大久保日本料理 (已結業)

我地食宵夜時段,不過睇返個餐牌,無晚市咁多選擇,好似好唔抵,好彩可以平d!其實食物方面都無咩特別,有幾種刺身比較鮮甜!想讚o既係佢地o既服務態度,會主動斟茶(因為有好多食肆忽略咗呢點)會行埋嚟同我地吹水,問我地d食物出唒未!服務態度係對一個客人o既尊重!

好耐之前黎食.不過唔記得打食評我同朋友lunch黎食放題.都知道會比夜晚少夜食我地無叫到d飽肚既野.全部叫小食小食味道都係麻麻.而且又成日漏單每碟都好少.我地叫多幾碟既話佢又繼續減少份量.食到好無癮食左個好似係三文魚頭既火鍋..無肉..勁多菜.d侍應個樣又黑口黑面.好無奈咁走...

完某仁兄對呢間的正面評價,令我目定口呆,做媒做到咁出面,真令人涕笑皆非! 大久保,如果你想平反大家對你劣評,不如真真正正地自我檢討,改善下自己食物同服務質素啦.你如果繼續比垃圾人地食同特登漏單呃人錢,真係度做多多媒都無用啦!

服務一般,但食物方面就好多選擇,鍋物就比較出色!例如我試過o既牛肉火鍋同埋海鮮火鍋-牛肉都好新鮮;海鮮火鍋辣得幾正, 恰到好處!其他o既食物都有試過, 不過不失啦,咁d刺身都算係新鮮, 唔會得陣雪味~如果要多元化同多選擇, 呢度都算係個好選擇!

擒日特登去試下午市自助餐,都算多選擇下,不過壽司d款式就少d,味道就一般la,而果度d服務態度都幾好,佢地仲會關心下我地d order黎齊未,但係d環境就麻麻,搞到我唔係好舒服,總括黎講以$50幾食日本野,都算係咁la

呢間餐廳~試一次就夠LA~我曾經到過此一次~不明白壽司飯會無落醋,如同白飯~(唔通唔記得落)~其他食物都不見得好~咁GE價錢~出去散叫好過LA~元X,X綠味道都比佢還好~

食物, 環境, 服務等各項係點樣，其實唔駛我多講，大家都應該知道係有幾差(見評分)。本來真係差到唔想寫，但難得有次咁另類0既經驗，諗諗下，都係決定寫下。今次主要講0既係個人感受，冇興趣0既，睇到呢處可以唔駛睇落去。先講講點解會0黎呢度食。話說大家都話大久保差，但係點差呢?未親身試過就唔可以話人家差。所以，既然有機會齊齊試下，我就掛住個勇字一齊參加。事前我已經做好心理準備，睇下食評，試下自己想像到底可以有幾差。原先我已經作最壞打算，回想自己食過最差0既日本料理，再俾多40% tolerence，諗住應該都係咁上下0既水準啦。點知原來可以更差，已經唔係唔好食0既問題，唔好食都可以入口，但係呢度提供俾食客0既「食物」，經已到0左難食0既極限，同唔食得只係一線之差! (元字派我間中都有幫襯，其他周街0既港式日本料理亦幫襯過，真係未有一間會差得咁緊要!)當晚食過0既「食物」當中，比較正常0既只有玉子壽司(只限舊玉子，所謂0既壽司飯只係一堆冇任何醋味或任何黏性0既普通米飯)、頗硬0既炸雞軟骨、汁燒霉霉地0既豬肉同埋冷麵。其它0既，唉，只講一樣：我全晚只食過一件壽司(唔知係咩魚，亦冇勇氣試刺身)，一

裝修幾日式,可惜環境迫狹咗d!食物方面就一般啦,不過百幾蚊一位,都唔存有太高要求,始終唔係酒店,可以接受!金菇牛肉卷同帶子+北寄貝刺身都幾好食!令我對呢間餐廳加分係呢度o既侍應同服務態度,佢地知道我地d野食未出,都即刻補返俾我地,不過應該加返d人手,因為佢地好多野都做唔切!

