多賀野 (K11 Musea)

营业中

休息中

呢間拉麵一直都好多人排隊，今日lunch hour 條隊唔算長咁我哋就決定去試吓 始終都係因為米芝蓮嘅人氣不過，個人覺得就唔係好值得試，尤其係要排隊嗰時，因為佢嘅性價比都比較低。一碗拉麵大概$130 ，小食就$40-$50，價錢都算正常 不過我就覺得味道係普通咗啲。我order咗個醬油拉麵，上面嘅配料就都係嗰啲😂叉燒望落就半肥瘦，不過食落去都偏乾湯底係普通嘅醬油味，唔知係我嘅問題定係真係湯底比較一般，我完全食唔出有咩特別。而小食係薯蓉蟹餅，蟹肉份量偏小，主要都係薯蓉多，同平時食開既crab cakes 好有分別

經過K11 Musea 當然去試吓過江龍拉麵啦。環境：空間感一般，環境用色偏深色，有點高冷感覺，再入點是木色設計服務：當日我約下午五點左右，只開放半場，人手尚算足夠，侍應都專心工作，禮貌正常，我鐘意佢哋有笑容食物：我點了啤酒同醬油拉麵。拉麵質地有點al dente,但無香嘅麵粉味；湯底尚可，沒有特別；兩塊义燒太散，夾起來不是一片，個人不喜歡，但味道好好，有豬味，另外跟好多筍。隻蛋唔入味，失望。總結，差不多二佰蚊落樓，我覺得外面有更多選擇。

係K11睇完戲，老婆話想食拉麵，就openice睇下最近有咩食，2樓呢間最近就懶得行番出尖沙咀食，見到都有60幾個好評，應該唔會難食得去邊。排隊，好合理，香港食拉麵好多都要排隊，入到去覺得環境氣氛都唔錯，好快我地就order左一個最多人推薦嘅豚鴨沾麵$168，一個香蔥山椒叉燒拉麵$138，一份煎餃$58 5粒，少貴，但K11呢到點可能平。先黎個豚鴨沾麵，見到都幾大份，同埋係粗麵好make sense，掛汁呀嘛，一沾就覺怪怪地，點解個汁咁稀，啲人講到啖啖都食到鴨味同豚味咁正應該無事嘅。一食，凍嘅，個汁唔夠熱，而且食落去就真係無鴨味啦，豚味就都係個啲普通野，重點係無乜味，我都呆左，以為沾得唔夠多汁，嚟多野全沾都係無味，攪不掂。再食餃子，個皮淋嘅，個樣點睇都係煎架嘛我以為我叫錯...淋嘅煎餃我不如叫蒸餃啦，d餡就都係個啲大路野，極懷疑佢係叮叮餃子。最後的香蔥山椒叉燒拉麵，賣相好好，希望救得番呢餐，一食...唉，乜事呀得個辣字，唔香嘅，個湯頭又唔夠味，蔥同洋蔥竟然無幫到件事加分，香蔥唔香，我都真係睇唔透，叉燒普通野，興幸山椒都有啲麻嘅feel好彩都貼一貼題。總結係非常不推薦，利申無私怨，服務唔

呢間拉麵店開係充滿話題性嘅商場K11 musea, 每次經過好多人黎朝聖，確實令人有點期待。今次早到加上外在環境令到商場人流明顯減少，未見排隊人龍，係我黎朝聖嘅好機會🤤✨多賀野醬油拉麵 $128首先試湯底，同一般拉麵店食嘅豬骨淆湯底比較下，呢道嘅湯底唔油膩，鏗魚味好突出，很鮮甜，飲多左亦唔覺滯，拉麵比較幼身，配有洋蔥絲同一隻軟綿綿嘅溏心蛋。✨芝麻辛辣拉麵 $138多賀野自創日式擔擔麵風味，同樣麵係鏗魚味突出，比起醬油拉麵呢款湯底比較濃厚，帶一點點辣味，加上芝麻醬，食落有增次得黎又唔會搶走鏗魚味👍掛麵較果更佳，重口味之選😻✨自家製原味炸雞 $52個人非常喜歡日式炸雞！皮薄得黎又鬆化，雞肉醃得頗入味，炸嘅時候亦鎖住肉汁👍

