大勝丼 (已結業)

火炙刺身丼啲刺身燒到半熟😰食唔到鮮味上面做咩唧曬沙律醬🤦🏻‍♀️完全蓋過了魚生的味道丼嚟講，個飯都好緊要可惜呢個飯並唔係靚米口感一般啲醋撈唔勻，有啲位太酸

今日黎到旺角新城五樓既大勝丼。一黎到，侍應就將面豉湯送上，仲可以無限任添。帆立貝海膽丼，海膽鮮味十足，帆立貝爽口彈牙。溫泉蛋慢煮燒牛丼，呢個相當有驚喜，牛肉口感一流，牛味十足。

慕名而來的大勝丼，早於星期六12:00到達，成為第一位客人。幸好12時已到，因為15分鐘後幾乎座無虛席。丼飯有生有熟，選擇上算還可以。還未選餐先送上沙津和麵豉湯，可以食住揀。帆立貝海膽丼　＄１５８首先要讚的是飯煮得很好，珍珠米粒粒分明不會黏糊，帆立貝比5蚊硬幣大，肉質爽甜，吃得出是新鮮貨色，半板海膽不腥帶甜，這樣的價錢算很不錯。北海道魚生爆丼　＄１６８男友的丼飯有三文魚、吞拿魚、海膽、甜蝦、帶子、三文魚籽等，相當豐富，一點也不馬虎。跟餐甜點是雪米糍。

作為一個香港人，每隔一陣沒有吃日本料理就會周身不自在，今晚在旺角突然「發作」，上網找來這間家大勝丼吃日式丼飯。午市晚市均有套餐，晚市套餐奉送麵豉湯、飯品及甜品，不用另外加點，麵豉湯及米飯更可任添。麵豉湯隨餐奉送的麵豉湯，味道中規中距，正好暖暖胃，始終不是主角，不可要求過高。吞拿魚三文魚爆丼魚生片片厚切，而且新鮮味美，絕非大而無當，吞拿魚用上赤身，即脂肪較少的肌肉部分，口味清爽，所以更能確實地品嚐到吞拿魚自身的味道，三文魚則有恰到好處的脂肪，口味鮮甜，甘腴可口。除了魚生的質素高，米飯同樣重要。用上醋飯拌以飯素，飯粒保持暖和微溫，配合原味魚生，味道充實。海賊丼海賊丼是用上燒穴子及火灸左口魚裙邊的丼飯，穴子比一般河鰻少油脂，但肉質較軟腍及更鮮味，細嫩肉質吸附了甘醇醬味，香嫩味佳。左口魚裙邊一咬下去油脂豐厚，鮮味甘香，回味悠長。甜品甜品是一口雪米糍，荔枝口味，正好才為一餐的結尾。

一上到去已經見到唔多妥，第一呢間野前身係組長，仲要差唔多裝潢。第二雖然枱枱都有人，仲有碗湯添，原來個個都等食。點之我叫完個飯，湯又飲埋。足足等左半個鐘頭有多，冇老吹，個飯依然未有，奉勸各位唔好餓住個肚上去，因為我果陣得一個人整野食，個湯又全味噌係咁依有啲紅蘿蔔片，飲完湯真係好有起身走人既念頭。話就話可以叫多飯，叫完多飯啲飯量多唔多就好見仁見智啦。如果荷包負擔到，又想慳Dd 時間既，真係可以考慮返附近既「爆x屋」仲好。講返個丼飯先，雖然咁既價錢又唔可以期望太多既，說實話，個海膽可以接受，而啲刺身都唔算腥。要人等咁耐既野，始終間接增加人期待，所以儘管佢個飯唔算差，但虛耗哂既時間令我不會再回頭返去食，真心寧願比貴小小食其他。完。

最重要食飽，果然好吸引免加一，麵豉湯、米飯仲可以添加！突然諗起我一個大胃王既朋友，應該會飯接飯，好岩佢😂地方闊落，大約6點到，空間都多，陸陸續續都有客人入座！包一杯野飲，旁邊有檸檬水！麵豉湯熱烘烘，白蘿蔔、紅蘿蔔清清地，唔會好濃味精味！即叫即整北海道魚生爆丼，刺身滿曬成個碗面，好吸引吧！首先讚讚米飯，粒粒軟硬適中，絕對有心！遠處仲見到師傅北飯時，不斷壓再北，足碗飯！刺身三文魚鮮，帆立貝鮮甜又爽口！火炙狂牛丼掂wo😋未食已聞到蒜香味，蒜片、洋蔥都唔小，連牛肉粒都好多牛粒唔多筋配搭埋微粒脆脆，特別惹味！仲有印花儲tim👍🏻好細心仲有飯後小甜品雪米糕一人一粒！

