大圍小食

营业中

休息中

平時同朋友仔開餐gathering唔係叫壽司就食pizza，今次決定轉轉口味，去咗樓下買港式小食😆 住喺附近嘅應該對佢唔陌生，呢間小店主打多款港式懷舊小食，經過已經聞到香噴噴嘅味道，勝在款式夠多而且價錢親民，值得到訪✌️先講講小食，因為太多客所以全部都新鮮滾熱辣，臭豆腐好大嚿，外皮脆脆，內裡口感紮實，一定加甜辣醬撈埋一齊食🥰 煎釀三寶同樣係必點，除咗經典嗰幾款仲有西蘭花、炸魚蛋、粉絲餃子等，款式創新又特別，整體都唔算好油～ 之後有燒賣魚蛋，燒賣入口煙韌，魚味都唔假，魚蛋係陳皮味，彈牙又唔腥，帶點口感，配上特調醬汁，夠曬惹味😆 仲有炸雞髀同滷水雞髀，大大隻，啖啖肉，前者脆身，後者入味，肉質滑身又多汁，兩款性價比高！串燒方面都有好多選擇，必點炸大腸，洗得幾乾淨，外層脆卜卜又有咬口、豬頸肉帶微微焦香香氣，食落爽脆，口感豐富、雞肉好嫩、魷魚同樣有驚喜，大大條而且估唔到呢兩款燒完都唔乾！碗仔翅好足料，餡料滿滿，飲落鮮甜濃郁，濃稠度啱啱好，美味、另外有幾款主食類，魚肉翅、生菜魚肉、魚皮餃，魚肉紮實，魚味幾出，似係新鮮嘅、魚皮餃嘅皮就偏厚，煙煙韌韌咁，而且幾大粒，份量好足，可以一試😂

🧡💚❤️仲係咁臭 仲係咁重口🍢次次掃街我都要求醬無限多，氣味無限大😂唔係重口味都唔會食🤪💛臭豆腐💛 $15/件獨特嘅味道同氣味，依個炸物咁重口味 冇理由唔食啦！🤭臭豆腐就係臭香臭香嘅，搭配黃芥末、辣醬、豆瓣醬，入口先係醬多多嘅滋味，然後係外酥內綿嘅炸豆腐！🤤醬夠多，味道先可以極致咁豐富！🤪❤️炸大腸❤️ $15同樣都係即叫即炸嘅重口小食，依串炸大腸油脂豐富又有彈性😍口感上好滿足！加上黃芥末 味道刺激又過癮！🐷💚煎釀三寶💚 $20/5件講就講話三寶，但依度有好多寶🤪除咗坊間會食到嘅，仲會有西蘭花🥦蕃薯🍠粉絲餃子🥟等等一啲比較少食到嘅「寶」，魚肉入口有彈性，份量好足夠😆食完成盒，真係飽足感滿滿！🤎雞蛋仔🤎 $15鬆軟香甜，有雞蛋嘅香氣🤤逐粒逐粒食又得，大大啖咬落去都得😌漲卜卜 圓轆轆真係好得意！🤍格仔餅🤍 $15格仔餅嘅口感實在，外皮偏硬脆！內餡可以要多醬，特別係煉奶同花生醬呀！🥜(嗌返句：「靚女唔該」就得啦！🤭)🩷串燒豬頸肉🩷 $16/串 $30/2串燒得咁惹味，唔食會對唔住自己🥹豬頸肉切成塊狀串起，一啖一件，嫩滑多汁 油脂四溢，仲有燒烤風味！🐽💜串燒雞肉💜 $16/串 $30/2串雞肉串嘅肉

