多賀野 (K11 Musea)

营业中

休息中

又一名店開係K11 Musea. 晚市6pm開始，5:45pm 去到，已經有大約十個人排隊。我地兩個人order 左蟹肉薯餅，原味炸雞，鰻魚定食，豚鴨沾麵，打算大吃一餐，不過有d失望以回。最值得一讚既係蟹肉薯餅，真材實料，入面好多蟹肉，同坊間多數的蟹味忌廉薯餅完全唔同。炸得好好，味道亦好夠根本唔需要點汁。豚鴨沾麵個湯都非常之好，好鮮甜好香，清清地，有少少酒味。佢係一個湯，唔係汁，美中不足嘅係d麵係粗麵，食起上嚟沾得唔夠多湯。至於個鰻魚定食，個汁太濃太甜，酒味太重，我都唔知自己食緊d咩。炸雞，我食既第一件比較乾，好硬，口都痛！第二件明顯係雞髀就好好多。不過我自己就麻麻地佢個炸漿，比較硬

今日中午行過去,見到大排長龍 ,走入去試下, 入到舖環境舒適 ，拉麵只屬普通， 湯底真係清湯底 沒有味， 唔知道點解會可以有米芝蓮嘅稱號， 餃子全部出曬油 ，仲衰過街邊油浸餃子..

週六11:30左右路過已有二三十人正在排隊，就湊湊熱鬧排埋一份，等左半個鐘12點就開始進入餐廳，原來這點是米芝蓮推介來自東京，本人十分愛吃沾麵， 點了粟國鹽味沾面及豚鴨沾面，將以往吃的沾面不一樣就是湯底較清，以往吃的沾面醬汁較濃可以掛在面上，醬汁太清淡了味道亦掛不上在面上，同時亦點了餃子, 味道也是一般

上禮拜朋友分享話K11 Musea開了間新拉麵店響日本好出名，但成日就排長龍，男友係拉麵控，趁假期去逛逛新熱點順道看有無機會試到啦！晚市6點開始，我5:30pm 到店開排隊已有十幾人等，企左8分鐘突然有十幾人響後面，大家都提早來朝聖我地點左炸雞 、炸𧐢 同炸薯，好快到頂住肚。拉麵🍜我就選醬油拉麵$128男友豚鴨沾麵$168。等待時比較耐，差不多半小時，但服務態度很好店員一直跟進。醬油拉麵味道很清最啱不愛濃味不愛油膩既我；豚鴨沾麵湯底很濃湯涼了會有點咸，不過可以免費加清湯保持溫度，溫馨提示都係要襯熱食整體來說都係滿意，價錢方面有點貴所以都係久不久試試就可！

讚1. 炸雞係將好味既，唔油，皮脆，有肉汁，雖然乾哽無醬汁，但都有入到味2. 拉麵既質感幾好，爽滑彈1. 人流控制差，根本無需叫客咁排法，足足等左成粒鐘先入到去，但入面根本就未爆2. 拉麵湯底平平無奇，只係好常見既鹽湯味，如果以新開拉麵店計，鬼金棒已經有特色過呢間價錢同質素不成正比，咁既價位仲要排咁耐，一次夠皮嚕

在商場K11 Musea開設日本東京人氣拉麵店「多賀野」亦進駐開設首間海外分店，當然忍不住要試食！我們排了差不多一個鐘頭，終於品嚐了以下的菜色：我點了一個醬油拉麵，湯底清甜，附上兩塊叉燒，還有半熟蛋，而且拉麵的份量不少。在店內看到製麵機，相信應該是自家製的拉麵，十分新鮮彈牙! 常吃豬骨湯的我，吃了這個醬油拉麵感覺就相對清淡。另外在點了一個鹽味沾麵，湯底都比一般的沾面清淡。而且不知道是不是坐的位置風口較大，所以東西很快就冷了下來。最後我們點了一個小吃-蟹肉薯餅！吃都是一絲一絲的蟹肉和薯餅加起來是非常夾的！值得一讚！

