多賀野 (K11 Musea)

营业中

休息中

今次為大家介紹位於k11 Musea 既星級日本菜，多賀野。呢間米芝蓮拉麵店唔係講笑，裝修靚，仲有一個位可以全程見到師傅整麵既過程，話比人知，貨真價實，自家制😋特別一提裝修，佢以一幅盪門做分隔，兩位關門，4位開門，幾特別，不過唔盪得大，4個人有啲位睇唔哂對面😂😂香蔥山椒叉燒拉麵麵質好彈牙，湯濃郁，其實唔太辣，放心粟國塩味沾麵呢個推介，都係凍既，湯好濃，完全痴住啲汁，仲好大分量，勁滿足大胃王人士吉列炸蠔呢個好食，不過蠔細左小小胡椒炸雞呢個意外好食，肉質好juice, 炸皮唔厚鰻魚隻定食，呢個堅得👍非常厚肉，香甜肥美，原來佢除左拉麵，其他野都ok最後我地仲叫埋甜品，佢有個雪芭，今次係柚子味，聽講佢會不停更新下，下次係咩味你地自己撞下啦！總括黎講都好高分，而且唔洗點排隊，價錢其實唔算貴，90分

今年都無放過AL, 放假出黎行下去左K11 musea 早期黎既時候好多人，拉麵咖啡雪糕全部都排長龍今日黎到商場又無乜人，餐廳更加係唔駛排隊*多賀野醬油拉麵 $128正正正！食拉麵果然要有蛋😋香蔥山椒叉燒拉麵 $138普通啦黑胡椒炸雞 $52好香好好味 外脆內嫩👍🏻 .======================

連續四年東京米芝蓮推介‼️ 我一向都唔係拉麵fans,而且對拉麵興趣不大🤪不過另一半好想試吓呢間經常排長龍嘅拉麵店!!!!! 咁啱今日放半日，去咗尖沙咀shopping諗住早D食dinner，6點左右佢地又唔洗排隊所以就去試下啦我叫咗「豚鴨沾麵」一黎到我先試左一啖沾麵既湯汁，味道香濃幾豐富但有點油膩同咸咗少少🤣. 不過我比較鍾意食重口味所以對我來講可以接受湯入面有好多青蔥、豚肉粒同鴨肉粒，都幾特別嘅一個配搭. 沾麵既份量都好多，原來沾麵比起湯拉麵既麵再粗身D，質感係好煙韌厚實. 但我本身就比較鐘意幼身D既麵所以呢個麵質我就覺得麻麻地～而男友就叫左 醬油拉麵湯底比較清，唔油膩！湯拉麵嘅麵質剛剛好，鹼水味亦唔重，食落口感都幾煙韌. 佢地既自家製叉燒肥瘦適中，都唔錯！

K11 musea開左唔少新餐廳，呢間過江龍拉麵真係唔錯！是次揀左醬油拉麵 ，湯底望落清澈不油膩，醬油味清甜，不太咸，溏心蛋非常好味😋同場見到其他人有揀到小食，好似唐揚炸雞都超吸引💛

K11 musea開咗咁耐都無行過今個星期六就特登嚟行下佢初初開時就人山人海依家唔知係疫情關係 定大家無咗新鮮感就少人咗好多呢間米芝蓮拉麵店初初開都聽講要排2,3粒鐘呢日唔知係咪太晏嘅關係(下晝4點完全唔駛排就即刻入得左 醬油拉麵 右 鹽味拉麵2個都還可以接受其實如果就咁當佢普通拉麵店質素係還可以嘅叉燒、蛋、麵質、樣樣都不錯但反而覺得湯底味道好單一因為係米芝蓮店所以就期望會有d特別但真係比較普通反而個蟹肉薯餅真係幾好食成餐最高分我覺得係呢個小食喇

唔睇食評都唔知係米之蓮，乜而家米之蓮D評審準則跌哂watt. 我唔覺得D食物質素好特別，湯唔熱，淡味仲有陣苦味Tim. 叉燒過得去啦！講到麵嘅質素，我諗随便去超市買包拉麵都好過佢! 服務員態度冷淡，點菜好似要睇佢面色，谷氣！