一大班人去完大圍踩單車勁肚餓，一齊掃街好開心大圍小館都算係大圍名物，做完運動必食之選價錢就真係唔貴，阿姐仲要勁好人，食到的喺香港味道滷水雞髀雞脾大過我塊面，踏完單車系要補下蛋白質滷水滷得入味，甜甜花椒香煎釀三寶未見到咁大件的煎釀三寶，卡路里爆表仲有西蘭花簡，款式多，幾得意碗仔翅碗仔翅勁足料，勁多木耳、粉絲、肉絲，口感豐富想豐富D仲可以再加魚肉加料，當正餐食魚肉好彈牙，碗仔翅做底，夠濃郁炸燒賣炸燒唔系咁多地方有得賣，但其實好好正脆卜卜熱辣辣，配個椒鹽粉，昇華左麻辣魚蛋慎選寶系好辣，食得辣系爽的

有朋自遠方來 話想試下香港地道小食🇭🇰去完大圍踩單車 諗起呢間老店係大圍開左2X年 抵食又好食 性價比極高係到掃左勁多小食 充滿香港風味🥰大圍小食係大圍火車站附近 勁方便離遠已經見到好多人 小食店主打港式地道小食 好多元化魚蛋燒賣 煎釀三寶 即燒串燒 碗仔翅 車仔麵 應有盡有價錢全都好經濟實惠 😇買左2樣小食即場食完 最後決定索性買多D返屋企做晚餐慢慢嘆😉💥咖喱三寶豬皮蘿蔔魚蛋 勁大碗 好足料 重點係加埋小店自家秘製咖喱辣汁蒜辣味重 勁惹味😋陳皮魚蛋爽口彈牙蘿蔔清甜 豬皮吸哂D辣汁好好味😍💥臭豆腐啱啱炸起 勁香外脆內軟 食落回味無窮☺️💥魚蛋 燒賣 魚蛋好香陳皮味 彈牙好食😉燒賣係魚肉燒賣 煙韌有魚肉味💥 煎釀三寶除左平時既紅腸 青椒 茄子呢三寶之外仲有豆腐 西蘭花 冬菇咁 好多選擇全部都大大件 即叫即炸 😎新鮮熱辣 好好味 😆💥即燒串燒 即燒串燒都係小店既招牌 🍢🍡仲有多款醬汁調味可以揀我地叫左豬頸肉 雞肉 大魷魚串燒岩岩燒完 再加D孜然粉勁好味豬頸肉大推 厚肉又KEEP到個肉汁 正😍💥魚肉碗仔翅碗仔翅勁足料 有竹笙 冬菇絲 雞絲 粉絲味道濃郁 再加埋勁多魚肉魚肉彈牙 勁抵食😉💥滷水

上完瑜伽堂總係經過呢間小食店 每次都大排長龍！o(*^▽^*)o朋友話佢由細食到大～尼間小食店做左好多年 好受歡迎୧( •̀ㅁ•́๑)૭✧性價比好高！我見到煎釀三寶有西蘭花 好特別😍而且見到舖頭攞過香港特色美食魚蛋燒賣嘅金獎˖ ࣪⊹所以決定同朋友們一齊掃小食返屋企開大餐😋❀ 司華力腸❀ 豬頸肉❀ 雞肉❀ 魷魚店員會先加上蜜糖現場即幫您烤串燒再比您自助任選調味粉 香茅 咖喱 川椒 黃薑 孜然 辣椒 黑椒 七味 ⋯我就簡左七味mix 孜然ฅ•ﻌ•ฅ十分惹味 岩哂夏天想bbq又怕熱既您！師傅燒得岩岩好 肉質軟棉棉魷魚好香 ( ˘ ³˘)♥❀ 煎釀三寶 好特別第一次見煎釀三寶有西蘭花！我地每款都試一下滿足一下個胃(＾▽＾)❀ 滷水雞髀滷水滷得十分之入味肉質滑身！我地一人一隻唔洗爭o(*^▽^*)o❀ 臭豆腐平時都係加甜醬估唔到加上豆瓣醬好有驚喜！仲好邪惡(＾▽＾)好香既臭豆腐味！大大舊 ！❀ 陳皮魚蛋❀ 燒賣加上佢地既秘製辣醬汁果然係靈魂！難怪拎金獎<唔會太辣 唔點食辣既我都食到❀ 炸大腸拎到返屋企仲脆 香港街頭小食我最中意係炸大腸！❀ 水魷❀ 八爪魚好有鮮味 ！❀ 碗仔翅碗仔翅都係相當足料

