大圍小館

营业中

休息中

大圍真係有間不可錯過的中菜館，地道又創新。之前食過一次之後今日又想返尋味，每次都要點的就是招牌叉燒，招牌叉燒又名第一叉，淨係菜名都已經亮眼。叉燒掛住濃厚的蜜汁，叉燒雖然厚身，但一點也不韌，入口鬆化多汁。第二樣返尋味的是薑米蒸蟹籠飯：由於本人非常喜歡食蟹，醉心蟹的鮮味，這個飯和蟹非常夾。新鮮的蟹肉伴隨着特別香的米飯非常滋味。今次第一次點黑醋肉排：平時比較多吃生炒排骨和咕嚕肉這類，但這個黑醋肉排真的不簡單，除了黑醋酸中帶香之外，肉排肥瘦均勻，應該是選用上乘豬肉。另外，我被菜牌上的蝦球炒西蘭花吸引點了。蝦球大隻令人喜出望外。蝦肉有點腐乳味，更加令蝦肉提鮮，由蝦肉的形狀可見廚師用心主理。特別一提的是餐前小食，有羊肚菌和蜜糖合桃，兩款都各具特色，很少會在中菜餐廳吃到的，這間中菜館很適合和朋友邊吃邊談。上菜快，而且店員有禮貌，令人吃得舒適！

第一叉：重點招牌菜之一，勁資深廚師選取上乘梅頭肉，用秘製醬汁醃製自家慢烤而成，無論賣相和味道都滿分！尤其是叉燒焦香味，令人食指大動！意大利黑醋肉排：選用12年意大利黑醋，將肉排完全提鮮，香草味濃郁，而且肉排無骨啖啖肉，送飯一流！腐乳蝦球炒西蘭花：選用了出名廖孖記腐乳爆炒蝦球，蝦球色澤晶瑩剔透，蝦球大隻而且爽口彈牙。還有鮮嫩的西蘭花，帶點腐乳和蝦味，別出心裁！甜梅菜竹笙蒸茄子：首次品嚐新派菜式，甜甜的梅菜配合爽口的竹笙，茄子完全吸收梅菜的香味。店員提示把三樣一拼夾入口，果然口感一流！薑米蒜蓉蒸蟹飯：上枱賣相滿分，打開籠蓋蟹香四溢，蟹肉甫上一點蒜蓉令整個飯更香。最驚喜是蟹充滿蟹膏，將蟹膏混合薑米飯吃，滋味至極！膏蟹非常新鮮，真材實料！京蔥爆牛肉：大量京蔥配合爆炒牛肉，令牛肉更加清甜。吸收牛肉的京蔥更是惹味。

唔知大家睇厭cafe未呢？今次想推薦一間喺大圍無人不知嘅中菜館，門口掛左大紅燈籠，去過幾次，門口總有一大班人等位，留意只有晚飯可以訂枱，週末午市約排九個字。酒樓嘅裝修尚算雅致，枱與枱之間有大塊透明膠膜擋住，等客人食得安心啲。🍽鮮蝦燒賣 (特點)鮮蝦大隻爽口，豬肉調味同口感剛好。🍽煎糯米雞 (特點)店家推薦嘅點心，黏軟嘅糯米包住肉碎同蛋黃，再煎到外層呈金黃色，非常香口。🍽懷舊鹹薄罉 (中點)薄罉夠薄，邊脆內煙韌，味道淡左啲。🍽鬼馬得意腸 (特點)腸粉薄薄一層，包住皮脆嘅春卷，蘿蔔、木耳同芹菜絲多到滿瀉，好食。🍽奶皇千層糕好耐無見過呢款傳統千層糕，以蛋黃同混合冬瓜蓉製成，係兒時食過嘅味道，如果可減甜就更好。🍽松子仁脆皮叉燒包 (大點)外層似墨西哥包，叉燒餐包餡，加松子仁無太大幫助，正常質素。🍽蜂巢炸芋角 (中點)芋頭餡綿密，但外層嘅酥可鬆化啲，咬開後有驚喜，第一次食芋角個餡帶肉汁。🍽鳳爪排骨煲仔飯 ($55)排骨淋得黎唔霉，飯粒分明夠乾身，加埋用煲仔煮嘅特有香氣，成功俘虜阿爸嘅胃。🍽一口金磚 ($58)原來呢款係四月新品。咸蛋黃味濃帶沙沙嘅質感，包裹住櫻花蝦蘿蔔糕再落鑊炸香，估唔到蘿蔔糕比

