夏捌月 (已結業)

星期日訓到12點幾1點起身同老公周圍去搵食本身諗住去元朗 但又唔想同人逼上網見到朗屏站都有好西食所以坐一個站過黎間餐廳好易搵，正正西鐵站下面去到都多人 等左10分鐘就有位lu入去之前已經睇左想食d咩小店就係好在有良心星期日都有lunch set仲要42蚊有交易，仲要有湯有包有野飲除左lunch set外仲有小食叫另外有主菜係散叫 ge不過lunch同樣可以點啱哂花心嘅我仲有牛扒食意粉選擇都多。。。而且lunch叫唔洗加廿蚊轉餐仲有9折加一都慳返所以決定同老公叫左個牛同意粉開心share好快上左個湯同一般餐廳一樣有紅有白湯就夠濃 我中意紅湯好多菜好好味(喜歡湯渣的我)個蒜溶法包好脆又香超級好味而且牛油味好足 好大方個包如果有得單點我一定會叫太好味另外見d食評話呢到嘅樽裝朱古力好味我同老公都想試下一人叫左一支飲 又真係又香又滑而且有時去餐廳叫凍朱古力有冰會搞到d味淡哂，呢到預先冰過加5蚊大支d 啱哂老公點左牛摩（姐係西冷併牛柳）跟嘅薯菜有炸薯格同西蘭花西蘭花無特別調味正常貨仔個炸薯格新鮮炸脆卜卜，勁好味咁主角牛扒呢？叫左7成熟，所以有d血水不過切落去都ok 肉質就牛柳淋d西冷就肉質有咬口d

好耐之前妹妹大力推薦要食夏捌月的蟹肉意粉，今日放假終於有機會黎食 。凍奶茶-不加冰，原枝放入雪櫃雪凍。茶味又濃又滑，十分正！熱咖啡- 普通的熱啡，飲到最後有酸澀。。紅白湯-紅湯沒有刺激的辣味，有粒粒牛肉有大量蔬菜，不錯。白湯是粟米忌廉湯，沒有醬糊的口感，合格。蒜蓉包-十分香脆，蒜蓉牛油很足夠。鮑魚肝醬意粉-有兩隻新鮮鮑魚，鮑魚十分軟滑，有淡淡的清酒味！！肝醬第一次食，不腥反而有海鮮的鮮甜味，十分有趣。蟹肉蟹膏意粉-在點菜期間，時不時由廚房傳來陣陣炸蟹的香味。蟹肉炸後更加香濃，蟹膏醬包裹每一條意粉，最到最後佢有蟹膏醬。過足蟹癮！！香煎鵝肝-煎得香脆，可惜偏薄，有少少筋。鵝肝不夠肥。

今日老友約我到元朗食飯因為我放工較晏, 直接約餐廳坐抵等不過個門口真係唔太明顯, 有少少難搵, 打俾朋友, 個店員幫手出黎接我..哈哈終於都坐底舖仔細細, 店員全部都好親切, 好有人情味朋友幫我點好左, 坐底就有野食蒜蓉包牛油超香, 超脆朋友唔鍾意食太硬, 成塊浸晒湯...@@我就覺得脆得好正~哈哈主菜係羊架薯菜估唔到哩個價錢可以食到咁夠羊味既羊架夠晒酥, 完全唔需要加汁就咁已經好香同埋薯塊都係好脆, 炸得夠時間又唔會油淋淋食物既火喉控制得好好不過份量略覺唔夠可能我放工太肚餓, 要同朋友嗌多個意粉SHARE先夠滿足見到隔離枱食德國豬手勁大隻下次黎一定要點哩個補償返個心靈先得^^

甫進門，即見到好多marvel既佈置。其實我都係marvel迷!叫左兩個dinner set，仲有湯蒜蓉包同飲品-蟹肉蟹膏意粉一拎來已經聞到好香既蟹膏味，蟹肉都算多，食落好香口但唔膩，有蟹膏融化喺個口既感覺，分量兩人用好夠食。-德國咸豬手配蜜糖芥末汁原隻好大隻豬手擺上枱，配上茄醬意粉，因為唔知原來蟹肉蟹膏意粉兩個人都已經好夠食，侍應主動問我們需唔需要碎上，如果自己用刀切應該手都跛，點知切件上後豬手肉成座山咁高，份量好足，肉好多! 無太多肥肉，皮好脆，根骼位置非常彈牙，囗感十足。