🦐甘蝦海膽丼（$138)又到lunch time 喇，今次試下呢間係岩岩喺旺角新開張既 大勝丼 ☺️ 呢度座位都幾闊落，坐得幾舒服，呢度既lunch set 有麵豉湯、沙律、汽水同甜品送。叫左呢個甘蝦海膽丼，甘蝦有5大隻，仲舖滿左三文魚籽，海膽有成半大板😍 整體味道都幾鮮甜，呢個價錢亦相當抵食，性價比高👌🏻北海道魚生爆丼（$168)黎到依度緊係要試埋佢地個人氣no.1既北海道魚生爆丼 😍 呢個爆丼材料非常豐富，有三文魚吞拿魚、三文魚籽、海膽、甜蝦、甜蛋、帶子等等，魚生大部份都厚切肥美，唔錯👌🏻 黎到可以一試👌🏻✨温馨提示：開張期間全店免收加一，lunch time 12-3pm 全單75折😋

係旺角經過搵日本野食…見到人派傳單…係間專食日本丼…仲話白飯任裝…就上去試下入到去坐底已經有碗麵豉湯飲… 同飯一樣亦都係任添呢間日本丼主要係食刺身丼亦都有其他熟食嘅丼… 入得嚟梗係要試下刺身丼啦今次就叫咗個帆立貝海膽丼同埋北海道魚生爆丼… 聽waiter講呢兩個丼都係每一日最快會冇曬嘅每個丼都送一罐嘢飲…嘢飲嘅選擇都多首先係帆立貝海膽丼…除左兩個主角仲有好多三文魚籽… 帆立貝都好甜有'肉地'呢一排海膽足料得黎又好食唔會好腥 跟住就係北海道魚生爆丼… 魚生種類都好多…有海膽三文魚刺生蝦北寄貝三文魚中拖羅等等等…都好新鮮…份量都足最緊要飯係任裝… 大胃王都可以食飽飽最後甜品係兩粒雪米糍性價比都算唔錯嘅海鮮丼… 坐位都算舒服 可以傾到計

朋友告知旺角新開了丼飯店 便決定去試試地理位置方便 很快便找到以日式裝修為主、餐牌簡潔、圖文並茂封面頁列明全日免收加一服務費而且麵豉湯、白飯自由添加方便食量較大的人吃飽飽另外、午餐時段包括沙律、麵豉湯、飲品及甜品，更加可享有全單七五折優惠真心抵！朋友點了海賊丼，是炙燒左口魚和海鰻結合而成米飯醋味較重 海產份量亦不少，左口魚入口即溶正！而我則點了大勝角切魚生便當包含豆腐胡麻醬沙律、刺身、炸雞和角切魚生飯角切魚生飯以三文魚和吞拿魚為主， 份量不少，而且有飯素和飛魚子甜品：每丼飯附送維記雪米糍一粒

甚少去旺角食野，不過朋友極力推介，就一於試下湯同飯都可以任添，絕對可以捧住個肚走除左有好多罐裝飲品揀，仲有味噌湯飲飯同刺身比例適中， 飯香軟熟。飯量對女生而言剛好，飯表面充足魚油而好有光澤，食到最後一啖仍帶有魚油香。帆立貝海膽丼成板海膽既丼飯，見到都開心。海膽味道鮮甜，一啲都唔腥，帆立貝中間夾住一兩片檸檬，食落有清新既感覺火炙狂牛丼除左刺身丼飯，仲有熟食揀，牛柳粒非常香口，肉質保持嫩口，肉汁豐富，絕對值得一試。仲有飯後甜品係雪糕糯米糍，非常滿足了。

今天放工后，來到人山人海的旺角。。。但這次去光顧的餐廳，是座落於創興廣場對面的旺角新城。。這座大廈不太起眼，但你會看叫門前有姐姐在派發有關大勝丼的傳單。。就是看到這傳單，我們就到此試試看。晚市套餐除丼外，還有麵豉湯，飲品，甜品。 這之點了到個三文魚帆立貝丼及帆立貝海膽丼。先來了麵豉湯，味道不像開調味包的，味道是淡淡的，但湯料充足，喝完沒有口渴的感覺！之後丼來了，米飯用上珍珠飯、三文魚及帆立貝有四至五塊，而帆立貝並不是一分為二那種，是原好的一顆，所以是很肥美的。海膽方面大約有半板,濃郁的海膽味。小小的半板，滿足。。。基本上吃完一碗己經很飽肚了。甜品方面，是雪米糍，有香芋及香草⋯⋯總括來說，坐位寬敞，份量及食物也很足夠，價性比高。

