大喜屋 (已結業)

自從上年試過呢間放題之後，一想去中價放題就會首選呢間。遇上摯友生日，見午市較少人不用訂位，選擇亦和晚市一樣不多不少，價格也較便宜，故選擇午市來吃生日飯。店員一如以往的殷勤，很快入座。食具早已擺放好，山葵醬呈花狀，很有心思。吃放題，策略通常就是一屁股坐下，愛吃的東西寫愈多愈好，因為香港放題店一般都會有意無意漏單或給少一點份量的。但在這裡，建議一開始不要多寫，寫自己夠吃就好，因為cheap喱家顧此店多次，除了極少漏單或減量外，上菜也是很快的，寫多只會令桌上一下子放滿食物，舉『筷』為艱。另外值得一提的是，這裡對食物的賣相也甚為堅持，這個不多用文字介紹，睇圖最實際。我不介意有人說我拍鱔圖，如果不是人家擺菜擺的這麼精美，再好的相機再定的手也拍不出美感。菜過幾巡，朋友們均吃喝飽足，人家也有自己規矩，十二時開始吃，下午兩時已經要收錢，兩時半截柯打，但人家總要下班嘛，這種催促可以接受的。想吃再來﹗

同女友行街中，聽見女友話有大喜屋喎，聽聞食物幾好喎，咁就上去問下有無位，個時是晚上七點半，全場爆滿，咁岩有人埋單，咁就有位，估唔到…限時兩小時，$198/位刺身：三文魚（不肥）、吞拿魚、油甘魚（最好味）、希靈魚、象拔（雪得太凍）、玉子、鱆紅魚。壽司：飯不好味，無醋味。迷你手卷：海膽手卷（海膽苦）、蔥花吞拿魚手卷（無蔥花），紫菜不脆。沙律：款款味道差唔多。炸：芝士年糕好味，芝味濃郁；南瓜和茄子天婦羅，太油兼太多粉；牛柳粒夠熱，加了蒜片，入味，牛肉鍋，有三大片牛肉，菜同豆腐，味道幾好，羊鞍燒得幾好，唔太韌 ，有少少蘇，肉質嫩口，牛油粟米，份量太多，酸甜蘿蔔，夠哂酸，最後生果結尾。

今日有同事生日，另一名同事介紹位於尖沙咀既大喜屋。由於較早前已經Book左位﹗而且6時左右入坐，雖然放題時間去到8點半，但OK夠時間食，食到你飽果隻﹗ 食物水準都OK既，$二百幾元算係平、靚、正。地方及環境比我想像為好﹗有時間再去...

由於今次gathering已經鎖定食曰式放題，故在某飲食雜誌的廣告內，羅列了數間曰式放題，原來選擇也蠻多的,從時間地點價錢加埋op的食評參考下，選了大喜屋，其中一個優勝點是食用有2.5 小時, 而且8人行之中有人試過中環分店,質素唔錯,有埋word of mouth,今次應該不會中伏!環境:一般放題地方,都是比較擠迫,這裡有很多卡位,6人-8人都合適,8人是圓形sofa,6人有卡位,環境滿意食物款式: 刺身/壽司:一般的刺身,壽司,熟食皆有,這裡重點推薦的油甘魚,有光澤而且厚切,以放題貨式,很好了,甜蝦勝在夠大, 是晚油甘魚,北寄貝,榮螺和象拔蚌,是我主攻的刺身,三文魚興趣不大,吞拿魚有根 另一人氣壽司,海饅壽司,雖然外型令人好有期待,縱使加了少少醬汁,但食落只是一件冇味的鰻魚!!唯一的好處是這裡的壽司飯團不大,不致做成浪費!串燒: 雞翼,雞軟骨等都很好,大部份鹽燒,蝦燒得太乾,牛舌用黑椒燒,香口,值得encore炸物:吉列蠔好juicy,粉漿不厚,可以encore,但魚就麻麻,食不出是魚肉焗物:只選了焗蠔,蠔原來縮到好細,面層的沙律焗料幾多下,勝在不會太creamy鍋物:蟹粥是人氣食

大喜屋日本料理,必須先講服務.一去到已經覺得服務態度有問題,連bb凳都話無,我地見有bb凳,又話爛晒,擺明唔想做,由於無bb凳搞到個個大人食得無安無樂.(本身已經迫,仲要抱住個b)我個仔只係一個21個月既bb,食得咩呀?食左幾粒粟米幾粒豆幾粒橙,埋單粒聲唔出計多一位小童,盛惠百四蚊.老婆發現就問佢bb點解計小童,佢話超過80cm就係小童,離晒譜既,一歲bb都80cm啦,明屈!!唔係錢既問題,我地無拗數,照比$免失身份.不過條氣勁唔順,一家人千幾紋落樓亦唔係平,d野亦唔覺得好食.呢間野咁樣做生意,我以後唔會幫襯!!食物質素,招呼唔好食乜都無味!!簡單黎講,1.魚生,三文魚有渣,章紅魚鬆散,砬魚ok,吞拿魚無乜味2.炸蠔只係食到舊粉,粒蠔細到不得了.炸疏菜還ok3.蟹粥,味道叫做可以,但係唔熱,只可叫做暖4.生日蟹棒被雪藏過度, 肉質好乾同硬,5.有兩樣野ok食得下,係甜暇同芝士年糕6.拉面千祈唔好試,淡而無味,好肚餓用黎填肚之物坦白講,得兩樣野ok,點解要咁受氣幫襯你先?食品普通得不行,講真如果招待好d可作少少掩飾,但佢地無做

