壽司郎 (翔盈里)

营业中

休息中

已經好耐冇寫過食評，今日特意早啲去屋企附近嘅壽司郎，聽講係真正嘅日本公司開，試吓是否比較香港嘅其他迴轉壽司好，我大安旨意以為佢地十一點鐘開，專登計準時間十一點到，諗住唔使等喇。點知上扶手梯已經聽到好多人聲，嘩！原來己有幾十人排隊攞籌，好彩我攞咗籌，等咗十五分鐘就有位，店舖新，但係真係井井有條，員工充足，全部都係年輕人，介紹好詳細又有禮貌，睇價錢亦非常合理，而且食材新鮮，絕對值得大家回頭幫襯，我相信會比同區壽司店有很大壓力，今日顧住食嘢都冇影相，一個人食咗十幾碟，埋單承惠$280! 但係非常滿足，我由十二點食完到而家六點鐘，我仍然覺得飽，我相信我會經常去幫襯壽司郎！