夏捌月 (已結業)

朋友之前有叫我去哩間食晏，可惜未有時間，今日自己同朋友嚟食晚餐。餐廳內以灰色及黑色為主，牆上掛有復仇者聯盟角色人物。唔知店東係咪一位男士呢？柔和燈光加上復仇者聯盟人物，柔情中帶點剛烈，現代、正義嘅感覺小小餐廳，竟然備有自己餐廳名嘅餐巾，可見老闆對餐廳有幾用心基本上叫Main Course會連餐湯及飲品，如升級至酥皮湯加$18，我今次冇加酥皮。每個湯跟一塊蒜蓉包，蒜蓉包外脆內軟，包表面有細小蒜頭粒，增加咗嚼感。忌廉湯內有粟米及火腿粒，滑身滲有淡淡牛油香味。德國咸豬手配蜜糖芥末汁，餐廳可協助把豬手切開，對我嚟講自己切更可感受豬手皮嘅香脆豬手皮鬆脆肉嫩，因自己切即使食得慢仍可保持豬手肉有一定嘅溫度。頭一兩啖特意冇沾蜜糖芥末汁，豬手香脆而不膩，再切沾一下汁，意外嘅汁係凍嘅而且汁料好稀。起初諗德國豬手冇酸菜，已有點失色，醬汁又稀。但慢慢食到中段，正正因為薄薄即蜜糖芥末汁，芥末香蜜糖甜內帶有微微果酸味，減去豬手嘅油膩而冇遮掩豬手肉嘅香，配熱熱嘅豬手個午餐價錢都幾抵食，下次再嚟食先

今日放假坐西鐵去元朗揾下朋友先，他們推介朗屏西鐵站天橋下面的小店，夏捌月店舖周圍放滿了漫畫的照片，還播放輕鬆的音樂，感覺幾舒服午餐有優惠，我點了一份牛扒，即可免費升級至套餐，有餐湯、法式蒜蓉包、薯菜及餐飲，我湯加了 $18 轉做忌廉酥皮湯，酥皮鬆化，唔油膩牛摩(西冷牛扒拼鑊仔牛柳)，初時正心大心細諗緊想食乜之際，看見餐牌有牛摩，一次過滿足晒我想食西冷及牛柳的心情，七成熟剛剛好，有陣陣牛香味，牛脂在我的口腔內浮游，牛扒配上黑椒汁，薯格很脆餐飲凍朱古力，好香奶味同朱古力味，好 fresh ，個樽幾突出一行四人，午餐時間(11:00~15:30)來食還有九折

個人特別欣賞一些小店 對製作食品有心又堅持的 由選擇食材開始 到烹調方法 到賣相 什至環境 都讓人有種驚喜的感覺去過•夏捌月後就特別欣賞這間小店了位於朗屏站富榮花園地舖 跟旁邊的茶餐廳形成強烈對比 有別具風格的小店 從輕鐵站抑或西鐵站也是數分鐘路程~相當方便餐廳坐位闊落 可以讓我跟朋友 慢慢坐下傾下計 品嘗下美味既午餐午餐餐牌 很多選擇 由扒類 到意大利飯或意粉小食 超過30款選擇唔止只有ABC餐咁單調跟店員了解 原來有幾款都是大廚新推之菜式 真係過開黎元朗lunch可以試下餐湯有忌廉同羅宋湯配蒜蓉多士小妹獨愛忌廉湯 非常足料既一個湯粟米菇菌類 相當濃滑 好少餐廳做到咁既質素 蒜蓉多士亦舖上蒜蓉粒粒 有誠意之作~餐飲有樽仔飲品 一向對樽仔飲品 情有獨鍾 選了奶茶跟朱古力果然有驚喜 奶茶夠凍 好滑身甜度適中 係我杯茶~朱古力夠濃 香甜 朋友激讚主菜 我地選了蟹肉蟹膏意大利飯 一送上檯已聞到濃濃既蟹味 ~~~飯粒軟軟的 有菇菌等配菜 蟹肉份量多唔膩 吃完又想食 蟹迷必試另外點了醬燒豬仔骨半份配薯菜~份量2個人share剛好 蕃茄汁特製的 配薯格好正~ 豬仔骨啖啖肉 肉質軟~~配菜車厘茄同西

