大勝丼 (已結業)

今天順路經過，見到樓下招牌幾吸引。上到五樓冇乜人。點了火炙刺身丼本溫泉蛋照燒雞，刺身新鮮，燒雞燒得香。最驚喜是原來午餐有七五折，埋單只需155元，算是非常抵吃。

第一次寫食評，經過旺角見到門面唔錯 入左去試下，坐低見佢午市有75折 叫左個炸雞爆丼 好足料 而且套餐送野飲、沙律、麵豉湯同埋甜品 整體幾好食 又飽 CP值極高 推薦大家去食！

很久沒吃丼飯，夏日炎炎最想就是吃魚生了，上網找到這間好評很多的大勝丼！餐牌有生和熟的丼，不吃魚生的一樣有很多選擇。先來一人一碗味噌湯，不是太咸，味道剛好。先來了男朋友點的火灸狂牛丼 $98我地都讚嘆火灸牛粒好好食啊，燒得剛剛好，牛肉軟稔，而且很入味，配上溫泉蛋撈飯食簡直一流。到我最期待的大勝角切魚生爆丼 $180魚生堆得好高啊！！超多啊！推左一半放在碟上仍然有很多在丼上面，魚生以三文魚最多，繼而有些是吞拿魚，帶子，鯛魚，三文魚子，熟蝦，八爪魚等等。其實刺身是非常新鮮，以吞拿魚和帶子還有三文魚子就是最容易分辨得出，帶子還帶有彈性，三文魚子沒有腥味而且很脆實，吞拿魚入口即溶。下次我會專攻這三種材料的丼，或試試海謄。而且份量多成這樣，幸好另一半沒有點魚生類丼，可以分些給他。最後甜品是簡單的啫喱。提得一提的是全日免收加一，而且坐位舒服。

丼飯專門店-大勝丼日式放題定食餐廳林立，每間都有新搞作新菜式吸引客人，今日這間餐廳就非常的非主流，沒有片皮鴨、沒有蒸氣火鍋、沒有雪糕機爆谷機，有的是圍繞在一個碗子當中-丼飯！帆立貝海膽丼成板海膽呈上，加上海量多的帆立貝，還有三文魚籽爆珠在其中，非常有誠意的丼。帆立貝的份量多外、每片大大片，有口感有鮮味，當中混合三文魚籽爆珠，一咬一爆開，鮮味更出！海膽首先夠凍、其次夠鮮、再者夠甜，最重要是沒有半點腥味。飯底醋的比例剛好，當中加入了日式飯團的調味配料，令簡單的白米飯味道更豐富。燒肉元氣爆丼足足有一個碗高度的燒肉山！起初意為是表面有燒牛肉，誰不知是真材實料層層肉疊搭而成，濃濃燒過牛肉的香味，醬汁夠；肥瘦間竹的燒肉，油脂夠，肉味濃；牛肉有少許燶邊更有燒烤味。飯和肉之間有餣製過的蘿蔔和紅薑絲，酸酸的蘿蔔和微辣的紅薑，一解肥膩感又增加惹味度！最後每個丼飯都奉上麵豉湯和甜品，而且飯和麵豉湯可以隨便添加！

在網上看到暫未有負評的大勝丼, 望過價錢又唔貴, 一於帶埋鐘意食日本菜嘅男友黎試晚上未夠7時, 未算人多先望過MENU, 全日免加一服務, 加分每個丼都包括:麵豉湯同埋甜品, 而每張檯都有清水供應, 又加分啦侍應先送上熱湯來, 雖然是包埋, 嘩....都好多料, 有點意料之外而味道雖然不太傳統, 可能加了洋蔥吧, 蓋了麵豉的味道, 不過反而就無傳統的咸我同男友分別點了: 甘蝦海膽丼超豐盛的樣子有成板海膽, 雖然SIZE唔係好大, 但顏色看得出是新鮮百多元已很抵啦~ 個丼仲有5假大甘蝦, 上面仲有d三文魚籽甘蝦都很新鮮, 甜甜黏黏的而我很喜歡飯上面加了很多飯素, 令到本身的壽司飯更添美味男友的: 吞拿魚三文魚爆丼刺身是厚切大片的, 將整個飯蓋著, 從上基本是看不到有"白色"的而吞拿魚是經醬油浸過的, 沒有任何一絲筋三文魚則選了花紋平均的魚腩, 2款都是啖啖肉而這裡的wasabi都磨得很仔細, 很茸的, 而刺鼻度不算激烈最後每丼都奉送甜品, 原來是啫喱仔相信每天都不同, 因之前看到有和果子呢~總結, 以百多元吃到一個豐盛又用材新鮮的日本丼, 是很抵的!吃遍很多日本餐廳的男友, 竟說下次可以