偶然經過彌敦道見到有個阿姐拎住個牌嗌晒好抵啊好味啊，咁啱又正值晚飯時間，一於試下啦環境光猛乾淨，d 位都好闊落，由於果陣未夠6點，唔洗等又有卡位坐Menu d 相好吸引，都諗左一陣先揀到食咩晚餐包麵豉湯 飲品同甜品d 飲品都幾多選擇，而我就揀左烏龍茶我揀左北海道魚生爆丼$168刺身款式多之外，每一款都起碼有兩件，而且d 刺身一d 都唔馬虎，牡丹蝦 海膽 三文魚籽 帶子 吞拿魚 北寄貝 三文魚 半生熟吞拿魚 等等，真係一次過滿足晒所有願望。而且材料新鮮又大大舊，好抵食！男朋友唔食生野，佢就揀左溫泉蛋慢煮燒牛丼$118賣相好靚，d 牛肉燒到啱啱好半生熟，果然係慢煮，咬落去一d 都唔"un" 而且仲保留肉既鮮味。同樣地，分量好足，男朋友食完都飽到上心口最後跟餐既甜品係雪糕糯米糍，為呢餐豐富既晚飯劃上完美句號

今日出旺角中旅社續回鄉卡，雖然說是預約了，但最後都要差不多兩小時才辨完所有手續，完成後都已經到午飯時間，行過大勝丼樓下見到有傳單說「全日免加一」和「午市75折」，就即管試試。＊＊＊＊＊＊＊＊＊＊＊周末中午12:00來到，原本還只有一兩枱客，後來陸陸逐逐竟然幾乎坐滿，估計大家都被傳單吸引而來。餐牌有不同的海鮮丼、牛肉丼和便當，價錢由$78至$168，午市有75折，套餐還包括沙律、麵豉湯、飲品和甜品。飲品有以下選擇，除了一般汽水，還有幾款韓國飲料。沙律有生菜、粟米和車厘茄，酸香十足幾開胃。麵豉湯不會過鹹。左邊是蜜糖柑桔，未見過所以試下，有蜜糖甜味幾特別，右邊是蘆葦汁，飲到蘆薈肉。火灸狂牛丼(午餐75折$73.5)狂牛丼都幾大碗，上面有十幾粒牛肉，份量都算多，中間有一條流心蛋。飯不會太腍太黏。牛肉幾腍幾入味。流心蛋夠流人，把蛋汁奉勻，令白飯有蛋汁和日式甜醬油的味道，幾好味。大勝角切魚生便當(午餐75折$118.5)角切魚生便當非常豐富，奉上時我們都被它的份量嚇一跳，內有豆腐沙律、刺身、魚切角生飯和炸雞塊。魚生有三文魚和白身魚，都算厚切，平價刺身質素就不能要求太高。角切魚生有三文魚、吞拿魚和蛋

難得放假當然想食好野，見到呢間新開嘅丼飯店，午市訂座仲有七五折，即刻去試吓！一坐低，店員有禮咁比左茶，同沙律，我叫左個火炙刺身丼，朋友叫左個狂牛丼，另加雞軟骨一碟。個丼一到就好吸引，放滿成碗，見到都流口水，朋友個狂牛丼牛肉鮮嫩多汁，加埋溫泉蛋，見到都忍唔住偷佢幾舊食。到我個火炙刺身丼喇，同樣吸引，成碗面都係至愛魚生！魚生同樣新鮮。整體來說，丼飯多料，味道幾好，仲有七五折，真係會再黎多幾次試唔同野呀！

朋友約咗我去大勝丼食晚飯，果晚見自己早到所以仲係新之城行街添，點知差唔多夠鐘我諗住搭lift上去嗰時，搵極都搵唔到lift上5樓，睇返地址先發現，原來係*新城*唔係*新之城*呀，大家記住留意唔好去錯呀！果晚八點鐘上到去，都好多人喎，全個餐廳都full晒，好彩朋友到咗，所以我可以直入順利坐低。呢度一個丼飯來講，百幾蚊有齊湯，嘢飲，仲有甜品，而且白飯同埋湯仲係任添，仲冇加一，其實相比起出面，個價錢都真係唔錯。我今次就嗌咗個甘蝦海膽丼$138，上菜個賣相都幾靚仔好啱打卡呀，特別係嗰板海膽，其實呢個價錢有呢個份量都幾抵架。味道方面，啲海膽嚟到嗰陣，仲係冰凍，食落好鮮甜，一啲渠味都冇，正呀。甘蝦有五隻，都好fresh。由於佢賣曬魚子，所以換左啲吞拿魚蓉比我，平時一件件嘅吞拿魚，我自己就唔係好鍾意食，但呢個吞拿魚蓉幾易入口，一啲都唔腥，點少少豉油要黎撈飯幾好滋味。最後仲有粒芋頭味既糯米糍雪糕做甜品。