今日約左幾個朋友去元朗食lunch，佢地帶左我去夏捌月餐廳，由於地點唔算市中心，所以平時都唔為意有依間餐廳～～入到去餐廳，舖頭唔係好大，有12-14張雙人枱，可以容納22-28人～都有八成坐滿～坐底後，見到隔離枱既客食緊德國豬手～好似好好食～所以跟住order德國豬手配薯菜、忌廉湯酥皮湯～等左大約8分鐘，蒜蓉包及酥皮湯到，蒜蓉包上有d香草牛油蒜蓉配搭～算係精緻，味道也唔錯～忌廉酥皮湯，賣相唔錯。打開酥皮，入面湯料好足，有粟米、煙肉，試一啖湯，味道很濃、唔稀～有水準再隔左8分鐘到～主菜「德國豬手配薯菜」到，賣相吸引，豬手好香好脆～用刀砌落去，可以聽到脆卜卜既裂開聲，咬一口，豬手皮好脆～好似食脆豬肉乾口感～仲要係熱既脆豬肉乾，真係好食到不得了～而入面既肉～好稔好juicy~完全係五星級質素而薯菜唔係一般薯條，而係用薯格，感覺高級d～配合埋蜜糖芥末醬～絕配雖然價錢貴左少少（$158），但中午去食，有九折～配合食物質素、賣相、份量～係值得推介

在元朗，除了商場中既高級餐廳外，西餐的選擇並不是很高質及抵食。但自我發現了這間平民西餐後，就列入了我的top list。不但食物質素不俗，價錢更相宜！特別是扒啊豬手那些，性價比是挺高的。所以今次與朋友約食午餐，又再選擇了這間小餐廳。座位不算闊落，但不感侷促。和朋友邊吃邊談特別舒暢！我點了蟹肉蟹膏意粉($98)，可算是我的最愛。因為有很濃郁的蟹膏，食落更有滋味。一如以往的份量大，午餐而言稍為over了。店家也太慷慨了。還有很多菇菌類，為單調的意粉加添了口感。跟餐還有飲品，蒜蓉包及餐湯，我額外轉配酥皮忌廉湯($18)。雖然更邪惡及增加飽肚感，但饞嘴的我也是豁出去了。另外必飲他們的樽仔凍奶茶(+$3)，奶味較出及偏甜，但正中我下懷！

周末適逢母親節， 帶媽媽一嚐佢至愛既蟹宴。 年青既我梗係唔係帶佢去酒樓， 而係黎呢間小店。多款午餐$4x，價錢相當吸引， 唔怪得坐到滿滿啦，好在我訂左位者。可惜午餐無蟹膏蟹肉果款。相比午餐，雖然係貴少少, 食過就無得返轉頭。 仲可以+$20升級套餐， 有餐湯+蒜蓉包+餐飲。 既然係母親節， 無計啦。頭盤既羅宋湯， 非常足料。 酸酸的湯略帶一點辛辣。 佢塊蒜蓉包， 皮脆內軟， 好想encore 多塊。 主角出場蟹膏蟹肉意粉蟹膏蟹肉意大利飯深黃色的蟹膏，滿佈整個意粉/ 意大利飯， 睇見都流口水。 每啖入口都充滿豐富蟹膏，份量十足。兩個餐三個人食， 都已經好飽。蟹肉炸得鬆脆。食完大滿足既蟹膏飲返柸檸水， 即刻解滯。