餐湯配蒜蓉多士，多士鬆脆，蒜蓉味突出。餐湯有羅宋湯和忌廉湯選擇，我們選擇了忌廉湯。質感濃稠，入口香滑，充滿忌廉香。湯裡面有蘑菇片、火腿粒、洋蔥粒，用料豐富。沙白蜆清理得很乾淨，沒有沙粒。帶有清酒的微苦，及後是蜆肉的鮮味。本人喜歡吃蕃茄，因為番茄含有茄紅素，維生素A、維生素C等營養價值，有助增強抵抗力及抗衰老，多吃有益。所以在餐牌上見到有意式茄茸大蝦意粉，便二話不說地要落單。大蝦新鮮大隻，去頭去殼去腸，吸引了蕃茄醬的精華。大蝦入口彈牙鮮美，而意粉則濕潤，沾滿了蕃茄茸汁，味道濃郁。蟹膏蟹肉炒飯一上枱便香味撲鼻。用錫紙包裹炒飯，可以保持炒飯的熱度。每夥飯粒都沾上蟹膏，呈奶黃色，口感軟糯。每一口都蟹味豐盛，令人欲罷不能。這樣的炒飯好像比較少在其他餐廳吃到啊。最後餐飲叫了杯熱朱古力，濃郁朱古力味，為味蕾帶來甜蜜感受。喝完整杯朱古力，身心都感覺溫暖。

近日男友告訴我他家附近多了一間人氣食店，平日晚上也甚多人排隊等候。朗屏站附近也有好西？不禁引起我的好奇心。這晚大家早收工就決定試試！餐廳其實離西鐵站很近，但位置確實頗為偏僻，如非這次刻意拜訪我實在很少會經過。在一堆大排檔中，可以見到一間裝修簡約的西餐廳，萬綠叢中一點紅般，入到去只見牆上掛了不少超級英雄漫畫圖，甚有特色。餐廳有set dinner供應，也可a la carte再加錢配餐湯、餐包和飲品。餐湯我倆點了一紅一白。羅宋湯真材實料，蕃茄味道濃郁，酸度滿意，不會像普通茶餐廳般溝水至淡而無味，而且雜菜份量很多，很有口感。忌廉湯也十分creamy，除了加了滑嫩的蘑菇外，還加了切粒的脆皮腸，口感多層，配上香草更為惹味，即使餐湯也見用心。接着送上的蒜蓉包亦很有驚喜，麵包非常酥脆，而且充滿香濃的牛油香蒜味，真想添多一塊！飲品方面小店也誠意十足，+$5升級樽裝奶茶，不但外型充滿懷舊風味，而且奶茶也不會因加冰而味道變淡，喝得岀奶與茶的比例恰到好處，喝到尾仍然飲倒茶香，十分難得。蟹肉蟹膏意粉($98)原以為只是一般落了蟹肉的意粉，想不到竟然每條意粉都掛滿黃澄澄的蟹膏，吃來鮮味濃郁，面頭還下了一些脆蟹

開年元朗下班, 跟同事2人來了元朗大吃一餐, 慶祝開年行大運。我們選了早前同事推介的西餐廳,面積不算大, 座位只約20個左右, 但裝修得美輪美煥, 好有特色。我們點了一個白酒煮蜆, 三點頭盤及茄茸大蝦意粉; 白酒煮蜆, 我們2人點了八隻, 蜆肉鮮甜美味, 帶有白酒及忌廉的清香, 綿綿的質感, 齒頰留香。吃完我們來個三點頭盤,有鮑魚, 帶子及鵝肝, 鵝肝幼滑綿綿, 入口即化, 但感覺鵝肝味不夠濃郁, 鮑魚韌力強, 有嚼口, 配以綠綠的鮑魚肝醬, 完全帶出鮑魚的鮮味; 雪白的帶子, 帶子味鮮濃, 軟軟的,  口感細膩。而茄茸大蝦意粉, 大大隻的大蝦, 肉質爽口彈牙, 豐富的茄茸滋潤了每一條意粉, 使意粉充滿了蕃茄香, 酸酸甜甜的, 十分醒胃;吃完飽飽的, 這樣的價格配以這樣的餸菜, 已經值得了。