< 大圍小館 > 📍大圍前幾晚同咗屋企人去大圍食飯 呢間中菜館質素唔錯 推介👍🏻先上兩小碟前菜 分別係自家製琥珀合桃同鹿茸菌 鹿茸菌係雲南特產 爽口好香麻油味 唔錯😆🖤意大利黑醋肉排 $188用咗原支意大利黑醋去整 肉排份量好多😍 肉質唔會嚡 而且好入味 另外個調味啱啱好 黑醋唔會太酸😆 推介👍🏻🐟蒜香無骨魚 $168用咗九肚魚去整 無骨啖啖肉 魚肉好滑溜😛 炸得好香口 蒜香味十足😋 用竹籤串起方便進食 好貼心👍🏻🦑豉油王吊筒仔 $188吊筒仔好新鮮 佢係原隻處理 食到原汁原味 豉油王唔會太鹹 反而可以帶出吊筒仔嘅鮮味👍🏻👍🏻 底層仲有芽菜 幾惹味😆🍆甜梅菜竹笙蒸茄子 $158用咗天然竹笙 好大條爽口 茄子走咗油 加埋甜梅菜同竹笙好夾😋最後食埋甜品作結 分別叫咗蒟蒻綠豆馬蹄爽同陳皮紅豆糕🥰 蒟蒻綠豆馬蹄爽都係自家製 馬蹄爽清甜解膩 綠豆清熱解暑 唔錯😆 陳皮紅豆糕用咗十五年陳皮 食到香濃嘅陳皮味 好特別😛

大圍小館好近大圍站嘅中菜館，門口裝修好有中國特色，行過一定認得出一入到去就會有人幫你開茶，同拎前菜 琥珀核桃，來自雲南既菇菌。核桃香脆帶甜，菇菌比想像爽口。意大利黑醋牛仔柳 $188黑醋整成嘅醬汁酸酸甜甜 ，消除肉嘅油膩感又開胃。牛仔柳已去骨方便食用，肉質嫩滑冇筋，仲有少量蘆筍作配菜天下第一叉 $118似乎係呢個嘅招牌菜，超級厚切嘅叉燒，外面燒後比較乾身同脆，內裏肉質軟又多汁，再加埋蜜汁，仲要今次呢份既肥瘦比例適當，十分惹味。香濃腐乳炒蝦球伴西蘭花 $168蝦球好新鮮，爽口彈牙，冇諗過配腐乳係咁夾，味道來講都唔錯三馫籠仔蒸飯 $188分量超級多，應該夠三至四人食，有好多嘅魷魚蝦乾，凡係粒粒分明，食落好有口感職員服務態度好好，食物質素都好，價錢略貴，但都值得一試！

大圍小館 (大圍). 前菜有甜核桃以及野生鹿茸菌，非常爽口.天下第一叉 - 店鋪名不虛傳的叉燒，半肥半瘦而且非常厚切，蜜汁令叉燒閃閃發光食欲大增.甜梅菜竹笙蒸茄子- 限定菜式，非常特別新奇配搭，少量甜梅菜入曬竹笙以及茄子味.豉油皇鮮鵝腸-不肥膩，好惹味，又夠乾淨及爽口.香濃腐乳炒蝦球伴西蘭花- 香港老字號腐乳廖媽記，蝦肉非常非常爽口.薑米蒜香龍仔蒸蟹飯-一上枱香蒜味撲鼻而來，原籠上枱，飯係有味的油飯，又係招牌菜幾乎每枱必叫.食好後店員更送上糖水，綠豆馬蹄蒟蒻糖水，從未食過！.大圍小館 (大圍)大圍積福街92號地舖.

