，麻蓉包比較少食到。我平日唔多喜歡食甜野，但個包我都覺得唔錯，唔會好甜，老婆就一人食左兩個流沙包馬拉糕都唔錯，鬆化飲茶唔少得鳳爪最怕勁重芡汁的鼓椒鳳爪，尼個完全唔會，讚！食物就真係好唔錯，但人手似乎唔多夠，唔知係咪因爲爆場啦。希望增加人手，點心上得快d就更加好啦

大圍好耐都冇d 坐得舒服既中菜館，知道喺依個位會開小菜館，一直好期待！上星期終於同屋企人試下佢。環境坐得好舒服，俾人好warm既感覺，食物選擇都算幾多，有燒味、小菜、仲有海鮮類。樣樣都好味，最正係海鮮，新鮮兼味道較得啱啱好！燒鵝脆皮又唔太肥，最驚d鵝肥得濟！服務亦好貼心，會換碟！可能係新開既關係，經理會問我地覺得d野食o 唔okay，感覺佢地都好樂意聽多d客人既意見！價錢合理，大圍的確少有，一定會再黎！

第一次光顧，他們出名菜式是 — 乳鴿和乳豬，可惜最近我要戒口，未能一試，不過，我們點了粟米炸魚塊、上湯高山菜、西洋菜豬骨湯，最後還有甜品— 炸鮮奶！ 粟米炸魚塊：粟米汁和魚塊分開上，不怕魚塊浸得太久... 最適合聊天的我們... 西洋菜豬骨湯：夠味、沒有味精上湯高山菜：魚湯很香炸鮮奶：外脆內軟樓面招呼很好👍🏻有笑容，我們吃得很開心😃環境也很舒服，如果一大班朋友想有自己私人空間，可以訂房！一定會推介給身邊好友！