店前沒有閃亮招牌及裝飾，位置亦不顯眼，店內細小最多也不超過25個坐位，但也不算坐得太迫。食品如店鋪Style一樣走平實路線，沒太多花巧擺盤，老老實實地端上食物，擺放得企企理理。呢日同朋友兩個人叫左兩個set，埋計$246，是日平日星期四，Lunch除了免費轉set之外，仲有免加一，計起來足足比晚餐平了$100！餐湯有羅宋湯及忌廉湯選擇，我地二人都揀左紅湯，湯料很足，友人那碗仲有件牛腩添 (可惜我冇，哈哈！)，不過以西餐菜湯的標準來計，我個人覺得略嫌太濃稠，有點兒像港式茶餐廳喝的感覺。另多蒜蓉牛油法包焊得不太夠時間，中間有些稔身，蒜蓉未夠香、包亦未夠脆，但味道ok的。~黑松露意大利Risotto配香煎鵝肝~用芝士、雜菌、黑松露煮的意大利飯恰到好處，芝士味不過濃，沒有喧賓奪主搶去黑松露獨特的香味，鮮冬菇及本菇新鮮滑嫩爽口，唯獨是主角的煎鵝肝口感像鴨肝，沒有入口即溶感覺，除了上桌時已經不是熱騰騰之外，亦不香口，黑醋汁亦太少了。但整體由於黑松露意大利飯做得恰到好處，扣少了分，哈哈！不過順帶一提，又是熟透了的Risotto，在香港一般餐廳食真的沒辦法食到正宗意大利飯。~蜜糖芥末德國咸豬手配薯菜~

呢到出曬名係食蟹膏意粉！ 既然食過啦，今次就揀其他新嘢食啦！先黎餐湯，雜菜湯真材實料，我嗰碗仲有舊牛腩添㗎，餐包蒜蓉味香…… 見到哈哈笑碗就開心啦鵝肝黑松露雜菌意大利飯芝士味剛啱好唔會搶咗啲黑松露味， 雜菌大大件 一啲都唔吝嗇， 鵝肝都有番咁上下分量， 煎得兩邊香脆， 一啖飯連埋鵝肝一齊食，口感好豐富。 好多意大利飯因為落好多芝士會好滞， 出乎意料之外呢個飯一啲都唔滞！德國咸豬手，蜜糖芥辣醬有別於一般餐廳嘅豬手皮係比較硬同煙靭，呢度嘅豬手皮好鬆脆，豬手嘅肉唔乾身， 配合埋個蜜糖芥辣，好夾！ 要提一提個配菜薯格真係好得呢度午餐除咗免加一，仲要有九折，真係抵！

而家啲人食西餐一係要追求真正歐洲味道，一係就係與別不同嘅Fusion Style，但我地由細到大食慣嘅港式西餐，即係好似金鳳、波士頓同埋花園餐廳呢啲港式西餐呢，就越來越少人食，包括自己在內，但係當你越耐冇食呢種味，再食翻而食物又做得好的話，原來會相當滿足。十二點左右路過元朗街，有啲肚餓，見倒有間鋪仔細細，一啲都唔起眼嘅餐廳坐左唔少食客，好似有啲人氣，決定同朋友一齊幫襯。全場有座位三十個，入座率有三份二。睇左餐排一陣，午餐原來HK$40幾起有交易，茶記價錢，而鑊仔牛柳及西冷朳呢啲朳餐都係50-60，親民街坊價，唔怪得咁早食客已經唔少，但既然唔係成日入元朗，就叫左啲稍為貴啲嘅野食，一份羊架同一份豬手餐。好耐無食港式西式，飲傳統嘅紅白湯，即羅宋湯同粟米忌廉湯，紅湯有尖端酸味之餘仲有不俗嘅蔬菜甜味，濃味開胃，白湯則甚足料，粟米粒幾多下，仲有炒香煙肉粒，並非求求其幾粒粟米加丁丁火腿再加麵粉溝嘅差湯，係碗誠意餐湯。簡單兩塊牛油蒜蓉包亦係香脆可口野。烤焗寶雲酥羊朳羊架唔係求其煎熟，而係加左麵包糠同芝士碎焗香嘅，羊嫩滑有肉汁，用料實在唔錯。最愛佢嘅洋蔥汁，做得好香又有牛油味，好港式但味道豐富，個意粉就

