大喜屋 (已結業)

位於尖沙咀文遜大厦5樓的大喜屋若非朋友介紹，我也未必會留意到，皆因大厦外並沒有太明顯的廣告標誌。今日執意來試試這間日式放題以便安排將到的朋友周年聚會選址作參学，入到去的印象幾好，環境尚算舒適，乾淨，座位OK 。刺身應有的款式都有，其中最值得推介的是極大赤蝦足足有六，七吋長，且質優味甜，甜蝦都不錯，呀還有劍魚腩也不容錯過。很少食一品料理的我見鄰座的很掂，忍不住試了隻香辣魔鬼珍寶蝦，甜辣適中，沒想象中的辣，蝦熟度剛好，汁没乾，好味。豉椒炒蛤，酱汁濃稠度剛好，又夠熱，值得一試。冲繩黑糖網燒牛仔肉，五成熟對我來說剛好，嫩而味鮮。鹽燒海鮮同牛舌，火路控制啱啱好，值得一讚。炸物就首推吉列蠔，次推天婦羅蝦。食到這時已很飽，繼續執執個胃位再試壽司，的的式式小口小口的size,最啱食放題想食壽司而又怕飽的我。但飯的質感非我杯茶於是淺嘗後轉戰他款。哈哈除極大赤蝦，這裡的牛油果蟹肉脆餅也極值，我不覺不覺食了三塊，餅真的香脆得來配上鮮甜的蟹肉，飽也要食埋它才罷休。這裡送特色雪糕雖很吸引但真的太飽太飽就留待下次同朋友聚會才試吧！ 我正式投降結帳離開，二小時美食時間過太快了些吧！

放題必食既大喜屋！今日終於食到啦！好多款壽司啊！好正！個巨型蟹棒壽司好好食！夠哂大舊！個蟹棒有少少辣又好開胃！個火灸牛壽司都好好食！夠哂肥！又夠香！黑魚子大蝦壽司好香好新鮮！朋友食夠左魚生！我就叫左碟俾自己啊！個大蝦同甜蝦真係可以食蟹十隻八隻啊！又夠大隻又夠新鮮！個大蝦超彈牙！甜蝦就夠甜！其他魚甜都係厚切！三文魚超好食！最估唔到係黃色果個希靈魚好正！完全唔會腥！仲要好濃味好好食！炸野都好正啊！果個春卷入面有忌廉同蟹肉！又脆又夠香!仲有榴連炸彈蛋啊!真係超級好食！爆香榴彈味！依個牛油角蟹肉餅都好正！蟹肉超級新鮮！個蟹味勁濃！牛油角又好夾！但估唔到有燒乳鴿食！乳鴿超香滷水味！又夠哂滑！勁多甜品揀！每人有一杯雪糕！不過最好食係馬卡龍！好多味道揀！

這天天朗氣清卻冷得要死，家住北區的也只得到市區來避避寒，吃一頓豐盈放題。（謎之聲：請問天氣凍同食放題有咩關係？）怎樣都好，「既來之即食之」是我的生存哲學，管它只有零下的天氣，來到了餐廳當然要吃到飽才像樣。在來到這間位於尖沙咀的大喜屋前，我大概已吃過了兩間位於不同地區的同集團放題，感覺還不錯。眾所周之，放題是自助點餐服務，大多數放題提供的餐牌紙也很有限，但大喜屋用上了足足兩本書才放得下所有種類的食物，可以想像食材的豐富多元化。先來的飲品是孤陋寡聞的我從未見過的SAC's 桃味果汁。說是桃味果汁，裡頭的果肉也十分豐富，而且喝起來不算太甜，唯獨是份量有點太少。會連續叫兩款芒果創作壽司的，大概只有像我這樣真心愛吃芒果的人才會做吧？兩款的芒果味吃起來酸酸甜甜的，十分好吃。但花之戀的燕窩味有點被蓋住了，但整體吃起來口感也十分不錯。在我而言，手卷是必須要吃的日本料理。大大埋的海膽十分新鮮鮮甜，軟殼蟹的體型巨大，整個吃起來也是鮮味逼人。偽裝成菠蘿的甜粟米與一小塊燒過的真．菠蘿。份份足足手掌般大的粟米，不知道是否在「有機」兩個字加持下果真特別鮮甜，一小片的菠蘿燒得剛剛好，現在想起來也口水直流。雞軟骨者骨

