大喜屋

营业中

休息中

終於終於等到沙田區有放題了。仲要係大喜屋。😱一定要走潮聖一下!不負我所望，效率高，刺身亦有一定水準！生蝦刺身好正！鐘意食花膠的女仕們一定要試佢個花膠。。最開心的是。。冷熱saka ,梅酒。。。。。任飲。。😝😝

好期待的大喜屋終於落戶沙田，放工又多一個好地方吃放題，價錢中等，食物選擇豐富，地方大而且座位之間有足夠空間感，坐得舒服吃得盡興。《自助吧》踏入店裡已經見到闊落的小食、甜品、自助飲品、沙律吧，應有盡有。《刺身》入座第一件事點選刺身，仙氣飄飄的刺身拼盤，很快便上枱了。甜蝦、螺片、希靈魚、帶子、北寄貝，所有刺身肥美鮮甜，新鮮即叫即做任點任食，小妹平時少吃生冷野也破例吃個飽。《炸物》少吃煎炸油膩食物，但芝麻雞翼確實是無可抗拒，皮脆肉嫩又香芝麻味！《串燒》燒雞翼每個人小時候都鍾意食，鹽燒更加可以吃得出雞肉的原本鮮味。鹽燒海蝦，鮮甜之選。《創作壽司》有一些壽司很有創意，海膽山、赤蝦松葉蟹繡球，看見名字已經覺得很特別，吃落肚味道果然夠獨特。《煮物》如果喜歡熱食想暖胃的話，雪花牛肉鍋、辣酒黃金螺是我個人推薦，二人分享食，溫馨又浪漫。《燒物》吃到停唔到口的蒲燒鰻魚，蒲燒汁十分香甜，鰻魚厚身肥美多汁，越食就越想食。《一品料理》差一點就漏了這個矜貴菜式，吉品花膠盛宴果然名不虛傳，花膠有手掌般大小，口感結實彈牙，養顏滋潤，下次有機會要食兩碗。環境清潔乾淨，上菜速度快，食物有質素，部份細節位有驚喜，份量亦恰到好

平時行開尖沙咀見到呢間店都係要排住隊等，而家沙田都開了，咁就夠晒就腳，出了火車站，在商場駁商場行一陣就可以搵到，完全在室內，就算打風落雨都唔怕！這裡嘅食物選擇超級多，座位都十分闊落，而出面亦有自助沙律吧、飲品櫃、甜品櫃，真係一個價錢有齊晒各人嘅喜好！而因為夠人氣刺身種類多同夠晒新鮮，當然有肥美嘅油甘魚、同我較喜歡嘅希靈魚！而創作壽司亦係推介之選，當中有海膽山，多點幾件，食得十分滿足！而火炙亦十好味，汁燒牛肉、肥美嘅三文魚腩，真係十分肥美！而佢嘅炸物款式亦做得十分出色，榴槤炸彈，咬開就係流心嘅榴槤，外脆內軟，除此之外芝麻雞翼亦十分好味道，夠晒香口！而另一個重點就係燒物嘅蒲燒鰻魚，喜歡食鰻魚嘅朋友，真心推介，多口幾件已經係成條鰻魚，一出即時入口味道更佳！而一品料理內亦有個吉品花膠盛宴，花膠軟熟入味當然見到煮物有個鮮甜蟹粥，粥底夠棉，味道十分鮮甜，粥底內都有大大隻嘅蟹腳！如果食得到出面還有個雪糕櫃，食埋雪糕雪條！一個價錢可以由8:30pm食到11:00pm，所以下次可以再來！記住要訂位，咁就可以不用等位，夠時間就說出自己嘅訂位資料十分方便，當然用app 都可以訂位！