😏有朋友叫我帶佢去元朗食好野，揀黎揀去結果都係想返兜蟹粉認粉 所以黎返呢間餐廳XD有依舊好味既意粉，令人意外驚喜既頭盤之外仲有睇好過飲既朱古力🍫😂無咩特別既酥皮湯～#三點頭盤- 肝醬鮑魚&牛油煎鮮元貝&香煎法國鵝肝((HKD $128))上一次黎食無試到既頭盤，令人好驚喜！😍😍😍雖然價錢相對唔算平但係我自己覺得好抵食！帶子用牛油煎香，煮得岩岩好，個邊微微咁煎到焦香，中間仲係好鮮嫩。老闆話帶子係北海道直送架！非常新鮮既鮑魚經過汁煮好入味得黎唔會蓋過左鮮甜，加埋肝醬果種滋味真係好難用文字黎形容。不過我諗未必係每個人都鐘意肝醬既味道所以餐廳好細心咁放左個醬係一邊🙂鵝肝亦都係驚喜地外脆內軟，好香之餘一片又唔會太膩。總體黎講128蚊真係好高汁👏🏻！#蟹膏蟹肉意粉 🍝((HKD $98))雖然之前已經食過，但身為蟹粉既我地擺明係衝住佢黎啦😆雖然已經無上一次咁creamy，但係蟹肉既甜味同埋蟹膏既香濃就依然保持到。每一條意粉都有蟹肉蟹粉包圍住，絕無欺場！我諗黎幾多次都會再叫~食到我地lam曬脷😋#紐西蘭牛柳 🐮((HKD $158))令人有少少失望既牛柳🙈食落感覺冇乜牛柳應有既牛肉味。如果下次黎可能

幾次想Walk in都無位 今次早兩星期訂枱終於試到啦 店子小小 就在富來花園底下是晚book左7半 去到時門口都有好些人在等餐飲：樽裝奶茶/ 朱古力奶都幾香滑 但唔夠凍 同埋支飲管太短啦要拎起先飲到 之後又跌返落去😂餐湯：感覺像在食茄膏 太太太杰身了餐包：略硬 也不太香白汁芝士焗煙肉帆立貝飯（可選意粉）$76一般的焗飯味道 炒飯底 汁不夠多 蟹肉蟹膏意粉 $98 中上店子名物 見食評個個推介 但係無想像中好味蟹膏係好多既 但係質感真係好似大量大閘蟹膏放晒落個粉度 感覺粉/ 膏有點分離而且 真係要快食 一凍左啲感覺更膩了炸過既蟹肉 味道像炸魷魚鬚 都幾香既整體算係幾特別既嘗試 但未至於很理想訂枱confirm booking時 店家說9點前還枱但當日等數人士眾多 我地又食得快8半不到就已經請我地埋單 然後同我地講多謝了⋯⋯野又已經收晒 離去吧店家都很親切殷勤 頻頻有問食物意見但有時 享用食物 特別西餐 並閨蜜/情侶用餐都會想慢慢享受一下啊 如果閣下係想慢的話我猜這裡不是你杯茶了

<夏捌月>在不起眼的小巷，散發一點點光，迎面走過去，玻璃窗上的夏捌月顯得格外突出。小小的餐廳，坐滿了客人，如果怕等位，最好七時前入座。餐廳的牆上盡是<Star Wars>系列的漫畫人物，不知道店主是否忠實Fans? 坐定定後，我們點了2份一人套餐，準備大快朵頤! 牛油煎鮮元貝、香煎法國鵝肝套餐加$45可以跟配牛油煎鮮元貝、香煎法國鵝肝及白酒鮑魚其中一款，十分吸引。牛油煎鮮元貝的肉質鮮嫰、彈牙，被牛油煎香後，帶陣陣的酥香，香濃美味。香煎法國鵝肝油光亮澤，入口軟綿、即溶，那種在嘴裡油香四散的感覺，非常窩心。忌廉粟米湯+蒜蓉包忌廉粟米湯黏稠，有滿滿的粟米、火腿及洋蔥粒粒，把熱辣辣的蒜蓉包，浸在湯內，更加滋味、濃郁! 德國咸豬手 $158德國咸豬手的份量十分驚人，在上碟前，豬手已經砌成一塊塊，方便享用。豬手外皮炸到金黃酥脆，一啖咬下去"咯嚓咯嚓"聲， 酷像燒腩仔的脆皮，超級滋味誘人! 豬手的肥膏比例不算太多，配合豬肉來吃，顯得骨膠原豐盛，油香美味。薯格厚實、脆卜卜，十分邪惡。不得不讚伴碟的蔬菜豐富，粟米、厚切蕃茄等，充分解膩。安格斯西冷牛扒(10安士) $228

