大喜屋

营业中

休息中

難得在沙田見到有日式放題，當然要試試。平時放題叫野食都要紙，很容易漏單，今次店員建議用app叫，就方便得多。食物種類不算多，但該有的都有，質素也不俗。而且外面還有數款熟食可供選擇，至於飲品方面，有酒精、有凍飲、熱飲，比較驚喜的是連暖飲都有。桌椅擺放有留足夠空間，不會有壓迫感，也方便到外邊攞飲品和小食，就是冷氣太大，如果坐在冷氣口，那就有得受了。員工都很和藹，有客人問點落單，就算是在收拾桌面，都樂意先停下來答客人先。如果一個人食，去廁所去耐咗，回來時桌面已被收拾乾淨，只要說一聲，還是能繼續食，對於習慣一人食飯的我而言，這點令我感到非常滿意。

平時最鍾意食放題既我，聽同事講沙田廣場開了一間全新大喜屋，當然要同屋企人食餐勁啦💪我地選擇食午市放題，由12:00到15:00時段任飲任食都係$198加一。 出菜速度尚算快及準確，剌身樣樣新鮮，三文魚非常肥美，甜蝦非常新鮮鮮甜，北寄貝色澤紅潤，赤貝食落爽口😋😋😋 點了虎蝦天婦羅🍤及蟹柳天婦羅，平時好少食怕有大量粉漿覆蓋，但呢碟天婦羅粉漿只係加入了小小，蟹棒都幾鮮甜，做得吾錯👍 吉品花膠盛宴，一舊一舊花膠成隻手掌咁大隻，煮得好淋好入味😋 蒜香牛柳粒-肉粒鮮嫩入味👍食飽飽之後就到甜品，這裏甜品都有數十款，飲品都有各式各樣，有清酒🍶梅酒，涼茶，冷熱飲品👍

見乖囡囡已經辛苦考完三星期考試，就book左沙田大喜屋午市放題比佢大食一餐👍入到店內環境好大，大部份都係卡位設計所以坐得好舒服😌更設有自助小食區，飲品區，甜品區及熟食區等😋😋😋食幾多攞幾多，吾會浪費食物，落單採用QR code又方便又環保♻️ 刺身食放題必點，款式多有質素，非常美味，樣樣新鮮，羊鞍亦是必叫之選，肉質嫩滑，有🐑肉香濃味😋芝士蘑菇釀雞翼-雞翼燒得好香口，咬開芝士味道濃，蘑菇爽囗。鮮甜蟹粥-蟹肉啖啖肉，粥底鮮甜無比。黑蒜油叉燒拉麵-湯底好濃豬骨味道，細細，碗已經有好多配料，麵底爽口彈牙😋 最愛甜品試了九款，樣樣都好吸引，好好味😋😋😋食到停吾到口👍

今日和太太, 外父和外母往沙田新開的大喜屋食放題慶祝生日, 一入座見到有個自助熟食區, 有炆牛腩, 章魚丸子和椒鹽蝦, 炆牛腩肉質軟腍, 章魚丸子略嫌粉漿比較厚和椒鹽蝦食落彈牙；之後入座點餐, 刺身方面有希靈魚, 帶子和蝦整體食落鮮甜新鮮；壽司有鰻魚壽司, 火炙蝦壽司、海胸手卷等, 鰻魚壽司食落鮮甜, 飯粒軟綿；火炙蝦壽司醬汁惹味；海膽壽司海鮮鮮甜, 紫菜香脆；其他熟食有雞軟骨串, 鹽燒雞翼、芝麻雞翼、牛柳粒、蝦天婦羅、蟹棒天婦羅、羊架和蟹粥。雞軟骨串和鹽燒雞翼肉質鮮嫩, 食落惹味；芝麻雞翼食落香脆醒胃；牛柳粒食落惹味入口即熔；蝦天婦羅和蟹棒天婦羅粉漿乾身, 食落香脆；羊架食落入口即熔和蟹粥肉質鮮甜, 粥食落軟綿；最後甜品有甜品區, 其中木糠布甸食落甜度適中, 雲呢拿雪糕香滑, 飲品選擇多, 有減肥可樂, 這裡座位舒適, 食物款式多, 上菜速度快, 謝謝外父外母請客, 我和太太食了一頓高質放題。

難得沙田區有優質放題食；趁第一日試業開張，碰碰運氣，竟然排到位便試試。因為新開張關係，環境寬敞，衛生佳。鍾意佢用白燈；夠光猛。三個大人加一個小b，安排坐car位；都坐得舒服。食物除了落單order外；餐廳有一個自助區，有熱食、涼拌、甜點及飲品；款式都算多、味道亦好。可能第一日開始試業，係有少少亂的；我哋入左d單都好耐冇出來；但都唔緊要。職員態度幾好，同佢哋講聲，好快手幫忙出番食物比我哋。我覺得服務都算唔錯了。食放題又點會錯過刺身。食物都叫新鮮；份量亦正常。蒜片牛枊粒：味道都可以天婦羅，夠熱夠脆。鹽燒雞翼；賣相係靚的、但嫌咸左少少。食完有點口乾。整體都滿意；可以一試的。

沙田新開左大喜屋，即刻去試下先價錢平過尖沙咀 有小朋友要注意，90cm 以下，要唔佔位先唔收錢，如果2個人食，加一個90cm 既小朋友，係要抱住，小朋友無位坐，所以訂位前問清楚選擇都算幾多少不了刺生作頭盤，不過不失壽司都唔錯一口牛柳粒，我覺得麻麻地牛舌，唔夠厚，味道一般海脆手卷/龍蝦沙律手卷，好味，細給卷，唔洗食太多飯芝麻雞亦，炸蠔，一口芝士，好好味榴連波波都好濃好味（唔鐘意榴連既人係話好臭😆）燒鰻魚，好肥美，叫完再叫！仲有個夾糖位，貪得意都夾左幾粒飲品，選擇好多，有茶，有汔水，仲有啤酒&清酒甜品，百福豆腐花，提拉米蘇，乳酪，雪糕，雪條等等P.S. 坐位有點迫整體都OK, 依個價錢食放題唔算貴，不過食物一般

端午節做節，自己買餸都唔平，不如來試吓大喜屋新既(沙田廣場)分店。昨天打電話來訂位，訂17:30-19:30優惠時段，準時入座。以往我都係去開尖沙咀殿大喜屋(因為食過後，呢幾年都翻唔到轉頭，試過其他的放題，都食得唔開心)，即使同一集團，但也很自然地，把兩間店去作比較。/ 沙田這間，食物上檯沒"殿"的快，熟食、水果、雪糕品牌選擇也沒"殿"那麼多。/刺身Ok，壽司Ok,(唯左口魚壽司，"殿"做得較滑嫩，入口即溶，沙田這間未能做到這效果，還需努力 )/蒜香牛柳粒好嚡口，可以不試。/比目魚西京燒做得很好，燒得很滑，必食。/Coco Berry的海鹽雪糕及玄米茶雪糕，味道有點怪，可以不試，還是"殿"的海鹽雪糕較好味 。(總括:兩店的價錢，每位大概相差100元左右，所以，用作比較，我都知道有點不公平，所以，我會以二百幾蚊一位，再以食物選擇，食物水準，服務，漏單情況來去作衡量，如100分滿分，這店有80分，10分扣清碟情況，10分進步空間。/ 作為沙田友，懶得出九龍，這店都是放題不錯之選。當然，想吃得痛快，我還是情願比多一嚿水去番尖沙咀殿大喜屋了。)