依間拉麵店標榜自己二十幾年黎獲獎無數，連續四年拎到東京米芝蓮推介，經常要入到日本最優秀拉麵排行榜頭十🤨佢一開嘅時候真係有好多人特登去排隊朝聖，但係依排都無咩見到有人龍，個日咁啱經過見到唔洗排隊，所以就不妨試一試🤣**********<豚鴨沾麵> $168餐牌上面嘅拉麵基本上全部都過百蚊，而依一款豚鴨沾麵更加要$168，其實都真係幾貴下🙂舖頭話個湯底係用左豚、鴨、雞、魚去煮，所以每一啖都好濃郁！但係事實上飲落唔講真係唔知有用咁多材料煮，同平時個啲味道都差唔多，所以真係有啲失望，整體性價比唔高！**********<多賀野醬油拉麵> $128第一啖食落去都係無咩驚喜，味道都同其他拉麵店差唔遠，個麵嘅質地比起沾麵幼身，相對都無咁彈牙，掛湯力都唔強！成碗拉麵黎講個溏心蛋算係最好食，其他嘅都無咩特別😂

香葱山椒叉燒拉麵 $138.終於俾我試到東京米芝蓮拉麵店多賀野😳😳之前去過2次musea都見到排長龍 終於等3次行過見到晚市都冇乜人 所以就碌左入去☺️.環境昏昏暗暗 仲安排左坐d自閉隔離位 真係毒l一個都唔怕去試😂本身自己都好中意食葱唔山椒 所以就叫左哩碗 拉麵係粗身 都叫有咬口 湯底好似柚子酸 又帶d辣味咁 幾特別.越食仲越辣😮😮😮😮唔食得辣千祈唔好叫 但相對於平時食開既豚骨湯底 哩款口味更惹味 除左貴左d之外 成$150 先得一碗拉麵 都冇乜缺點😝😝😝😝😝芝麻辛辣拉麵 $138.哩碗就唔係我食既 我剩係飲左啖湯 覺得有d似麵鼓既感覺😕仲有唔太辣 山椒個款辣好多😂 不過講味道特別就一定係山椒個款啦☺️.餃子就普通 叫唔叫都得柚子雪葩 $68.一個我覺得幾精緻既甜品😳.竟然係成個原隻小柚子咁上 好可愛😝味道唔錯 每一啖都凍冰冰 係勁香既柚子味😁少少酸 我覺得唔錯呢.缺點應該係有d貴 份量好少 計埋加一都$75了 有budget可考慮👍🏻👍🏻👍🏻

行商場嘅時候肚餓想食日本嘢，見到呢間餐廳充滿日式風格，又有好香嘅醬油味，所以就決定入去試吓最近因為疫情都比較少出街食，但拉麵當然要堂食啦！見到菜單當然要叫個招牌嘅「醬油叉燒拉麵」見到糖心蛋已經流晒口水食麵前當然係飲噤湯，雖然係醬油湯底但唔會死鹹，拉麵好爽口，叉燒好冧好入味！糖心蛋係入口即溶好好食😋之後我哋仲叫咗山椒叉燒拉麵，呢個有啲辣，叉燒一樣好冧好入味，但湯底唔夠熱，扣咗啲分～沾麵都有幾款選擇，因為第一次食沾麵，想試個特別啲嘅，我哋叫咗叉燒豚肉雞沾麵麵質好彈牙，湯都好濃郁，但可能我食唔慣沾麵，有啲鹹😅最後叫咗個講到廣島吉列蠔做小食，雖然價錢唔平，但都算大隻食落去熱辣辣好脆口，唔會好腥經過試吓都覺得自己尋到寶，唔錯唔錯

今日終於有機會試下位於尖沙咀K11 嘅東京人氣拉麵店~ 多賀野😋。室內環境舒服，坐得亦舒適除左一般拉麵外，仲有沾麵可以選擇1.粟國鹽味拉麵$128，麵條入口煙韌彈牙，湯底湯澈，加入洋蔥碎同鹽煮成，入口唔覺油膩，味道鮮甜。叉燒肥瘦適中，入口即溶，美味。另外，溏心蛋亦十分出色，溏心夠晒滑溜。2. 豚鴨沾麵$168沾麵湯底材料豐富，湯底尚算濃郁，不會漿口。叉燒同溏心蛋同鹽味拉麵一樣同樣出色，唔需要再多講整體來講，多賀野嘅拉麵較沾麵出色。

