多賀野 (K11 Musea)

营业中

休息中

連續拎左多年米芝蓮的拉麵，今天終於一嚐！店員帶我們到餐廳右邊，原來這邊有一排私隱度極高的位子，有點像自修室那樣，可以一邊用notebook ，一邊享受頂級的拉麵。拉麵其中一項最重要的就是麵條本身，這間拉麵店就是十分重視麵條，麵條都是即日在店內製作，甚至讓客人看到製麵過程，好讓我們放心食用。我叫了粟國塩味沾麵，賣相很美，湯底、肉、麵分開上。這個湯底雖很清甜，但湯裡面有很多肉粒等配料，仍毫不油膩。麵條是冷麵，每一口的麵條都好香、好煙韌，感覺光吃麵條已經有夠好味了。有兩片叉燒，有淡淡煙燻過的味道。溏心蛋都是高質，還有大量的蔥，啱曬愛蔥人士。豚鴨沾麵跟粟國塩味沾麵的叉燒跟麵條都一樣，分別是這個湯底比較濃郁，畢竟由多種肉熬成的，喜歡濃郁的朋友可以點豚鴨沾麵。把拉麵吃光後，可以請店員加湯，湯底溝淡後，可以把剩下的湯底喝光。這裡的沾麵，麵條跟湯底同樣首屈一指，不愧拿了多年米芝蓮，果然名副其實，實力不可小覷！

K11 Musea 開左冇耐，我已經行左3次，但次次經過呢間，都大排長龍，今日難得6點黎到冇乜人，即刻入左去試下，睇下連續四年榮登米芝蓮美食指南推介的餐廳有幾好味先。-呢度麵條每日新鮮製造，餐廳內設有製麵機，客人可以邊吃邊看製麵過程。-1⃣多賀野醬油拉麵 💰128湯底望落清澈不油膩，飲落醬油味濃淡得宜，但飲完唔會涸喉；自家製叉燒肥瘦適中，肉質鮮嫩，仲有清脆筍條，黏黏溏心蛋。拉麵麵條偏幼身，口感煙韌彈牙。2⃣栗國塩味沾麵 💰148採用4款日本海鹽調配而成，湯底鮮味帶有層次；洋蔥和芝麻香令湯味更鮮更清新。其他配料和醬油一樣。3⃣菠蘿雪葩 💰68麵後來一個雪葩，感覺清新。原個新鮮菠蘿起肉打成雪葩，冰感細緻，而且不會過甜，很不錯。-整體品質係唔錯，但冇乜驚喜,略厭價錢較貴

豚鴨沾麵 $168有豚、鴨、雞、魚的香味，個沾麵湯汁味道豐富，好有層次。鮮甘、甘香、咸鮮、濃郁……配微粗身的沾麵，掛滿湯汁好好味。沾汁內有鴨肉粒，好彈牙好香。粗身有小麥香的麵，掛到好多湯汁，口感很好。叉燒半肥瘦，輕輕火炙過，但無咩香味，不過唔會好厚或薄身，口感不錯，肉質扎實。味道正常，但未見特別。個味付玉子超入味，半熟流心感正，蛋黃好濃好正。粟國塩味拉麵 $128友人的拉麵我試左少少， 用沖繩海鹽調味湯頭，咸香清新，味道輕怡，可食出食物原味，加入芝麻同洋蔥粒，添加風味，拉麵幼身保持爽彈口感。多賀野醬油拉麵 $128友人的醬油拉麵，帶東京醬油風味，湯頭清澈，味道鮮甜濃郁，且不油膩，感覺清爽，醬油咸度剛好，也很夾叉燒。整體味道幾好， 服務有禮且上菜落單也迅速，環境舒適座位寬闊，價錢微微貴，但可接受。

日本東京人氣拉麵店「多賀野」開設首間海外分店於K11 Musea ，鐘意蒲K11的我當然要朝聖啦！（不過首先要向大家強調，排隊真系要排好耐）多賀野醬油拉麵🍜（$128），湯底超級無敵正，清澈不油膩，面質系彈牙果款（唔系一蘭嗰種，一系腍一系硬），醬油味較濃，必食之選。蒲燒鰻魚定食🍱（$148），鰻魚好厚肉，好好味。條鰻魚我比101分，不過佢個白飯就差了點，無飯香，完全不夠鰻魚汁撈飯，整體感覺有點乾。自家制蟹肉薯餅🦀（$68），超級好味😋滿滿蟹肉薯蓉，外脆內軟，日式煎餃子🥟（$58)，普通到不能再普通，連最基本的冰花都沒做到。如果你不飽又錢多就叫吧。店鋪：多賀野拉麵地址：K11 MUSEA 2樓220號鋪

