壽司郎 (翔盈里)

营业中

休息中

超想食壽司朗的壽司，今早10點半到達門外排隊，前面已有一百人左右，取得93票。等到12點半入座，店員入座後，知道我係第一次光顧，貼心講解一次點餐的要點，當中60分鐘時間品嘗美食是重點。開始時慢慢點慢慢食，過咗半個鐘只係食咗二碟。跟著快快落單。由落單至食物送到面前都係幾分鐘。整體食物質素比其他連鎖壽司店高，人氣甜品卡達拉娜是必食，天婦羅🍤剛剛好。

因為有人太中意試新野佐敦排嚟排去都排唔到咁見開埋其他分鋪咁就2個月前book左黃大仙去到咁返的資料等唔洗15分鐘就入得，都算幾快既入到去坐抵，個職員好快簡單介紹最唔中意香港要做到日本咁，要的職員下下踎低個身，唔系太慣。得60分鐘系差的有90分鐘就好的慢慢享受但人地做生意時間就系轉多轉就揾多個錢但如果有幾個位系立食，唔知香港人慣唔慣？*油甘魚系我自愛呢間好食👍赤貝都唔腥👍3文魚子有叫但唔記得影相，好腥，所以佢食（佢話唔腥）生牛肉唔推介大家食，因為小小乾唔系入口有油分既牛肉海膽好食仲有玻璃蝦好爽口，但唔好叫3個口味既蝦，麻麻地（令外個2年）食物上既蓋9成都系好清潔，系有213個有的水分系入面不過太多人等啦咁唔到apps拿定真系等到既話都冇咩人機入去開心食同埋不定時會有職員行過嚟推介一的食物，真系好影響食客，我食呢餐問左3次，咁我系咪enjoy食野時間定要答你唔要時間。間野要改善下呢個2個問題本人覺得60分鐘唔系享受食物

壽司郎唔同分店的餐牌會有些微分別，而每個月的推薦食物又會更新。試過唔同分店，始終覺得黃大仙呢間最好味。用壽司郎手機app book位，早左去到，要等到預約時間先可入座。推介：極大北海道產帆立貝｜$27幾鮮甜，用包wasabi做比較，舊帆立貝真係好大😂，上星期係佐敦店無呢款。油甘魚天身｜$17特選中吞拿魚腩｜$17無左新開張$12拖羅，食呢個頂下癮。麻辣赤蝦｜$12鮮甜，少少辣。另外重食左：海鮮卷｜$12玉子燒｜$12油金魚｜$17特盛天婦羅小帆立貝軍艦｜$17蕃薯｜$12麻麻地，比較乾同硬。

After 2.5 hours wait, sushiro doesn’t let down, with super efficient service, great price, and reflective quality. Had their new uni dish and it was great! Toro, matcha cream roll, were my favourites. Sushiro so far has never let me down on its food, but patience is key! The line is always horribly long.

突然諗起有時間可以去黃大仙既壽司郎朝拜下，睇下現場實況，踫踫運氣，到達現場攞咗飛10:56分，我攞咗90號籌，第一輪開始入緊場中，叫到最後52號籌第一輪已完。詢問職員用餐時間大約60分鐘，我諗第二輪大約12點，剛好午餐時間，順便喺商場既Aeon Living Plaza $12店同樓上海味店shopping下，時間好快就過。大約11:53就輪到我，一個人獨立位，因疫情關係加咗一塊白色膠板隔離，座位配套都非常齊全，完全自助式，左手邊筷子盒上有柑橘醋，醬油，鰻魚汁，最入面係子薑，中間平板，綠茶粉，熱水機，上方有醬油碟及茶杯，右手邊牙籤，紙巾同甜品匙羹，入座前仲畀咗個膠袋我袋口罩，真係好貼心。用平板點壽司或迴轉帶取壽司隨君喜好。我坐低就第一時間喺迴轉帶攞咗一件特選大吞拿魚腩，太心急了，感覺一般。之後我用平板點咗頭一輪，鹽醋漬鯖魚，太鯹了，完全失望，無網上的人推介咁好食囉！個人對鯖魚都情有獨鍾，再來厚切燒鯖魚，原味其實我覺得自己煎既比佢好食囉。另一件我加咗柑橘醋感覺好好多，佢既壽司分量的確唔細件，不過壽司飯都係一般。期間限定雪花和牛，睇相都覺得一般，不過不失啦！再來點第二輪期間限定三文魚腩配三