復活節番娘家扮公主梗係搵下有咩好食架啦見到有人推係西鐵站附近有間食蟹膏蟹肉意粉就去試下啦~~~~ 餐廳報置以掛畫為多以STAR WAR同MARVEL 為主 當日我地大約十二點到好彩信義妹早一步理想達到遲一步就要等位啦~~~忌廉湯不太鹹，口感幼滑如果可以多啲粟米就更好啦~~~ 羅宋湯蕃茄味濃郁信義妹較喜歡呢款材料都相當多唔會因太酸而搶喉鹹跟酸既比例剛好 加上搭配的蒜蓉包用來沾湯就更好 主角出場啦~蟹膏蟹肉意粉未上枱遠處已聞到蟹香蟹膏的甘香緊緊掛係意粉上面每一口都充滿蟹膏蟹肉亦都相常多肉質爽甜食到唔停得口 紐西蘭牛柳配薯菜 (洋蔥汁) $64牛柳有得揀幾多成熟七成都唔會韌、口感鬆軟而肉汁緊緊鎖住加上洋蔥汁就香帶少少甜如果少啲汁就更好啦~薯菜就外脆內軟另外配菜都多，唔怕食太肉會膩 餐飲有奶茶口感香滑，茶味適中 朱古力不過不失 飲品夠凍對於熱辣辣的下午正好消消暑吧!!

今晚伴我共晉晚餐的，是跟我相識超過十年的好友，他和我一樣，平常可以吃得很隨便，但偶爾也想吃一頓好的晚餐，今晚，由他帶我來享受美食，就是元朗的「夏捌月」餐廳面積不是很大，但座位之間空間是合理，今晚客人很多，所以頗熱鬧吧。Window Side的桌椅最優，可以看到街景，在忙碌的城巿，在晚上變得安靜而沉穩。跟餐的湯可選蕃茄或白湯, 我們選了蕃茄。送上來也是一個㗇㗇笑碗, 蕃茄湯看上去很濃稠, 伴了一片熱騰騰的麵包。麵包質感綿密實在, 不是連鎖店買到的空氣麵包, 有點牛油味和香草味, 脆囗的，蘸上蕃茄湯同吃又是另一番滋味。蕃茄湯質感十分立體, 濃得像將很多個蕃茄搗碎而成, 味道亦很天然, 就是蕃茄的原味, 酸酸甜甜的,而且足料。鮮元貝豬扒元貝肉厚, 圓滾滾的, 煎的時間剛好, 保持鮮嫩口感, 海鮮的鮮甜味甚迷人。豬扒煎香而沒有燶, 內裡熟得很平均, 切開時感到有靭度, 本來還擔心會否「鞋口」, 咬下去卻釋除了疑慮, 豐富的肉汁伴隨彈爽的質感, 儘管牙力不太好如我, 也很快處理完一塊, 每件都品嚐到新鮮豬肉的鮮味。夏捌月美麗名字去吸引人注意, 每一個菜式用心去做好每, 用料優質而新鮮, 環境舒適

元朗郊遊第一站，當然要醫飽個肚先啦！根據openrice搜尋，鎖定「夏捌月」！足足等左20分鐘才可入坐！羅宋湯及忌廉湯配蒜蓉包：湯好濃夠熱，蒜蓉包鬆脆！讚！特別在湯碗！西冷牛扒配薯菜（黑椒汁）：午市時段，是侍應問牛扒要幾成熟，心諗咪玩啦！但最後居然根足要求！分量十足，肉質可以，雪菜一流！蟹肉蟹膏炒意粉：招牌菜！香口，但對我來講實在太heavy！不過好特別！一試無妨！樽裝咖啡及奶茶：太甜，茶味及啡不夠！並非我杯茶！