士林台灣麵

营业中

休息中

今日同同事特地從西鐵搭輕鐵去到元朗市中心食台灣牛肉麵。呢間之前都食過佢哋嘅招牌牛肉麵，但因為天氣太熱的關係決定試吓佢哋嘅炸雞扒。睇見平日午市都咁多人，又有人排隊，心自慶幸舖頭可以維持水準。而家有好多餐廳都因為水準下降而少左人客，甚至影響到營業，令人失望。上次食牛肉麵記得不失望，試返個雞排都好出色！雞排非常香脆，夠熱，自己加調味（椒鹽同辣粉)，不太咸，有雞味。麵可以要清湯或加牛肉汁，自己當然要加汁！湯不咸，味道適中，麵偏軟，自己鍾意彈牙多啲，但食得出有特色，不是大路貨。最好係午餐有得加飲品，叫左個苤芽奶茶少甜少冰，甜度適中，唔會好似其他咁少甜都係好甜。其實menu仲有好多小食，多人可試。食得滿足咁返工去~~仲見到有好多人排隊，好彩早到

這幾年每個月逢週末總會光顧兩、三次，雖然質素和水準保持著，但份量明顯比從前縮減，價錢亦加了幾次。記得最初牛肉麵/干拌麵的麵底比現在多三分一，牛肉麵的牛肉和干拌麵的肉躁的份量也減少了。今次叫了紅燒牛肉麵、韮菜肉雲吞麵、鹽酥魷魚鬚，一如過往的好味道。牛肉香軟爽滑，湯底濃厚而不膩，每次老公都喝光。魷魚鬚大大條，炸得香脆可口。不過有時遇著炸得不夠好，會覺得魷魚鬚有些濕，所以要講運氣。韮菜雲吞很好味，餡裏的韮菜和肉的比例恰到好處。我總覺得這裏的麵始終是最大的亮點，爽口到吃極都不厭。所以就算要逼輕鐵才入到元朗，仍樂此不疲！

呢間野都值得一試既, 因為佢都真係算有台灣面既味道,就算無十成都有8成,所有都幾好食,我鍾意食個老水雞翼同豬扒 ,都幾入味,面質來說都唔錯雖然環境就迫左D既,所以通常一食完就好快會走

每次嚟元朗都係食呢度嘅麵因爲實在太正！一如往常，叫一個紅燒牛肉麵同雞扒拌麵。紅燒牛肉麵有2大舊牛肉，好淋，牛肉味重，麵質彈牙，份量適中，湯底較濃，同台灣食嘅味道相似雞扒拌麵係近來先有嘅，雞扒依舊面咁大，雖然粉都係多，但都好有肉，三兩下就食哂。拌麵有特製肉同青瓜絲，加小小辣油更惹味另外可以加12蚊要台式飲品，叫左杯肧芽奶茶同珍珠奶茶。兩杯都比較甜，可以唔加錢要。要留意呢度一向都要排隊，如果撞正放飯時間更誇張！

每日熬制20小時嘅牛骨湯牛肉麵前兩日已經想黎試，跟住無啦啦拉左閘，掛左張紙系門口寫住「是日休息一天」，真令人無奈😑 好彩今日去到終於開番，之前系openrice睇過啲相已經知有機會要坐店舖出面，今日去到已經見到好多人，但原來全部人都係等室內嘅位，室外既位就唔使等，由於太肚餓😫室外都照殺，以今日都有啲風嘅天氣都可以接受嘅。萬分期待嘅紅燒牛肉麵終於嚟到我面前！食舊牛肉先，果然係好軟稔吸埋啲湯完全系冇得輸既境界，真心冇誇張，湯底一啲都唔油，有少少藥材味係本身佢自己造出黎，麵條既軟硬度十分適中，一啖入面撈埋湯同埋麵真係好好食媽媽就叫咗個香酥雞扒飯，雞扒炸得好乾身，唔會比成舊炸粉包住，唔油膩而且好大舊肉，十分吸睛，台灣菜來講，能夠炸雞扒炸到咁嘅程度，我食過真係冇乜邊幾間，個人甚至認為雞扒飯比紅燒牛肉麵更加出色珍珠奶茶大大杯都幾正嘅，不過就冇乜甜味，雖然話呢家啲嘢飲冇乜甜味就夠晒天然，不過始終覺得略淡，啲珍珠起晒底都幾煙韌，好好咬。