8月31豪雨日意料之外的驚喜早午餐，CP價堅係超高，揀選星期六午餐時段果然無揀錯，食足三小時，完全係大滿足有預先book位係明智決定，坐低後就自助電子落單，電子系統清晰易用，訂單亦一目了然，方便一枱四人同時各自落單後，查閱訂單紀錄，要俾個讚菜色算多選擇，刺身夠鮮夠凍，上枱快，有冰底，唔怕食到變暖刺身，私心推薦希靈魚刺身，個切法令魚肉、魚籽形成一個完美比例，入口鮮甜、咬感十足其他私心 encore 清單：自助小食區的泡菜蘿蔔，微辣有口感，夠醒胃比目魚西京燒，薄切熱上，西京汁調味剛好，魚皮脆香，肉質略帶甜，就咁食經已超好食燒鯖魚，小段熱上，無魚骨，完條食，一樣皮脆肉甜蒜炒牛柳（無俏影），淡淡黑椒味，濃郁蒜味，調味完美配搭，炒出超好食牛柳，快炒功架盡在剛熟口感、肉汁表演出嚟，無得輸燒羊鞍，熱上再加檸檬汁即食，連膏咬，羊味重而香，油份在嘴與肉共舞，跳出令人感動的幸福感再送熱清酒，人生一大快樂也個人最大溫馨提示：熟食一定一定要趁熱食！飲品推介（排名分先後）：熱清酒、人蔘雞湯、熱羅漢果水、凍梅酒、凍椰子水甜品水準都滿意另外，服務一流，上菜快而準，又熱上，收碟快，店內活動空間亦充足，座位舒適，CP價

想食日本野，所以同朋友黎食日式放題，呢間好似開左唔係好耐，裝潢好新。唔同時段係唔同價錢，價錢唔算貴。刺身好新鮮，而且種類都多，炸物都炸得外脆內軟，雞翼好香，而且唔會乾。炸芝士對我黎講有點膩，一件起兩件止。牛舌都唔錯，唔會燒得太老。仲有熱食選擇，我嗌左冬蔭公，好濃味，而且材料好豐富。朋友嗌左蟹粥，佢大讚好綿好好食，成碗食哂～壽司細細件，一啖可以食完，好易入口。估唔到仲有幾款海膽簡，另外仲食左海膽手卷，好鮮甜。呢到最抵讚既係個自助區，前菜﹑飲品同甜品選擇好多，冷熱飲豆漿涼茶都有，就連冷熱清酒梅酒都係任斟，呢個價錢黎講幾抵～佢係用apps黎落單，比起啲放題用紙落單更環保，而且落完單好快就上枱，幾有效率。不過個人認為啲坐位之間太近，如果坐得再寬落啲就更好。

食物出得快亦沒有漏單，職員服務態度很好很細心，特別想讚讚King,他知道了我帶著BB坐得很窄,亦因此令隔離坐位的顧客也食得不舒適,正因為這樣他很快安排另一位置給我,讓我可以食得舒適快樂.

暑假總不免要約幾個朋友出來吃喝聊聊，要坐得久又要吃得飽，除了放題我實在想不到第二個選項這次我和朋友去了沙田的大喜屋，8:30 PM開始的時段每 人只是$ 248用餐時間可以吃到晚上十一點，時間超級充裕。除了常規畫紙點餐，大堂也有好幾個餐點分區，大致可以分為小吃區，甜品區，飲品區，水果和冷盤區等等。小吃區這邊的菜色很豐富，各種小缽玲瑯滿目，小籠包、薑蔥炒蠔、章魚小丸子都有。拿了幾顆薑蔥炒蠔嚐了嘗，味道還可以，雖然感覺粉裹得略厚了點，但薑蔥味超香的。刺身是我最愛！甜蝦味道鮮甜甘香，入口質感嫩滑；帶子刺身肉厚味甜，極富彈性；北極貝口感鮮甜爽脆；而三文魚的魚肉肥美，魚油豐膄。 壽司全部小巧玲瓏，一口一顆，不會太飽所以能嘗好幾款，而且用料也都很厲害，芝士鰻魚玉子燒，海膽山，赤蝦松葉蟹繡球，鵝肝帶子等，食材都是稍貴價的。黃金燒帆立貝也好吃，滿滿的沙律醬鋪上面，裡面一整顆完整的帆立貝。辣酒黃金螺，一般辣酒煮螺都是用花螺，大喜屋這裡用了大只點的海螺。螺肉肉質爽口鮮甜，肉中能嗜到淡淡的酒香味，亦能嚐到辛辣味 。燒菠蘿可能是我最愛的甜點之一，因為在燒製的過程水份被蒸發，糖分在比例上增加了，令菠蘿肉比生吃時