「138」，在OR，有一特別意義，由我來平頂吧。可以這樣說，這幾年在香港，稍為有水準的日本料理店都大多試過，是龍是蛇，大多心中有數，但就完全未試過﹝甚至未想過去試﹞本地的日式料理放題。有時未試過，就實在連批評的資格也沒有。為開眼界，就請食友搞了一局，齊齊去試試這間本地的放題名店。一行十多人，一起在宵夜時段來體驗一下。意外的是，星期四晚的十時半，這裡也是其門如市的，姑勿論食物質數如何，也都是一間經營方面不算失敗的食肆。全程吃了不足兩小時，怎樣看，也都是一個「喊面」的經歷，如果可以，幫我畫個大一點的，謝謝。詳細評分如下：味道：食物質數很低，看得出店方是絕對沒心去做好食物的，只是隨便拿些「東西」來給客人糊口。如完全未醃過，但拿去炸的雪藏雞塊；淡口得非常又微帶酸味的所謂清酒；將大量現成的叉燒醬，未經煮熟就跟食物混成一埋上檯；明明放滿沙律醬，但卻又神奇的全無味道的青瓜蟹籽沙律；明顯地放了很久，又已完全settle down的味噌湯，南瓜喝了後，更是不顧有女士在旁，在字正腔圓的喊粗口；拿去炸的冬菇，是未完全浸發似的.....等等，夠嘆為觀止未？壽司做得不修邊幅，手卷的飯有多有少，在前面看來波濤洶湧

(8/6)食友的陳述淋漓盡致，但亦忍不住要向大家說：「三思而後行。」全部食物的質數平均，平均每款食物也是變質，沒有一款食物說美味外，「一般」、「普通」也談不上，不是酸、不是咸、沒有味道、日式刺身不新鮮......林林總總，層出不窮。最難理解的是，每晚也有很多朋友願意花時間等候入座，令人難以理解，或許要作個案研究。若非作見證的一刻，我不會去；如果要將這份堅持定下期限，我希望是一萬年。

數年前曾光顧大久保﹐驚訝香港竟有如此低水準的日本餐廳﹐無論食物環境同服務都極差﹐已被我打入永不光顧名單中。(詳情請看以下連結)http://www.openrice.com/big5/userinfo.htm?userid=15694&comstart=313但世事無絕對.......千日之後﹐竟然因為某種原因再來. 既來之﹐即管看看這裡三年間有甚麼改變。環境依然惡劣﹐而下面食評已有同場食家形容過﹐不贅述之。食物方面﹐今次吃到的款式比上次多很多﹐但水準仍然屬於驚嚇級數。首先侍應向我們派芥辣﹐居然是外賣壽司用的小包裝! 如南瓜兄所言﹐真係從未見過堂食日本料理會以此種芥辣奉客。食物點了一大堆﹐有否像以前般漏單就不清楚﹐因不是我點的﹐但上菜逐度快了很多倒是事實。先來的是蟹籽沙律﹐試一口﹐不敢再要。為何會酸的? 再來的是數款刺身﹐除了看得出有北寄貝以外﹐其它的都看不出是甚麼﹐吃進口中﹐除了口感略有不同﹐味道卻是一樣﹐帶一點腥味﹐完全吃不到刺身應有的鮮甜﹔壽司仍是數年前的水準﹐散﹑冷﹑無味﹐吃了兩件﹐已無法再下筷。再來的手卷我並無吃﹐因看賣相﹐完全無興趣。改吃一些熟食吧﹐鍋中已躺著數件份量十中的

月前在某個飯局中,主家人講到時下香港人,大多只懂吃自助餐.小弟突然爆左句,"有無興趣去大久保?!"既然身為全港最大飲食網站,第二大劣評最多的餐廳.一定有其"吸引力".無論點樣糟糕.自己未食過,好難去批判其水準.天南地北咩野好野都食過晒,係時候來一些比吃虫更加另類的飯聚,經麵包兄一吹,一呼百應,竟然有一打死士追隨.當中大多係高profile的食友,有些食友覺得唔係呀嘛?你地係咪玩野架?).擺明居馬,要去追求事實的真相.當中梗係有少少玩味在內.哈哈.十二個神風敢死隊成員,準時十點半,聚集在油麻地大久保門外.麵包兄之前book左房,一樣無得早到早入.要搭到正先入得.入到門口,已索到陣劈場式煙味,加埋酸縮的臭味.聽專兄講,此味是大久保其中之一特色.十二死士,盡屈在一間狹窄細小的房子內.牆上的小電視,正是播著油尖王348少男的夢中情人Stephy的"獨家試愛",片中的愛情觀,同女主角的背景.與貴店的旺角味道,不謀而合.咁大個仔,第一次見日本料理.用包裝芥辣奉客.一口熱茶,無味.呢兩味已經不像樣,可想而知,其後的食物,大約會係點.難怪KC來到只是五分鐘,已經有點後悔....待續