已經唔係第一次幫襯大圍小館，覺得佢d小菜嘅水準次次都keep到，真係非常適合帶埋啲長輩一齊嚟食飯～首先坐低未叫嘢食，就有呢兩碟小菜，琥珀合桃又甜又脆，唔使1分鐘就俾我哋清晒～另外一碟係梅子苦瓜，本身我哋係唔食苦瓜嘅，覺得冇咗嗰浸苦澀味，口感清爽酸酸甜甜，最後有少少回甘，不錯～小炒王非常有鑊氣，最特別嘅入邊係有松子同埋蓮藕，撈飯一流籠仔梅菜蒸菜心，好睇又好食豉油王鮮鵝腸，鵝腸口感一流第一叉係必須要點嘅招牌菜，外脆內軟，舊叉燒差唔多成寸厚，啖啖肉非常滋味！姜米籠仔蒸蟹飯，估唔到隻蟹咁大隻！價錢仲要相當合理，姜同蒜撈埋啲蟹肉一齊落啲飯到食，超美味呀～好多人都推薦嘅炸鮮奶，工序繁複，又甜又脆，正15年果皮紅豆椰汁糕，呢個甜品真係非常之有誠意，係用咗15年嘅陳皮，強烈推薦！整體來講全部食物都好有水準，下次要再食～

大圍小館 (大圍).呢間真係罕有我地全五星嘅中菜館，不論食物環境以及員工服務態度都非常好👍🏻入門口前必須量體溫以及搓手，環境幽靜，裝修雅致，枱與枱之間有超大透明膠膜擋住，感覺好安心. 🔹天下第一叉🔹.真係好好好好食，有天下第一叉的名號真係名不虛傳瘦肥比例7:3，我諗好多人都會覺得係好完美嘅比例，唯獨係我唔食肥肉😂但舊叉燒用上等脢頭肉好好惗好好食😋呢個係每次到必叫.🔹豉油皇鮮鵝腸🔹.呢個又係好食到不得之了，豉油皇色澤令人充滿食慾，簡單廉價鵝腸能登大雅之堂更加顯廚師嘅功夫，味道濃郁，鵝腸爽脆，洗得非常乾淨.🔹香濃腐乳炒蝦球伴西蘭花🥦🔹.選用香港地道老字號腐乳廖媽記，蝦球充滿中國芝士腐乳和，西蘭花好甜🥦如果大家喜歡腐乳呢個必吃！.🔹薑米蒜香龍仔蒸蟹飯🔹.大大隻蟹配以油飯加上葱蒜，飯嘅份量好多，上次我地兩個人食有叫今次四個人食剛好！.🔹甜梅菜竹笙蒸茄子🍆🔹.呢個係好似係期間限定菜式，見到係另一份menu到，從來無諗過呢兩樣材料可以配搭一齊！好驚喜因為都非常好食😋少少甜嘅梅菜加上非常爽口嘅竹笙，好入味，另外個茄子都好好食！.📌 大圍小館 (大圍)大圍積福街92號地舖.——————————————

終於可以4人食餐飯，餐廳裡面檯與檯分隔好足夠，而且用透明膠分隔，唔會有壓逼感，坐得好舒服。一坐低侍應就奉上兩小碟前菜，講真，兩個前菜水準都超級高！勁想encore!!琥珀合桃係佢地自家焗，甜都適中好香脆，焗到金黃色入口脆卜卜完全無油膩感。話梅涼瓜酸酸甜甜好易入口，酸梅將涼瓜嘅苦澀味完全消散咗，淨低嘅係涼瓜的一點甘甜。淨低嘅醋我都完全飲晒，因為話梅的甜溶係醋中，好似飲緊無酒精的陳年花雕主菜我地叫咗5餸一飯，唔好睇每碟細細咁，食起上嚟超飽，我地4個人抱住個肚走。蜜燒牛柳粒配薯仔牛肉味突出，唔會被蜜汁的甜掩蓋；肉質鮮嫩有咬口，唔似用梳打粉嗱爛晒嘅廢牛。厚切叉燒真的超！級！厚！！但即使好厚，中間無乜脂肪的部位依然滑口Juicy，更加唔洗講外面肥嘟嘟充滿油脂的部份。講真平時好憎食瘦叉，丘呢到嘅叉燒不管肥瘦都係水準極高！意大利黑醋肉排比起平時食的黑醋排骨，佢地用嘅意大利黑醋係更香更醇，唔會有一噚死酸味。肉排肥瘦適中，啖啖肉好適合食肉獸嘅朋友豆醬雞侍應介紹佢地嘅豆醬係自家制正宗潮式豆醬，係用天然黃豆製成。比起街外的會更香更滑，而且仲無咁鹹。一入口，真係驚喜，即使好多豆醬都唔會好鹹，而且黃豆味非常突出