尋晚睇完YouTube, 見到有人整雞蛋仔, 發覺自己係無可能整到 (因為唔會轉登買部雞蛋仔機去整)今日放工經過見到有就買黎食, 佢係即整既, 大約等左5分鐘就有見佢係即整, 跟住整完又放左係個架度抖一抖氣, 我真係滿心期望, 點知一食! 好難食!入面d粉多到喊, 完全填滿晒, d粉唔值錢都唔洗咁落法, 我覺得好似食緊光酥餅咁然後蛋漿個味都係唔好味, 個面又唔脆…真心未食過咁難食既雞蛋仔, 爭d喊左出黎…究竟識唔識得整雞蛋仔??

📍#大圍小食 (大圍)大圍富嘉花園22號地舖▪️▪️▪️▪️▪️▪️▪️▪️▪️▪️▪️▪️▪️▪️喺大圍屹立20多年嘅大圍小食，一直都係大圍嘅地標，冇理由冇聽過佢嘅名。屹立多年依然係質素保證，到今時今日街坊行過依然會去篤串魚蛋😆✨#煎釀三寶除咗平時常見嘅茄子、紅腸、青椒，亦有豆腐、炸魚蛋，特色在於仲有炸餃子同西蘭花🥦，選擇非常豐富。煎釀三寶真係要即叫即食，非常香口。✨#肉碎銀針粉除咗串燒之外，亦有粉面類可以選擇，肉碎銀針粉性價比都唔錯，銀針粉煙煙韌韌有咬口，唔會太腍，仲有好多肉碎、冬菇，亦有炸蒜蓉同埋香蔥，鍾意食辣嘅話仲可以加啲辣菜譜😍✨#即烤串燒 (豬頸肉、魷魚)超級推薦豬頸肉🔥 大圍小食嘅串燒必食！豬頸肉厚肉之餘充滿油脂，唔會燒得好乾，口感彈牙，下次去一定encore豬頸肉😍 魷魚都好好味！即叫即燒，上面加咗啲孜然粉更加惹味✨#魚蛋拼燒賣 配秘制沙嗲辣汁(自家制)傳統嘅魚蛋燒賣配秘制汁真係冇得輸，食到停唔到👍🏻🤩咬落去好有口感✨#生菜魚肉及碗仔翅加左醋同胡椒粉，味道啱啱好，唔會好酸🤤超級足料，每食一啖都食到豐富嘅食材，魚肉好新鮮，食完好飽😝✨#港式炸大腸最鍾意食炸大腸，好特別，炸到好脆，唔會覺得好肥好油，加

今日好充實😎 去咗沙田文化博物館，張國榮個館細咗D, 李小龍館好睇，其他館都好好睇跟手就行去呢幾日勁多人既圍方，簡單行個圈即閃 😅嚟得大圍當然要去食我最愛既臭豆腐及串燒豬頸肉、魷魚啦🤩大圍小食有哂我平時掃街會食既野，就連狗仔粉、油渣麵都有😋唔怪得咩時間嚟都咁多人排隊啦燒賣、魚蛋、煎釀三寶、炸大腸呢D絕對必食，掃哂返屋企慢慢嘆每次嚟都有小驚喜，芫荽控既我發現佢有芫荽狗仔粉😍嘩嘩嘩，D芫荽多到睇唔到D粉當然要碗啦🤣 大滿足哦💯買完快快過對面搭東鐵歸家了✌🏻