貓貓今日跑完渣馬，個肚可以食曬成個宇宙，好肚餓，我要食放題！好多野食好開心！我既刺身一擺係檯，我既嘴已經濕曬。點解刺身可以咁新鮮，甜蝦好彈牙，一d軟淋淋既感覺都冇。赤蝦上邊既腸已經清理過，超級衛生。原來有蟹鉗可以叫。輕輕有過剪刀剪一剪，蟹肉輕鬆整出黎，仲要好鮮甜，真係濕左過嘴。海膽手卷有好大個海膽係入邊，海膽好甜，冇石油味。太新鮮了，貓貓叫左好多個海膽手卷食。羊架口感好，肉質鬆軟。個份量都適中，唔會好大份，可以食多d其他野。原來有豬腳薑食。試下佢個豬腳薑，好入味，粒蛋係入曬豬腳薑既香味。食完即刻覺得暖笠笠。贊喲！貓貓想食菜，有個瑤柱豆苗食。瑤柱味好鮮，呢味清清d，但味道絕對唔會輸，正呀！夠新鮮已經取勝，貓貓如果好有錢一定要日日食放題！

  - 今日屋企人都放假所以就帶佢地去食好野，估唔到無食咁耐大喜屋既服務同野食都仲咁有水準雖然好忙，但係帶位既店員都好有禮貌 - 蟹籽沙律；Ｄ菜同三文魚夠晒新鮮，唔會因為係沙律就同刺身有咩分別～ - 軟殻蟹手巻；又脆又軟，口感層次好多，但我就覺得唔係好夠味- 鵝肝伴帶子壽司；好重鵝肝味，一淡食得晒成口都有帶子同鵝肝既香味- 牛柳粒；牛味重，Ｄ肉煮得岩岩好唔會太熟太老搞到好ＵＮ：Ｄ- 大吉屋仲有唔同既炸物同天婦羅，種類都幾多嫁，炸物有炸蝦，炸蠔唔腥，蟹肉春卷等等天婦羅有蝦，南瓜，蟹棒２種都唔會有炸到好重油益味，而且上到枱仲熱嫁！！- 荷葉ＢＢ鴿；送到黎都仲暖粒粒，但食落就同普通乳鴿無咩分別，唔係好重荷葉味- 網燒牛仔肉；好軟好好咬口，而且塊塊既肉汁都鎖實晒，熟度岩岩好１定要試！！！　１定要試！！！。。。- 整體而言；放題黎講價錢唔算太貴，勝在食物夠新鮮！值得一試：Ｄ

大喜屋夜晚放題我就食得多，不過次次都要食20:45時段，因為放工真係趕唔到食六點，今日我就第一次食Lunch放題，唔洗食到咁眼訓。雖然係中午12點就開始，但我都差唔多12:30才到達，沒想到Lunch放題都會咁多人食，我入場時已經全場坐滿了。 點餐紙好像跟夜晚沒有分別，14頁食物任你點。 刺身繼續保持水準，每年都令立立新鮮非常，特別是經常帶有魚腥味的油甘魚，魚身沒有瘀紅色之餘，油脂亦十分豐盛；北寄貝及象拔蚌夠爽口；帶子刺身切得薄了點，兩塊夾在一起吃就剛剛好了。 壽司最貼心就是每件都的的骰骰，不怕吃一兩件就會飽，而最驚喜的就是赤海鯛，我好像是第一次食到，想不到味道會有少少甜；其餘的軍艦當然一上檯便要即食，不然紫菜會變腍的。 炸物絕對出色，芝麻雞翼外皮香脆，內裡肉質鮮嫩，依然帶點肉汁；而吉列炸蠔同樣不錯，炸過後的蠔沒有一點乾掉。 甜薯是我每次吃放題都必點的，外皮甜甜地。 完場前記得要食甜品，除了一般甜品如奶凍這些之外，每人還可以點一杯Milk Top雪糕，味道比哈根大師的死甜好太多了。題外話：話說我隔離檯是一位外籍人士，使我無意中發現這裡的店員英文也蠻不錯的。