今日去咗尖沙咀新商場行街，行到2樓發現有好多人在一間食店外排隊，一睇發現原來係日本東京米芝蓮食店多賀野。我當然唔執輸，同朋友一齊排隊，一路傾一路排，其實都好快排到。入到店內，裝修得好靚好舒服，除咗有日式嘅感覺，仲有大自然嘅感覺添！店員嘅服務都好親切，做嘢亦都好快手，好快就有人serve我地。我哋叫咗兩個拉麵，一個煎餃子和一個雪芭甜品，樣樣都好好味。首先講吓拉麵，我哋叫咗一個粟國塩味拉麵和一個香蔥山椒叉燒拉麵。未食拉麵之前，當然要試一下湯底，一飲就知非同凡響。塩味拉麵的鰹魚味堅香堅濃，而香蔥山椒係絕對啱晒愛吃辣之人，因為佢嘅辣味都幾夠之餘，仲有好香嘅香料味，一飲落去香甜酸辣隨之而來，香蔥撈埋湯底勁好食。拉麵嘅麵質亦都夠煙靭，仲帶有淡淡的麥香，或者呢個就係自家新鮮製的好味之處。佢嘅叉燒都好食好多，兩片薄薄嘅叉燒，係非常非常林，夾起都會爛嗰隻，入口即溶，真係冇得頂，米芝蓮果然係米芝蓮。日式煎餃子嘅味道亦都非常好，皮薄餡靚，煎得香脆，醬汁亦都一流。最後食埋個甜品，我哋叫咗菠蘿雪芭，成個小菠蘿咁上，好精緻啊！味道亦都一流，食得出真係用菠蘿做，絕對係好味道，出面食唔到。我仲想試埋其他兩款香橙同椰子

今次體驗不能只有我知道 對我來說係大伏
朋友推介我一定要試佢地嘅豚鴨沾麵
位於K11 musea新開張時大排長龍
上次見無人就入去試下 抱住滿心期待嘅我🤩
帶住好失望嘅心情出番嚟😤😤💢
後尾問朋友話最近食過唔知點解難食咗好多 
佢話本身食過好濃味好香 佢最近食變淡哂

我嘅感覺係 麵佢自家製係好彈牙不錯的
麵係凍麵(食過好多沾麵都係凍我接受到嫁)而個湯都係凍! 係! 第一下飲已經唔係熱的⁉️
見佢豚鴨沾麵理應飲到濃郁豬同鴨味
雖然佢有少少鴨肉粒 但完全食唔出鴨味🤯
沾麵汁好稀 而且非常之甜 成個湯係甜味😨
張凍麵放落凍湯 個湯愈來愈凍 又甜😣
我食咗一半已放棄😵我係大食妹平時唔會食剩野的
叉燒唔肥唔香無咩味🍳蛋就合格但都無咩味
而且價錢$168實在太進取‼️加埋一$185...
照朋友所講 我估佢地品質時高時低⁉️
但比$185食碗麵 不能接受呢個品質⚠️
又或者呢個又甜又凍又唔香嘅沾麵唔岩我口味掛😂因為見好多人話好好食 可能前排好食啲？
🍜朋友點嘅醬油拉麵個湯幾清唔會死咸
但感覺都係爭啲野 無咩特別到佢值$128
🦀蟹肉薯餅好酥脆 但味道唔特別
煎餃子🥟都煎得夠脆 可以一試
.
🍜豚鴨沾麵$

