大喜屋

营业中

休息中

今日到沙田大喜屋食放題，太耐冇食放題真係要大吃一餐。好彩預約左，都好快就有位了。入到去先點一輪菜，之後去拎熟食同飲品先。飲品有熱飲有大量凍飲選擇。一般前菜都有海蜇，中華沙律，螺肉等等。熟食都唔少，有豉汁蒸倉魚都幾好食，炸丸子同餃子都幾香口好味。放題必食刺身，油甘魚，鱆紅魚，赤蝦，北寄貝，赤貝，帶子，櫻花魷魚，甜蝦。都幾新鮮好味，有陣陣海鮮鮮味。芝麻雞翼都好香口野味。鮮甜蟹粥鮮甜粥底綿，咖哩香辣蟹個咖哩味算幾香唔算太辣。燒菠蘿都好香同有好多菠蘿汁。蒲燒鰻魚既鰻魚魚香味濃燒出黎都唔係過火岩岩好。海膽壽司既海膽都好鮮味。鹽燒靖魚同比目魚西京燒肉質都好嫩滑同夠魚油香味。豉椒炒蜆味道不俗同冇沙，雞軟骨香口好味。甜品都好多選擇

朋友放工近沙田，就來了這間位於沙田中心的日式放題-大喜屋日本料理。 八點十五分黎到， 食晚式第二輪，已經排晒長龍。等咗十分鍾安排入座，十分墟冚. 出去拎嘢食, 見到很多不同的食物區。 首先是熟悉有章魚小丸子, 有滷水雞翼，有蒸魚， 全部都夾咗小小來試，十分好味，絕對不是求奇放題的食物，是有份誠意在里面。冷凍區有八爪魚仔,沙律, 泡菜等等,選擇很多. 甜品，雪糕，飲品的櫃選擇也十分多，未食已覺物超所值。終於來到主打的刺身，三文魚10分肥美, 油甘魚油脂重，希靈會很爽口， 赤背也是爽口. 甜蝦和赤蝦很大隻很。 還有櫻花魷魚，鮮甜，重點是櫻花魷魚不是很多間放題都有得吃， 10分特別。其他的燒物，鍋物，手捲，串燒都好有水準， 下次再帶朋友黎食。

在沙田找到的一家放題。非常失望的放題體驗。食材平平淡淡並不出彩，餐廳內還有蟲子，有一隻蟲直接飛到了我們的椰水里，看到就完全沒有食慾了。上菜速度不錯，但還沒吃幾口服務員就把帳單遞上來，感覺就是在催人走。

同朋友發現呢間新開張，下午5點半到7點半食2個鐘先每位200，見到真心吸引就走咗去食食物種類都幾多有齊大喜屋嘅一貫作風，有沙律同熟食bar可以自己夾，仲有2款清酒同老火湯提供，亦有熱飲可以揀(用暖櫃暖住嘅紙包飲品)，其他凍飲同雪糕雪條都相當出色，大部分係韓國知名牌子發覺無泰式鳳爪有少少失望，不過有海蜇都唔錯，不過同一般出面食嘅海蜇口感有啲唔一樣刺身種類都幾多，但個人覺得呢間放題用嘅薄切刺身有少少失色，其他分店基本上都係厚切刺身，不過都幾新鮮呢度嘅壽司賣相都相當吸引，我食放題其實好少食壽司但真係俾佢嘅賣相深深吸引所以都試咗幾款，味道出奇地幾好食，真正有樣有內涵，但掛住食有幾款都無影到相

大喜屋終於開到新界區了！ 位於沙田廣場的大喜屋， 可能是放暑假的關係，平日的午市放題都座無虛席！午市放題3小時任食， 自助區有很多開胃前菜，飲品和熟食。下單後不到五分鐘刺身便來了， 賣相十分漂亮，而且都十分新鮮！另外串燒裏也十分出色， 燒牛舌外脆內軟十分爽口，而且加了少少鹽調味，把牛舌的香味逼影出來！ 雞軟骨脆卜卜鹽燒海蝦夠新鮮， 蝦肉十分結實！一口牛柳粒 又腍又有肉汁！連蒜片一起吃十分惹味，牛柳粒的入面還帶少少生呢！豉椒炒蜆有鑊氣，豉椒味很出！燒比目魚扒， 真心推介，魚肉結實香甜！ 吃多也不會肥！甜品種類豐富，芒果味macaroon和芒果糯米糍也十分出色 macaroon不會太甜, 咬落夠鬆脆芒果糯米糍的皮十分出色，薄之餘非常煙韌， 如果多一點芒果肉會更加好！