呢間野水準真係唔錯....D 魚生好新鮮!推介三文魚,甜蝦,希靈魚,炸年糕...唯一唔太好既係,D 三文魚切得太厚同太大舊!不過,呢間野都係我食過咁多間放題質素最好既一間!

先說這間放題是分開2個時段，呢日同班朋友一行9人一齊去試。我地係訂左後面個段時間，見差唔多夠鐘就諗住搭電梯上去，一去到見到打哂蝦蛇餅，之後見５樓就行樓梯上去...點知連樓梯都塞車...已經極不討好!點解會連樓梯都打"蛇餅"? 同另一個朋友傾過，可能係未夠鐘間食店唔放人入去搞到塞哂係出面幾經辛苦入到去，坐到同行之友人已經瘋狂甘樣落order...先講刺身，好多都係厚切，但不代表好味道！魚生刺身多根，三文魚更加唔新鮮壽司可以用難食黎形容...燒物更加燒到好乾身,炸物則比較好一點,但炸芝士年糕炸到超級油膩同埋燶!此食店選擇雒類少之又少,order紙一整疊放埋一齊,感覺上好厚好多食物選擇(但這是假象)。二百幾蚊食呢間放題...一定唔會有下一次!最後結帳時,終於解開左蛇餅問題,等結帳都等左半個鐘佢地係會一次過同所有table收費,之後再一次過找錢...但值得一讚上菜速度快(皆因全部都係係工場整好哂送到食店，之後由食店員工將食物排上碟)

記得前身好像是魚一丁? 由於之前BOOK左位 所以不用等位餐廳第一眼感覺清潔 被編到近玻璃幕場的一面 可以看看街上的人和車=]食物總類多 未有走單情況 而且當ORDER大份量之際員工話 我地跟足ORDER紙張份量 驚我地食唔哂 相當細心=]比起一般放題寫5份黎2份既好得多會再番黎食

朋友極力介紹大喜屋..決定一試 食過好多間 放題, 都未搵到間令我十分滿意.好彩大喜屋都無令我失望, 以 200幾蚊既放題黎講真係幾好, 無粗制濫做睇左食評同朋友叮囑要早d book 定位, 最後早左 2星期book 20:45-22:45 哩個時段. 2位.當日 20:25已到達樓下. lift 口已經人山人海, 之後陸續有好多人排隊. 超誇張 上到去5樓, 有d人已經排到去后樓梯 @@ 20:45 準時開始放人入去, 我排頭幾個所以好快有位.入面好大好多位, 不過D位比較迫. 坐低即刻極速寫野食, 果陣時得好少人坐低左..拿拿臨比張order form 比waiter 哈哈. 汔水任飲. GOOD 不過見到雪糕要加 $5先可以食 好奇怪囉覺得. 仲要得雀巢 ( 由於太肚餓掛住食, 無乜點影相 )10分鐘唔洗. 刺身就來了. 賣相幾好刺身做得比較出色. 三文魚, 希靈魚, 吞拿魚同油甘魚都幾好, 好大舊, 好新鮮反而甜蝦同象拔蚌就麻麻地. 壽司好一般!! 唔值得一試 點左幾款火炙系列. 一d 都唔覺得火炙 唔好食!!! 另外帶子壽司又細舊海鰻乾得濟.熟食款式選擇比較少

一個月總會吃到最少一次日本放題, 試過很多間, 以$200左右這個價錢, 質素又最好的, 首選大喜屋。遠在美國及澳洲的親友回來, 她們指定要去這裡吃, 所以已經早五天打電話去訂位, 但只剩下6:00-8:30這個時間。晚上5:50已經有幾十人在等候入場, 半小時內全場爆滿, 大家一起坐著出力地吃吃吃, 很開心。天氣很冷, 見到很多人都叫蟹粥, 果然沒有令人失望, 粥底軟滑又煲得很甜, 有蟹香, 不錯。焗蠔一般, 太小了, 蠔味不突出, 表妹吃得津津有味, encore再encore。天婦羅做得不錯的, 不太油, 粉也很薄, 蝦都有鮮味。燒羊架都不錯, 又香又有羊味。炸廣島蠔一般, 只吃了一舊就沒有再叫, 可能我不太喜歡炸蠔。芝士年糕一流, 但吃完就很滯了。右圖這個沙律很好吃很醒胃, 每人吃了一個。刺身才是整個放題的主打, 4個人至少消滅了250件刺身!這裡的刺身做得很好, 寫幾多來幾多, 不會偷功減料。 刺身選擇亦都不少, 三文魚、油甘魚、鱆紅魚又肥又厚又香, 北寄貝、象拔蚌、螺肉爽滑鮮甜, 甜蛋很好吃, 甜蝦比其他坊間放題的甜蝦來得更大更鮮, 這晚完全將『膽固醇』和『肥胖』這兩個詞語

