外婆酸辣粉-辣酒米線專門店 (已結業)

雖然住附近，但自己好少來尼頭搵食。所以今次特登帶男友來葵興食好嘢。來到發現原來尼度都有好多米線或川味小店。點解好似尼排突然興起食川味。🤔🤔來到尼間“外婆酸辣粉”，標榜四川風味。本身心心念念要來食招牌酸辣粉，但見到餐牌又俾個涼拌麵吸引咗。其實菜式選擇都幾多，而價錢都算合理。最後我決定食涼拌麵而男友選擇佢最愛嘅肚絲，咁唯有下次先來試個酸辣粉。🤣(又俾藉口自己來搵食。🙈🐷)本身都擔心個涼拌麵只係普通嘅拌麵，但估唔到真係好似四川涼麵個隻麵。拌麵當中，麵係好重要嘅一部分。棒棒雞都係前排返四川無食到嘅菜品之一，所以兩樣嘢加埋令我好滿足。味道方面，雖然唔會好似四川咁重口味多醬汁，但有保留當中風味，變得更適合香港人口味。我揀咗涼拌麵套餐配口水雞。口水雞有點不足是味道不太夠，醬汁可以再多啲辣味。好多時食川味，男友都會點肚絲，而今次都唔例外。而尼度嘅肚絲同我哋之前食個啲相比，係比較似川味嘅一個，要求高嘅男友都大讚好味。本身我以爲麻辣土豆絲係炒，原來係涼拌。味道不錯，不過少咗啲麻香味，反而似酸辣多啲。最後係等咗一陣嘅川味豬頸肉。落單時已經知要等，因為係即時制作，而制作需時。而個人覺得係值得等待。就算我哋食曬

今次黎到葵涌尋找酸辣粉嘅踪影，之前係開飯網已經見到呢間食店價格相宜，款式都唔少!難得唔多食辣嘅大少都肯陪我，就試一試先。餐牌上面有好多款麵食加一款小食套餐, 另外有個$18蚊追加優惠，仲包埋野飲tim!心大心細嘅我決定叫2個餐 再追加2次18蚊優惠味可以食到4款小食棒棒雞涼拌麵：麵質較幼煮得唔算稔，但味道就較清淡，配重口味小食就剛剛好!外婆酸辣粉：薯粉相比於其他黎講特別粗!煙韌有咬口，但湯頭較淡!涼拌皮蛋：皮蛋佔嘅比例十分多，部分有溏心添紅油抄手：呢度嘅紅油抄手好好味，咬開舊肉滿滿的! 味道都幾正宗，酸同辣比例恰道好處!正夫妻肺片：一道傳統川味小食，麻要比辣更加強烈先適合，呢度略嫌椒麻味不夠!黎個大合照先!蒜泥青瓜：超級超級多蒜泥，蒜泥自家制，蒜香味十足，包圍整塊青瓜放入口，好醒神ar! 雖然明知口會臭，但都忍唔住不停放入口。兩人食左甘多款菜式，包兩杯飲品。埋單只係$120咋! 超級抵食~

高妹去左葵興邨附近化妝，街坊推介我地試下外婆酸辣粉！店內大部分人都食緊超值套餐我地都入鄉隨俗啦Facebook checkin share仲有得送汽水面底都有好多款個人推介外婆酸辣粉！因為第一次食，高妹叫左小辣唔好見到咁紅就驚其實呢個小辣只係微微辣，小小麻，唔飲野都食到下次可以叫中辣花生係精髓！又香又脆酸辣粉夠粗，即叫即煮唔會一夾就散肉碎好入味口水雞係枱枱都有叫高妹當然又要試下啦小小麻唔太辣雞肉好滑跟餐要試下呢味啦～碗面好大碗，搞到兩個人食唔哂呢碟青瓜海蜇想留傳統味道就要幫襯下非集團食肆啦溫馨提示 小店做街坊生意收9點，想食既朋友要留意

