大勝丼 (已結業)

平日中午出到旺角又想食日本野，諗左好耐終於係openrice 搵到呢間新開既魚生飯專門店。🌸🌸個位以前都係做日本料理，都叫易搵既👌🏻中午有做75折，感覺都幾抵，餐牌選擇唔算多，有一半係熟食飯，有朋友唔食生都可以黎👍🏻我就為左食魚生先黎既，揀左個帶子海膽丼🤤🤤可能因為時間仲好早，間鋪冇咩人，我自己就坐左個4人位，坐得幾舒服好快就有野食黎，有沙律，湯，飲品同最重要既丼佢個丼飯加左d 飯素，可能想增加口味，但我食魚生唔想要咁多味道，想食到魚生既原味，呢樣野我就唔太鐘意啦🙊🙊個帆立貝味道鮮甜，又大大粒，好好食，但中間夾左d 檸檬，我個人唔鐘意檸檬陣味蓋左帆立貝既原味，希望可以比我地揀要定唔要呢d 配料，海膽份量都唔少，但配上有味既飯有d 美中不足，希望可以選擇白飯啦，總體黎講係抵食既😋😋

最近大家都好忙，難得抽到時間聚下食晚飯，約在旺角，上網睇下有咩好食，見到有間海鮮丼幾吸引，仲要有網上訂座優惠，即試下了。 準時去到，平日的7:30時段，唔太多人，店子裝潢簡約，位置闊絡，坐得幾舒服。 餐牌，晚餐包主菜，麵豉湯、餐飲及甜品，麵豉湯及米飯都可添加，太正了。 丼飯都幾多選擇呀。 飲品有以上選擇。 選了茶。 麵豉湯，清清地，內有少許材料，菜及蘿蔔等。 北海道魚生爆丼，$168。 賣相十分吸引，堆滿的魚生，好滿足之感，魚生種類多，有海膽、帆立貝、三文魚、吞拿魚、油甘魚、鯖魚、北寄貝、蝦、三文魚籽及玉子等，每樣都可試點，魚生厚身，尚算新鮮，三文魚及吞拿魚肥美，帆立貝、蝦鮮甜，三文魚籽鮮味不腥，玉子上印著店子的名字，十分精美，味道微甜。 飯有用拌飯素，甜甜的雞蛋碎及海苔味，口感更豐富。 甜品是雪米糍。 食物水準不俗，坐得幾舒服，服務態度幾好，訂座有88折優惠，每人平均$148，好抵食呀。

看到食評介紹呢度既丼飯，今日睇完戲專誠去食呀😎沙律🥗簡單清新，香醋汁很開胃。麵豉湯口味清新，還有少許大根湯料，有嚼口。燒肉元氣爆丼88望到d燒肉，令人好開心，見到滿滿的燒肉在丼飯上，完全看不見🍚，會有種叫人愉快的力量。燒肉煮得香噴噴，肉汁豐盛，飯粒吸收肉味精華，味道秒昇華🤩灑上紫菜及蒜粒就更完美。北海道魚生爆丼168雖然份量不多，但賣相色彩繽紛😋令人食指大動。加入醬油後，立刻增加鮮味。不同的魚生一起放入口中，複雜的情緒海洋味道。D材料掩沒曬個飯，見飯也挺多，但刺身盛到更滿，三文魚牡丹蝦海膽帶子鯖魚北寄貝吞拿魚蟹籽三文魚籽青瓜甜旦等，三文魚籽最鮮味，吞拿魚有點筋。夾啖飯送住魚生，點下豉油食，少少已經好美好，俾個Like佢啦😉甜品是雪糕糯米糍飲品韓國港式都有食後感：坐得舒服😌不用等位就入得。

