壽司郎 (翔盈里)

营业中

休息中

黎到壽司郎，一於就咩都試一試喇！呢度既壽司都幾多款式，壽司價錢合理，於是我地就當食題咁，咩都叫黎試下喇！我地叫左三文魚腩，三文魚肥美夠甜，仲叫左吞拿魚腩，吞拿魚腩賣相不俗，油潤帶有光澤，不過食落有小小筋，口感就扣左小小分喇！除此之外，仲有赤蝦壽司，赤蝦肉質甜潤，口感不錯。最驚喜的就是甜品的部份，無論是蛋糕還是雪糕，都幾有質素，作為飯後甜點，食完更加滿足啊！

個人覺得性價比高，代替元氣，開滿香港啦！正！有幾款入口即溶！等得好耐，5點等到7點幾！不過入到去就好滿足，上野都快。服務幾好丫！頂多一個月一次咯，因為真系等好耐😂。未試過真系要試下啦。個人認為拖羅好好食！d壽司好大件，不過食一次半次都夠了~值得一試嘅

壽司郎(Sushiro 壽司郎 スシロー)最新黃大仙分店已經係5月18日正式開幕!撞啱六月舉行特盛祭,多款壽司出爐。今日我哋帶大家去睇睇黃大仙壽司郎嘅質素拍唔拍得住其他分店,以及排隊入座時間評估,馬上出發!!。。🔘 三文魚配三文魚子壽司| $27評分: 🌕🌕🌕🌗🌑評語: 六月新品之一。以$27兩件嚟講,算係超值之選。三文魚子夠鮮,令整件壽司都有滿滿嘅口感同三文魚味,三文魚亦非常厚身。。。🔘 特盛海縲壽司 | $17評分: 🌕🌕🌕🌕🌑評語: 六月新品之一。非常爽口又香! 我個人比較喜歡拎走塊紫蘇葉,更加原汁原味。。。🔘 特盛葱花吞拿魚軍艦 | $12評分: 🌕🌕🌕🌕🌗評語: 性價比極高! 吞拿魚蓉十分足粒唔,一啖咬落去口感同味道都非常好!。。🔘 鰻魚海苔包 | $12評分: 🌕🌕🌕🌕🌑評語: 都係果句,本身係鰻魚控,所以呢個一定要試! 鰻魚分量不少,調味控制得好好,唔係一味得鰻魚汁味。。。🔘 特盛天婦羅小帆立貝軍艦 | $17評分: 🌕🌕🌕🌗🌑評語: 六月新品之一。帆立貝炸得爽口之餘亦帶鮮味。。。🔘 松葉蟹軍艦 | $17評分: 🌕🌕🌕🌕🌑評語: 只能夠講,$17真係超值,每次去壽司郎都

日本人氣迴轉壽司店Sushiro壽司郎在香港的其他分店都經常大排長龍，新開幕的黃大仙分店亦不例外。11:30才開始營業，但在早上十時多已開始有人排隊領取籌號，接近營業時間時店內外都已站滿了等候的食客。除了迴轉可拿取壽司外，亦可透過平板電腦下單，食物會經由上層的運輸帶送達。開幕限定壽司—珍寶北海道產帆立貝，大大粒帆立貝肥美鮮甜，是必食之選。其他壽司如三文魚、和牛、海鮮類等都很不錯，不輸貴價壽司店。壽司定價由$12到$27，絕對是性格比之選。

得咗啦！終於食到🤣呢間日本過江龍迴轉壽司店喺日本好出名！嚟到香港知名度亦都勁高🔥明明開咗都差唔多成年，但熱潮依然冇減退過！每日都排晒長龍，用手機App預約都要book到兩個月後嘅位先食到😣好在我好叻仔！見到社交平台話有得預約4號新店果陣，我就即刻沖去book！所以終於食到喇❣️呢度嘅價錢$12起跳！稍為貴過爭鮮少少，但味道真係好食好多好多！睇得出食材亦都新鮮好多，而且有好多選擇😍唔似得爭鮮轉來轉去都係嗰幾味...今次嚟到仲趕得切食黃大仙開業限定嘅【極大北海道產帆立貝】☺️真係超開心啊！而且除咗壽司之外，佢哋嘅副餐同埋甜品都好好食㗎！尤其係抹茶蛋捲💕真係要比100分！真係好想每個月都去食返一、兩次！但真係好難book位呀...😖