2017.10.14 😊【地頭蟲大愛 舊商場裡外婆家的味道】葵涌說到酸辣🌶可能是麻辣香料的影響下 總是有一種怪異的味道而且往往大多數米線鋪的衛生問題都是有待改善小妹以往是挺抗拒的😅颱風天的前夕 小妹意外來到葵涌區內一間舊商場卻令我對這類店鋪改觀走進德昌大廈有趣發現商場是跟隔離的住宅相鄰保留著舊式的地磚設計 滿有特式的😮小店則在小巷的盡頭 一不留神便會錯過當日所見 雖然店面的設計簡樸卻不乏街坊的支持 當中亦有不少回頭食客套餐 $41外婆酸辣粉來到這裡 小妹當然要一試主打菜酸辣粉🍜據說大廚為了尋找最正統的四川味道特別到國內拜師學藝值得一讚的是無論麻、辣、酸的程度亦可以有商有量調較出最合適你的口味🍽酸辣粉一般都會用上薯粉小店的薯粉卻比市面上的透澈 口感亦煙韌咬勁配上必備的炸菜、花生 帶點微辣嘴巴麻麻的 非常過癮口水雞另外套餐還附上一款小食我們則選擇了川菜的名物口水雞雖然是跟餐小菜 份量亦不算少擺盤相當精美🐔雞肉的肉質嫩滑彈牙跟芝麻辣油挺合襯濃湯米線 $25雖然小店的主打是川菜 亦有提供清淡口味之選濃湯米線是不麻、不辣、不酸的小妹亦很貪心的加上數款配菜墨汁墨魚丸 炸醬 豬頸肉 (各加$6)🐖

經過葵興, 朋友同我口痕痕想食辣野,就入左呢間米線鋪 我叫左個外婆酸辣粉加炸醬加肥牛試下，叫左少辣，食落我覺得唔太辣，貼近返香港人口味 , 第一次想食又怕太辣既朋友可以由小辣開始。佢D薯粉唔un，唔洗趙太耐就啃得, 方便我呢D懶人。朋友就叫左碗四川雜醬麵，佢加左墨準墨魚丸、豬頸肉、鹵水蛋。佢話鹵水蛋好正，鹵水好入味，食完好想再食。佢既雜醬同D麵好夾，令好成碗麵好香好夠味。但係呢間野既份量偏少，女仔食可能就啱啱好，男仔可以就略嫌唔夠另外小食方面, 我地叩左棒棒雞同口水雞, 棒棒雞既麻油味好香，一食落口淡淡麻油既香味口水雞都幾特別，同出面食既唔同，好嫩滑, 不過我幾鐘意，佢落左好多芝麻，令到我一食既時候覺得好香

I was strolling around the area and came across this lovely hidden hub for Sichuan noodle and thought I would give it a try and boy was I surprised I did.  The place did not look much when I first got in but it was the food that made me happy! I ordered a few items on the menu. First came the Chicken Noodle 棒棒雞涼伴麵 & Sichuanese Noodle 外婆酸辣粉.The chicken in the 棒棒雞涼伴麵 was soft and tender with good sesame flavor and the noodle in 外婆酸辣粉 had a great chewiness to it, fun to slurp with. The Sichuanese M

是咁的 嗰日因為promotion工作需要同朋友去葵興 份工忙到踢曬腳 擺到明就唔夠人手 cut飯鐘就預咗架啦 個無良僱主仲要cut到得番半個鐘食飯時間傻的嗎 唉 受得人錢財就應該盡自己本分協助公司 夏日熱辣辣企街真係唔好受 兩個人又熱肚餓又口乾 唔理啦 都係拿拿臨上openrice睇下附近有乜快餐好食 開個apps一睇 諗都唔諗就呢間啦外婆酸辣粉 名字普通 裝潢更普通 感受到簡樸純真嘅氣息嗎 酸辣粉係四川家鄉菜之一 唔通行入d又黃又綠嘅食店會有回家嘅感覺咩 喱度就唔同喇 地方乾淨 冷氣夠灑凍 坐得舒服 入門口雖然冇驚喜 其實食物水準臥虎藏龍 最緊要就係落咗單唔使好耐就已經有得食 分分鐘仲快過繁忙時間嘅老麥《外婆酸辣粉》HKD25。同店名一樣嘅招牌菜更係要試吓。見到外表紅噹噹 心諗omg唔記得叫小辣tim😂即刻嘅侍應比多幾杯水。但食落去 又唔太辣喎？辣度實在唔高 所以唔會食到鼻涕直流 但個嘴竟然充滿麻感 雖然都係酸辣粉 但碗粉嘅味覺就已經係特色 層次細膩 I like it！多多酸又少少辣嘅紅薯粉完全令到我同朋友上灑癮 激發出我地嘅獸性 毫無儀態爭食。 紅薯粉口感柔潤嫩滑 滑捋捋得來