香港地地少人多，難得尖沙嘴有大型新商場K11 MUSEA 開幕，餓妹子梗係要去朝聖下。呢排實在太忙，連出post嘅時間都無。加上餓妹子作病中。😷😪大家要見諒呀！🙏🏻 New shopping mall K11 MUSEA in Tsim Sha Tsui, let’s go! Hope for your understanding on my late post due to heavy workload and me being sick. 😊·🧂🍜粟國鹽味拉麵 Aguni Island Salt Ramen $128湯底加入沖繩海鹽，芝麻及碎洋蔥一齊熬製，味道唔鹹，仲要鮮甜清新。Surprised with the bit too salty salt ramen since there are Okinawa salt, sesame and chopped onions in the soup to make it fresh and sweet enough. 🙆🏻‍♀️·🦆🍜豚鴨沾麵 Chashu and Duck Tsukemen Ramen $168豚鴨沾麵最為出色，湯頭

是次到訪尖沙咀新開的K11 Musea商場，上網搜一搜，食店款式包羅萬有，由小食店到連鎖式都有。個人比較喜歡食拉麵，見到東京名店，當然要試一試，本來預咗剛開業店鋪要排長龍，不過沒想到人多的午餐時間只需等1小時。坐下看了一下餐牌，拉麵款式不多，有醬油、鹽味和辣味，還有比較特別的豚鴨沾麵，以及小食和飲品。今次只點了推介的多賀野醬油拉麵和特色的豚鴨沾麵，多賀野醬油拉麵 - 湯底唔鹹，清清哋都唔錯，但就好似少了點味道，有點清豚鴨沾麵 - 沾麵湯的濃度不像其他拉麵店那樣稠，湯的味道只有鴨味，豚肉味就唔爭氣，整碗湯越食越冇味，沾麵的麵比拉麵粗身，幾啖就食曬咁，食完完全唔夠飽總括來說，可以一試，但不會再試

今日早放,老婆話去試新嘢 - K11 Musea 嘅多賀野。等咗接近ㄧ粒鐘, 有D脚軟。但見到好多人仲等,都期待會好好食。先上嘅係炸蠔,粉比較厚,只係普通過得去。再一路等,見出嚟出去都係沾麵, 但好多人都未有嘢食,應該都同我一樣在等拉麵。師父看似嚴謹,每每聽到鐘聲就有兩三碗拉麵出爐。最後等了近半小時, 期待嘅拉麵终於到。一試湯底已覺唔對路,十分普通, 再見隻過熟嘅溏心蛋,已知快D食完快D返屋企。試吓都還可以,但要排ㄧ大餐先食到就真係不必啦,我覺得尖沙咀同價錢應該有其他唔太需要等嘅好選擇。

本人從未試過寫食評。但呢間野既沾麵真係無人能及。「栗國鹽味沾麵、豚鴨沾麵、餃子」1）麵條- 幼身，直條，0坑紋，完全掛唔到汁。2）沾麵汁- 鹽味稀到極點、淡而無味，同水近乎無分別，分別只在「有輕微鹹味既水」。- 豚鴨同上，叫做稍為濃少少。3）價錢- 鹽味 $128- 豚鴨 $1684）感受- 寧願煮個出前一丁沾麵都好食過佢。- 貼1千蚊比我食都唔會食。- 最好食就係餃子，算叫做皮薄足料。P.s. 拉麵無試過，但已經係0期望，難食到我相都唔想影。

以招牌醬油拉麵及人氣熱賣的鹽味拉麵風魔東京的多賀野，早前終於進駐K-11 MUSEA這個新開的商場. 憑著清透而層次豐富的湯頭，每日新鮮自家製的拉麵，連續奪下多年東京的米芝蓮殊榮，成功吸引大量食客的朝聖。衝著這殊榮，當日，足足排了大半小時才輪到我們。栗國鹽味拉麵 - $128據稱每日耗費長時間熬製成的高湯湯底，混合沖繩海鹽調製成的鹽味醬汁，看似清澈，入口後卻有著豐厚、多層次的味覺感受。麵條相對於其他餐廳，比較幼身，麵條柔韌性夠好，咬落有嚼勁，不糊口，帶有少少麥香。薄切的日式叉燒，入口感油香十足，肥而不膩。芝麻辛辣拉麵 - $138相對於鹽味拉麵的清淡，這款中日混合版的辛辣拉麵，就是對味蕾的衝擊。四川版的日式拉麵。味道較為濃郁，帶少許嗆喉，可以一試。吉列炸蠔 - $78大大隻炸蠔，熱辣辣，入口酥，脆，鹹，香，咬開還有汁，極力推介，必食。鰻魚定食 - $148肉質豐厚的鰻魚，入口就化開，滑嫩軟糯，油脂香味十足。整體來說，價錢相對於一般街外拉麵來講，比較貴。但唯一這個高級的商場，還可以接受，性價比合適，下次可以再來，試試沾麵如何…