士林台灣麵🍜超讚紅燒牛肉麵😍麵Q肉嫩！🙆🏼 另加 香酥排骨麵 滷水拼盤 香酥雞扒🙊==============================·紅燒牛肉麵 牛肉份量多到呢 最少有8大塊 而且肉質嫩滑 非常入味啊😃 牛肉已經炆到超腍 入口即化 如果鐘意有咬口既人 依個紅燒牛肉就唔係你杯茶喇 配上濃湯台灣麵 麵質QQ彈牙 又有口感👍🏻讚！·香酥排骨麵 並非真係排骨 其實係豬扒 只係台灣叫法係叫排骨 其實有d失望 薄切既豬扒 肉質較為厚實 食既時候要用多少少牙力先得😂 依個真心唔好食 而個湯麵同牛肉麵唔同 是清湯！相比紅燒牛肉個湯底我更鐘意清湯 無乜油清澈 飲哂都唔口渴 即係無乜味精👍🏻👍🏻·滷水拼盤 其實吃貨幾欣賞呢個拼盤 無論賣相 份量 味道 都做得好出色 單睇就滷水蛋 雖然得果半隻 但相當入味🙊拼盤份量足 有豆腐 鴨舌 豬耳 雞腎 雞翼 底下仲有一大堆椰菜 滿滿的！·香酥雞扒 大個隻手sizes既雞扒 炸得香口 而不油膩 可惜同豬扒一樣 肉無醃過 食落無乜味 同埋一定要一上枱就要食 放左一陣已經腍腍地 而且雞扒都唔夠熱😀跟黎沾炸物既酸甜醬都係淡淡的⋯⋯·正肉燥飯 同平時既台式肉燥飯

又係做完運動要去搵好食啲野既時間😋，元朗出名多好野，都諗左一陣究竟食咩好呢🤔，不經不覺行到去西菁街，就梗係食牛肉麵啦。呢度又經常要排隊，好彩今日一個人又係下午茶時段，所以可以直入坐底唔洗等。每次多數係order紅燒牛肉麵。佢湯底夠濃、麵質彈牙、最緊要係佢個牛肉真係冇得輸半筋半肉，煙韌嫩滑又夠淋👍🏻👍🏻。我其實都去食過好多間牛肉麵，自己就最鍾意係呢間，我覺得佢既味道比台灣永康街果啲梗岩我口味。

平時見咁多人食今日終於去左食點知冇牛肉食咁叫左雞扒 同 排骨面喇重有豆腐先講d面 d面ge口感 麻麻地到排骨 都林林地 但唔知點解麻麻地雞扒就冇乜野 豆腐都算ok另外飲左杯香芋奶茶 但好甜

平時經過都坐滿人 今日早d出黎試下叫左個炸雞排小食 雞排肉又軟又多汁 好好味呀個脆皮不厚不薄 剛剛好配埋個醬汁食 一定要試下台台都有叫架跟住就試下牛肉麵可能一直都記住台灣食到既牛肉麵味覺得佢唔夠濃 不過香港食過佢都真係算好品質

士林工作中四圍遊，可以試到唔同地方嘅食物，呢間餐廳在元朗區幾人氣，今日去到好幸運門口有位泊車，坐門口摺枱位，店員姨姨勁爽快舖好枱！落單加上菜都超快！紅燒牛肉麵（$53）牛肉好大碌，炆得淋身入味，中間夾雜嘅好似啫喱嘅膠質，所以唔韌仲有啲彈牙，牛味濃好味，幼麵彈牙！但湯底今次幾失望，雖然顏色夠深，但完全唔香，無咗之前食，濃到漿口同微甘嘅湯！百香果紅茶（$16）叫了少冰少甜，杯面太多泡，味道微甜，茶味清爽唔假，好味！鹽酥魷魚鬚（$51）叫多個小菜大家分享，即叫即炸熱辣辣，賣相靚仔，外層脆衣好薄身，香酥脆口，魷魚鬚彈牙唔韌，好好味！同事食：酸辣香酥雞扒麵（$46）凍咖啡（$16）胚芽奶茶（$18）香芋奶茶（$18）食物今次有啲失望，店員勤快爽手！唔廢話！希望只係一時失手