一直知道壽司郎多人排隊，唔想排隊唯有用app book位，點知竟然要預約到2個月後，即係今日，終於試到......岩岩7月有新產品，今期係北海道，本身對北海道海膽好期待，不過見到實物感覺好一般，最終冇試。反而叫左炸甜蝦，估唔到幾大隻，好好食😋

今天是平日，突意下午2:15 walk-in攞輪候籌號，還好彩等了一小時就有位，如果是假期的下午兩點，肯定連籌都攞唔到😅難得排到當然去試，看看究竟為何有如此的吸引力，令所有人苦等都去食。海螺係爽口的。小帆立貝天婦羅麻麻的。炸蝦天婦羅烏冬，炸蝦已淋晒。特盛甜蝦，只是多左d甜蝦。吞會拿魚蓉新香卷呢個最差。軟殼蝦ok。特盛長鰭吞拿魚真心唔特別。這兒的侍應服務，及電子服務都很充足，但可惜我還嫌等候的時間，與食物的質素不成正比。價錢雖然平少少，但食物真心麻麻地，而且我覺得制作都有d求其，一d都唔用心，試一次便夠。

月終於去左次壽司郎，真係book位先好去，唔係就早啲或下午茶時間先，如果唔係有排等😂 一場去到梗係食盡佢！今次就食左啲六月限定的，同埋特別推介下以下幾款😋-第1款係特盛蔥花吞拿魚軍艦，呢款$12，但絕不欺場😱面頭鋪滿滿滿的吞拿魚蓉，入口軟滑，又綿，一啖一舊真係滿足💯 第2款係特盛甜蝦，鋪滿成8-10隻蝦，超多好鮮甜😝係要lur好多蝦尾有啲煩😂 第3款係天婦羅小帆立貝軍艦，原來以為會好奇怪，點知又幾特別，小帆立貝都幾甜，每粒都炸到好金黃😚 最尾一款限定就係三文魚配特盛三文魚籽😎 呢款雖然$27，但用料真係貴嘢，三文魚厚切夠肥美😆上面鋪勁多三文魚籽，一咬落去仆仆聲，好鮮甜，係值呢個價😌-講下啲平時款我就好中意醬烤帆立貝，雖然佢都$22一粒，但好大好厚肉，面頭有小小豉油輕輕炙燒過，好香😘 仲有中拖羅我覺得已經好夠正，好肥美。仲有第一次試的雪花和牛，原來係咁大片咁濃牛味，又好有牛香，同壽司真係好夾☺️ 普通三文魚個d就唔講啦，因為真係碟碟都水準之上既🤩-最尾就係甜品，士多啤梨卡達拉娜，佢係焦糖燉蛋的凝固版，有啲似雪糕咁，今次的士多啤梨味，一啲都唔假，係草莓雪糕既味，幾香甜，又滑，下次目標食咖啡味

上網預約已經係兩個月前既事！仲要日日爆滿，終於到今日！期待已久，去到㩒返預約號碼，即時有得入座，我仲早左十五分鐘，門口坐滿walkin 食物方面無令我失望！款式多，乾淨！限定款式全部都好好味！呑拿魚比較岀色！芭菲超好味，勁香濃既牛奶味雪糕，價錢$32好抵食！