今晚去左大圍果邊去探個朋友，同朋友見完面之後，就同太太行過去大圍站，就經過見到呢間「大圍小食」依舊大排長龍😬之前黎過一次都係咁墟冚！果然係人氣店😋當然我哋都唔會輸蝕加入戰團啦😂煎釀三寶大大嚿好好味，款式非常多！炸到卜卜脆熱辣辣！平時好少會見到有西蘭花同冬菇呢度都有啊！😋炸大腸完全冇羶味！外層脆卜卜！有咬口！😋炸臭豆腐外層炸到酥脆！裏面軟綿，大大嚿！亦非常之香！如果鍾意食臭豆腐嘅朋友真係舔晒脷😋秘製醬汁魚蛋燒賣燒賣同魚蛋都好煙韌，魚蛋仲用左興利嘅陳皮魚蛋！無魚腥味！配埋呢個秘製辣醬無得頂呀！😊韭菜豬紅豬腸呢個真係非常欣賞佢嘅豬腸！蘿蔔又腍又甜！😋肉碎銀針粉呢個銀針粉又夠煙韌又夠爽口😋好味😊串燒(雞肉、豬頸肉)串燒即叫即燒！又熱辣辣又香噴噴😋不可不吃😋魚肉翅經典小食之一，由細食到大！好似食返以前細個嘅味道😋P.S. 呢間係開左多年嘅Made in Hong Kong 🇭🇰 嘅老店！性價比好高！大家真係要多多支持💪

香港人真係好鍾意”掃街”🍴街頭小食嘅品種真係多不勝數😋呢間喺大圍開咗好多年嘅大圍小食 ，真係講得出嘅香港街頭小食佢都有😎今次我哋一次過買咗好多款返屋企慢慢嘆🤤煎釀三寶嘅款式都有好多，連好少見嘅西蘭花都有😆釀嘅魚肉份量都唔少，一啲都唔孤寒，又夠味，唔使點豉油都得。串燒豬頸肉一啲都唔韌，加埋唔辣嘅沙茶醬好香口，兩個大嘅小朋友食到唔停口😆脆皮豬大腸外皮夠鬆脆；臭豆腐同樣都係外脆內軟，配埋辣椒醬同甜眷一齊食，真係好正😋豬油渣粉係我嘅最愛，豬油渣夠乾身，吸收咗湯汁之後好好味🤤以胡椒湯做湯底嘅韭菜豬紅豬大腸都係好好味，豬紅夠入味，大腸又唔會過肥👍🏻普通嘅燒賣配合埋店家自製辣醬，真係好惹味，鍾意食辣嘅啱曬😌

相信好多人都唔會唔識大圍小食，佢係大圍都開咗好多年，性價比非常高！由以前開始，我次次入大圍踩單車，都要買佢嘅小食嚟食！我就最鍾意佢嘅燒賣、魚旦，因為佢上面嘅辣汁係舖頭特製嘅，非常好味，d汁越多越好😋我今次仲試咗其他小食，包括：碗仔翅、油渣麵、臭豆腐、豬大腸、串燒豬頸肉/雞肉等！全部都相當有水準！好有港式風味！特別係串燒豬頸肉，估唔到小食店燒出嚟嘅同泰式舖頭整嘅味道都大同小異，好惹味！大家下次都可以試試佢！不過我好後悔買咗部分食物返屋企，搞到無即場食咁正🥲下次都係即叫即食先得！

💁🏻‍♀💁🏻💁🏻‍♂️️💁🏿‍♀️💁🏿💁🏿‍♂️🏷 大圍小食@大圍💁🏻雞蛋仔、格仔餅、煎釀三寶、特色串燒、魚肉碗仔翅、豬油渣麵、魚蛋、燒賣、韭菜豬紅等等應有盡有開業多年嘅小食店，經濟實惠，每次經過都俾佢嘅小食吸引住香港特色嘅雞蛋仔同埋格仔餅即叫即整，私心推介魚肉碗仔翅，非常足料，魚肉數之不盡煎釀三寶，竟然有炸西蘭花，都係第一次見是否推薦↩️？✅ys, 勁邪惡，但好好味，推介大家魚肉碗仔翅