大喜屋放題相信大部分人也吃過，價錢便宜但食物質素不錯，猶其是刺身更是人人必點，窮人的放題恩物。今天中午經過大喜屋，才知道原來午市除了放題外也有做定食套餐，新開張還能升級享用自助區。無論刺身定食式丼飯熟食基本一百元內，選擇更多至二三十款，吃足一個月也不重覆。鍋蛋牛柳粒飯定食牛柳粒大小適中，口感柔軟富肉汁，味道濃郁帶黑椒香。配上鍋蛋、燈籠椒及洋蔥等，令飯底更香口惹味。滑蛋豬扒丼飯定食洋蔥滑蛋感覺偏熟缺少湯汁，勝在豬扒算大塊，吉列豬扒表面酥脆，厚度適中，整體還算不錯。大喜屋午市與晚市基本一樣，升級自助區有不少熟食，包括中式蒸魚、小炒、沙津、湯水等，還有女仕們最愛的甜品吧。整體來說，午市套餐選擇多，基本上必有合適的。價錢普遍一百以下，新張能升級享用自助吧，還是很優惠的。

今日下午時間同媽媽來到沙田行街，雖然這裏餐廳林立，但原來「大喜屋日本料理」在沙田廣場開了新分店，所以吃個放題午餐。原來午市放題每位只需要$198， 主要有12類不同的食物，總共大概100款食物，而飲品方面大概30款，食物和飲品都比我想像中還要多。這裏的地方寬敞，光線又充足，設計又帶時尚感，座位又舒適，我們都十分喜歡!我們除了喜歡這裏的環境外，還特別喜歡他們下單的形式，只需簡單掃一掃QR code可以快捷地下單，這樣不但方便，同時又不怕漏單，更重要的是非常環保，絕對值得一讚!刺身包括油甘魚、三文魚、鱆紅魚、甜蝦、八爪魚、螺片、櫻花魷魚、希靈魚、赤蝦、帶子赤貝和北寄貝，每一款刺身都非常新鮮又爽口彈牙，難怪我們都吃過不停!創作壽司包括喜之花籃、海膽山、花之戀、赤蝦松葉蟹繡球和白松露玫瑰賣相吸睛又討好之餘，吃上去更是鮮甜又美味!燒物和串燒燒物和串燒包括黃金燒帆立貝、香草燒羊鞍、芝士蘑菇釀雞翼、鹽燒雞翼和雞翼骨串全都非常美味又香口，但是我們特別喜歡黃金燒帆立貝，大概都是愛它特別濃郁的味道!天婦羅天婦羅方面，我們點了皇帝蟹棒天婦羅、溫室南瓜天婦羅、虎蝦天婦羅和甜番薯仔天婦羅，全都炸得香脆可口又不油

印象中沙田好耐之前都有過一兩間放題，咁中意食野既我知道沙田開左大喜屋梗係要黎朝食一下，係沙田行完街shopping 完，一定要醫下個肚。行完街岩岩好到左9點半有優惠既時間，9點半食到11點只係210蚊再加一，真係覺得好超值。入都去覺得環境都好寬敞，仲有好多香港人最中意坐既卡位。講下食物先，自助bar都有幾多款揀下，好似章魚小丸子，薯角，魚，湯，沙律，通通都有。飲品款式都好多，啤酒，檸檬菜，豆漿，果汁都任君選擇。甜品方面都有不同種類既款式，木槺布甸，泡芙都有得食，仲有雪糕雪條。至於自己落單既食物都係平時放題食到既野，本人就最中意食黃金燒帆立貝，蒲燒鰻魚同埋天婦羅，真係即叫即燒即炸，熱辣辣上台，真係忍唔住order再幾次。食飽之後真係好有罪疚感，又要肥都幾磅。下次同朋友去沙田一定要再食多一次。一次唔夠要幾次先得😝

