壽司郎 (翔盈里)

营业中

休息中

相信大家對壽司朗都唔會陌生開左半年到 都係咁多人等位每月都有新既限定新品 好吸引人每月食一次 次次去到壽司朗都好似放題 價錢都唔洗睇想試就叫 好少中伏 今月推薦 白桃巴菲 清甜既白桃加牛奶雪糕 好清新同新鮮

同女朋友一齊放假，咁啱襯閒日，博下唔洗排隊。點知下晝兩點幾仍然人潮洶湧，因為有唔少學生哥喺度～最後排左半個鐘鬆啲就有一張bar台！一坐低，店員好細心問我地係咪第一次食，因為佢會同食客講番成個點餐流程。基本上都係用ipad點同埋嗌埋單，頭頂就有杯同醬油碟～好肚餓，拿拿聲嗌左十幾碟～壽司師傅都好快手，等左一陣新幹線列車就送到～當中最驚喜係赤身、鰻魚卷同油甘魚，好鮮甜同肥美！茶碗蒸又好滑好足料！最後以綠茶紅豆芭菲作結，黑糖缺餅好味～同埋雪糕唔係普通雲呢拿味，而係牛奶味！整體食得好開心，埋單$300左右～

🍣排隊攻略咁多個人介紹過壽司郎我就唔講佢地啲嘢食啦喇，只可以話食過一次就返唔到轉頭，咁多人排隊唔係冇原因🔥今次其實係小編第一次食，想book位又要預先book定幾個月後，始終隔咁耐，book咗到時又可能唔得閒，所以以下呢個攻略係針對大忙人加可以早起身嘅人🥳攞完飛去行兩個幾鐘街個套其實有啲嘥時間，除非你真係好得閒啦，同埋想講壽司郎啲分店附近都冇乜嘢行😂小編就係星期日早啲起身，大概10:15之前去到最近你嗰間分店排隊等頭圍，入到walk-in頭圍，大約等30-40分鐘就有得食(通常佢地會早小小開門)😘但記住一定要10:15之前去到，遲少少都可能多咗好多人排隊🤭我地果次食完都係12點幾，你就會發覺一日先係啱啱開始，仲有大把時間做其他嘢😈.🍽味道: 4/5🏙環境: 4/5‍👨🏼‍🍳服務: 4/5💧衛生: 4/5💰價錢: 3.5/5

很久沒有吃壽司，這天壽司癮起，立即和家人一起去吃壽司郎。幸運的是，Walk in去到仍然有籌，不過一等就是140個籌。我們邊逛街邊等，差不多兩個小時後就可以吃啦！先介紹一下食物吧～三文魚牛油果卷，是我們每次必點食物之一，因為很喜歡牛油果！加上脆卜卜的蟹籽，增加了爽口的感覺，算是配搭得不錯的一款卷物。天然藍鰭大吞拿魚腩，沒錯，就是大拖羅！吃過壽司郎幾次之後，發現拖羅真的很值得，很甘香而且油分很夠，入口有慢慢融化的感覺，而且沒有腥味。連不愛吃赤身的我們都吃得很滋味！期間限定的海膽壽司包，感覺就像是海膽層層疊，份量很多很值得！用的是智利海膽，雖然不算超級鮮甜但也不會腥，這個價錢來說CP值很高。日本產帆立貝，比起早前限定的特大帆立貝真的小型得多，雖然入口鮮甜，卻略感單薄⋯⋯好想特大帆立貝再度回歸呀！日本真雕，香港難得吃到平價的鯛魚。味道很清新，淡淡的魚香，少許彈牙的口感。蝦三味，分別有熟蝦，甜蝦及赤蝦。蝦一直都是壽司郎的招牌菜，非常新鮮及鮮甜。而且CP值高，一次過可以食3種蝦。甜蝦軟腍，赤蝦口感比較紥實，熟蝦爽口，可享受不同口感。海鮮卷，包含玉子，海哲，三文魚，熟蝦及青瓜等，配上麻油，感覺較像

之前一直好想試壽司郎，但平時經過實在係太誇張，好多人排隊，所以今日趁平日，中午4點去，哈哈，終於唔使等我同朋友一坐低，店員問我地之前有冇食過，我哋答冇，店員就略略講解下點樣點食物，d餐具放响邊度等等，感覺貼心我哋一開始就主攻吞拿魚，諗住平中貴一次過點曬.....但原來一次只可以落單4樣食物okok.....我哋就淑女點慢慢來....可能始終人流勁，貨如輪轉，所以每樣食材都好新鮮！基本上我哋試左好多種類，都好評，但唯一覺得麻麻是炸物較油！最後食埋期間限定嘅白桃芭菲，滿足了