大勝丼可一試，中午七五折優惠。好掋。晚巿反而没有太多人 就進來試試.本身決定叫個魚生飯一個鰻魚飯，見到有隔離台叫了個炸雞，忍唔住轉咗叫溫泉蛋辛香炸雞爆丼飯。另外叫了個北海道魚生爆丼。坐低好肚餓，上咗個麵豉湯。好好飲，成個胃暖晒，店家仲話可以任添。再來一個炸雞丼，哇 成座山咁好高。配埋個salad 漿，好味！加埋個溫泉蛋，真是把飯都吃光光。再來了個海鮮丼，有海膽，新鮮，三文魚同其他魚類也新鮮，最好味係三文魚籽，混飯食好好味！飲料是soft drinks. 鍚蘭紅茶不錯。最最後埋單有個mochi 雪糕，計計下，成個餐都幾掋。

在OpenRice上訂了位，可以有25分Asia miles。凖時抵達已非中午的用餐繁忙時間。所以餐廳也不算太多人。餐廳設有最低消費，100元一位。我們帶了两個小孩，吃不了那麼多丼，於是點了三個丼套餐再加了些小食。每份丼都份量十足，所配的沙律也是足一碗的，而且湯不會太咸👍🏻魚生和甜蝦也新鮮，海膽雖稱不上是上乘貨色，但也很清甜。炸物都炸到干身，體積不大，但份量不小。午餐3點前入席有75折，一家四口滿足而歸。

大碗丼飯熱潮雖過，但依然不斷有捧場客。肥妹仔今次嚟到試下，睇下平嘢係咪一定冇好嘢一坐底，店員就奉上麵豉湯，有蘿蔔洋蔥同少量菇，沒有死鹹，仲可以免費添飲。<帆立貝刺身(4片) $58> 正常大小，算鮮甜、厚切，價格合理。不過wasabi差勁，沒有wasabi味的。<水母刺身 (1份) $98> 貪得意點的，其實是海蜇頭，食落十分爽口又嚼勁，配上酸酸的醬汁同吃，倒是不錯。份量足夠兩人share，但以依個價錢來說則略貴。<溫泉蛋慢煮燒牛丼 $118> 牛肉超正，粉嫩的鮮紅色，牛肉是薄切，不過份量足。美中不足是醬汁落得重手左，食到後段有點似醬汁撈飯及過咸。<呑拿魚腩碎中拖羅丼 $148> 拖羅不是平日食開的，顏色及質感都是怪怪的、雪藏好久，肥妹仔真係唔識欣賞。呑拿魚蓉反而不錯，但建議選擇其他丼飯穩陣埋單後每人有一粉飯後甜品，當日是雪米糍。總結服務及環境不錯，麵豉湯及白飯任添，價錢與食物質素成正比，值得一試。

跟朋友在旺角逛街逛得又累又餓，搵地方 歇腳兼醫肚，找到這間不錯的丼飯屋。餐廳地方開揚舒服！有多款丼飯選擇，款款都咁吸引。而每款也包含沙律，麵豉湯，罐裝飲品及小甜品。先來一客沙律，沙律菜新鮮爽脆，令人胃口大開 ; 而麵豉湯則味道較清淡。溫泉蛋蒲燒鰻魚丼(一條)$148 ~ 份量超多，鰻魚經燒烤後外層略帶焦香，皮香肉嫩，再加上香稔軟嫩的溫泉蛋，口感嫩滑！溫泉蛋慢煮牛肉丼$118 ~ 牛肉份量極多，肉質香滑 , 油脂均勻。溫泉蛋蛋味清香，滑嫩非常！整碗丼飯吃完已非常飽腹，最後的小甜品 抹茶雪米糍更添滿足！

近排就同我朋友講好耐都未食過丼飯又咁啱今日我哋去咗旺角行街就搵到呢間叫大勝丼......地點位於彌敦道旺角新城商場5樓地點很方便，餐廳環境舒服簡單.....我朋友叫咗個溫泉蛋蒲燒鰻魚丼而我就叫咗個溫泉蛋慢煮燒牛丼😋😋先講下鰻魚丼鰻魚一舊一舊係丼面再加埋溫泉蛋賣相非常之吸引鰻魚燒得剛剛好很好味🤗🤗慢煮燒牛丼都係切成一片一片薄切牛口感非常之好不會太硬身再加上有少少辣嘅醬料非常之特別食落去有另一番滋味😋😋再加埋隻溫泉蛋真係冇得頂👏🏻👏🏻