相隔超過半年沒有到來，今天突然想起店裡的紅燒牛肉麵，決定品嚐過往的台灣風味美食。店裡好像新裝修，風格不同以前，燈光亦明亮了。這裡是沒有套餐，全是單點，款式選擇與之前一樣，但我始終鍾情於紅燒牛肉麵，皇牌首選，所以一定要點。我們點了兩碗紅燒牛肉麵及香酥雞扒麵牛肉湯，等了大約15分鐘，先來牛肉麵，濃濃的湯以牛骨和牛肉熬制16小時而成，鮮甜味美，牛味濃郁，湯裡有4條牛肉，像牛𦟌般，煲到肉質已經化開，軟綿爽口，太美味了！香酥雞扒麵牛肉湯，這個配搭是我們吃過很多次，不是新款的，雞扒與牛肉湯麵是分開放，因炸雞扒香脆嫩滑，如果與牛肉湯麵放在一起，雞扒會變淋，不香脆不好吃，所以是分開擺放，原因絕對正確。我們喜歡牛肉湯底，所以連雞扒麵亦會選牛肉湯做底才美味啦。整體而言，環境和食物質素比起以前都有改善，這間感覺很不錯呢。

難得平日放假，約左知己到元朗shopping, 行街行左半日，到了夜晚終於肚餓，元朗真係什麼也有得吃，真有選擇困難症，好在知己想食台灣嘢，上網找一找就揾到呢間，勝在近我地，好快到左。我地不約而同叫了最出名的牛肉麵，一個牛肉湯麵而另一個係乾拌麵。等左一陣就我個牛肉湯麵到了，賣相不錯，先試牛肉(牛腩)好淋，好味道，麵質正常，有牛肉湯浸住，正呀！至於個乾拌麵，知己話D麵唔會太乾身，有濃濃的牛汁拌著食，麵質軟硬適中，吸收晒D牛汁味，牛腩啖啖肉，足料多件又夠淋身，雖然今餐味道唔錯但我地同時覺得鮮味不及台灣的。

原本打算去古月聚吃紅燒牛肉麵與買紅燒牛肉飯外賣給媽媽，可是都賣光了，最後前思後想都是去士林台灣麵買紅燒牛肉飯好了，始終平時吃開的水準穩定，不會是有伏的飯。紅燒牛肉飯以這樣的份量，價錢來說尚算合理。牛肉有三大塊，帶有一些牛筋，完全不用擔心會卡牙縫，因為牛肉滷得透徹，所以吃的時候可以非常優雅，不太需要費力用門牙撕裂它。肉躁超級豐富，而且給的量蠻大方。飯上淋的醬汁非常香，而且不會太死鹹，吃起來還可以感覺到牛肉膠原蛋白的黏性。

元朗人相信大部分都識士林，佢一直都係我嘅最愛名單入面，今次有朋至遠方來，梗係要帶佢試試我嘅心水推薦怕夜去要等位，專登早少少去食晚飯，所以店內仍未坐滿。餐排一直冇太大變化，好食嘅一兩個招牌就夠了必點嘅牛肉麵，先由湯底試起，除左有熬得香濃嘅牛骨味道外，仲有輕輕的藥材味道，唔會過重恰到好處，不過今次湯底比以前食要重味左少少，仍在接受範圍內，重口味嘅朋友相信會更愛～牛肉口感一如既往地好，半筋半肉，嫩滑得黎唔會冇左肉質嘅口感，而且夠入味 睇相都feel到脆身，炸得夠脆得黎唔會好多油，而且雞肉保持嫩滑唔乾身。肉燥較重味，送飯一流，不過食到尾亦會有少少乾口，但無損好味道。香港食牛肉麵，第一時間會諗起士林，希望味道可以一直保持

同朋友試咗呢間台灣野，估唔到廚師係去過台灣酒店工作既，咁佢煮既一定夠水準，夠台灣風味。室內滿座，要等位，我們已經好肚餓，所以即刻坐室外。叫咗唔少野share食，紅燒牛肉麵，香酥雞扒酸辣麵，秘製豬手，炸豆腐，鹵水拼盤。