假日ge晚上7:30，K11 Musea 已經人煙稀少，拉麵店唔洗等位就直接入座。 店入面唔算多人，一入到去安排左卡位俾我地。卡位對於2人來講算係迫，而且檯中間有一塊板，雖然對面冇人搭檯，但店員都拉埋左塊板，令到卡位壓迫感更強😑，好似有種自閉食麵感覺。檯底設計都有問題，頂腳問題好嚴重，整體來講坐得好唔舒服😩。叫左$128 醬油拉麵，麵質好普通，好似壽x牌陽春麵感覺😖。湯底淡，冇味，得個油字。叉燒都好普通，咬好耐都唔爛。全碗麵得隻流心蛋同紫菜算係正常發揮。食到一半已經想放棄，難怪晚上時間都唔洗等位。最後食完都立即離開，位又唔好坐，野又唔好食，嬲到要上來打劣評😤性價比好差

新開的大型商場內沒有做任何的資料搜集，只是想食麵，在商場的電子資訊版內隨意搵，最終決定了這一間「多賀野」！事後才知是一間米芝蓮推薦食店！    題外︰想到由木村男神主演套日劇添.....約旁晚6:00多到達，見店內食客不多，不用排隊，即刻可入座！座位舒適！2個人，最終叫了粟國塩味拉麵、多賀野醬油拉麵及日式煎餃！整體食物還好，普普通通！只是個人較喜歡少油食物，覺得略油！但拉麵就是如此！不過不失！一直都喜歡食溏心蛋，哩度嘅溏心蛋又幾入味餃子餡料都足夠，煎到有小小脆！食物份量對我(女士)是足夠的！3、4百蚊可以試到米芝蓮推薦食店，感覺還好啦！

我一向都唔刻意去搵米芝蓮餐廳食飯，今日同朋友咁岩去開K11，佢話有間米芝蓮拉麵，咁咪試吓。但老實講食完我完全唔明點解佢值得有米芝蓮🤷🏻‍♀️栗國鹽味拉麵湯底清清哋我覺得可以的，麵同麵質味道正常囉，唔覺得有咩咁特色，日式叉燒一般，蛋係流心嘅。呢碗拉麵我只覺得比起平價個D叫優質少少。蟹肉炸薯餅味道唔係唔好食，但食唔到蟹肉味，好似食緊3粒有餡嘅炸物🤷🏻‍♀️餃子普通到... 分分鐘是但一間日式餐廳嘅都好味過佢對我嚟講，做得米芝蓮餐廳，一定要有過人之處。呢度真係名過於實，唔特別而且亦唔算平。我唔可以話佢唔好味，但要搵到呢種味道好多冇星餐廳都做得到。

我7點到根本就沒有一個人排隊，我排第一個，四眼店員話人齊先可以入。。。前面安排了十幾張臺，我後來問，我朋友其實轉個彎就到，我可唔可以入去等，佢話而家有位，唔比我入，好都無所謂。。。最終，兩分鐘後，我朋友到，四眼叫我地排隊等，我問而家係沒已經冇臺，佢話係。你要等下一台吃完先可以入。擺明玩嘢啦!!間野本身上菜慢，等一台人食完要起碼等多30分鐘。咁樣合理嗎？？？？？一點不好意思都沒有，香港購物天堂？入🍌啦！

向來愛在尖沙咀出沒的我，今天又相約了幾位好友到尖沙咀吃飯，朋友提議到 K11 Musea 的多賀野吃拉麵，皆因它四年都獲得米芝蓮推介，想品嚐一番，而且店內有自設製麵工廠，進食同時又可以欣賞師傅的製麵過程。多賀野醬油拉麵湯底有濃郁的醬油味，口感香滑，味道清新，不會太鹹，亦不像一般濃郁的豬骨湯，麵條煙韌彈牙，吸收了湯汁，叉燒肉味香濃，鬆軟嫩口，溏心蛋蛋香嫩滑，配料還有些蔥花及筍，口感新鮮爽口。另外兩款是芝麻辛辣拉麵以及香蔥山椒叉燒拉麵，上桌時香氣撲鼻，辣味香濃，味道看似濃厚，是朋友點選的，因我沒有進食，就不多說明了。自家製吉列炸蠔吉列炸蠔色澤金黃，外層香脆，內裏濕潤，肥美多汁，嫩滑非常，完全保留了蠔的原味，擠上檸檬汁，味道清新，而且可以緩和油膩感。山形縣提子汁山形縣提子汁色澤呈深紫色，是100%的純果汁，有着濃郁的提子味，入口甜味濃厚，味道清新。整體而言，裝潢富有日本風格，寬闊舒適，又可以觀賞師傅的製面過程，食物新鮮出色，用心製作，是與朋友聚餐的好地方。