多賀野 (K11 Musea)

营业中

休息中

和友人二人打算嘗試這間拉麵店以為要排長龍 只需要等十分鐘就有位了安排了一個私隱度極高的座位個人認為挺合適情侶其實對住的屏風是可以打開的但會很尷尬看到對面的客人我們沒有點他招牌的豚鴨沾麵反而點了普通的醬油拉麵和塩味拉麵兩碗在外觀上非常相似試完一口湯後我和友人都不若而同地覺得很普通，可能不是招牌相比之下醬油湯底會比較好但還是普通到有點令人失望但值得一讚的是服務員非常殷勤地加茶即使我們的位置很隱蔽但他們都會很注意到我們！

夜晚同朋友一齊去咗K11 MUSEA食飯兼睇戲，我地揀咗去食喺日本攞咗唔少獎既拉麵。入到間店舖之後覺得最有趣既係d四人枱中間加咗個類似趟門既野，唔會見到對面食客，同人搭枱都唔尷尬。我地點咗粟國塩味沾麵（＄148）同埋豚鴨沾麵（＄168）2個沾麵。豚鴨沾麵既沾汁用豚、鴨、雞、海鮮等食材熬製，鹹度適中，食完都唔怕口渴。至於粟國塩味沾麵（＄148）既沾汁則清新鮮甜。拉麵則散發小麥清香，而溏心蛋醃得好入味，正！

話說本身同朋友去到K11 Musea係諗住食另一間餐廳嘅，不過呢，果間餐廳條隊郁都唔郁，甘就搵左係樓上既多賀野，不過當時未到12點，多賀野仲未開鋪，但見到門口已經排左好多個人，咁我哋決定都排一陣啦。 開門之後我地都好成功甘樣做左佢地當日既第一批客人！ 首先，我想講講佢哋嘅價錢，其實就一啲都唔平，拉麵/沾麵為起都要$128-168，對我呢啲打工仔來講我覺得真係好奢侈！不過好在佢真係好食，而且湯底係非常非常之濃！我講緊嘅係拉麵同沾麵既湯底都出色！要留意返拉麵同沾面嘅麵質係有啲唔同嘅，我比較鍾意沾麵嘅麵質因為佢係比較煙韌，好有口感！配上濃濃既豚鴨汁，真係好想再搵日去食多次呀！今次我冇試到佢哋嘅小食，但我好想講我同朋友一人一個麵已經好飽啦我覺得鍾意食拉麵嘅大大們係絕對可以去試一試嘅！差啲唔記得咗講環境，其實我覺得個環境設計係一般，佢想製造一個園林實景嘅效果，餐廳係有一兩棵樹，但係我就覺得感覺一啲都唔舒適。另外就係部份嘅四人座位呢係有一個屏風隔住嘅，然後當佢編排左兩批唔同嘅人坐喺依啲四人屏風位嗰度嘅時候呢，店員係唔會主動幫你關上屏風，搞到成個場面好尷尬。佢哋成個環境想營造一個好舒適嘅感覺，但係好

这个周末人比较少，五点多没什么人在吃，不需要排队直接进去。看了半天餐牌，服务生过来说，对不起，今天没有沾面。那你不早点说。。。点了香葱叉烧拉面，主要是看到餐牌写说这一款是酸辣的汤。上来之后真是好多葱，我知道香葱面应该比普通面多葱，但也不需要放这么多吧？葱太多以至于令整个汤头变得苦，一点都不好吃。而且，我们本来点了两碗这个香葱叉烧拉面，第一碗蛮快的，然后一直等了十多分钟才上第二碗，而且第二碗里面的榨菜也比第一碗少很多，难道你们的配方不是standard的吗？靠厨师任意发挥？

放工去K11 Musea 相信呢排商場都唔會多人7點左右黎到 大把位比你揀二人枱會同對面唔識嘅人share中間有一扇窗開著絕對係好尷尬成日會四目交投所有後來請店員關窗先來一份煎餃子價錢唔貴但食落就似一田d姐姐煎比你試食嘅質素下次不了我地一人叫一款沾麵鹽味沾麵值得一讚嘅係湯勁熱麵係舖頭自己打嘅口感煙韌 有dd麥香可惜我覺得d麵完全沾唔到d湯湯非常稀唔係唔好味 佢係非常香齋飲係ok但配上麵 完全發揮唔到因為掛唔到上麵溏心蛋係我最最滿意嘅部分好味豚鴨拉麵嘅問題亦差唔多但要$168真的...不值得毛巾質地嘅濕紙巾首先 如果要排好耐隊我真係唔會食而且真係唔值呢個價錢...