今日難得同媽媽2個人去食飯,緊係要帶佢去食好D,所以就揀左間晚晚都好多人排既大喜屋試下三文魚塊塊都勁厚切,帶子同蟹鉗都好新鮮,尤其係蟹鉗!!一定要試,咬落去好juicy而且好甜仲有一樣必試既就係呢個脆炸榴槤王.一咬落去D榴槤己經流晒出黎,仲有勁香榴槤味而且榴槤味亦好濃真係食到後面枱都聞到燒菠羅都好香好多汁,口感唔錯,唔會燒得太'LON'羊排亦好鬆化,唔會好酥雞翼係我次次去放題都要叫既野,但次次食到既都麻麻(因此大多數都無咩心機燒)但估唔到呢到既雞翼都幾有水準,燒到岩岩好金黃色,塊皮好香脆D肉仍然好嫩口食食下店員就比左一人一張甜品紙,我同媽媽就個個都叫左D甜品選擇夠晒多，最出色既都係焦糖燉蛋同牛奶布丁,2個都唔會話太甜,而且口感幼滑,入口即溶

最近經常放題的我又來到大喜屋集團了，這次是尖沙咀店。大喜屋可是放題中的質素保證喔！第一次來這間分店，裝修很有氣派般。大喜屋的落單紙改了版，圖文並茂，感覺每樣都很好吃的樣子。人大了沒有像從前般那麼愛吃刺生，小小的每款都叫來試試。大愛油甘魚和帶子，油甘魚新鮮肥美，而帶子則厚切鮮甜。已經很小放題還有大赤蝦吃，甜甜的啖啖肉，正！火炙壽司水準不錯。京蔥汁燒三文魚腩燒後油香十足，入口即溶。香蔥黑椒牛肉牛味很濃，同樣出色。蟹子沙律清新爽口，大量蟹子加上蟹柳和青瓜絲。口感豐富，作為前菜不錯。回本之選必屬海膽手卷！小小的手卷放上滿滿的海膽，海膽新鮮沒有怪味。分量小小不會一個填飽肚，我共吃了兩個呢。沖繩黑糖網燒牛仔肉想不到日式放題也有用心制作的牛肉吃。牛肉薄切網燒，肉質粉嫩，邊脆內滑！肉味濃配上燒汁很惹味！豉椒汁炒蟶子一看到我也傻眼了，蟶子也有？很特別的在放題吃到中式海鮮。味道正正常常，蟶子是屬於新鮮的。甜品的選擇很多，最好吃的應該是牛奶布丁。想不到馬卡龍也不錯，一口一粒，入口很鬆化。

這天我們一家約了已移民澳洲，新年回港探親的親戚吃午飯，知道他們愛吃日式食物，於是早早book了大喜屋。晚市放題吃過兩，三次，覺得都ok，於是這次也試試午市時段，結果也覺得不錯。感覺上刺身的選擇跟晚市差不多，幾款刺身的質素都ok，食物來的時候也是order的數量。灸燒鰻魚及帶子壽司是嬸嬸的大愛，反而可能因為這些在香港都比較常見的關係，並沒有給我甚麼驚喜。反而我頗喜歡他們的天婦羅，我知道香港日式食店很多都有天婦羅，但這裡的幾款選擇都合我口味，素來不太愛吃蝦的我都覺得好吃，而且送來時還是熱的，在繁忙的午市能交出這個效果算不錯。而最最最令我欣喜的，是這個烤秋葵﹗口感好之餘，鋪上點點調味粉再烤令秋葵變得香口，又不失本來自身的味道，喜愛秋葵的人士絕對應該試試。最後還有只限order一次的日本雪糕，我自己就沒有研究，但堂妹說這在日本當地頗有名。結果賣相吸引之餘，味道亦佳。雖然始終有漏單的情況出現，但大部份的order都交足，staff態度也友善，總括來說是一次滿意的體驗。