香港人一向生活忙碌，所以有時放假都會喜歡去逛下商場，買點小禮物犒賞一下自己。講到近期最多人談論嘅商場，相信非 K11 Musea 莫屬。其實自從這個商場 8 月尾正式開幕後，這晚還是首次到訪，原來整個商場設計是以大自然及城市景觀為背景，入面除了有多個本地及國際品牌進駐外，還有不少特色餐廳。行完商場，又是時候去搵食。今次揀咗間來自日本的人氣拉麵店「多賀野」。據說麵店曾經連續 4 年獲得東京米芝蓮推介，亦曾在日本食評網 Tablelog 奪得 3.99 高分，所以吸引了無數海內外傳媒爭相報導。因為怕人多，特意揀了個早段時間到訪，所以不用排隊便可直入。店舖地方不算很大，但以拉麵店來說，也絕不算小，裝潢風格優雅。打開餐牌，餐廳主要供應 4 款湯麵和 3 款沾麵，另外亦有定食、多款小吃、飲品及雪葩。我哋揀咗多賀野醬油拉麵 ($128) 同 3 款小食，據說醬油拉麵是餐廳嘅招牌作，配料除咗有三大塊叉燒外，還有一隻溏心蛋、筍、蔥同紫菜等。先嚐一口湯底，醬油味很濃，但濃得來不會好鹹，清澈又不油膩。拉麵每日於店內新鮮自家製作，咬下去相當煙韌，而且掛湯能力頗佳，細嚼慢嚥後更散發出陣陣麥香。叉燒味道唔錯，不

午飯時間係尖沙咀，問同事去邊到食午飯～同事話新開的K-11 MUSEA有間食沾麵的鋪想試🤤好就去試下啦⋯⋯地鐵站行到K-11 MUSEA真係幾步之隔，商場設計風格好靚，多賀野就係二樓。鋪內裝修不錯，地方大但坐位同枱就有點細同有點迫 。好快就點了 喜愛的沾麵(豚鴨沾麵)同餃子，其實食完整個豚鴨沾麵除了價錢同分開上配料上外，真係覺得無咩特別，除了湯係熱外，其餘都微温。配料及沾麵放入熱湯內一兩下整個湯都不再熱了，另外餃子都不用再講整體食品真係一般，但服務相當不錯。食過咁多間有沾麵，如果有得選擇的話⋯⋯都係去三X，隱X等等食會滿足的。

呢間位於K11 Musea既拉麵店好似長期都好多人咁，加上裝修亦都好靚好有心思，今日決定嚟試下!香蔥山椒叉燒拉麵山椒味好濃而且洋蔥粒幾乎滿佈成碗湯，濃而唔會咸應該就係餐廳用料好足既現象。辣度比起想像中既辣但食開辣既人都接受到既，叉燒係肉質結實個種，加埋個麵亦都好彈牙，比想像中更好食!粟國塩味沾麵份量都好多，湯底夠濃而唔會好杰身好咸，麵亦都係整得好爽口彈牙，同食湯拉麵完全唔同口感，鍾意食沾麵既都要試下!信州蘋果汽水唔同一般既apple cider, 佢有好既蘋果味而且碳酸感一流，夠汽又夠凍，極級推介!

米芝蓮級數拉麵當然唔可以放過，仲要開喺勁靚嘅k11 musea .. 一定要去打卡呀！ 拉麵款式選擇都幾多，除咗叉燒竟然仲有鴨肉。 仲有小食、炸物、同我最鍾意嘅鰻魚飯。 鹽味拉麵🍜： 湯底清清的，拉麵軟硬度適中，三片叉燒肥瘦適中厚度都適中，軟滑滑的很好吃。醬油拉麵，湯底比較濃厚，但是沒有油膩感，吃完之後一啲都唔口渴，沒有落味精吧。小食：餃子和炸雞都做得很不錯，值得一試。 拉麵店裏面竟然有鰻魚套餐還是頭一次遇上。以為鰻魚飯都只是普通貨色吧，怎料，出乎意料的很好吃哦，鰻魚烤得有油香四溢，醬汁濃郁。來這裏不吃拉麵吃鰻魚飯亦都一流。

新開嘅K11musea 真係好多新食肆，有排試呀！第一間要試嘅梗係長龍店啦，一去到正如傳聞所說大排長龍，我足足等左差不多40分鐘啦。先叫一個餃子、醬油、豬骨湯拉麵各一！餃子皮脆肉嫩，非常多汁， 正！拉麵首先要講隻溫泉蛋，果然係做到蛋王流心.. 正到暈！ 醬油湯底就比較清、豬骨湯底呢就好濃郁。 叉燒肥瘦均勻，我絕對可以用嫩滑黎形容！跟住再叫咗炸雞，外面炸得香脆，裏面軟軟滑滑，雞味濃濃的超級好吃。而且食了幾塊都不覺得很油膩，上桌前應該已經把炸物多餘的油份吸走了。非常細心。一定會再去！

