大圍小食

营业中

休息中

o係金雅買完cookies後, 行前多少少, 就見到呢間大圍小食..好多款式~好吸引呢…用大蒸籠蒸住大大個各中式包( 菜肉, 豆沙, 饅頭等…), 另有同樣大大個生煎包同窩貼~最吸引都係煎釀三寶, 因為多人買, 流量多, 所以不斷炸~保證新鮮…炸蕃薯-約有1.5cm厚, 黃心蕃薯, 但質感粉甜~炸裝又唔厚~炸魚蛋- 乒乓波size, 幾彈牙~好似有加香茜攬魚肉.釀豆腐-大大件-, 豆腐冇散開, 少少實.釀青椒-用1/4個大青椒釀左一大片鯪魚肉隻隻款都係大大件~而且冇炸過火~唔會過硬~$6四件…超抵價~食呢四件做early dinner~夠晒飽lu..

雖然差不多日日去大圍接BB, 但食就好少係大圍食! 今次早到左, 老公又想食, 佢之後就去買左碗 "狗仔粉"係車食. 好特別又之前未食過, 係我老公有咁上下年紀先知 ! 碗粉有肉碎, 冬菇等配料, 不過我就欣賞佢地d辣菜莆 (必加) 成日碗粉最緊要係份量岩岩好又唔會好肥! $15

大圍轉巴士, 亦是為了食而做出此決定. 因為之前已下兩城, 再來, 食什麼呢...生煎包一個算了.這大圍小食, 位置非常之好, 一出車站正門, 直接對著, 方便一菅車, 肚餓餓地或為食既, 咬番淡野. 傳統的魚蛋, 炸大腸, 煎釀三寶.....而且還有一些上海小點, 鍋貼, 菜肉包 等等. 眼見很多東西都是拮慣食慣的街頭小食. 選擇之下, 盲衝盲撞的, 叫了一個生煎包.預左個包會油, 但從來沒想過會油得咁利害. 一拿起, 已經沾到滿手是油, 每當吔包時, 總要壓扁一下, 就一就咀型. 一壓一咬之下, 出來的並非肉汁, 而是油.......頓時搞到滿口油脂, 整個咀因為滿布油脂而變得非常有光澤. 食完抹酒足足用了3塊紙巾, 兩塊抹咀, 一塊抹手......是否我揀錯野食呢, 咁樣既油脂小食.....小吃為妙....

呢日搭錯車，搞到要落車轉的士，見到小食店就買0的外賣返屋企﹗$6有四件，未算便宜，點了魚旦、尖椒及豆腐﹗要讚既第一樣野係佢地既豉油係辣椒豉油，令三寶更惹味亦有提鮮作用﹗魚旦口感實淨有彈性不鬆散，尖椒無刮到籽食著一隻辣到噴火，豆腐夠軟糯亦大件﹗味道不錯的小食店呢﹗

公司飯局在附近, 時間尚早未入席, 見這裡人人都像吃得很滋味, 就忍不住吃幾串燒賣 - 魚肉無腥味, 雖蒸得有點過腍, 但點上豉油味道又不錯炸魚肉 - 剛新鮮炸起, 體積超大粒, 吃落彈牙熱辣辣, 必吃釀茄子 - 茄子亦比坊間的為厚身, 但可是魚肉只薄薄一層, 剛吃完前者很自然的比下去

今日經過大圍小食,見到d碗仔翅勁靚...立即買左一碗黎食啦...嘩..碗碗仔翅勁足料,,有好多木耳啊...超好味....又唔會"結撻撻"....好味..唔知係邊個啊姐煲ga呢...如果知一定要讚下佢....

街坊小食店竟然沒有慣常的招呼, 只有如機械人式的呼喝....食物也是預期的非常一般....只推介兩樣:1) 烤黑椒牛丸(記得加汁) <---- 因為負責燒果個成日掛住吹水, 但燒出來的牛丸出奇的脆皮2) 臘味飯 <--- 幾時食都有水準BLACK LIST:1) 車仔面 <-- 夜班個嬸嬸好串, 又冇禮貌, 仲包到好差, 漏哂湯. 叫佢多少少湯好似殺咗佢咁, 叫佢走蔥應咗你又唔做, 同佢講番仲大聲過你問你仲想點吖....