之前睇到朋友面書，見到有碗酸辣粉相當吸引，喜愛食辣既我，趁今日星期六放假，就一於黎試下啦。位於葵涌道既外婆酸辣粉，由葵興地鐵站行過黎都要7-8分鐘，舖位唔算大，大約廿個位。餐牌上有飯有粉揀，亦可以選擇套餐，附有小食及飲品。最後我地決定叫左兩個套餐。外婆酸辣粉 :黎到呢度，梗係要試下招牌菜。薯粉配上花生，榨菜同蔥花，薯粉吸收左酸辣湯後，非常惹味，簡單既配料唔會破壞酸辣粉既味道。四川雜醬麵 :開頭以為會係撈麵，黎到先發覺原來係湯麵加四川肉醬，湯麵麵質彈牙，唔會煮到太淋，而湯亦無酸辣粉咁辣，配埋肉醬味道剛剛好。口水雞 :每次食川菜都一定會食，呢度既口水雞雞肉夠滑，但略嫌唔係太夠麻辣，味道可以再重少少。另外可能係跟餐關係，份量都唔算太多。泡椒鳳爪 :自製既泡椒醃既鳳爪，未食之前以為味道好似泰式鳳爪咁，但一食就覺得辣好多，同一般麻辣唔同，而辣味仲係慢慢涉出黎添。涼拌青瓜海蜇 :原本想叫紅油抄手，可惜已經售罄，所以轉左揀呢樣小食，海蜇夠爽口，而青瓜亦好新鮮，配埋辣汁食份外好味。

提到葵涌，你會諗到有咩食？葵涌廣場掃街？早前朋友黎過外婆酸辣粉，見到佢面書嘅相都非常吸引，一向鍾意食辣野既我就打算黎試吓。今日趁係星期六，黎開葵涌道，就順便來試吓啦。餐牌上有套餐同埋單點揀，我哋叫咗兩份套餐同埋一個小食。招牌菜外婆酸辣粉，又點會唔試呢？因為第一次試嘅緣故，叫咗小辣試一試，雖然入口一啲都唔辣，但係酸酸地，香味十足。酸辣粉用咗薯粉，入口爽口彈牙，吸收左湯嘅味道後非常好味，下次可以叫中辣試吓。四川雜醬麵其實係辣湯麵加少少肉碎，入口微辣，味道唔錯。跟餐小食叫咗口水雞同泡椒鳳爪，喜歡食辣嘅我覺得口水雞唔夠辣，可以整得再辣一d，不過雞肉都算嫩滑，值得一讚。泡椒鳳爪比想像中辣，入口有麻嘅感覺，不過本人真係冇勇氣食碟上嘅泡椒。我哋另叫咗一味涼拌青瓜海蜇，青瓜新鮮之餘仲好入味，海蜇亦都非常爽滑，整體配搭非常夾，食落仲非常清涼，不過個人認為呢個份量同辣度唔多夠喉，可以再整辣少少同份量多少少，咁就完美啦。整體來講呢度嘅食物辣度無一般川菜食店咁辣，喜歡食辣既朋友，就可能要叫中辣啦。

今日上OPENRICE睇中午食飯靈感,睇睇下見到辣野突然好想食,於是睇番公司附近有咩食比我搵到外婆酸辣粉!!LUNCH 1點左右去到已經好多人,見D人都坐到出面,但我地兩個岩岩有位,今次目的係食辣,於是叫左個外婆酸辣粉再加午餐肉‧蘿蔔‧肥牛個酸辣粉我自己覺得唔太辣,自己下次會叫辣D,落單既時候冇講可能係正常辣度個酸辣粉有少少煮耐左既感覺,加上自己食得慢啦,食到後面軟身到一夾就斷左整體上都OK既.....埋單$47....我個人都覺得少少貴既.........不過自己要食辣,冇計啦

忽然間辣癮起 , 就同同事齊齊叫外賣食啦 , 食咗外婆好多年喇 , 支持光輝圍小店! 係外賣就比較貴D , 2個碗收4蚊. 但好過堂食既 , 堂食真係好多人等位 , 有時仲要坐出店外 , 證明FANS真係都幾多.近年黎外婆對辣度輕手咗 , 貼近返港人口味 , 以前食小辣都叫救命 , 而家一般辣度都唔係好辣 , 不過佢個"麻"度真係好正 , 條脷痺哂好過癮!今次我叫GE係XO醬撈烏冬配口水雞 , XO醬好香 , 烏冬彈牙 , 口水雞好嫩滑 , 唯一美中不足係係辣度唔夠 , 下次食我會加辣!