彌敦道咁長， 行完點會唔餓！一行幾人決定食放題，尖沙咀比較多人知就《大喜屋》吧。聽講尖沙咀呢間裝修左，去到坐低的確舒服左，客人都幾多但食物都keep到。黎到放題店唔可以唔食魚生掛，種類多唔盡錄啦。個人最愛就係牛舌啦，夠爽口唔會太油。朋友們就狂食羊架，話無咩膻味同夠香。總括呢餐放題算係幾抵食同豐富！叫左既食物都黎得齊 味道同上個月食水準差唔多。

今日在尖沙咀午飯時段，我看到＂大喜屋＂- 朋友讚好的日本餐廳。傳單列出超過十款$58起的午市套餐，非常吸引，於是試試。我點了＂香辣魔鬼珍寶蝦配三文魚刺身定食，包括沙律丶茶丶湯丶飲品和白飯，十分豐富。沙律的份量不算少，有蔬菜丶蕃茄和蟹柳，很鮮味。湯就有點特別，不是我期望的日本麵鼓湯，而是味道似＂南瓜＂的湯（忘記求證），內有玉米和雞腳，非常有趣，很足料。主菜＂香辣魔鬼珍寶蝦＂有三大隻，很爽滑丶夠暖和新鮮，奈何有點辣，還好有飲品解辣。三文魚刺身有三片，算是厚切，亦很鮮味，但多一點就更滿足。飲品有幾款選擇，包括汽水和果汁。我就選了一支果汁先生，超過300毫米，即回票價。甜品有幾款蛋糕和馬卡濃選擇，我吃了Tiramisu，大約三口的份量，味道一般。另外，有一碗熱騰騰的白飯，沒有加醋的。侍應亦很有禮貌，還主動加暖水。環境很好，梳化卡位不少，裝修很新，地方很大，佔一層。由於在一點前到，總算寧靜。這餐加一，承惠$63。以份量丶味道丶位置丶環境和服務，不太貴，又夠飽。如大家有興趣試這個價錢的午市套餐，要在星期一至五光顧。期待下次試試這餐廳的放題。

大喜屋食過好多次，我次次都係食銅鑼灣個間今次終於有機會一試尖沙咀店。估唔到尖沙咀店個感覺好唔同，裝備好靚，座位都比較闊落。好似係裝修過，成個感覺變得高級咗！一嚟就叫飲品先，發現有個好新奇嘅飲品。係韓國嘅芒果啤酒，第一次試！芒果味自然唔太甜，又唔會蓋過啤酒味，個人覺得幾好飲。有呢個海蜇沙律，海蜇勁多，夠凍又爽口！我好中意食海蜇，估唔到食放題都會有。另外仲有個牛油果蟹肉脆餅，好特別有驚喜。一啖一口，口感豐富，蟹肉味又夠豐。一定要推介嘅當然係海膽手卷，海膽勁足料！紫菜好脆，而且飯唔會佔太多，食落海膽都夠新鮮。唔會話好鮮甜，但一啲都唔腥，超出放題水準呀。創作壽司比較出色，最中意鵝肝伴帶子。鵝肝味香，加上帶子好夾。黑松露赤蝦拖羅卷都好好味，黑松露味出，加上拖羅蓉口感好綿。點小得一定要食嘅牛舌！大喜屋嘅燒牛舌一向有水準，入口彈牙又燒得有火口！食咗好多串！瑤柱扒豆苗不得了，食放題有咁中式嘅菜式食！但係高質嘅，真係有好多瑤柱碎係面，豆苗唔老，加埋個鮑汁真係一流。一上枱就比我食哂了。呢到嘅甜品有啲好似新地杯咁，我就要咗清涼，其實就係薄荷味嘅軟雪糕。味道正正常常啦，係個樣幾靚咁。