眾人安頓後,已急不及待去點菜.有幾張點菜紙,每次只能揀三樣,睇之前眾食評,此店特色其中之一,就係漏單情況,經常發生,而且係故意的.HKPanda誇下海口如果唔漏單的話,我咩都得!)求其點左一大輪,連自己都唔記得,反正這類放題垃圾.應該無邊樣係代表作.出乎意料,不消一會.加州卷同蟹子沙律已經上桌.比之前講話等成世都無得食之食評,似乎有點出入.可能,我們這個聚會,已經黃晒.連餐廳都知我們這班來者不善的客人.所以餐廳負責人,連十皮都唔收,Sake任飲.唔記得叫咩名的卷物,底部似條米芝蓮爆左tire.散左出黎.壽司飯無味,質感似比機器啤死.加州卷無吃到,不知食味如何.蟹子沙律,經典之作.從未吃過如此酸的沙律,沙律醬是否過左期?細細碟,一樣食得剩.可想而知,有幾咁難食.眾手卷當中,無樣掂.唔知咩魚刺身,味如嚼蠟.微腥.紫菜唔脆,壽司飯一樣無味.另外個鮑魚,食味如發泡膠.感覺硬膠.本來想點些豉油,撈埋吃落肚便算.隔離Jeff同專兄,異口同聲話樽醬油很臭.結果還是作罷.待續...

再講下其他壽司,刺身.點下玉子,赤貝,吞拿魚等壽司.刺身就甜蝦,北寄貝,三文魚(?!!)等等,仲有一些自己都唔記得的魚類.吞拿魚壽司,.之前某食友講過話壽司未上檯會自動解體.今次親眼所見,一夾上筷子,即刻肉還肉,飯還飯.兩者一夜情過後,事後煙都未吸就著衫走人.吞拿魚紅得有點假.無味.連我自己都唔知食緊乜.其他刺身,都係一個味,無味.好有理由相信,這處的刺身,應該會係在普光齋交來的貨色.港人熱愛之三文魚,再一次重申,吃得多三文魚,等如慢性自殺.今時今日的三文魚,十居其九係養殖貨,野生一早囉去做高級煙三文魚.養殖者為左肉質更加紅潤.在飼料中,加上一些可令到肉質紅潤,但對人體有害的色素.吃得多會點?最高刑罰就係會變Ray Charles.變壞的三文魚,係唔會比面色你睇的.有時睇到某些食評,講到三文魚切得厚厚,好新鮮,好好味.真係睇到笑出黎.恕我唔識欣賞.熟食方面,冷麵係其中一味,比較正常的菜式.自助鐵板燒,柴娃娃點幾種配料,只見KC用舊牛油,在窩內捽下捽下.待其熔化後,放下金菇牛肉卷,帶子,蝦等材料.燒到兩面變色便可,有人見到尚有少少生,即刻喝止唔好食住,KC好有信心,照食可也.牛肉卷也過得

奉送的清酒,本來不存厚望係什麼國色天香.入口,味如廣東米酒!洗拿馬邦高利.難得眾食友,照喝不誤.做死士做到底,難得難得.炒烏冬無可能會係手打貨色.入口如吃麵粉.令人費解,不過這是大久保,本來匪夷所思,已經變成理所當然.一眾炸燒物,咖喱薯餅味道怪怪咁,炸餃子應該係全夜之中,最好吃的一味,因為唔係自己包.同老麥最好吃的炸薯條原理一樣.沙爹豆腐,兩者互不相干.沙爹汁味薄弱,豆腐全不入味.燒雞軟骨,無可能整得難食,因為本身係無味的.燒豬肉串,都過得去,當然同南蠻亭等貨色,差得遠矣.吃到此段,小弟要上班,提早畢業完成任務.不知後尾其他食友仲有無其他追加菜式?十二死士,全部沙場老將,難得此夜面對如此"美食",一樣興高彩烈,所有批判之聲,全部當成笑話聽之.非常盡慶,並非用錢能買下.真是此刻無價.大久保等此類垃圾放題,有如街頭騙案如祈福黨,寶藥黨,或者傳銷賣香薰等.野草吹不盡,春風吹又生,生命力之強,令人乍舌.長年累月,仲有大把人落疊.呢幾篇加埋的文字加相片,應該係大久保史上,最詳盡之食評.如果睇完我咁寫都仲鍾個頭埋去的話,阿呢陀佛.除非,你同我地一樣,想睇下點衰.真係睇番之前貴店之笑面,都唔知係咪媒