🌟餐廳：大圍小食📍地址：大圍富嘉花園22號地舖💰價位：～$50⏰營業時間：星期一至日營業至凌晨2點                      打風落雨唔想周圍去，最好既活動就係買一大堆小食返屋企慢慢歎~今日就趁打風之前落去左「大圍小食」瘋狂掃街~餐廳係大圍火車站附近，主打魚蛋燒賣、即炸煎釀三寶等，仲有車仔麵、狗仔粉、即燒串燒等等，食物種類夠哂多元化，好受附近街坊歡迎~———————————————————🔹魚蛋拼燒賣 (配招牌自家制辣汁) 燒賣選用以魚肉制餡料，入口煙韌有口感~魚蛋採用傳統老店興利祥記陳皮魚旦，啖啖陳皮味，彈牙又唔腥~燒賣用魚肉制成，煙韌得黎又有魚肉味~餐廳老闆特調既秘制辣汁係一定要試，蒜香味及辣椒味夠突出，食得好過癮～———————————————————🔹炸煎釀三寶呢度既煎釀三寶係我既最愛～款式夠晒多之餘，每款都大大件，除左紅腸、炸魚蛋、豆腐等等基本款式之外，仲有炸韮菜餃子同激辣青椒，梗有一款啱你心水～———————————————————🔹椒鹽炸燒賣超惹味既炸燒賣！燒賣炸至外層金黃香脆，再灑上椒鹽粉，熱辣辣食特別惹味～———————————————————🔹即烤串

今日又來探我妹，地頭蟲今日帶我食❤︎︎大圍小食❤︎︎呢間小食店喺大圍屹立多年，出名性價比高👍🏻我妹話成日見到佢地有人龍出現🦸🏻‍♀️一定係勁東西😋❀❀❀❀❀❀❀❀❀❀❀❀❀❀❀❀❀❀❀❀❀❀❀❀❀⭐️我妹推介必食嘅魚肉碗仔翅👍🏻超足料濃郁😋魚肉彈牙大舊，湯羹口感順滑，有大量冬菇絲同木耳絲⭐️我推介豬油渣麵😋腩肉炸得透徹，油渣偏乾身減輕油膩感，食落爽身，湯底鮮甜👍🏻記得跟埋佢嘅自製辣菜脯，辣得來相當惹味，直頭將碗麵提升至另一個境界😍⭐️我地一齊推介嘅韮菜豬紅豬腸韮菜嫩而無渣👍🏻豬腸無異味，洗得好乾淨👍🏻口感軟韌適中👍🏻我好鍾意食豬腸😆呢個私心推介必叫之選🫶🏻肉碎狗仔粉 淋上蝦米，菜脯同蔥，煮得岩岩好，夾起唔會碎散散👍🏻燒賣魚蛋 呢到啲魚蛋係陳皮魚蛋來架，魚蛋結實富有陳皮香👍🏻燒賣口感軟糯，食得出魚肉味👍🏻豬頸肉&雞肉串燒 個豬頸肉串燒濃烈嘅燒烤加埋孜然粉嘅香味，肉質爽彈👍🏻飲返罐啤酒🤤人生一大樂事煎釀三寶 全部大大件😋巨型版三寶😂個尖椒好辣架，推薦比鍾意食辣嘅人，我妹食完變左孖潤腸嘴🤣

📢📢靚女食乜嘢？📢📢要一份燒賣多豉油辣椒油跟住要多份咖哩魚蛋多咖哩汁煎釀三寶每款一件兩件臭豆腐多醬串燒原隻魷魚同串燒雞肉整多隻咋髀添呀！要埋炸大腸同燒墨丸係咁多唔該😀有幾多人同我一樣都鍾情香港特色文化由遠古年代車仔檔到而家嘅特色小食店我對佢哋嘅熱情從來冇減退以前鐘意逐間買逐間食而家要照顧家庭我就鍾意去呢間大圍小食港式味道濃厚款式齊全一個舖頭可以買哂鍾意嘅小食呢度燒賣煙韌魚蛋彈牙三寶夠大粒臭豆腐脆炸乾身串燒沙嗲汁惹味炸髀啖啖肉百吃不厭人均消費💰 ： ＄ 50總結✍ ： 香港地道多選擇.NatNat評分💎💎💎💎(5💎為最高)