沙田開左大喜屋 !! 😱😱  新開張午市定食仲送前菜小食放題 !! 😱😱同事之前試過 , 大讚性價比超高 ! 今日終於有機會黎試下 !放飯時間有限 , 今日試左午市定食先 ! 餐牌 : 有好多選擇 , 剌身飯 , 壽司 , 烏冬 , 鍋物 , 不同 ge 定食價錢由 $78 - $128 不等 , 價錢合理  !新張優惠送自助區 ! 😍😍  不過唔包甜品 , 雪糕同雪條平日午飯時間都好多人黎食 lunch / 放題 , 自助區都堆滿人 , 提提大家自助區 ge 食物會轉款 😁有沙律菜 , 泡菜 , 車厘茄 , 麵鼓湯 , 軟糖 , 龍眼等等薯角 - 好脆夠熱 !! 越式春卷 - 好味 ! 炸得好香 !黃金蝦 - 個咸蛋黃醬夠香又唔膩 ! 可惜出完一盤之後就轉左倉魚 ... 冇得 encore咖喱牛腩 - 一般 , d 肉係鞋同埋唔夠腍 , 咖喱味就正常台灣腸 - 正常日式小食 - 👍 我食左幾轉 , 不過八爪魚個醬好杰 , 夾上黎個下有 d 核突飲品方面 , 有好多選擇 , 有凍 / 熱飲揀 ~食完自助區已經 6 成飽 🤣🤣A9 - 海膽魚生丼 ($88)放題 ge 刺身果然係唔差 !

聽住沙田既朋友講，之前食放題，要出到旺角，或者其他地方先有！但而家沙田廣場終於開左一間了！同其他分店分別不大，係第一轉刺身上既時間有小小耐，其他都可以的，無乜漏單既情況，值得一讚！

沙田市中心近期開咗間新嘅日式放題，放假去趁熱鬧，去食個放題午餐。平日大人每位連埋加一，只係198元，相當之抵食。點解會話係抵食呢？帶大家睇吓。要order嘅食物主要係壽司、刺身，另外有唔少嘅料理、燒烤、串燒等等。比較方便同埋快捷會係download返餐廳嘅app，再用app落單，而且可以儲分。亦都可以要求侍應畀番一本點餐紙，食客寫喺紙上邊，再將點餐紙交畀侍應。自取區嘅食物飲品都好豐富。食物有煎炸類、冷盤、甜品、雪糕等等；飲品可以自己斟，亦有獨立包裝，由果汁、汽水，以至清酒，一概任飲。呢度仲有四款天婦羅，係南瓜、甜薯、蟹柳同埋蝦。比較鍾意蟹柳，因為口感對比比較大，外邊脆，入面好軟熟。鹽燒雞翼香脆可口。芝士蘑菇釀雞翼，芝士比蘑菇更突出。三款有特色嘅卷物： 炸虎蝦海鮮卷、牛油果軟殼蟹卷 、芒果吉列蝦卷， 做得小小的，方便多試幾款不同滋味。甜品先吃一款韓國雪條，再來椰果乳酪。 雪條在便利店單買18元，在這裏但在這裏放題是任食，當然要食呢。

大喜屋既放題真係食過好多次，因為刺身好新鮮又抵食，估唔到近期係沙田開左分店呀！！沙田分店一至五仲有午市定食套餐供應，今日就試下左刺身定食~$108刺身有8款，配壽司飯/白飯或烏冬，包一罐飲品。點定食都可以任食放題區既沙津/小食，推介八爪魚小丸子估唔到午市套餐都咁高質，同平時放題一樣一大盤，真係呆左，海膽好鮮甜呀~帆立貝都好大粒，最鐘意係厚切既吞拿魚，有口感又鮮味！配埋烏冬，好份量岩岩好！ 沙田終於唔再只得貴價西餐喇