本來計劃好星期一這天放假一起去郊遊，怎料星期日整天下雨，忍痛取消星期一既行程，相約一起到旺角選購新涼鞋，順便試試朋友推介既丼飯店，餐牌上既選擇都不少，不只魚生飯，各樣牛肉丼飯既配搭看似也不錯。餐牌以外還有期間限定，係有原條池魚再加肥厚帆立貝刺身，雖然價錢偏貴，但抱住不時不食既心態都係叫左一份。每份飯都有麵豉湯，清清地，唔重口味，都幾好飲。魚生飯奉桌，估唔到呢個配搭師傅都咁有心機整到咁靚咁色彩繽紛，條魚起完肉仲會擺埋係度裝飾，池魚跟左一碟柚子醬油，沾上後一齊食又開胃又鮮甜，帆立貝都幾大隻，無雪味，則邊放左檸檬又靚又清新。想講碗底仲帶好多飯，食到好飽。火炙狂牛丼，雖然牛肉好似比起平時火炙熟多左少少，但係中間好軟淋，話佢好好食待諗全靠牛肉個汁，配上蛋汁同洋蔥蒜片真係超香口惹味，而且汁量剛好撈哂成碗飯。食完飯每人有粒小啫喱，提子味，雪櫃剛拎出黎，最後甜一甜個口咁走，都幾好呀。

旺角有一間新開業的丼飯店，試業期間88折，有見及此，一於試一試龍與鳳。餐廳以木系家具為主。由於餐廳新開張，裡面都非常之乾淨企理。座位好闊落，感覺不錯。餐牌當然以丼飯為主，各式其式的丼飯，全部都各具特色。燒肉元氣爆丼$66一個丼飯有齊沙律、湯、飲品和甜品，都只是$66，感覺好滿足。從側面看，牛肉多到一座山般！飯牛比例1：1.5，非常驚人。牛肉加上燒汁，味道更上一層樓。以為平就吃不到好牛肉就錯了，這些牛肉全都牛味重，不肥膩。惹味之選。幕內便當$88在日本早期，「幕」這個字，最原始的意思是指戰場上軍隊所使用的帷幕。而當時的「幕內」，指的就是野戰便當的意思。而這裡的幕內便當可謂相當吸引，多種的材料放在便當內，有如打開寶箱，各式其式，應有盡有。三款的刺身相當新鮮和肥美。沙律菜也挺開胃，蟹籽鮮味。唐揚雞炸到恰到好處，雞肉還保持嫩滑。食便當怎能少一碗濃郁的麵豉湯。飲品方面還是挺別出心栽，不是平時會飲的可樂汽水，而是一些特別的韓國罐裝飲品。食完主食，還有甜品，這個豆餅不太甜，清清的最適合作飯後甜品。

下雨天，姐姐派紙。近公司附近，自己比少在旺角食，質素成疑。我自己少食魚生，試一試！ 點了牛飯 ，有湯 （淡少少） 沙律 青BB 好fresh . 主角出塲牛肉成座山， 用心燒過 ，不是煎一煎求其比妳。 生熟程度JIT , juicy . 最怕燒汁大甜。 佢ok wor . 重點是用珍珠米 ！ 最後 仲要打8折。 大佬点做呀 ！ 感謝主給我下雨天的yummy 牛肉don. 加油。

這間日式餐廳主要吃丼飯, 這裏的丼飯選擇非常多, 有刺身丼飯、亦有熟食的丼飯。丼飯套餐還會附上一碗熱味噌湯和一客甜品。我點了鮭魚帆立貝丼，我朋友則點了甘蝦海膽丼。熱味噌湯裡有洋蔥。鮭魚帆立貝丼有很多飯喔～ 三文魚刺身很新鮮和鮮甜, 而且, 刺身都算是厚切的, 所以很有口感。三文魚和帆立貝的分量有很多, 我很喜歡飯上面灑上了日式鮭魚芝麻粉, 這些調味粉為飯增添了不少味道。甘蝦海膽丼的賣相不錯, 有一小板海膽, 海膽很迷你，它的味道也算鮮甜。刺身份量多, 所以足夠配飯吃。吃完晚飯, 還有一份小甜品, 今天的甜品是和菓子一件。