大喜屋成日都full哂, 今次早幾日先book到6:00, 可以食到8:30最正係有玉泉檸檬飲刺身全部都好新鮮, 特別係甜蝦, 蝦頭有膏, 而且肉質鮮甜, 食多幾隻都冇問題另外推介既有三文魚, 吞拿魚, 油甘魚同埋章紅魚壽司都有好多款, 最好食既係燒海鰻&帶子壽司, 唔係間間放題都有得食架燒物最好食就係羊架, 香得黎又唔會有陣蘇味煮物值得推介既有汁煮牛舌, 味濃而且牛舌煮得夠腍炸物方面最好食就係炸蠔, 夠哂juicy另外其實仲有好多野都好食, 好似炸蝦, 焗蠔, 串燒等等但係間野真係好多人, 有心食既要早幾日book位了

本來按排作為新年期間一個節目, 所以对這餐廳沒有特別期望~試問以$198這個價錢, 你想得到什么high quality.但在用餐期間, 佢地比咗我一D驚喜魚生有驚喜,看得出師父製作認真, 但Sushi就真係唔x掂...不試也吧!!天婦羅虾值得一試, 虾不算大, 但肉質爽...另一個驚喜就係waiter服務態度好, 有禮貌~

1.好多我想食既野都冇 最基本既前菜 e.g 八爪魚 中華沙律 螺肉都冇 >< 花之戀都冇 2. 冇帶子刺身 只可以叫壽司 但坦白講 好乾好唔新鮮加冇味 =.= 3. 好多食物既味道都一般 燒雞翼冇味! 牛柳粒好一般 !燒灸壽司都係....款又少 好既地方係刺身唔會細細件咁上 好食既都 芝士年糕 同牛油栗米 冇咩喇 ...好多人都讚呢間野... 但真係冇咩咁好食 唔會再去

26/12那天在whatsapp動議同學們一同吃飯,食量大的男生提議要吃放題,就在同事們提議下,一試大喜屋~~說實在地點很方便,但位置真的很擠迫但食物品質還是很不錯~~~點了一盤生魚片,有我大愛的油甘魚和中型甜蝦!份量十足賣相也很不錯所以很少再吃放題的我也吃得很開懷因為全程都在聊天所以沒有再照相其他的食物都在水準的牛舌串,羊排,年糕和tempura都值得推介唯一是他們10時多就開始提我們走最後送來的菇串很乾很硬@.@不過,其魚生,卷物和炸物,已值得我再去最近家母公司生意好,下次慶功應該就會到這個店子了吧

早知聽朋友介紹 這間放題質素很好 錦arm 星期日約左朋友係尖咀海旁影畢業相 就前一日book定 點知矩話未必有位 唔係多人成錦下話 幸好晏晝打離話仲有位仲叮囑話一定要八點九準時到 唔係俾個位walk-in 客 我心唸駛唔駛錦大牌 食完先知係有原因既準時搭九到 人山人海 要排隊先可以入去 真誇張 間餐廳好大 有三百幾個位 但係都坐滿曬人幸好我地獲安排坐一張圓檯 夠曬大擺野食 又方便傾計 款式選擇好多 有九張紙 分別係:刺身 壽司 卷物 小食 燒物 天婦羅 沙律 飲品 雪糕每樣都嗡左喲 過左十分鐘到就到 都算快 首先離左三文魚同吞拿魚 賣相吸引 下面有一層冰墊住 :三文魚同吞拿魚都好肥美 幾大件同新鮮 之後再離一碟刺身 北寄貝好大塊 但係有少少韌 帶子幾新鮮 但係好細舊甜蝦一睇就知唔得 個蝦頭綠色 應該係擺得太耐或者擺得唔好 食落果然唔新鮮之後其他野食差唔多一次過離哂 張檯都差喲唔夠位擺壽司方面 燒鰻魚好長 仲加埋喲特製燒汁 好惹味帆立貝 唔錯 火灸仲正 燒得幾入味蔥花吞拿魚腩手卷 可以一試牛肉鍋: 牛肉份量很足 有好多塊 仲有喲水晶粉配埋 好滑又爽口 口感不錯加埋隻生雞蛋一齊食 正!