影片
更多
2017-04-29
123 浏览
而家啲人食西餐一係要追求真正歐洲味道，一係就係與別不同嘅Fusion Style，但我地由細到大食慣嘅港式西餐，即係好似金鳳、波士頓同埋花園餐廳呢啲港式西餐呢，就越來越少人食，包括自己在內，但係當你越耐冇食呢種味，再食翻而食物又做得好的話，原來會相當滿足。十二點左右路過元朗街，有啲肚餓，見倒有間鋪仔細細，一啲都唔起眼嘅餐廳坐左唔少食客，好似有啲人氣，決定同朋友一齊幫襯。全場有座位三十個，入座率有三份二。睇左餐排一陣，午餐原來HK$40幾起有交易，茶記價錢，而鑊仔牛柳及西冷朳呢啲朳餐都係50-60，親民街坊價，唔怪得咁早食客已經唔少，但既然唔係成日入元朗，就叫左啲稍為貴啲嘅野食，一份羊架同一份豬手餐。好耐無食港式西式，飲傳統嘅紅白湯，即羅宋湯同粟米忌廉湯，紅湯有尖端酸味之餘仲有不俗嘅蔬菜甜味，濃味開胃，白湯則甚足料，粟米粒幾多下，仲有炒香煙肉粒，並非求求其幾粒粟米加丁丁火腿再加麵粉溝嘅差湯，係碗誠意餐湯。簡單兩塊牛油蒜蓉包亦係香脆可口野。烤焗寶雲酥羊朳羊架唔係求其煎熟，而係加左麵包糠同芝士碎焗香嘅，羊嫩滑有肉汁，用料實在唔錯。最愛佢嘅洋蔥汁，做得好香又有牛油味，好港式但味道豐富，個意粉就
十二點左右路過元朗街，有啲肚餓，見倒有間鋪仔細細，一啲都唔起眼嘅餐廳坐左唔少食客，好似有啲人氣，決定同朋友一齊幫襯。
全場有座位三十個，入座率有三份二。
睇左餐排一陣，午餐原來HK$40幾起有交易，茶記價錢，而鑊仔牛柳及西冷朳呢啲朳餐都係50-60，親民街坊價，唔怪得咁早食客已經唔少，但既然唔係成日入元朗，就叫左啲稍為貴啲嘅野食，一份羊架同一份豬手餐。
好耐無食港式西式，飲傳統嘅紅白湯，即羅宋湯同粟米忌廉湯，紅湯有尖端酸味之餘仲有不俗嘅蔬菜甜味，濃味開胃，白湯則甚足料，粟米粒幾多下，仲有炒香煙肉粒，並非求求其幾粒粟米加丁丁火腿再加麵粉溝嘅差湯，係碗誠意餐湯。
簡單兩塊牛油蒜蓉包亦係香脆可口野。
12 浏览
0 赞好
0 留言
烤焗寶雲酥羊朳
7 浏览
0 赞好
0 留言
羊架唔係求其煎熟，而係加左麵包糠同芝士碎焗香嘅，羊嫩滑有肉汁，用料實在唔錯。最愛佢嘅洋蔥汁，做得好香又有牛油味，好港式但味道豐富，個意粉就當然唔係有點硬心嘅Aldenti ，但就比一般茶記嘅發水意粉彈牙好多，一點不馬虎。
德國咸豬手配蜜糖芥末汁
豬手外皮脆，個芥末汁做得相當惹味，份量大，薯角更加係香脆無比，兩個男人食兩份餐都仲有半份豬手剩，可以包走。
餐飲凍奶香濃滑漏，瓶裝不加冰，唔會越飲越淡。杯熱朱古力友人就話好甜。
11 浏览
0 赞好
0 留言
埋單無加一仲有九拆，共HK$268，唔算貴，今日食嘅西餐味道港式，但一點不馬虎，埋單時未夠一點，全廳滿座之餘，外面排有長長人龍，估計佢地一個中午可以做最少100食客，生意相當唔錯，足見做得好的港式西餐，仍然廣受食客愛戴。
张贴