K11 MUSE 開左一段時間,雖然好近公司,但都未有時間去行下, 難得今日放早半日,約左同事去排下隊食拉麵呢間日本人氣拉麵好差評語各一半,都有少少擔心食完之後好彩係屬於好質素好多人排隊,但15分鐘左右就入得去坐左係入面,私隠度好高,情侶去好適合小食係黑胡椒炸雞,好香脆黑胡椒剛剛好,雞件十分滑我要左個最基本既招牌多賀野醬油拉麵麵質偏爽,湯底好濃叉燒好軟唔肥同事的是芝麻辛辣拉麵我試左少少,真係幾辣其實拉麵真係唔差,係偏向高質素排隊食都有原因

尖沙咀尖東位置開咗間新商場，直至到最近先有機緣巧合下行過吓尖東，就順便入去睇吓有咩食😝😝一上電梯就見到有多賀野 Takano Ramen，呢間喺日本tabelog都幾高分，見有咁嘅機會就入去試吓佢啦😝地方算大，座位都唔少，環境幽靜啲，同其他拉麵店都唔同感覺，可能要夾番個商場個style卦🤣我就鐘意食沾麵，所以就叫咗豚鴨沾麵（$168），一上枱就知冇揀錯，沾麵汁充滿蔥粒，而味道好有肉味😘，但又唔覺得俗，而且帶有鮮甜😳，再加埋佢自家製拉麵之中小麥既清香，係我食過沾麵之中，味道最豐富既一碗👍🏻👍🏻而啲叉燒都肥瘦分明，大塊薄片，加埋啲沾麵汁亦都好食🤩而朋友就揀咗招牌醬油拉麵（$128），個湯清而不膩，醬油味調較適中，完全凸顯咗醬油拉麵既特點👍🏻難怪呢樣能夠做到佢地既招牌啦基本上食咗碗麵都已經夠晒飽🥴，雖然佢有炸雞 餃子想嗌，但都係等下次再肚餓啲嚟試再試吓啦

今日去尖沙咀行吓新開商場K11 Musea，商場內有很多新食肆，其中有間東京米芝蓮推介拉麵店-多賀野，大約排隊等20分鐘才可進入，餐廳裝修有幾款座位，設有屏風的卡位私隱度高，也有普通的二人至四人架座，亦有圓桌式高座位，還有吧枱座位，拉麵店內有一間玻璃房，讓客人看見師傅即場用麵粉製作拉麵。我們被安排坐有屏風的四人卡位，服務員熱情為我們介紹一下，我們點了兩碗拉麵、一碗沾面、一客吉列炸蠔定食、還有吉列炸薯球及幾款日本果汁飲飲品。拉麵湯底濃郁，叉燒煎完才放上湯面，令肥肉變得香口，沒有油膩感，幼身拉麵比較軟，雞蛋入味很流心，沾麵麵底份量很大，粗麵做得很有彈性、沾麵湯不是太熱，吉列蠔定食比較出色，分量很大，吉列不太厚、夠鬆脆，蠔很鮮味。另外吉列薯球外脆內軟。餐廳整體食物質素OK，環境服務亦很理想。

話説最近新開既K11 Musea有間米芝蓮拉麵店進駐，仲要係連續4年獲得呢個殊榮，當然要去朝聖啦。去到環境好寬敞，最特別係如果係2個人而又被安排係卡位既位置的話，可以坐埋一邊，前面有扇可移動的窗，拉埋咁就同對面隔住，咁就唔怕同d唔識既人一齊坐咁尷尬啦。去得多賀野一定要叫佢個招牌多賀野醬油拉麵，湯底帶鹹香但無油。麵條口感煙韌， 吸收曬d湯汁， 鹼味唔重，帶淡淡麥香。另外仲叫左碟小食 - 炸雞，都要等一陣先上菜，不過證明係即炸。 即炸炸雞係無可能唔好食，外面脆，裏面雞肉又暖又嫩滑，一流。睇食評見到都有唔少差評，但其實食落都唔係咁差。

新開的K11 MUSEA 竟然有多賀野拉麵食😋有米之蓮的認可👍🏽就黎試試吧。平時都見大排長龍，如果早點時間去吃會好一些😁店袖面都比較日系😂有些暗同有高枱坐的。都有此二人臉向牆的坐位👍🏽粟國塩味拉麵 $128（好不錯，湯都濃味的👍🏽麵質感彈牙不會覺得乾身。）半生熟蛋需然浸了湯很久，但都保持到原有蛋香味😋😋豚鴨沾麵 $168(豚肉方面咬落薄身，不覺”鞋”易入口😋反而沾麵小了一點點彈牙，但沾麵湯做得非常好好混合同濃味。）需然相對其他店有點貴，但真的值得一試👍🏽😋