今日，行街去咗尖沙咀嘅一間新商場，K11 MUSEA。我同朋友行都行到覺得有啲攰，就入咗嚟食拉麵。一入到黎，好有日本風，周圍都有打卡位，真係影過不停。我哋叫咗兩碗面，醬油拉麵同埋沾面。多賀野醬油拉麵 : 依個係招牌之選，佢嘅湯底清澈，鮮甜而不油膩，仲有東京拉麵風味添😙😙豚鴨沾麵 : 呢個沾麵，一定要試，佢個湯甜到不得之了，飲落嘅每一啖湯，都係完全充滿著豚肉味，鴨味，雞味同魚味加埋一齊嘅鮮甜味，一飲就愛上。環境方面 : 佢有啲枱中間有個窗，供二人同四人，二人就閂埋窗，多晒私人，四人就十分有特式。

同朋友6:30嚟到呢度，唔使排隊直接入去。我哋叫咗兩個signature dish, 豬鴨沾面同多賀野醬油拉麵。豚鴨沾面個鴨湯好濃鴨味，甜甜地，又有的鰹魚味，好味。而沾面彈牙，幾好味，但係$168.1個面太貴啦。醬油拉麵，令人10分失望。先講講佢嘅湯底，得個鹹味，加水，我真係食唔到仲有乜嘢材料熬出嚟，可能我個人本身都唔鍾意食醬油拉麵，呢個豉油真係得個咸字。仲要$128 ，真係勁貴。另外我哋仲叫咗一個蟹肉薯餅，正常。冇特別。

話說難得有新商場開，好多美食店進駐呢個商場，其中一間我期待以久既就係多賀野。 話哂佢係米芝連，當然要試下啦。個商場岩岩開果時好多人嫁，就算係平曰條隊極長，不過宜家已經人龍不再，平曰既午市係直入，極多位。話說我嗌左香蔥山椒叉燒拉麵，個味道極奇怪。一食落去覺得好酸，加上少少辣，個味道一d都唔夾，亦都唔似擔擔麵既味道，呢個味道我好肯定我從來未食過，應該都唔會係第二度食得返，可惜唔岩我口味。下次應該揀返d無咁創新既味道會好d。好左佢環境同服務都好好，坐得舒舒服服，而且唔會趕人走，仲不停倒茶俾我，呢方便真係加好多分。始終無咩邊間拉麵個環境係可以慢慢坐。而價錢方便都算係咁啦，話哂都係米芝連。大家去食既時候記得乖乖地，揀返招牌好喇，驚喜唔係個個岩既。

以往經過多賀野都大排長龍，由於近期社會運動，商場人流少左好多，一於襯呢個機會試下呢間過江龍拉麵。裝修走時尚風，加入一些樹木森林風格，有別於一般的傳統日式拉麵店。第一次食就試下招牌鹽味拉麵和豚鴨沾麵以往食沾麵湯汁都比較濃和杰，今次豚鴨沾汁不太濃郁，感覺略嫌清淡，而且不太掛汁，基本上可以當湯麵食。麵以冷麵形式上枱，幾有彈力，而且份量都頗大，適合男士食。鹽味拉麵口味比較清淡，不油膩。溏心蛋做得不錯。煎餃子，煎得都幾香，味道正常，沒有驚喜。4人座位中間有屏風可以關上，避免看住陌生人食的尷尬。食物質素ok, 但300幾元又太值。

多賀野喺11 Musea八月份開幕的時候一度出現極長人龍。唔鐘意排隊嘅我等左幾個月，今日趁weekday夜晚冇咁多人黎多賀野試下。很喜歡K11 Musea裡面的店鋪。店鋪好像都會配合商城的裝潢風格，揉合了大自然樹木和自然流線的元素。 吧檯頂部的流線設計就像森林裏面流水通過小溪裏面的樹木。中庭的高臺甚至放置了植物在桌上面，別出心裁。多賀野醬油拉麵，醬油湯底清清地，鍾意拉麵湯底清啲嘅朋友仔應該會覺得唔錯。拉麵係直身麵條，都幾掛麵好索湯底。豚鴨沾麵湯底非常特別，好鍾意佢有種煙燻嘅香味。自家製蟹肉薯餅，薯仔一定唔會差得去邊，加蟹肉味道會更提升。