已經好耐冇寫過食評，今日特意早啲去屋企附近嘅壽司郎，聽講係真正嘅日本公司開，試吓是否比較香港嘅其他迴轉壽司好，我大安旨意以為佢地十一點鐘開，專登計準時間十一點到，諗住唔使等喇。點知上扶手梯已經聽到好多人聲，嘩！原來己有幾十人排隊攞籌，好彩我攞咗籌，等咗十五分鐘就有位，店舖新，但係真係井井有條，員工充足，全部都係年輕人，介紹好詳細又有禮貌，睇價錢亦非常合理，而且食材新鮮，絕對值得大家回頭幫襯，我相信會比同區壽司店有很大壓力，今日顧住食嘢都冇影相，一個人食咗十幾碟，埋單承惠$280! 但係非常滿足，我由十二點食完到而家六點鐘，我仍然覺得飽，我相信我會經常去幫襯壽司郎！

第一次在香港食壽司郎！以前翔盈里商場人流很少，現在平日早上十一時半原來已經有很多人排隊等候攞籌，真誇張！我們拿第一百號籌，可以數QR code即時查看叫號情況，我們等大約一個半小時左右才入座，店內位置寬敞、間隔闊落，衛生環境不錯。店員服務態度一流、有禮貌，跟我們介紹點餐的運作，還有口罩袋儲存。除了迴轉壽司，我們還可以用電子平板來點餐，二人座位每次點單最多4碟，然後壽司好快便從上面的輸送帶送來。蟹膏軍艦$12- 好久沒有吃日本迴轉壽司，我們坐下便馬上從回轉帶上拿了一碟蟹膏軍艦，可惜紫菜已經軟了，蟹膏新鮮，鮮味從口腔內爆發，建議軍艦要點單，這樣紫菜能保持新鮮香脆。極上大呑拿魚腩握壽司$12- 黃大仙店期間限定！吞拿魚魚腩入口即溶，必吃！特大虎蝦天婦羅卷$27- 高度推介！性價比非常高的特大虎蝦天婦羅卷，天婦羅還是熱的，十分飽肚。炸蝦牛油果卷$12- 跟特大天婦羅卷比較下，這個卷物的味道和大小較遜色普通，不過價錢就相宜。醬烤鰈魚鰭邊握壽司$12- 好久沒有吃左口魚裙邊，魚油加上醬油的味道十分鮮味！雪花和牛雙味$17- 這個壽司很特別，有雪花生和牛配上蔥花蒜蓉，和牛口感軟綿，沒有腥味，推介！北

我平時係好少排咁耐隊食野，但見咁岩開喺附近就試下啦！上網睇11:30開，我10:47拎到92號籌原來試業先開11:30，30/5已經正式開業，營業時間係11:0011:00職員開始叫號碼1-5，6-10咁，諗住好快叫到....之後有啲網上預約號碼.....12:40職員突然話”排隊客人超出本店負荷，暫停walkin”，我相信專登黎既客人一定崩潰了等到第88號籌既時候，又開始停了一定要好堅持，好有耐性先好去排13:03終於排到喇量左體溫，膠袋for放口罩的，拎埋個枱號既牌，上面有教你果樣行去安排好既座位坐低左，職員會埋黎問係咪第一次黎，之後講解下點落單，啲野喺邊度攞，我哋就開始作戰了吞拿魚應該係重點推介，有極上，特選...etc. 帆立貝，赤蝦都好大隻質素係幾好的最後埋單時，職員拎住部機黎掃下啲碟，再人手confirm一次，就可以拎住個牌去俾錢

今個月壽司郎限定特盛帆立貝，4粒帆立貝同時放入口果種震撼真係不能用文字形容，不過黃大仙店新開張無5月限定食品，但開業限定仲吸引！極大北海道産帆立貝 $22，好似食緊帆立貝扒咁，又大又厚！激正！！另外兩款三文魚腩 2貫$17同極上大呑拿魚腩 $12係限定減價，其他分店都食到。其他推介: 炙燒羅勒三文魚，醬烤鰈魚鰭邊，赤蝦開業首個週末，壽司郎社交平台專頁響中午12點已發文表示全日Walk In籌派發完畢，真係誇張！試業期間比較早閂門，試過6點鐘去到都無籌，第二日4點半拎飛，5點半有得食（每日情況不同，只供參考）

之前上網睇又話同爭鮮個d無分別今次訂咗位專登去食冇影到相但係極度推薦試池魚😚😚同鯛魚 極度好味🤓已經又再訂咗位下個月再去食不過美中不足就係佢哋叫票號個喇叭太大聲同埋唔可以攞喺香港分店同日本比較始終香港人鍾意熱鬧講嘢都好大聲日本會比較安靜仲有佢啲吞拿魚真係幾好味同爭先元氣嗰啲冇得比不過我就冇試到三文魚 我建議如果鍾意食壽司嘅香港人可以試吓唔好成日食三文魚食下其他特別嘅魚類下次佢要食佢哋嘅甜品因為今次食得好飽食唔到🙆🏼‍♀️