見好多人都推介大喜屋，所以今次都嚟嘗試一下， 去到都有好多人等緊位，要黎記得要訂位，咁環境都幾大，有四人卡位坐，唔擠逼。但係廁所就都好污糟同埋臭三文魚切得好厚，但係就冇魚味，唔知食緊啲乜咁， 蝦就有三款咁多啦，但係甜蝦唔夠甜，天使蝦都幾爽口，但係極大赤蝦發生咩事？超腥！腥到係完全吞唔落肚！北寄貝同象拔蚌都幾爽口，好食嘅，蟹都幾多肉同幾鮮甜，但係帶子切得好薄之餘又冇味， 刺身完全失敗，好失望特色壽司，全部都幾好食，最好食係拖羅嗰款，可以全部都叫一件嚟試下嘅左口魚係最好食嘅，好重魚油味好香， 京蔥三文魚 同和牛壽司都好味， 蟹棒朋友就話好好食喇，自己食咗四件，其他就普通啦最有驚喜嘅係蠔，佢唔似其他放題將好多隻bb蠔放埋一齊，而係一隻完整嘅蠔，而且係唔腥，幾好食。 芝士蝦球就係可以拉絲架，可以叫黎玩下啦，但係就冇乜芝士味喇。香芋丸係好香芋頭味，依然係咁好食嘅。 雞翼就依然係咁普通，咁榴槤丸係非常之臭！但係朋友就話好好食蟹粥煮得好綿，但係人蔘雞湯就其實係菜湯黎架！淨係得菜同苦苦哋嘅味，完全唔係嗰回事天婦羅蕃薯非常之苦，其他都好普通，但係就成個偏油囉，食咗一件就唔會想再食，膩啊！最好食就係，牛仔

三個月前食過 好評 今日帶埋小朋友食聖誕大餐 其實估計應該會漏好多單 但係d食物黎得都幾齊 都有8-9成 味道仍能保持上次水準 而沒有因為大時大節多booking而粗製濫造 讚

黎到尖沙咀唔洗我講, 都知道大喜屋幾有名, 有名到長期見人龍...經過就一定知道~ 大喜屋放題店... 都係我第一次認識的放題店入到去環境氣氛絕對唔差, 裝潢得好靚, 感覺好舒適放題店唔可以唔係魚生~  魚生新唔新鮮就睇到放題店既質素魚生一上枱就見到新鮮, 甜蝦、赤海蝦都好吸引, 大隻不在話下, 蝦刺身有光澤, 粉嫩, 爽身鮮甜象拔蚌爽口脆身, 帶子大粒厚身, 唔腥, 三文魚魚脂分布均勻, 色澤光鮮, 入口鮮味濃郁刺身質素唔錯有魚生, 點少得壽司... 點了和牛同蟹棒和牛入口嫩滑，蟹棒好大條 有一對筷子既粗，入口滿足感好大創作卷物 的確令人驚喜 芒果燕窩雙色卷 最令我滿意的卷物燕窩美顏, 顯矜貴, 燕窩清, 配上芒果甜甜的味道, 加上魚生鮮甜令人覺得更吸引肉類絕不能錯過和牛... 燒得熟度剛好, 不但肉嫩, 5成熟更保留佢既肉汁, 食起黎更JUICY牛舌、牛柳粒就最易韌, 佢不但不韌, 仲要好香又惹味另外, 海鮮類熱食餐廳都不乏提供炒蜆 蜆肉都厚肉同大粒, 炒得好香, 但略厭份量點少, 不過好彩放題係任叫 除左炒蜆, 仲有既係人參雞鍋, 食材矜貴到估唔到人參大大條響鍋中, 雞都大大舊,