※本文以用餐當日的環境、服務和食物質素為準，口味亦因人而異，文章只作參考之用。以前社交平台無咁流行既時候，會比較難知道一些新餐廳的資訊和招牌菜式，現在有了FB、IG等APPS後，無論隱世定新餐廳都可以好快咁收到資訊，方便多了! 就好似呢間開業不久的夏捌月，名字很特別，有文青的味道，英文名叫Summer August，相信是與「夏天」和「八月」有關吧! 看似平平無奇的餐廳，近來出了名的蟹肉蟹膏意粉，在IG中一傳十十傳八，十個有八個到餐廳都會點這個黎試試，評語中都話足料又好食，餐廳仲咁近小妹梗係要試下。餐廳位於朗屏橋底附近，門面不太起眼，透明玻璃上印了白色字的餐廳名稱，感覺很易走漏眼呢。餐廳內的座位不多，而且較為迫狹，建議可預先訂位，免卻要排隊等候的情況。晚市套餐有A1-A10十款選擇 (午市單項有9折)，從$98~$228不等，配白飯/意粉/薯菜、餐湯及熱飲，可加+$18將餐湯升級為酥皮湯。多以扒類為主，岩晒食肉獸的你。如果套餐覺得唔岩食，仲有另一本餐牌有小食、意粉和炒飯等，價錢都很大眾化。(餐牌在文末)凍咖啡、凍奶茶 （套餐+$2）小妹揀左飲奶茶，飲落有茶的清香，茶味唔會比奶味蓋過，味

跟家人來元朗年宵, 走著走著, 姐姐突然肚子餓, 我們一家3人就隨意找了一家西餐廳打頓。這家餐廳位於朗屏站下面, 大約走5分鐘, 經常滿位, 可見粉絲也不少的。裏面的座位不多, 裝修配以動畫的掛飾, 十分特別; 我們坐下看著菜單, 款式真多, 難以選擇, 於是選了數款之前看這裏食評所介紹的德國咸豬手芥末汁及蟹膏蟹肉炒飯。金黃色的脆皮豬手, 一大隻, 肉較肥, 外皮香脆,  切開卜卜聲, 熱氣不停由肉散發出來, 粉紅色的豬肉, 肉質鮮嫩多汁, 肉較鹹, 配以芥末醬, 更能帶出豬手肉的鮮味;而蟹膏蟹肉炒飯, 更是一絕, 每顆炒飯都充滿金黃色的蟹膏及配以忌廉來炒, 口感黏黏的, 飯中撒上金黃色的蟹肉, 蟹膏味與蟹肉味交織著, 海鮮味道十分濃郁; 愈吃愈想吃;3個人吃2個主吃, 覺得已十分滿足了, 雖然是第一次來這間店, 但是感覺味道合我口味, 平民的價格, 還會來第二次。

元朗、朗屏係有多野食，住九龍有時都會入下去！ 響朗屏站落去有條小街位，見到有間裝修別緻既餐廳，連名都特別叫夏捌月！先黎個羅宋湯，裡面既料都好足，紅蘿白一條條，相比起有d係成舊，真易咬好多，料同湯可以一啖過！配合埋笑哈哈碗，即刻同幾個朋友影張相、打打卡！鑊仔牛柳份量剛好，牛質唔會太韌，太多筋容易咬！平時黑椒、蒜蓉、洋蔥汁都有得揀，特別既係粒粒蒜蓉，可能我本身都喜歡食蒜，所以一見到就即揀！環境服務都好，元朗特色餐廳

放左工食完野先返去，懶得煮飯嘛……見有人拍野，有哂射燈長腳架好專業咁樣，原來影緊間餐廳，唔知係咪雜誌呢，介紹完通常就好多人排，食左先講，哈。坐低後店員會送上水，仲會問想要凍水定暖水，好窩心啊，refill水時都會問點了兩份dinner set，一個要羅宋湯，一個要忌廉湯，正常味道，旁邊有黑胡椒同白胡椒，可自行調味。跟餐仲有蒜蓉包，牛油味十足，烘得不是太乾身，外脆內軟的，好食過蒜蓉多士，哈。德國咸豬手配蜜糖芥末汁（$158），朋友點左呢樣，仲揀左跟飯佢話晏晝食左薯條唔想跟薯茶喎，哈哈，豬手跟飯真係好搞笑。豬手超級大隻，有半隻碟嘅size，超誇張，上枱時朋友同我都叫左出黎，嘩一聲引起店員洋洋得意嘅笑容皮脆肉嫩！個皮勁香脆，下層脂肪炸得甘香，一啲都唔膩，膠質狀好彈牙，少少咸香恰好處，不點醬汁都不會寡，雖然我覺得個蜜糖芥末醬甜甜酸酸都好正。因為有點難切，店員問使唔使廚房碎上，梗係好啦，碎上完成碟燒肉飯咁樣，真係笑左朋友話下次點意粉會唔會似番食西餐，哈哈，鍾意咪得囉，唔使理人點諗嘅。（隔離枱係咁笑我地碟飯，話邊有人食咸豬手配飯……）自己點左烤焗寶雲酥羊扒（$138），我就揀左配薯菜啦，有薯格四片