餐廳位於大圍站附近，過條馬路轉過彎就到，地理位置非常方便，我哋呢啲唔係住喺呢一頭嘅食客都非常容易就搵到。門口有好多紅燈籠同懷舊櫈仔，非常之容易認。一坐低就有兩個小食，分別係琥珀合桃同苦瓜，我估個苦瓜用話梅醃製過，入口酸酸甜甜最後尾先回甘，真係好開胃呀！我第一次嚟乜都想食，有少少揀唔到食咩好，好彩有個好熱心嘅店員話幫我哋發板👍🏻👍🏻小炒王豉油皇鵝腸甜梅菜蒸菜心第一叉呢個係半份嘅份量，勁厚切，每一舊都有包Tempo咁厚！肉質意外地非常鬆軟，真係好好食呀！果然冇介紹錯啊！薑米蒜香籠仔蒸蟹飯呢個又係好食到不得了！個賣相又靚，二百幾蚊冇諗過會有成隻蟹，一打開個籠嘅時候大家都忍唔住”哇”左一聲!炸鮮奶呢個甜品係送嘅，姐姐話用咗15年嘅陳皮去整個紅豆糕，估唔到連一個送嘅item都咁有heart呀！本來想食呢一個，但原來要早一日訂㗎，唯有下次先試啦！

一心諗住同朋友食好嘢，點知味精又重，食完個口成晚都好口乾，又欠缺鑊氣，份量非常偏細碟(不過好在細碟，咁嘅味道如果唔係唔知點食晒)，好在只叫左3款食物: 腐乳蝦仁西蘭花 🥦- 蝦沒有蝦味，而且只有6-7隻，腐乳不夠香，好重味精。🤮🤮半份叉燒 - 太甜，肉沒有肉味，只食到一口肥😓大澳魚香茄子 - 見個名咁強調大澳，又係茄子應該唔會中伏，點知仲差個樓下茶餐廳。完全沒有鑊氣，沒有果種鹹香味，只係一味死鹹，仲越食越鹹。🤮🤮🤮🤮真心很少寫食評，除了會評論特別難食又貴的那些名不符實，沒有誠意的食店。

大圍呢一間大圍小館真係一間幾高質嘅中菜館，服務態度又好，地方環境亦都唔錯，坐得非常舒服， 食物方面非常高質，特別一題係佢個叉燒，非常厚切， 超級鬆化 係一個必食選擇， 同埋佢個松子仁炒飯亦都好香好好食， 仲有一個意大利黑醋骨亦都非常入味肉質鬆化juicy ，真心推薦 呢幾款招牌特色菜。 特別一提佢個甜品紅豆椰汁糕亦都非常有心思, 食到好香嘅陳皮味，紅豆亦都好足料 ，呢個真係好好味，食完一件又一件， 呢一間大圍小館下一次一定會再嚟啊！