近日先後光顧了兩間不同的丼飯專門店，兩間水準都不錯。 第一間是在旺角彌敦道開業的「大勝丼」。雖然這間店子在旺角鬧市開業，不過也許因為它是一間樓上店，也許因為它還在試業，缺少了街外路過的客人幫襯，也不容易讓人知道它的存在，所以這晚當我與老婆仔撐檯腳的時候，地方都算闊落的新店子裡，客人就只得我們夫妻兩人。 這間丼飯專門店，主打的當然就是丼飯和丼飯套餐，無論午市也好，晚市也好，都是一樣。不過午市套餐的款式雖然沒有晚市套餐那麼多，但價錢就比晚餐便宜一點，而且午市套餐除了丼飯外，還有沙律、麵豉湯、甜品和飲品奉送，不似得晚市套餐，只得麵鼓湯和甜品奉客。而兩者的共通點，就是同樣免收加一。兩夫妻各自點選了「吞拿魚三文魚爆丼」（$138）和「蒲燒鰻魚玉子丼」（$138）套餐做晚餐。店家先送上可免費添飲的「麵豉湯」。湯中有菜有肉，材料頗多，味道也過得去，不過就沒有我之前在荃灣光顧的另一間一對日籍夫妻主理的小店那麼好喝。喝過麵豉湯，兩碗丼飯很快便先後送上。 我的「吞拿魚三文魚爆丼」中的三文魚和吞拿魚各有五片，大部份都是厚切，而且都算新鮮，紅橙相間的吞拿魚與三文魚，色彩鮮明豔麗，令人食欲大增。除了兩款魚刺

啱啱附近做完野煩惱緊lunch嘅時候碌到呢間新野，見唔貴又就腳就上左去試下。點左香蔥吞拿魚+吞拿魚腩丼。配湯+沙津（已經食左一大半）+飲品+甜品，份量好多。個湯入面係有肉架！！！好好飲。丼嘅吞拿魚都好多，而且個飯係落左啲類似芝麻紫菜嘅調味料。好食。（美中不足係其中兩片紫菜林左，不過佢好多片）食到好飽起身埋單店員提醒我仲有點品。呢個係黑糖紅豆糕。好食。我問佢係咪自家制佢話係外地入貨嘅～埋單$88覺得好抵（不過係佢新開張有88折）原價就還好，因為都好食。佢仲比左張印仔卡儲夠印仔可以當80蚊用。

位於旺角新城既大勝丼，係彌敦道，位置方便。前菜有和風黑醋沙律，仲有豬肉面豉湯，十分足料。服務仲好好，唔夠飲可以再免費加。叫左個幕內便當$100，實在太吸引，樣樣都有d, 岩晒選擇困難的我!有炸雞，牛油果三文魚柳，角切刺身飯，仲有厚燒玉子加螺肉。一次過可以食到所有野，而且味道仲好好，特別喜歡三文魚柳，鮮甜玉子燒，飯仲係壽司飯黎的，刺身亦好新鮮。女仔食仲可能會食唔晒!包埋甜品，綠茶和果碟味道好好，夠煙韌。新開張仲有8折優惠，真係十分抵食呀!

朋友的朋友新開的日本餐廳，試業中所以有88折因爲有折所以就去試吃左。因為想吃下牛肉，就簡左火炙狂牛丼。可能新開張準備唔足，等左右15-20mins到先開始有野食上外型睇落都ok, 上面有粒溫泉蛋，好彩試落都有驚喜。牛柳粒都幾 juice 同野味趁住試業有88折, 都值得試下朋友就試左魚生暴丼，上菜時吓左我一跳，好足料呀   成個碗堆到好高lo~~~入面有好多款不同架魚生，睇落好吸引　。我都試左D，魚生有咬感，吃落都好新鮮同幾好好味，值得試試～～

今日約左朋友去旺角食飯，大家都念唔到食咩，行到旺角新城樓下收到張傳單，見到間新開食丼飯，又話唔使加一，大家就念住去試下，上到去，可能新開張，都無咩客，環境唔錯，位都好闊。我叫左個魚生爆丼，食物上到來，見到都好多下，裏面有唔同的魚生，食落都好新鮮。朋友就叫個炸雞爆丼，我試左下，好濃嘅酒味，又有d苦，唔係好啱我食，朋友就覺得唔錯，好入味。整體來講，d嘢食同環境都算唔錯，價錢都唔算貴，我念下次會在去試下其他丼飯……

前日行經旺角新城接左張傳單食丼飯見價錢唔貴仲兔收加一就上去試下.一出電梯見到個大大既紅燈籠寫住鋪頭名大勝丼叫左個海賊丼食有星鰻同左口魚份量都算多價錢就118 有湯跟個左口魚入口即溶超正朋友就叫左個美人滑蛋牛肉丼88蚊 試上面仲有好多花膠問起店員先知佢地係試業緊 仲話試業完會加番小食 期待下次再黎試過埋單比左張印仔卡我地 食1個餐就有1印話儲夠十個印就可以當80蚊用 勁有埋單唔洗200蚊食到質素咁高既丼飯仲要旺角區影真抵讚