突然想食拉麵就排隊試試，夜晚7:15左右到，排咗大約45分鐘，叫咗多賀野醬油拉麵、豚鴨沾麵、蟹肉薯餅及炸蠔。先講吓多賀野醬油拉麵，味道清唔算好油好咸，麵質彈牙，叉燒唔太肥膩（可能薄過紙嘅關係），但碗麵嚟到啲湯只係暖，唔夠熱，要快食。而豚鴨沾麵就比較出事，麵質同醬油拉麵一樣，叉燒都一樣，個湯係比較咸，但因為沾麵材料會分開上，本身啲麵係凍，叉燒同蛋都係凍，碗湯一樣都只係暖，將啲凍嘅麵放入暖嘅湯到點浸都唔會熱，成碗嘢越食越唔想食，但有樣嘢好，碗湯凍晒都無「瓊」一層油響湯面，證明啲湯都唔係好油。啲炸物都夠熱夠脆，炸蠔個皮厚咗啲，蟹肉薯餅可能太少蟹肉關係，食落似只係食炸薯餅咁。試過一次就夠，要比住個價錢同時間排隊，係唔值！豚鴨沾麵多賀野醬油拉麵炸蠔及炸薯餅

To be honest, this is definitely not worth any Michelin at all. I've tasted better ramen and soup elsewhere.I will keep an open mind, MAYBE the bowl of ramen that the guy tasted was worth the Michelin..but for my bowl...First of all, I arrived there at about 8.45 in the evening. Me and my friends decided to try it because the queue was short, and it's usually very long. So we were like, 'Why not?!'Anyway, the service was ok though everytime they refill our tea, they would leave our cups on the t

尖沙咀新開左商場K11 Musea，今日去逛下有咩好食先！見到呢間日本米芝蓮推介既拉麵，就去試下啦。排左大約15分鐘就有得入去，入面枱都唔算多，繁忙時間會要搭枱。叫左個豚鴨沾麵同粟國塩味沾麵，因為唔太肚餓就冇叫小食。豚鴨沾麵既沾汁係由豚雞鴨魚混合製成，但係我就覺得食沾麵呢個湯唔夠濃味，偏清淡既，就會似係平時拉麵個湯底咁。除左個湯，其他野都可以，麵既份量正常，麵質彈牙，半熟蛋都唔錯。價錢方面豚鴨沾麵$168未計加一，粟國塩味沾麵$148未計加一。打住米芝蓮既旗號，價錢都唔平，但就未必再返黎喇。

雖然K11 Musea陸續有新餐廳登場，不過每一間都大排長龍，我和朋友討論後得出結論排多賀野應該會快一點，因為吃拉麵相對快，結果我們排了四十分鐘，是我們預料之內。我們被安排坐在吧枱一角，這更好，我們可以安靜地享用拉麵。喜歡吃辣的我選了芝麻辛辣拉麵，特別之處它不是純粹的日式拉麵，加入擔擔風味，非常新穎。大量芝麻，蔥花撒滿拉麵上，未品嚐已感受濃濃的芝麻香，令人期待。三七肥瘦的叉燒不薄不厚，毫不油膩，肉味濃厚，而湯頭入口溫順，香辣度恰如其分，不錯的喝。朋友的栗國塩味拉麵驚喜萬分，海鹽湯底十分清新鹹香，拌勻洋蔥碎和芝麻帶出湯的鮮美，餘韻無窮。麵條軟硬度剛好，彈性十足，吸飽湯汁甚具滋味。朋友最愛的糖心蛋表現出色，橘紅的流心蛋黃香甜入味，齒頰留香。我們嘴饞，多點一碟日式煎餃子，餃子皮煎至金黃焦香，肉餡飽滿多汁，原味吃已經好吃，當然沾點醋汁吃的，這是個人的飲食喜好。