沙田市中心，大大小小食肆，周圍都是。實有一間是你的心水。今天同朋友去了一間近期hit 爆的日本放題餐廳。一進內店舖非常寬敞及坐位也不少。人也很多，但服務態度不會因為人多巳不好，非常細心貼心照顧每一位食客。這間放題餐所提供的食物林瑯滿目，款式超多，飮品及甜點比一般放題餐館選擇多得很。飲品還有啤酒，青酒，梅酒入君選擇。咖啡，奶茶也少不了。自助吧也有不少選擇，時令生菓，西瓜，龍眼等等。冰箱裡還有超多款雪糕、冰條選擇。主食放題可用電子apps 落單，非常方便。點后送上食物非常快捷，並沒有漏單。主食方面有新鮮刺身、壽司、炸物、天婦羅、煮物、拉麵、一品、串燒等等。還有創作壽司.... 我點了赤蝦松葉蟹繡球，外型設計特別，味道好！這個午市放題只是 $198 加一。但食既份量可以是double。非常超值。

16/7/2019 @ 沙田大喜屋日本料理前日參加沙田遊行時，經過見到原來沙田廣場開了間大喜屋！於是跟緊就去試一試，夜晚順便去聲援我們去吃的是午市放題， 埋單價$198可以吃3小時。 晚巿如果七點半之前離座都只是$200！ 其實真是幾抵食！食物選擇十分豐富，餐廳內使用電子落單的，客人需要scan單據上的q r code，用自己手機內下單飲品有很多，韓式汽水甚至清酒…梅酒…果汁先生的蘋果汁…橙汁， 涼茶和咖啡機也有自家製的甜品區， 特別推介芒果糯米糍和木糠布甸由於食物太多， 已上載的相片又有限，只能介紹一些個人比較喜歡的刺身拼盤不用多說， 雖然整個場座無虛席，可能是因為新開張，餐廳很大，真的十分熱鬧。 上菜仍然一點兒也不慢！而且沒有漏單，值得一讚刺身都十分新鮮肥美 ，還有平日比較少見的櫻花八爪魚壽司選擇豐富，個人比較喜愛火炙壽司，火炙三文魚腩和芝士蟹棒是我必食之選新嘗試：芝士蘑菇釀雞翼， 雞翼外皮燒得很香， 咬落啖啖肉之餘， 配搭芝士和蘑菇， 好像吃西餐一樣 ，沒有違和感天婦羅方面， 不論是炸蝦蟹棒還是南瓜炸皮都非常薄身，而且熱辣辣是新鮮炸起的！不得不提我們重複落單三四次的就是燒比目魚

有見沙田新開放題,本應係胃食貓嘅福音,點知食到成肚火。罪狀多到數唔曬,容我慢慢列出嚟,服務1.BOOK咗台等位呢樣可以接受,始終係繁忙時間,星期六夜晚9點半2.放題2粒鐘,未夠一個鐘Waiter就隊個牌埋嚟叫我哋埋單,一輪嘴機關槍式講幾點完同LO.......明白嘅要埋數同趕收工,都唔係就咁隊埋落去客人張台到...咁冇禮貌3.漏單情況嚴重,同侍應講落咗第2輪嘅ORDER,叫廚房跟跟,廚房可以同佢講冇漏單?即係我記錯失憶???食物食放題緊係咪鬼食壽司,食咁多飯把春咩事實如此,火炙?凍嘅,失敗!戀系壽司?細舊到變懷石料理喇!失敗!!!!!鴨舌壽司?????黑人問號到突破銀河系,冇叫過俾埋嚟做咩事,失敗之中嘅失敗!熟食拉麵?冇啊,漏單啊想食都冇得食天婦羅可以接受水準有條煎咩魚,竟然食完覺得係成間店入面嘅清泉之DISH,多謝上天保佑雞軟骨,不要再說了,食完真係唔想再叫花膠,有驚喜,不過係啲菜!!!!啲菜幾好食!!!好多嘢都想食但好多嘢都冇得食漏。單。傳。說。由此展開!不了,真的不會再光顧了。