一早已聽聞日本壽司郎進軍香港，等左好耐，終於開左，但一直都Book 唔到位，有日放工同老公行經黃大仙，上去 wall in 試試，結果等了近3小時，因為太多網上booking中間插入，曾想放棄，最後都係等。終於到我地，肚餓感覺已經被時間磨滅了，但當然都要食，狂點狂食，一來就肥美拖羅、充滿油脂的左口魚、大大粒滿瀉既帶子、三文魚🐟，赤蝦🦐，油甘魚，赤貝、炙燒三文魚，等等，熟食叫左燉蛋，炸天婦羅，感覺食材質素都好新鮮，魚生件件都好大塊，唔知係唔係因為等咁耐，覺得特別好食，質素係似日本食，舒緩下冇得遊日本又想食日本嘢的心願。兩人食左近$600，其實都算貴。

朋友推薦了這家店給我，說是味道還不錯，我嘗試了熟食，味道可以，蝦很新鮮，不過排隊拍到崩潰，新出的白桃新地味道也都不錯，天婦羅好吃，價格便宜，兩個人不過三百，適合我這種不愛吃生的，又想吃日料的

餐廳：壽司郎（黃大仙）地區：黃大仙地址：黃大仙龍翔道110號豪苑G3樓翔盈里5號舖日期：29/5/2020 時間：19:00人數：2人 等位：60 mins 價錢：$487最近壽司郎係黃大仙有分店新開幕，我同女朋友收工就過咗去食，女朋友先提早一個鐘去攞飛，到我去到果陣已經無得攞飛walk in了（見到有人撲空而回），好爆場好多人等，好彩女友醒目早咗成個鐘去拎。因為係新開分店，有期間限定極上大吞拿魚腩只係$12、珍寶北海道產帆立貝就$22，超好味又抵食👍🏻好鮮甜、入口即化，淨係依兩樣我地加埋起碼每樣都嗌咗4碟！不過過左期間限定應該就會貴返。另外其他款式都嗌咗好多黎試，味道非常出色👍🏻天婦羅🍤類嘅壽司都好值得推介一試，比預期好食好多。我哋兩個人一共食咗29碟都係$487。服務方面，一入座就有職員介紹點落單、啲醬油位置、有提供紙袋裝口罩，如果係iPad 落單嘅食物都好快送到，唔洗等太耐。總括而言，壽司郎真係性價比好高，唔洗去日本都食到真係正👍🏻

望穿秋水🤪等咗兩個月中終於輪到我哋... 自從「壽司郎」成為 #港人 嘅 #朝聖地，每次經過都有一大棚人喺度等位，當然大家可以喺網上預約，不過就好可能一等就要等個幾兩個月先有得食... 呢個marketing嘅策略真係唔錯，起碼呢日 #小秘書 都傻瓜瓜過咗嚟湊熱鬧啦😅喺預訂時間前嘅半小時，#壽司郎 手機App就會開始提醒你準時出現，不過到咗又唔係代表可以即刻安排入座，而只係餐廳想大家準時check-in，方便佢哋嘅 #工作人員 再安排😅 我哋喺門口等咗10分鐘終於可以入去，#服務員 #好有禮貌 咁以半跪形式向我哋介紹餐廳嘅設備👍🏻 回轉帶上面好多都係一啲廣告牌，壽司款式唔太吸引， 因為用餐嘅時間就只有60分鐘，所以我哋拿拿臨落單，爭取時間。心急嘅我哋梗係想一次過嗌哂所有 #壽司 🍣 返嚟啦，不過基於系統嘅安排，運輸帶只可以每次送四碟🍣到客人面前... 哈 唯有慢慢嚟😝 我哋叫咗 #三文魚、#北寄貝、#鰻魚海苔包、#蒸蛋... 味道/鮮味都只係普普通通，感覺唔到大家口中講得咁好😅 不過蒸蛋裡面嘅 #帆立貝 又真係幾大隻嘅，但係蛋味始終唔係我心目中嘅味道🤨 成餐我最鍾意嘅係 #期間限定 嘅