又一間東京人氣拉麵店正式登陸香港，店舖位於新商場K11 Musea，呢間拉麵店係日本連續4年獲得米芝蓮推介，來頭真係唔少我地等左差不多1個鐘，終於可以就坐店舖設有製麵工場，所有既拉麵沾麵都係即日製造，確保新鮮，我地點了栗國塩味拉麵 & 豚鴨沾麵栗國塩味拉麵($128)湯底很清不是好油膩那種，湯底用左鰹魚乾，雞和豬熬製而成，再加入海鹽，但食落唔算好咸，亦都食到雞湯既味道，唯一我不喜歡就係d生洋蔥同蔥，好生好濃味，破壞了原本清甜既味道豚鴨沾麵 ($168)沾麵湯底加入左鴨熬製而成，但食落鴨味欠奉，比起出面d沾麵，呢個湯底明顯是較淡，但當然比拉麵既湯底濃郁，麵條也比拉麵的粗身，好煙韌好有咬口，不錯整體來說我覺得定價偏高，味道完全未去到嘩一聲既驚喜，排成一粒鐘就更加唔係好值，建議大家過左熱潮後可以不妨一試既!

黎開K11 MUSEA打咭，於是順便去食埋野先返屋企。雖然見個場相對冷清，但見到某幾間餐廳都係有人排隊等候🙈於是我地決定一於去排隊朝聖，食有米芝蓮美譽既多賀野拉麵🇯🇵😆不得不說真係幾多人下，我地7點半入坐，8點半左右走，見到仲係有人排隊等候中🙈不得不說呢間拉麵🍜店無論係食物、環境、衛生同服務都好唔錯，不過可能要花十幾二十分鐘排下隊，而價錢方面會比出邊市面高少少，但又唔算太貴。醬油拉麵$128一黎就飲啖湯先，好重既醬油味，但又唔會太鹹，帶微微既甜味。湯拉麵屬於幼身既拉麵，但一樣都係好煙靭同彈牙👍🏻粟國鹽味沾麵$148不得不讚，呢個真心推薦，個人好喜歡💕先講下，個拉麵係相對湯拉麵粗少少，所以咬落去更有嚼口😋湯底有好多豚肉粒，軟淋淋，連埋碎碎䓤粒，飲埋啖湯，鹹得黎又帶點肉既鮮甜味👍🏻叉燒三七分佈，唔會太肥膩，荀好爽口，個塘心蛋，又入味又滑。我只可以話成個配搭好正😄自家製蟹肉薯餅$68好重嘅薯仔味，連埋少少蟹肉，好似食聚蟹肉薯蓉，但外層脆卜卜，令成個口感更為豐富😋

打工仔邊到會成日請到假去旅行， 請唔到假去旅行但係 香港地勝在機遇多。 尖沙咀新商場落成， 自然會帶嚟新餐廳。 今次 終於有得一試聞名 已久， 來自東京品川嘅多賀野拉麵。 話聞名已久係因為佢連續四年攞得米芝蓮嘅推介， 咁出名， 既然飛唔到日本，咪振興香港經濟，留返喺新商場消費囉， 試試新餐廳！ 餐廳格局同k11musea 商場 首尾呼應， 都係以流線型為主， 而且餐枱設計亦都好花心思， 有面對廚房嘅 座位， 亦都有兩張 圍住棵樹 的高吧檯， 甚至亦都有可以開窗嘅座位， 兩個人可以將窗閂埋佢自成一角。 豚鴨沾麵168 沾麵湯底係用 新潟 小魚、海藻、洋蔥， 再用鴨肉、雞骨同豬蹄淆製而成， 而整個湯頭係行中華風，所以唔會好濃杰 好似漿糊咁。 湯底清甜不膩， 帶點洋蔥的清新。而麵條係店入面自家製， 保證新鮮， 以四種日本麵粉，兩款 蕎麥 ，以及梘水同埋雞蛋製成的 沾麵吃起來口感彈牙。 每碗拉麵都會附上兩塊叉燒、筍、和蔥等等， 叉燒肉質嫩而且不會太肥。 蒲燒鰻魚定食148 定食包含沙律前菜 ， 鰻魚與及日本米飯 。蒲燒鰻魚即叫即燒， 沙律菜 新鮮，前菜是紫蘇葉拌青瓜， 風味獨特。鰻魚