CP值高的人氣壽司店🍣 Book位超碼要一個月前！排隊餓到暈都唔洗旨意有得食😆黃大仙店岩岩開已經即刻APP攞飛，上星期終於終於食到喇！！🍣大推吞拿魚！長鮨吞拿魚！中吞拿魚腩！喺香港食到靚又好味嘅吞拿魚真係要番咁上下價錢。壽司郎嘅吞拿魚性價比真係好高！！其他魚刺身我覺得都above average👍🏻 再推油甘魚、劍魚、三文魚腩！！都可以一試。係熟食肉類我覺得一般，例如壽喜燒牛排～ 甜品大推卡達拉娜！口感好似硬左嘅雪糕咁，超特別呀！！又唔會好甜喎！😋😋

一早知道呢間舖頭係超級無敵排長龍店，聽聞佢哋每間分店都係咁樣，所以如果唔係有朋友肯犧牲自己去等位，我一定唔會幫襯。我哋約咗夜晚七點，我朋友非常好心地，下晝五點就去攞飛，結果真係七點左右就可以入座。由於太多人等，限食一個鐘。我哋主要叫$12、$17同埋$22款式嘅壽司，我自己覺得$12就真係麻麻地，食爭先好過，不過$17同$22又真係唔錯，佢嘅款式係比其他連鎖壽司店多，而且雖然佢有廻轉，但係亦都唔介意你另外祝碟叫。$17同埋$22嘅壽司類別質素雖然係好啲，但係食嘅時候feel到件魚生已經係室溫，呢啲事令到整體感覺差咗，始終係生嘢，所以溫度控制對我來講都幾重要，因為直接同細菌滋生速度有關。我嘅總結係壽司款式多，不過質素只屬一般，如果加埋排隊排成咁樣，似乎就唔值。

之前去過佐敦嘅壽司郎食過，覺得都唔錯，打算今日去試試呢間新分店。我透過apps見到根本冇辦法預約，另外亦顯示分店既等位時間約180分鐘... 幾經掙扎後，依然打算walk in去等下位～大概下午1點去到分店，點知接侍處侍應先講話唔接受即場等位... 嘩！唔係呀，呢啲係咩經營手法，第一次遇見連鎖店食肆唔做walk in客生意... 再問問會唔會全日都唔俾walk in客攞飛，個侍應又話唔確定... 鍾意嘅可以喺度繼續等（但又唔會派飛俾你喎）... 我真係唔明呢啲係咩生意手法，分明係趕客... 實在太過份了！！

​黃大仙呢間新開第一次幫襯​Keep住勁多人！​有幾款期間限定好推介👍：​特盛海螺$17​特盛長鰭吞拿魚$22​特盛蔥花吞拿魚軍艦$12​特盛蟹雙味$27​​黃大仙店有小小特別​個人覺得中吞拿魚腩($17)好味過大吞拿魚腩($27)❗️​同埋呢間啲壽司飯好散❗️​舊魚生跌左落隻碟到都有❗️外觀唔掂​​

為了吃這間超級人氣壽司，早在兩個月已經在網上訂位了，經過漫長嘅等待，終於在今天可以親身試試。3:30pm準時去到，門口有超級多人排隊，想要現場攞位已經係沒有可能，幸運地，我們可以準時入座，入座前，職員已經給我們濕紙巾及膠袋放口罩。這一點分細心只有1小時的時間，我們當然馬上大作戰，最出名的「大吞拿魚腩壽司🍣」果然名不虛傳，魚腩新鮮好味😋其他嘅壽司軍艦，三文魚壽司、油甘魚壽司也是十新鮮，可以自己落單，亦都可以喺旋轉帶上攞壽司，可能是多人食，壽司新鮮，選擇也是非常多！短短1小時，我們四個人已經吃了43碟壽司。非常準時地，一個鐘頭已經要要求離開，時間雖然比較倉猝，但也吃得很盡興，始終食物才是食店的靈魂

3點三下午茶，去了壽司郎食壽司，人氣依然高企，很好彩等了20分鐘就可以入座了，總括來說，份量比佐敦店更多，新鮮情度就一樣，good 一個人食3碟壽司的下午茶，100分滿足