當日我地中午12點開門就入去食午市放題午市算多人，一入去就已經可以出去拎小食手機落單都幾環保野食算上得快，收碟都快，服務態度幾好無漏單，係有時會有一兩碟慢少少，不過係會到的第一次黎既三文魚無皮的，易入口，第二次黎既三文魚刺身就得魚皮建議貴店可以將三文魚皮炸了做小食，不要做刺身了，真係咬唔倒炸野皮有點厚，曼魚刺身四舊有一舊有大少少既軟骨，不過吉倒都好痛，唔敢再食了其他，熱食不失不過，釀雞翼比較特別，其他放題比較少有，推薦甜品總體來說，只有泡芙比較好食，其他都係食雪條啦呢個價食夠三個鐘都抵既，不過頭一個鐘都開始夠飽了，無乜特別野真係想話一食再食，整體黎講都幾好既

喜歡食日式放題嘅我，多數都會去集團式經營幫襯，原因好簡單因為款式比較多選擇又冇咁單調，同一時間又食到一D創新口味嘅美食，都係俾一個超值價錢就可以食到一餐豐富美食，是日同友好去左呢度食番餐日式放題滿足一下食慾而且係呢區真係比較少見有咁大規模，地點位置又方便最好預約先唔駛去到又再等，入去已見座無虛席夠晒人氣，係自助區度已多款前菜小食、冷盤、甜品外仲有清酒任飲同各款飲品提供，多數人都會先食個剌身拼盤夠晒豐富，掛住品嚐美味刺身都唔記得先打卡，唯有影番呢張當補償當然冇之前碟刺身拼盤咁犀利，有甜蝦、帶子、赤貝、北寄貝，刺身食完再來有至愛必食火炙壽司，有火炙鰻魚、柚子胡椒汁燒左口魚同汁燒牛肉，口感一流食慾大增，真係食極都唔厭輪到有創作壽司，鵝肝帶子、海膽山、芝士鰻魚玉子燒、赤蝦松葉蟹繡球，食落各有特色味道十足，壽司迷一定鍾意食佢係時候食件鬆脆可口天婦羅，輪到燒物有黃金燒帆立貝同比目魚西京燒，燒得惹味又食得滿足一品料理一定要食呢款蒜香牛柳粒，入口肉嫩又多肉汁加上香脆蒜片食落更香濃眨眼已食左多款美食留番個肚食埋煮物有鮮甜蟹粥咁至完美，一餐日式放題最後品嚐埋精美甜品同雪糕先至完滿結束。

朋友一星期前book左沙田大喜屋食晚餐。入到去先落定刺身單，跟住就出去拿熟食及飲品。飲品有暖飲櫃照顧一眾唔飲得凍飲的朋友。還有咖啡機，果汁及大量紙包和罐裝飲品供選擇，有甜有茶。熟食中個人比較喜歡章魚小丸子，比較香口，另外，沙律小食吧都好多選擇。刺身點了幾款，個人推薦甜蝦，帶子及鱆紅魚。刺身食起來都幾新鮮，鮮味十足。壽司款式都好多，海膽軍艦新鮮，食多2件都回本。今日試左兩款蟹品，一是蟹粥，二是咖哩辣蟹。蟹都幾鮮甜，肉質都不俗。芝麻雞翼炸得幾香口，肉質都ok。燒菠蘿多汁又香甜。蒲燒鰻魚肉質好好，好重魚味之餘，食落滿口油香。比目魚西京燒魚香十足，滑到入口即溶。天婦羅即叫即炸，食落熱辣辣，香脆唔油膩。雪糕雪條選擇都幾多 ，仲有蛋糕豆腐花可選。總括而言，呢個價錢食到咁多不同種類嘅食物、甜品，同埋飲到各款冷熱飲品，性價比超高，可以再encore!