光是聽到這個餐廳的名字，可能會以為上海或中式店子，怎料到是這一間狹小的港式西餐廳 本來不去，但因為上一次吃不到，今次又有人訂了座，便一起去吧。難得來到，感覺無謂又是吃雞扒那麼悶，結果又點了一個西冷牛扒。這類型的西餐廳，問你幾成熟，都只是循例，因為結果還是拿了七成熟的西冷扒出來，結果我說「點了五成」。店員也把那碟七成熟的退回，但是不消1分鐘之後，牛扒又來了。孰五孰七，心照不宣。結果當然是牛扒太熟，變得太韌沒肉汁，浪費了牛扒。 薯菜，稱為薯菜，但是只有四五條粗壯的長薯條，及一件西蘭花。

見最近好多住元朗的朋友都推介呢間餐廳，星期日的中午，又諗唔到去邊食個BRUNCH，所以就想起呢間餐廳。個位置好近朗屏西鐵站，因為個招牌唔起眼，無仔細睇係留意唔到呢間小店，其實係正橋底。中午12點去到，竟然有人等位，可能新開，都多人想試食，我地係第三張枱，前面有4個人等緊。負責安排入座的店員，非常有禮貌，亦會提示入面的情況，如已經執緊枱或已埋緊單，服務算殷勤的。等左10分鐘，就可以入座。餐牌選擇十分豐富，比想像中多選擇，老婆本來想食焗豬飯，但最後都係選左芝士咖哩焗吉列豬扒飯，我就選左人氣之選－蟹肉蟹膏意粉。豬扒係吉列炸的，非常香脆，配埋咖哩汁，好惹味。本來以為會係類似日式咖哩汁，呢間的咖哩汁偏近東南亞，有椰香味，唔會太辣，又有香料味。焗飯偏向細碟，比一般茶餐廳少，如果女仔食剛剛好，男人食就可能唔夠飽。蟹肉蟹膏意粉，十分值得一試，非常CREAMMY，每一啖都有蟹粉味，份量也剛剛好，雖然唔大碟，食晒都有飽滯的感覺，十分足料。呢度值得一試的，仲有樽裝無冰嘅凍奶茶、咖啡和朱古力，奶茶香濃而味道偏甜，朱古力都OK，味道似維記朱古力奶，好飲過茶餐廳的凍朱力奶。埋單＄161，每人一舊水都唔洗嘅價錢就有

今個星期再次去到元朗依間小店 今次同朋友去食晚餐 元朗西餐真係無幾間正既 而依間係我覺得抵又好食既~嗌左兩個Set Dinner 有蒜蓉包 湯 飲品  我嗌左德國咸豬手配蜜糖芥末汁 $158好大隻 外皮勁香脆 有豐富膠質 啲筋都嚼到 整體咸香足 蘸埋溫和既蜜糖芥末汁就更perfect啦 勁抵食 仲好食過我之前係一間德國餐廳食過既朋友點左醬燒豬仔骨 $138/半份半份都有6條 面頭有啲茄蓉 上枱會即點火 火熊熊好浪漫 再淋上蕃茄汁 肉質係實而唔會好乾既 但每條肋骨既肉有啲參差 但整體都覺得抵食但會偏向豬手多啲仲加配左啲頭盤 有法國鵝肝同埋牛油煎帶子 各$45 聽說係鮨文一樣既貨 所以帶子真係幾鮮同夠嫩同彈 但鵝肝就偏薄但長身~ 同埋煎得乾身 朋友就話覺得無甘油膩同埋漏~ 但就吾太合我胃口啦 我都係愛帶子晚餐食既野更豐富同埋靚 我愛肉啊~~~ 另外一提店員好nice 見我地切吾到就幫我地拎入廚房切 仲切得好靚!

個日我地一大班人去大棠睇紅葉🍁係車站附近見到依間西餐廳D野食幾平就入左去我叫左個三成熟嘅西冷牛扒意粉加一支大奶茶同埋叫左D小食餐湯我要左個紅湯好足料牛肉粒都幾多個扒肉質好嫩 冇Over cook最正係佢哋自家製嘅奶茶 好重奶味 💕