影片
更多
2017-01-29
930 浏览
放左工食完野先返去，懶得煮飯嘛……見有人拍野，有哂射燈長腳架好專業咁樣，原來影緊間餐廳，唔知係咪雜誌呢，介紹完通常就好多人排，食左先講，哈。坐低後店員會送上水，仲會問想要凍水定暖水，好窩心啊，refill水時都會問點了兩份dinner set，一個要羅宋湯，一個要忌廉湯，正常味道，旁邊有黑胡椒同白胡椒，可自行調味。跟餐仲有蒜蓉包，牛油味十足，烘得不是太乾身，外脆內軟的，好食過蒜蓉多士，哈。德國咸豬手配蜜糖芥末汁（$158），朋友點左呢樣，仲揀左跟飯佢話晏晝食左薯條唔想跟薯茶喎，哈哈，豬手跟飯真係好搞笑。豬手超級大隻，有半隻碟嘅size，超誇張，上枱時朋友同我都叫左出黎，嘩一聲引起店員洋洋得意嘅笑容皮脆肉嫩！個皮勁香脆，下層脂肪炸得甘香，一啲都唔膩，膠質狀好彈牙，少少咸香恰好處，不點醬汁都不會寡，雖然我覺得個蜜糖芥末醬甜甜酸酸都好正。因為有點難切，店員問使唔使廚房碎上，梗係好啦，碎上完成碟燒肉飯咁樣，真係笑左朋友話下次點意粉會唔會似番食西餐，哈哈，鍾意咪得囉，唔使理人點諗嘅。（隔離枱係咁笑我地碟飯，話邊有人食咸豬手配飯……）自己點左烤焗寶雲酥羊扒（$138），我就揀左配薯菜啦，有薯格四片
坐低後店員會送上水，仲會問想要凍水定暖水，好窩心啊，refill水時都會問
點了兩份dinner set，一個要羅宋湯，一個要忌廉湯，正常味道，旁邊有黑胡椒同白胡椒，可自行調味。
跟餐仲有蒜蓉包，牛油味十足，烘得不是太乾身，外脆內軟的，好食過蒜蓉多士，哈。
德國咸豬手配蜜糖芥末汁（$158），朋友點左呢樣，仲揀左跟飯佢話晏晝食左薯條唔想跟薯茶喎，哈哈，豬手跟飯真係好搞笑。
豬手超級大隻，有半隻碟嘅size，超誇張，上枱時朋友同我都叫左出黎，嘩一聲引起店員洋洋得意嘅笑容
皮脆肉嫩！個皮勁香脆，下層脂肪炸得甘香，一啲都唔膩，膠質狀好彈牙，少少咸香恰好處，不點醬汁都不會寡，雖然我覺得個蜜糖芥末醬甜甜酸酸都好正。
因為有點難切，店員問使唔使廚房碎上，梗係好啦，碎上完成碟燒肉飯咁樣，真係笑左朋友話下次點意粉會唔會似番食西餐，哈哈，鍾意咪得囉，唔使理人點諗嘅。（隔離枱係咁笑我地碟飯，話邊有人食咸豬手配飯……）
自己點左烤焗寶雲酥羊扒（$138），我就揀左配薯菜啦，有薯格四片，炸得很香口，醬汁係茄汁。
羊扒有三大塊意外地份量多！
羊肉勁嫩滑，一切就開，外層的脂肪位焗得香脆，少少的麵包糠加上芥末更美味，有羊味但不酥，啖啖肉好正呀。
餐飲點了熱檸水同凍朱古力，凍飲加$2，凍朱超正！朱味濃之餘仲加了奶，好似飲緊x記朱古力奶咁，好味好味。埋單加一後百幾蚊個人，份量大捉夠飽，西餐黎計好抵食！
张贴