期待已久嘅壽司郎終於喺黃大仙開幕啦！當然要約埋幾個朋友一齊去試吓啦！一坐低冇耐已經叫到成枱都係嘢食！效率都非常高，一叫完， 5分鐘都唔使就已經嚟齊啦！大件夾抵食嘅帶子， $22 ，極大塊，又肥美。識落仲好新鮮添啊！炙燒香草芝士三文魚，比起一般嘅炙燒三文魚更加好食，香草同芝士仲有一層嘅沙律醬，食到停唔到口。決定要encore啦！呢度嘅炸雞一啲都唔遜色呀！食落好脆口，雞皮好薄，雞肉仲好嫩滑添！

壽司朗又開多一間黃大仙分店，地點唔係熱門既黃大仙中心，而係人流極少的翔盈里，成功令商場熱鬧返，但係行嘅商舖只有$12店同埋樓上。海報非常吸引，三款都試左，質素好。最難忘嘅係極大北海道帆立貝$22，大到呢，有種魔力令人想瘋狂叫，忘記食咗幾飯落肚。另外，巨大壽司雖然唔係創新，但價錢同質素先係決定一切。赤蝦$12一定要叫，係出面比唔到嘅cp值！好大隻，好多肉，好滿足！特色壽司方面，我認為伏多啲。魚翅壽司算係唔錯嘅，但係略為乏味。叉燒壽司同池魚壽司唔討好。雪魚沙律醬軍艦好咸！其他黎講，大拖羅$27種油脂香，鰻魚$22肥美，日本真鯛正$22都正，三文魚腩、左口魚、拖羅$12則普通。

今次係app book 定先來食，因為早左到，來到登記左之後等左20分鐘就入得，同佐敦分店等待時間差唔多😊店員都好有禮貌，叫歡迎光臨都好大聲，勁有日本feel,不過都「鄧」佢地辛苦，公司應該體諒下香港地員工就唔需要叫到咁大聲ge我覺得🤨食物方面，開張期間限定極大北海度帆立貝就超正，又甜又大隻，足足叫左4碟（$22@）極上大拖羅魚腩都唔錯，係有少少根，不過$12@可接受啦茶碗蒸都好好味，夠熱又滑$19@開張限定三文魚腩壽司$17@就有少少唔新鮮食得出，可以改善。蝦三食$19又係必點，$19有3隻壽司，抵食👍總結壽司郎算係而家連鎖壽司餐廳質素最高，等一個月食一次都值。但大家記得book定位先去，walk in 隨時晏就去到已經派唒飛😿食滿3次蓋印仔仲有小贈品送🤣再用埋app discount ,扣多$5

由未開張已經攞咗籌今日下午去食，雖然攞左4:30籌去到都要等一陣，因為門口經已迫爆人😝限時60分鐘的確有d趕。間鋪出名食我最最最鐘意嘅拖羅大大件都係$27好肥美真心正👍🏻👍🏻👍🏻海鰻壽司都有成條好足料都係$27好底食👍🏻👍🏻👍🏻大海蝦同等大帶子都好好好大好滿足，可能人流多材料去得快，樣樣壽司都好新鮮，軍艦好多款式。雖然一籌難求，我都會再去食過，因為真係好鐘意食拖羅，香港比較小有。

太好啦壽司郎又開多間分店👍🏻作為壽司郎嘅fans梗係去捧場啦壽司郎出咗名要排隊，今日星期五特登早啲到大概定左個半鐘就已經拎到位🙏🏻🙏🏻黃大仙分店較佐敦店大，其實返枱亦相對較快，星期五五點拎飛，大概6:30左右就可以入座新店開張都有一啲優惠特大帆立貝壽司$22超鮮甜超大粒，比起元氣更好吃吞拿魚拖羅壽司冇筋肥美脆炸薯條係熱辣辣㗎, 唔同麥當勞薯條呢個特別香脆壽喜燒牛肉壽司🍣香甜嘅壽喜燒汁味，牛肉入口即溶實在太多太多，第一round已經嗌到成枱都係, 唔知係唔係成本關係，好多有芝士係上面嘅壽司都冇咗，我係芝士控可唔可以出返有芝士嘅壽司呀值得一讚嘅係有草印仔制度今次係我第三次食壽司郞，就已經換到一隻好可愛嘅公仔啦，你今日食咗未啊