自從K11 MUSEA開左之後，次次行過都大排長龍，即刻search下，原來係日本東京米芝蓮人氣拉麵店「多賀野」，香港分店用既食材都係由東京本店送過黎，而製麵機都由日本原廠直送到港。多賀野堅持每日係店內新鮮自家製拉麵，令拉麵有一定嘅煙韌度，充滿陣陣麥香。而餐廳半開放廚房設計，可以望到廚師煮麵。今日嚟到（6:15pm)難得見到門口竟然一個人都冇，我地即刻入去試吓先。我地叫左多賀野醬油拉麵 🍜，超正呀，湯底顏色好清，好香濃嘅醬油味，面嘅質感好煙韌另外叫左炸蠔定食、蒲燒鰻魚定食，炸蠔好鬆脆，炸醬唔會過厚，隻蠔仲好juicy👍🏻好耐冇食過咁好味嘅炸蠔蒲燒鰻魚定食因為即時燒，所以大約要等15至20分鐘，鰻魚好肥美，肉質軟腍嫩滑，背面燒得香脆下次想試沾面同蟹肉薯餅

一碗東京米芝蓮級的拉麵，令人一試難忘。K11 Musea有一間東京人氣拉麵首間海外分店「多賀野」，在這家拉麵店吃了一碗有誠意的拉麵。這碗粟國塩味辛辣沾麵，非常特別，很少日式拉麵店會有辛辣口味配搭。麵質彈牙粗身，湯底濃郁入口有辛辣口感，愈食愈過癮，湯底食後感有漸漸魚仔甜香徘徊在口腔內。配菜有蔥絲同蔥粒，大量荀子，湯裡加上中國元素的大頭菜，相當有驚喜。另一碗粟國塩味拉麵$128，食最原始的原味湯底清甜香口，叉燒有炭燒香，不肥不油膩，肉質腍嫩，好好食呀！麵質彈牙幼滑，沒鹼水味，原來每碟麵都是自家製造，約每3小時只能做出120碟麵，而且製麵機械由日本直送，簡直高要求，在真空環境中製麵，水準極高質。

平日18:30，1/4滿大把吉位，我同老婆對住坐4人枱，次次waiter都帶2個人坐我地張枱，3次都比客話，我想坐入面(吉枱)好心間鋪大把吉位你就唔好成日叫人坐張附近有人既枱啦，都唔得醒叫左鹽味拉麵x1酱油拉麵x1咸到爆咸到爆咸到爆咸到爆咸到爆咸到爆咸到爆咸到爆咸到爆咸到爆咸到爆咸到爆蛋、面、菜、叉燒都OK，但係個湯真係咸到爆咸到爆咸到爆咸到爆咸到爆咸到爆咸到爆咸到爆咸到爆咸到爆咸到爆咸到爆咸到我老婆食到一半唔食，我個咀就拿住拿住，返左屋企飲左勁多水樓面3個人，廚房2個男仔樓面我都由你，廚房2個男仔不停吹水，我食咁耐佢2個吹足咁耐，又唔載罩，口沫橫飛唔衛生，食我唔死都由你，大佬你唔比心機煮，搞到咁難食。$13X一個拉麵，同直接飲豉油無分別，無第二次甚麼米支連、甚麼獎、甚麼TABELOG連續XXX樓下車仔面都好味過你啦檢討下啦

每一次去K11 Muse，都會見到這一間餐廳要排隊，仲要條隊好長，今日終於有機會試試！聽講這一間餐廳是米芝蓮餐廳，所以我都滿有期待想試試拉麵和湯底有什麼特別。餐牌主要有湯拉麵和沾麵。由於我去東京吃過一碗沾麺念念不忘，但是在香港很難再找到這個味道。首先，我們叫了蟹餅。價錢有點兒貴，要$68。他們做得蟹餅跟外面不一樣，沒有添上很多炸粉，每一粒蟹餅入面都有薯仔，感覺幾特別。主角出場，等了10分鐘終於上枱-豚鴨沾麵。雖然我先生問可否加麵😂 但其實麵的份量很多，我吃了一半就已經飽了！鹽味沾麵總括而言，湯不能掛上沾麵，價錢又比較貴，試一次就好了！