旺角鬧市中逛街，無意中發現了大勝丼，可能是星期六中午時間，食客不多，餐廳寧靜、沒有音樂，只聽到食客聊天，餐廳可安安靜靜享受食物。豐富午餐包括沙律丶 湯丶各式飲料和甜品。味噌、蘿蔔清湯味道清新，不會過於濃醇。雜菜沙律各式新鮮沙律菜，以沙律醋配食，令胃口大增。火炙牛肉丼充滿蒜香味的火炙狂牛丼加上溫泉蛋，乾蒜片、多汁濃香，使米飯好味開胃，牛肉比較有咬口，但分量十足。溫泉蛋蒲燒鰻魚丼惹味燒汁、肥美鰻魚，同樣加上香滑溫泉蛋，更能讓燒鰻鮮香嫩滑。每個套餐可隨意自選飲料、綠茶糯米糍！滿足

近期同珍珠奶茶一樣，潮流興食丼飯，要搵到一間好食嘅丼飯都唔容易，而呢間位於信和中心隔離大廈五樓嘅大勝丼唔算起眼，坦白講唔係附近有人派傳單都唔會留意到，今次好好彩比我搵食嘅時候遇到=]呢碗火炙狂牛丼嘅牛肉用左牛仔粒去整，牛仔粒肉質軟稔，咬落去齒頰留香，半熟嘅雞蛋再配埋日本嘅香米一齊撈埋黎食，簡直令人食指大動:Q美人滑蛋牛肉丼係由，花膠、牛肉同埋滑蛋組成，起初我見到果D 半透明嘅東西仲以為係脂肪，但後來經店員提醒先知道原來果D係花膠黎，差少少就浪費左咁好嘅食物午餐時候，每個丼飯都會配上一客沙律、一碗面豉湯仲有甜品，除左呢D 基本野之外，最令我驚喜嘅係呢度嘅飯同湯係任點架！不過其實咁大碗飯，我食一碗都已經夠晒數LU

跟朋友逛旺角, 有點餓了, 在旺角信和中心旁的—旺角新城, 找到我的摯愛, 日本刺身丼. 店內有60個坐位左右, 中午時份生意不錯.原因是午市有七五折, 也有部份是預先訂位的. 飯及麵豉湯都係隨時任添嘅一落單便送上麵豉湯及小沙律,因為制作需要15分鐘左右, 先暖暖胃再食刺身丼.我跟朋友各點一款, “帆立貝海膽丼” 帆立貝很厚身, 肉質鮮甜. 海膽一小板也新鮮到發光, 仲配有大大粒嘅三文魚籽, “啵啵”聲好清脆.  白飯沒有太濃的醋味, 反而飯表面加上一層味素, 味道也不錯.另一款係 “ 吞拿魚腩碎中拖羅刺身丼” 吞拿魚碎一大球, 未有完碎成蓉, 留有小肉塊帶有一點點口感, 配上最佳配搭的京蔥, 連平日不吃蔥的我都甘願去食, 另附送一些紫菜, 加少許飯及吞拿魚碎一起食, 係最佳嘅食法.  拖羅配飯又係另一種感受, 一個丼有兩個食法, 配上這個價錢真係物超所值. 每個丼飯, 最後都送甜品—雪糕糯米糍, 完美!每$100可以有一個印仔, 儲夠10個印可當$100現金用.