屹立於大圍嘅一間傳統粵菜館，最近見到有人share呢間中菜餐廳最近推出每枱送鳳梨一個🍍當然要大大力支持小編食完之後表示呢間真係我食過少數值得支持又出品高質嘅中菜，我一定會再翻兜☺️🤟🏻-第一叉 $118一講起叉燒大家可能以為頹飯先會食到，但呢個叉燒係咁大個人第一次食過咁厚嘅叉燒🤩外面燒得焦香，裡面肥瘦均勻，裡面好嫩。另外係用花蜜去燒所以食落甜甜地有陣陣花香味道😍😍-豉油王鮮鵝腸 $158鵝腸好新鮮！食得出係真係用新鮮鵝腸整的🥰全部都大大條，食落口感爽滑彈牙🤪-蛋白薑米蒜香蟹飯 $258份量好多，兩個人未必食得晒🙈面頭舖滿蒜蓉、薑同蔥粒，而且有吸收到蟹嘅鮮味，一啖飯一啖蟹肉，唔使講都知幾香😍-啫啫唐生菜煲 $128上到台面熱辣辣冒晒煙，店員會幫手撈一撈勻佢，應該係落左蝦醬所以食落好香好香😍

《😋名不虛傳👍第一叉🍖》睇過網上人講，講到依間既叉燒係全港第二間好食，但價錢親民又近我，當然要試試佢啦！果然，午市預左等半個鐘起碼先入到去🤡為左食，點都等！======================一坐低，當然叫馳名嘅第一刀叉燒啦！講到係好勁咁，再叫左啲其他野咁～嘩！真係樣樣都正！😮先講蜜汁第一刀叉燒$118/5件，厚切到一舊等於出面3舊咁！ 肉鬆化，味剛好，肥廋比例一流，食完有種超幸福既感覺！☺️唯一係要好大個口先一啖食到，口感不一般，味道功夫不一般，絕對要叫！第二樣令我震驚係薄撐！勁多蔥，櫻花蝦滿怖，勁薄，勁香！係我食過最好食既薄撐🥰第三樣係佢既手工菜，懷舊腐皮夾$41一層腐竹一層蝦膠然後再用高湯蒸！口感富層次，夠哂特別，值得一試！而無啦啦叫既沙薑豬手同川弓白芷魚頭，更係友人一讚再讚～ 沙薑豬手超爽，味道剛好；魚雲個湯勁濃，只係個百福豆腐好唔夾🤡（係我地要求高左，sor, 如果老闆睇到請轉用布包豆腐啦😆）反而煎糯米雞，豆沙窩餅就一般般囉～炸九肚魚如果唔係用依隻脆漿就好lu~總括而言，係好食，性價比高，只係要等，都耐既咁囉～👏👏👏👏👏👏👏P.s. 兩條為食友一個lunch 食咁多，好

大圍難得有間良心中菜館，間中都會同屋企人去食，星期六晚上 一家三口一早訂定位，同訂定個第一叉燒。假期真係好爆場，訂左位都要等一陣先有位。.餐廳以中菜為主打，餐牌價錢好合理，因為份量偏多同有質素👍🏻茶位$22/位，另外再計加一。有好幾樣主菜好多時要訂位時叫定，唔係好多時候都會賣晒。.▪️第一叉（半份）$118半份都好多，六大舊叉燒，每件都超厚切，超過5cm厚度，叉燒表面充滿光澤，用左半肥瘦梅頭肉叉燒慢烤再炭燒，自稱天下第一叉都一d唔過份，臨上碟前加左蜜糖，會中和返個燒烤味👍🏻👍🏻💯.▪️香濃腐乳炒蝦球伴西蘭花$168第2個必點既菜一定係呢個腐乳炒蝦球伴西蘭花，腐乳係用土炮品牌「廖孖記」豆味夠香又唔會太咸，真係好鬼惹味，加埋佢個蝦球好大粒又新鮮。.▪️惹味海蝦干小炒皇$148呢度小炒皇同一般大排檔有d唔同，配料包括：蓮藕 松子 韮菜 蝦干 紅蘿蔔 魷魚... 蓮藕切成條狀，每下都好爽口同索索聲，加上好特別既松子粒粒，炒起上黎有鑊氣又岩送飯👌🏻👌🏻👍🏻.▪️啫啫芥蘭煲$128仲有自己屋企一定整唔到既啫啫煲，加左蝦醬炒既芥蘭條，幼身芥蘭夠嫩口，上枱滋滋聲夠過癮😚.同屋企人黎食永無炸型👍🏻每次食完仲有糖