大圍小食以前成日都會去買宵夜,差唔多咩都食過曬!!!食過既食物感....1.碗仔翅......好稀冇咩味,想食好既碗仔翅去旺角金魚街~~2.串燒.......燒得ok不過一定要佢比熱既你同加多d醬,豬頸肉既蜜汁我一定要掃好多!good3.蒸包......成日都濕濕有水的蒸得唔好!!!4.銀針粉/狗仔粉....有雪味唔知係唔係因為d銀針粉放係雪櫃太耐,不過都ok既5.燒章魚丸......垃圾,一口粉6.魚蛋...尚算ok,因為佢d汁整得唔錯魚蛋本身唔算好彈牙,至少佢唔係一咬就散7.燒賣...好食魚肉唔腥又彈牙,不過一時時架咋有時佢蒸得太淋。8.煎釀三寶....即炸即食正,魚肉彈牙d醬油咸甜適中,不過炸西蘭花唔好食。9."九"菜豬紅....豬紅咸左少少,但不過不失食得落口。10.炒粉....雖然係即炒但味道麻麻,以前佢隔離間小蜜蜂炒得好d(執左)。

蔥油餅 ~ 雖然已經係M記食左一個早晨全餐 , 行經呢間小食店見到有好耐冇食過既蔥油餅 , 忍唔住又買左個黎食 , 煎得好香口而且又夠多蔥 , 食落唔會覺得乾"爭爭"。 鍋貼 ~ 好大隻 , 入面既菜肉餡份量亦唔少 , 食個陣仲有d肉汁 , 唔需要點任何野都已經夠哂味道 , 抵食呀仲有好多新鮮出爐既野都未食 , 下次可以再試埋蘿蔔糕﹑蒸饅頭同菜肉包等 , 價錢都好合理。

本人住大圍, 答火車一定黎食返串佢d辣汁用蒜容整, 重咬到冬姑花椒粒好香, 一開始唔覺得太辣食完先會覺得有野另外佢d8抓魚好粉, 唔好食其他送都ok呀菜肉包蔥野餅平不過格夜既....雞旦仔, 小丸子都係....整好哂放係到另外很喜歡碗仔翅$10, 食完唔覺口渴又有好多冬姑絲^^好足料不過唔好加魚肉呀, 有個fd食過好大問題

今天上班前,想買點東西吃,但麵包又食到厭,於是走到這小食店前尋找我是日的早點左望右望,全是肥膩膩的食物,糯米飯...炸雞脾...咖哩魚蛋...提不起食慾...見好耐無食過雞蛋仔,就試下吧...沒有半排賣的,只好買一排, $8...不過拿上手,完全不暖的,也應該是隔夜的吧...好淋身,也沒有蛋香,一點也不好吃只此一次

最近路經大圍去個fd屋企hea..係火車站對面見到間小食店圍哂人咁..咪八卦走去及吓有咩好食囉..見到有一盆盆既配料就問吓個到d丫姐要0黎做咩既..原來係d車仔面配料. (配料有: 辣菜莆, 蒜粒, 葱花, 蝦米粉.......) 個丫姐介紹話如果食辣既話一定要加佢地既自製加辣汁 . 於是就買咗碗試吓. 有油面, 豬腸, 魚旦, 水魷, 九菜. d餸就同出面d車仔面大同小異. 但係加咗個辣汁就非常之好味 . 之後同個fd 講起..佢話原來個個面既辣汁就係佢地既招牌魚旦汁..日日放工時間都勁多人排架. 下次再去個fd 屋企.. 一定試吓佢地d魚旦同返啅佢地個車仔面.

呢間大圍小食我成日都會去買架。。我自己住大埔。有時都係故意係大圍落火車出去食返粒魚蛋先返屋企。。上星期同男朋友一齊黎呢度買野返屋企當晚餐。。簡左2舊豆腐，2粒魚蛋，1個炒油麵，同一個碗仔翅。。先講魚蛋。可能新鮮炸出黎，好好味。口感好好啊。唔會好似其他d甘好似成口粉甘。。另外豆腐好低食。。大大件。仲要味道幾好。不過一定要一提就係個油麵啦。。原來係你叫先係入面炒比你架。估唔到1間街邊小食店會甘有誠意出面果d通常都係就甘夾比你就係架啦。。熱辣辣。雖然真係比較油。。不過街邊小食有咩係唔油架。。味道真係好好味啊。。材料十足。絕對唔係得d麵甘簡單。值得推介。同埋個阿姐好好人。又好笑容。

上星期收工夜左，又唔係太餓，就買左碗魚肉碗仔翅，點知…好差，差到不得了，成碗野潔"達達"，d魚肉係咁依放落熱水"六"下就算，又冇魚肉味，總之成碗野d味好怪﹗

尋晚食完晚飯...但又口痕!!咁岩又行過"大圍小食"見到有咁多野食..所以就買返幾件野食la...我同阿Ling叫左煎釀三寶但佢貴左啊,以前$5/4件,依家$6/4..錢就好似貴左,但佢大件左好多ar食到我地2個飽到不得了!!嘻嘻由其個魚蛋,大大粒熱辣辣!!!正!!