第一次到訪新開的K11 Musea商場，親身感受到此地的裝潢環境，果然跟網紅所描述的無異，難怪那麼多人專誠到此打卡K11 Musea裡有太多吸引的餐廳，千挑萬選後想吃這家米芝蓮推介的日本餐廳，而且看見有不少人在門口排隊等候進食，我跟朋友猜吃這家應該不會錯吧我點了多賀野醬油拉麵，每次吃拉麵都先嚐湯底，湯底很香，可以嚐到濃郁的甜味，原來是以雞、豚、鰹魚等烹製已成的，另外拉麵偏硬，咬下去很有口感朋友點了豚鴨沾麵，和我的麵條是一樣的，麵條沾上醬料很吸收，很好吃，而肉很厚實且大件亦點了自家製蟹肉薯餅作小食，這個一定要趁熱食，炸得香脆可口，但不會感覺太油膩，裡面的蟹肉很鮮，而且很足，每一口都是肉友人下班趕過來與我共膳，點了瓶信州蘋果汽酒，喝幾口已經涼透心了米芝蓮推介的果然值得信賴呢

呢排成日流連尖沙咀，只因為尖沙咀開左K11 Musea內藏好多寶物～去左好多次但啲餐廳都試唔勻咁，咩國家嘅菜都有，當然唔少得日本拉麵啦！今次去到呢間日本東京嘅過江龍，仲係米芝蓮推介嚟～睇到餐牌最欣賞係佢地有齊沾麵同埋拉麵嘅選擇，咁就兩款嘅愛好者都可以嚟到享用啦！我鍾意沾麵所以就點左佢地熱門嘅豚鴨沾麵，湯麵分開～麵嘅部分特別q彈有嚼勁，湯嘅部分濃而不膩，蘸完之後都好掛湯！叉燒都好大片，特別鍾意佢肥瘦均稱，另外湯入面仲有肉粒添。溏心蛋都唔可以少，中間流心效果同漬到個味道都剛剛好！朋友鍾意拉麵就點左多賀野醬油拉麵，湯底醬油味恰到好處外，對比之下就清爽一點～麵條較幼身亦吸左湯嘅精華！

八卦行左入呢個新商場，行到咁上下就搵下有乜好食。見有幾間都排大隊，就亂入左呢間拉麵店。門面似高級日式style，裡面環境唔錯～呢度有拉麵，亦有定食。呢個蒲燒鰻魚定食，外表好靚仔～定食包括左一客新鮮蘆薈沙律🥗，日本飯上灑上少少佐料，前菜，當然唔少得燒鰻魚。鰻魚肉質厚實有咬口，食得出絕非一般平價鰻魚賣點1: 多蔥 | 賣點2: 酸辣香，香蔥山椒叉燒拉麵，呢兩個賣點絕對sell到我。麵到，好多新鮮勁香嘅蔥，而且蔥味並唔會被湯底遮蓋，反而抵消左湯底嘅油膩感。麵質有日本地道水準，再配上肥瘦均勻日式叉燒，非一般拉麵可以媲美！賣相幾靚嘅自家製黑胡椒炸雞，重點係雞肉夠嫩滑，外皮夠香口，沾上自家製胡椒醬，好食到味吉陽一都識飛！而伴碟嘅蔬菜當作沙律亦清新好味～細心位：提供濕紙巾比客人清潔雙手，亦提供布籃比客人放隨身物品，添茶執枱落單速度算快，而且有禮，值得一讚！後來先知原來係米芝蓮一星，失覺哂😜！

又到收工時間同老友Happy下去咗尖沙咀k11新商場K11 Musea行, 真係好大型好靚, 出面仲有好靚嘅維港景色, 行到咁上下又試新嘅日本嘢, 門口見到裝修都幾高檔,我地就叫左最鐘意嘅拉麵, 今次就食醬油拉麵, 最鐘意係個湯底, 唔會超鹹重鹽味, 叉燒唔會好"鞋" 口 或太肥, 好食我地又叫左個炸雞, 香口得嚟炸得夠乾身唔太油土佐豆腐- 真係外脆內軟，最緊要唔太鹹，入面嘅豆腐好重豆味最後仲叫左日式煎餃子, 入面脹卜卜好厚肉，口感好full, 皮脆得嚟唔會好厚，滿足

之前經過K11 Musea，勁多人排隊，一睇原來係多賀野。呢度出名當然係拉麵，開咗一排就過嚟試吓。呢度除咗拉麵，仲有鰻魚飯、沾麵等等。我當然要一試呢度嘅拉麵。叫咗醬油拉麵，呢度嘅湯底唔會好濃，係比較清淡嘅湯底；但係醬油味都幾香。拉麵係粗身直身，識落較硬。配料有糖心蛋，糖心蛋做得唔錯；而且仲有紫菜、筍等等，湯中帶點蒜蓉味。另外叫咗鹽味拉麵，鹽味拉麵相對地比醬油拉麵清少少，但係都有鹽香，亦都係唔係濃味嘅拉麵，所以食完之後唔會覺得好「濟」。拉麵質素尚算唔錯。另外仲叫咗炸蟹肉薯餅，炸得香口，幾好食。