E小姐原來還未去過新開的廣場，於是，這天專誠約她去練習一下拍攝技巧，因為K11 musea 有不少打卡位嘛！玩到肚仔打鼓，於是找到這家日本餐廳去休息一下。人客不少，晚飯時份，店外出現人龍，等了20分鐘終於成功入座。土佐豆腐48炸得超好看，炸木魚絲脆卜卜又很好看，大大件的豆腐，外脆內軟，豆腐滑得筷子不能輕易夾起，得用匙子雙管齊下。切得大還有豆香，配上面的蘿蔔蓉，消減了幾許油膩，日式煎餃58餃皮煎得香口，出奇薄皮，豬肉涵不帶肉腥，肥少瘦肉多，點些開胃酸汁，好吃又不肥，不會吃到整個咀是油。鰻魚定食148價位和銅鑼灣差不多，定食來說份量充足。前菜挺開胃，沙律菜加了健康又清甜的蘆薈後甚爽口，米飯軟熟，而主角鰻魚味道ok，肥美厚身，蒲燒後無論外皮還是入面還是嫩滑，沒有特別要求多醬汁，還是下得大方的，可以拌著米飯吃。蟹肉薯餅68餐牌寫著是自家製，所以特別有期望。雖然不是幻想中大大塊那種，但蟹肉和薯蓉十分美味，蟹肉下得闊綽，不會吃得一口都只是薯泥的口感，炸得香口，涵心蠻實在，我滴上檸汁，多了一份清新。食後感：欣賞自成一格的卡位設計，私隱度很高，就算是一個人來吃也絕不尷尬。店員友善又健談，感覺不錯。

今日新商場喺尖沙咀開咗，對於我呢一個好八卦嘅人來講一定要去八下，而且亦都有好多人講呢個商場好好行，一好多好嘢食，特別係有一間日本過江龍拉麵你都香港到開張！你一間就係多賀野拉麵店！而家好多人話呢一間拉麵店係屬於米芝蓮嘅級數！於是我呢個人就去試一試我叫咗一個醬油拉麵，不到3分鐘左右就黎到啦，我一直落去就發覺覆啦，因為佢紫菜唔單止好林，而且佢嘅拉麵好明顯個麵質唔係算好好，以佢嘅叉燒亦都做得好一般，應該都係湯底亦都唔算特別濃郁，對於我經常去日本旅遊嘅達人你講呢一個拉麵真係唔算合格不過我亦都好尊重呢度嘅師傅將佢所有嘅湯飲晒二湯底亦都有最高之一滴嘅文字顯示並且尊重食客嘅行為。食完之後我哋諗一諗我哋平時叫開嘅餃子仲未嚟到，事關日本人好鍾意一邊食餃子一邊食拉麵，而佢呢個餃子係要我地食晒嘅時候先嚟到真係太唔專業啦，以佢呢個餃子亦都做得好一般，一來佢揸得太過窿啦，而且佢裏面嘅豬肉亦都唔算特別香，所以以60蚊個真係好貴呀！呢餐我哋食咗$250，而侍應生亦都唔算特別好好招呼，希望公司可以改善一下！

最近尖沙咀都少左好多人流，咁啱今日有野係尖沙咀做，做完野就同朋友去K11 musea行行，朋友話想食日本野，上OP搵到呢間「多賀野」，見d評語都係話要排隊等好耐，但我地7:30去到又唔洗排隊wo!!即刻入去啦！我地坐最入面既位，好得意wo!有少少茶樓既感覺，有別於一般拉麵店！我就點左個《多賀野醬油拉麵》，見餐廳寫呢個係招牌菜當然要試試啦！叉燒係厚厚地既，略嫌唔夠味道但係個溏心蛋相當出色，配埋個湯食落去好甜好滑溜，湯底唔係濃厚質地，係有油脂係面層，而且鮮甜唔錯！鐘意食濃味少少既就應該要揀佢地既沾麵朋友點左《粟國塩味沾麵》好彩叫左兩個款，互相試一試個分別同朋友都一致認為沾麵更出色可能我地香港人本身食野濃味所以比較鐘意味道特出既沾麵！最正既係，食完唔會口渴，佢有陣陣既鹽香，又唔會係杰身既湯底！推介我地再叫左個《日式煎餃子》餃子皮薄而且煎得脆口，重點是個汁，小小酸帶蔥既香味！果然冇叫錯！我覺得唔算好多人排隊既話，絕對係值得一食！店員服務態度良好，店舖環境都幾舒適！第一次品嘗呢個「多賀野」既味道