星期五放半日假，攞左飛，行左兩個鐘就入得去食！坐得好舒服🤡成個感覺好似去左日本咁，好自助，食得又自在😆.食左： 🍣🍣🍣🍣🍣 1. 炙燒厚切三文魚 💯2. 天然生蝦雙味 (生，醬油漬）3. 醬烤日本產帆立貝💯💯4. 海膽海苔包5. 特選大呑拿魚腩 6. 特選中呑拿魚腩7. 厚切三文魚💯8. 炙燒油甘魚💯💯9. 油甘魚💯10. 日本產極上蒜味生火腿 💯11. 靖魚押壽司💯💯12. 和風鹽味炸雞翼💯💯13. 奶茶味卡達拉娜 💯💯.埋單二人$3xx，真係幾抵食！所有都好新鮮！飯都軟硬適中！下一次再食唔知等幾耐啦又。。。💀💀💀 ..

要喺香港平平地食壽司 選擇真係唔多要平得嚟又好食嘅就更少壽司郎喺香港4間分店 遲啲樂富會有多一間🤩價錢嚟講 係正常迴轉壽司價錢味道唔錯 滿足到想食壽司嘅慾望😚缺點係要排好耐 或者book一般都要book兩個月後多人都有啲誇張😟同屋企人去 我地兩個人一去到叫左12碟 差啲食唔晒😂女仔永遠都係眼闊肚窄 最後比我地食晒成間餐廳嘅壽司💜🤑 紅色碟 $12🤑 銀色碟 $17🤑 金色碟 $22🤑 黑色碟 $27

身邊個個都推薦壽司郎， 但無奈次次都大排長龍，今日同老公決定18:00去排，結果還是要等了差不多90分鐘。壽司郎的壽司選擇頗多，100多種壽司選擇和日式料理。三文魚、鰻魚、蝦、吞拿魚、玉子燒、松葉蟹、蟹棒、北寄貝......甚至烏冬甜品都不缺， 絕對能滿足一家大細。壽司郎採用傳統的迴轉壽司方式，亦可採用點餐式點壽司，點完很快就有壽司經輸送帶送到你桌旁，非常方便。壽司價錢分別是$12，$17，$22，$27，視乎食材，就$12區域已經有50多款了。因為太多款式了，不能一一形容所有味道，但總括來說，食材新鮮，有肥美嫩滑的，有晶瑩剔透的，有入口即溶的，很回味。地方相當乾淨企理，坐得舒服又食得開心，不枉我排了這麼久。

今天放假，加上好耐沒有外出食嘢，今天一早就決定要到壽司郞。店舖十一時營業，為了不想排隊，十一點我就準時到達。因限聚令關係，今次只能一行二人到壽司郞進食。職員安排了卡位給我們，可以坐得較為舒適。這次點了蝦三味、海螺2味、赤貝壽司、北寄貝壽司、蟹膏軍艦、松葉蟹軍艦、海膽壽司。甜品就選了限定優惠點一送一的卡達拉娜。海膽壽司令我非常失望，可能不新鮮的關係，味道很腥，帶點苦澀。令我驚喜的是甜品卡達拉娜，食落不會覺得太甜，不會覺得太膩，而且有點凍凍的感覺，炎炎夏日，食這款也很適合。

三文魚壽司—⭐️⭐️吞拿魚壽司—⭐️⭐️⭐️其他—⭐️⭐️沒有傳聞中的新鮮和好味，一般般，無咩魚味，亦沒有鮮甜味，侍應生態度好好，坐好後就解說如何點餐，好詳細好禮貌，價錢不貴也不便宜，10:10am開始排隊，10:55開始派發號碼，11點幾開始入座。試下可以，但不會再次花這麼長時間去食。等太耐，如果抵食和好食的話，還會再考慮。但現在稍微失望，失望！ 開左幾間分店，相信都有佢的優勝之刻，都算多12數一碟的壽司，或者其他分店更好味？

因為停工既關係，令到係7月既時候好得閒甘download左壽司郎既apps,再喺壽司郎個apps度預約左係今日食壽司，等左兩個月既時間，終於等到入去試吓壽司郎究竟有幾好食不過可惜用餐時間只有60分鐘，有一點點趕但好處就係你一夠60分鐘，個ipad就會話你夠鐘，冇得再食落去，所以walk in攞票最多排1-2小時，極度建議攞完票真係可以去附近行陣街先，行完返去真係差不多夠鐘，因為個邊都好多人企係度等位，無乜位俾你坐不過總括黎講都唔錯，值得再去排隊食一次既