葵涌的外婆酸辣粉是我經常去的餐廳之一，只要酸辣癮起，便會到這店子。外婆酸辣粉少許隱蔽，在一座舊式大廈的大堂位置。內裡的裝修無甚特別，但貫徹小店特色，總可以得到親切的招呼。我們點了兩份套餐，辣酒肥牛烏冬、口水雞配凍檸水及酸辣粉、麻辣肚絲配凍檸茶。辣酒肥牛烏冬一向都是我的最愛，陣陣酒香，只可惜肥牛實在太肥了。酸辣粉湯底濃郁，酸辣麻味適中，紅薯粉爽滑有口感。麻辣肚絲爽口入味，口水雞嫩滑，但略嫌骨多肉少。但注意份量略少，男士未必夠飽。

工作地點既關係，所以有幸試到呢一間充滿人情味既舖頭。葵興不嬲都多野食既，咁粉麵舖又開到四圍都係，不過可以令我每星期都光顧一次既就得呢一間。當初以為外婆酸辣粉只係舖頭名，但入面真係有個婆婆係到，我估係老闆個類啦，仲會成日同顧客傾計。食物方面 濃湯米線，好似車仔麵咁，可以選擇不同既材料，例如，芝士腸，墨魚丸，炸醬等等而我呢通常就會叫，肥牛，生菜，貢丸，，有時仲會叫新推出既黑白墨丸，爽口彈牙，不過味道同普通既墨丸無太大分別酸辡紅薯粉，麵質 Q軟彈牙，令人回味，吸收左湯既味道，湯底既香味十足，不過味道就不夠，有d到喉唔到肺既感覺口水雞，唔係好辣，香口野味，個汁加落濃湯米線到更加一流價錢就一般，不算貴，不算平。如果大家經過葵興，可以一試呢一份人情味啦！

本人對於四川，重慶，成都菜都情有獨鍾，每次返上內地都一定要去搵間食川菜既餐廳，價錢平，而且又食到好多樣送，但可惜係香港，已嘗試多間餐廳，暫時都未能搵到心頭好，價錢貴就係一定，但係只有辣油的辣，每次食完個胃都有不適今次竟然係屋企附近搵到一間食酸辣粉不錯既小店，雖然未可以做到難忘，但係香港而言，味道的確已是做得不錯小店係光輝圍，位置較為不方便，即使最近的葵興地鐵站都需要約步行10分鐘，好幸運地由我屋企行過去只需15分鐘左右就可以食到小店不起眼，好容易就唔覺意地行過左，要特地轉入去先搵到入口見到餐牌，基本菜都有，我當然揀左酸辣粉啦中小辣，辣度適中，但覺得麻既程度可以再加多少少，問埋拎左枝黑醋，味道無得彈朋友第一次食都話好食！另一位朋友叫左個口水雞套餐，配左一小配白飯，拎啲辣汁來撈飯又是一流三位食的午餐價錢，味道很好，但就是份量太少，如果唔加底$5，以我平時細食都覺得唔夠，男友人食完整個口水雞飯餐什至沒有飽肚的感覺，以此地段及價錢，可以不減價，但份量真的應該增加多啲會更好，否則真的好快餓

今日有空便行遠少少食我之愛酸辣野。外婆酸辣不知係不係我杯茶？我見佢特價餐牌都偏貴，決定散叫再加一餸。我叫左滷水雞翼尖加外婆酸辣粉：原來散叫比跟餐仲大小小，我相信一個正常男細碗真係不夠，店員完全無問我要咩辣，好快就上枱比我食。我見個顏色好得。雞翼尖滷得入味但薯粉不夠辣只有酸味。有花生同榨菜無甘齋。但我食完都仲係不夠飽要去附近買其他野食。😑32元你話值不徝就見人見智，我見lunch hour 在埸所有枱都full。證明佢有不少捧場客。