與朋友相約在旺角吃晚飯，朋友介紹了這間餐廳我們7點多來到，餐廳幸好還未滿原來這裡的麵豉湯和米飯可以任添我們點了一份北海道魚生爆丼。魚生都十分新鮮，當中有三文魚、甜蝦、帶子、海膽、三文魚子等等還有大勝丼的logo我和朋友也搶住爭魚生吃我們又點了一份溫泉蛋辛香炸雞爆丼炸雞份量十分多而且炸的非常香口加上旁邊的沙律醬更加滋味每個餐都送一罐野飲，可以在這10款中選1款我們點了抽子蜜和錫蘭檸茶都十分不錯今晚吃得十分飽肚，下次會再來試試其他

今日在位於旺角新城樓上舖的大勝丼吃午飯，因為看見有七五折優惠，吸引我一嘗。三個温馨提示：其第三個「麵豉湯、米飯可隨意添加」，令客人窩心。楝好1號，人氣之選的帆立貝海膽丼，丼物，在大碗上舀入熱騰騰的白飯再上舖滿餸菜，和本地的碟頭飯有的相似。開始豐富的套餐：自選餐飲~~蘆薈汽水，黑醋香油伴沙律菜，啱食！餐湯和主角亮相了！果然係靚靚仔仔，極具吸引力！黃澄澄色的海膽，味道甘甜，質感細膩，一板份量剛剛好。打碎成為碎粒狀的海苔、鰹魚及芝麻拌飯美味無比！爽脆的酸薑，一吃就喜歡！鮮味帆立貝配醬油，味道確一流。最後的一道是甜品，一口的雪米糍是香竽味，我才不會一口吃掉，慢慢品嚐。

誰說吃日本菜一定要同Friend才可以吃，一個人去一樣可以！ 今晚朋友「衝上雲霄」，自己一個在旺角遊蕩，又好想食日本菜，最後就選了位於彌敦道大勝丼，貪佢有咩好？就是一個人獨自吃也不覺得尷尬。大勝丼門面不算很大，小店得來又可以容納到幾個朋友一起飯聚，座位頗算闊落舒服。 夜晚套餐包湯包飲品，一打開餐牌有超多款魚生飯可選，價錢比外面連鎖餐廳吃到的算便宜，而且全日免加一。 ▼ 因為太肚餓的關係，想也沒想就點了貌似全餐牌最豐富的北海道魚生爆丼，口味很多元化除了刺身飯之外，也有熟食可以選擇。 下單後全部丼都是新鮮做起，所以需要等候一段時間，但會先上麵豉湯暖胃，約15分鐘後，我的北海道魚生爆丼終於來了！ ▼ 全個碗都塞滿了很新鮮的刺身，魚生每塊都很有分量，厚度十分滿意，由於是即叫即砌，口感很鮮味。北海道魚生爆丼包括有甜蝦、海膽、三文魚籽、吞拿魚，這個分量一人前不用添飯都覺得很飽，最後還有甜品雪米糍。 ▼ 吞拿魚刺身的厚度非常大方，有差不多1cm厚，口感很新鮮肥美。 ▼ 三文魚籽金黃晶瑩，入口後即時爆出香滑的魚油，很香口，一點都不腥。 每次惠顧大勝丼吃一個丼都可以有一個印花，儲滿十個後即可以當

小編最近冒險去試旺角一間新開丼飯🍚點解係冒險❓因為丼飯如果係伏的話都真係幾伏囉😂好彩❗️呢間係合格有餘既😋👍🏻.小編點左個北海道魚生爆丼，魚生種類非常多，每款有兩件添！•海膽色澤好美，食落頗鮮甜😋•魚籽夠新鮮、脆身，唔會係鹹鹹的嗰種！•仲有至愛既厚切中拖羅😍🐠•軟綿綿既劍魚好有魚味比到驚喜👍🏻•比較少有既鯛魚都係碗飯入面搵到😎•帶子夠厚身不過未算好鮮甜•三文魚就係三文魚吧😂•蝦反而無乜味道👎🏻還好算爽口🦐•玉子應該無人會抗拒吧🥚.面豉湯同白飯都係任添架！男仔唔洗驚唔飽！(小編當然無添🤣)有埋罐裝飲品同雪米糍，唔需要加一，性價比都👌🏻👌🏻