日式放題來說，質素實屬一般。魚生尚可，但不肥美；炸物沒味道，燒物亦不熱；飲品選擇不多，小吃不精緻。是我孤陋寡聞嗎？雪糕竟然選用阿波羅，這正正反映了放題的級數和質素。

如果要票選香港人最喜歡的餐廳，放題肯定是排第一的，絕對不可能有第二種食肆能超越，全因放題能滿足香港人多心慾望，而作為一個正宗香港人，我當然也不例外地愛放題。男朋友住沙田，很自然地想食放題，就想到這間在沙田廣場新開不久的大喜屋。雖然空間很大，但平日晚餐時間還是滿了8成，都說香港人真是愛極了放題。點餐紙來個合計吧，生食熟食都是應有盡有的。點刺身是常識吧？三文魚、甜蝦和帶子都是必點的，三文魚的橙色、帶子的象牙色和甜蝦的粉紅都反映著它們無比的新鮮，而且厚厚的一片咬下去超滿足。黑松露油甘魚是壽司裡面我的最愛，魚肉肥美有餘，搭配帶馥香的黑松露，甘香美味。來大喜屋不吃海膽手卷都對不住付出的二百幾蚊，小小手卷玲瓏有致，面上的海膽也不吝嗇，Creamy之餘帶種奶香，不過始終因為有飯所以不能吃太多，不然戰鬥力就減弱了！吉品花膠盛宴，雖然花膠不是很厚的那種，但浸泡在鮑汁裡面就感覺好高級。口感也不錯哦！鮑汁精華滲透滑滑的花膠，吃起來有種'漿'住嘴巴的感覺。接下來這個我也超級喜歡，花膠蟲草烏雞湯，在點餐紙上是沒有的，必須去大堂的自助區自己裝。這湯味道清甜，不是調味料假造出來的甜，而是食材久煲之下釋放的天然甜味。

新城市少有地開左日式放題，當然要黎試下！午市同晚市食物相同，所以簡左午市黎食，因為抵，價錢$208加一，以食物質素同選擇黎講都幾抵。一般日式放題既都有，包括刺身，壽司，燒物，天婦羅等等，食物好新鮮，味道都唔錯。估唔到飲品同甜品選擇相當多，飲品有凍飲，暖飲（維他奶嗰類），仲有豆漿，清酒，梅酒，咖啡，果汁等等。甜品有雪糕，雪條，雪米糍，tiramizu,木糖布甸，楊枝甘露，豆腐花等等，真係好多選擇！相當滿意呢間放題，一次試唔哂咁多野，會再黎～

大喜屋在放題來說相當有名, 質素不錯且價錢也較實惠 得知沙田剛開了一間, 便找了天跟住附近的朋友吃飯再看電影。地方比想像中大, 相當寬敞, 坐得還挺舒適。坐下才知道除了放題, 中午原來也有定食可以選擇, 感覺對吃不多的人來說是很不錯的選擇。價錢也在$100左右, 以吃日餐來說是挺地道的價位。放題區選擇也不少,不論小吃還是飲品, 也相當的整齊多樣, 方便食客選擇。叫了個什錦刺身飯, 有三文魚帶子與甜蝦,刺身挺新鮮, 分量也不會太小, 以中午來說性價比還不錯。另外叫了個比目魚, 用醬汁燒, 魚油滲出來配上醬汁相當的香口惹味。魚肉也不會散, 配飯很不錯, 完全不會覺得味道寡。除了放題還有定食可選, 以中午來說價位完全沒問題, 質量也不錯, 對沙田人來說多了個不錯的選擇哈哈。

今日話屋企人一起到這裏吃飯！我們大約9:00入去，吃到差不多11點！食物味道不錯！我們叫了刺身、雞翼、鰻魚不同嘅壽司🍣炸蝦天婦羅、南瓜天婦羅⋯⋯我最喜歡吃鰻魚，吃了很多很多鰻魚。另外，這邊也有可以叫比木魚，比目魚也很好吃！我還特意叫了冬陰公湯，冬陰公湯也很好味菜也上得快而且職員也很友善，他們會願意清潔和解答問題外面也有提供很多不同的飲品、雪糕、甜品或小吃，實在太好了！另外還有茶包，可以沖玄米茶或煎茶飲岩哂我！