士林台灣麵

营业中

休息中

星期日的下午，與家人入元朗逛逛，聞說元朗有一間台式餐廳，價錢相宜，味道出色，所以專誠找找這間士林台灣麵。可能午市時間，等候的人數比較多，等了10多分鐘才能安排入座。今次點了紅燒牛肉麵和鹽酥雞扒飯，紅燒牛肉湯底濃郁，牛肉炆得淋滑入味，入口溶化，麵質QQ彈牙。而鹽酥雞扒飯的雞扒炸得鬆化，表面炸漿不會太厚，肉質能保持鮮嫩，而且分量頗大。雖然味道不是十分正宗，但40多元的價錢能吃到這種台式食物，性價比甚高。

舖面乾淨，環境舒適，服務質素尚可，叫左食物都好快就到。食左個雞排麵，唔錯，雞排夠大塊夠脆口，口感一流，外脆內滑，又唔會話炸到好乾身D肉。另外，個伴麵都唔差，麵質幾好咬口，醬汁同個麵都好夾。

夜晚約左個朋友食士林台灣麵 差唔多每次黎食都係揀紅燒牛肉麵今次既湯底無上次甘油 而且牛肉亦比上次 "林" 另外每人嗌左杯奶茶 諗住解下渴 不過返到屋企都係要勁飲水睇黎個湯底都仲係好重味精

上個星期六玩完Spartan Race,難得入到嚟元朗，梗係要同班friend 食埋個晚飯先走啦. 其實食啲乜嘢我真係無乜所謂，因為我真係好攰同好肚餓。佢哋話食牛肉麵，我更加無所謂啦我本身都係一個牛肉愛好者。佢哋叫我試呢個紅燒牛肉麵，wow 平時我食麵一定要食辣，呢個麵我唔捨得落辣因為佢個湯底真係一流，超好味。佢個麵超級彈牙，啲牛肉好多同好大塊，咁大塊諗住佢會好難咬，點知一咬落去唔明點解咁大塊都可以炆到咁腍。下次一定要再嚟!!!

入元朗一定要食，或者吸引我入元朗食既，暫時我係諗到呢間啫。真係每2次入元朗一定要食返次，而且必叫豬手拌面。。。# 豬手乾拌面 # **************** (我想加無數既星星係度)成碗面精髓係面既汁，真係唔知佢點溝出黎，味道適中，唔太油，面掛到汁而無粉漿，有啲好似麻油但又唔係麻油既味，係你食一次隔一排又會諗起佢一定要食多次果隻味。豬手好大舊，有3大大大舊，好香，軟綿綿既豬手，仲有啲有咬口既豬腳筋。。。。omg粗身面質地好煙un，好有口感。。。加埋啲汁同青瓜絲，清新但又香濃。元朗必食既推介! 唔知會唔會個個都好鍾意，但我極鍾意呢間。不過記得上一次食有失手過。但食5次起碼4次都覺得好正。之前裝修，等左好耐先有得再幫襯。。。

與女友一起七個月✝️感謝上帝 女友初抵大西北，趣聞處處。這天除了學到廣東話的「正音」之外，更有輕便鐵路的新概念。輕鐵下車後，她問我：「但是他那边没有阻止我出去的门。」好幽默啊 哄男友 有見士林台灣麵成為了元朗的得奬餐廳，好想嘗過台灣地道痛快，「Makan malam^^」，享受在新界西共處的稀有時光 bersama.事不宜遲，還是點了食物再繼續對望Lapar~~經過幾番選擇後，我選了這裏的賣點：紅燒牛肉麵，女友點了排骨乾伴麺。紅燒牛肉麵味道不錯，牛肉口感十足，湯極香濃，但是我認為湯底油了點，讓我不禁食指大動。女友那邊的酥炸排骨好香哦😍但是沒有湯麵對我來說有點乾，下次配上飲料較適合。互相分享了許多所見所聞和生活感受，飫甘饜肥，愉悅散席，打算到附近散心之際😮😮😮😮😮😮😮😮😮😮😮😮有機會會再試～

夜晚同男朋友帶住狗狗吾知食乜 行過見到甘多人食又可以坐出面就走去試下啦去到坐低左見到個個都食啲麵而本身我又好鐘意食肉燥飯就叫左一個紅燒牛肉麵同一個正肉燥飯加一杯香芋珍珠奶茶同珍珠奶茶少甜首先黎到系2杯野飲。除左少甜果杯同正常果杯一樣甜啲珍珠又淋之外都冇乜其他問題之後到個所謂既正肉燥飯 一望落去都已經覺得好hea 個飯上面有肉燥又有啲橙色既湯(吾知系咪牛肉麵個湯)仲有幾塊暖暖地既菜而圍邊既似乎系啲菜既水 甘算啦因為可能間間做法吾同 食左2啖就覺得好多味精要不停甘飲野 最尾個牛肉麵望落去同佢貼門口啲相都一樣既 牛肉都大舊 食落都幾淋既肉 但系個麵就麻麻地又吾條條分明會痴住一束一束甘有啲位置就好淋有啲又好硬 啲野最後冇食哂飲哂就走左 真系冇下次

👫同事介紹話呢間餐廳嘅台式嘢好好食，👱🏽👱🏻‍♀就襯放假去左try try，因為係假期所以都要排大約10分鐘先有位👀1. #紅燒牛肉飯 <$53>食台灣嘢緊係要食紅燒牛肉飯/麵，牛肉都炆得幾焾，無乜渣，份量都唔少，有3-4大舊，拎嚟送飯一流🤤2. #甘香奶茶 <$16>雖然唔重茶味，但好香滑甘甜，同埋好濃奶味，記得嗌少冰，唔好比冰溝淡了啲奶茶喔～2. #蜂蜜綠茶 <$16>比較偏甜，但帶有蜜糖嘅香，綠茶清清地都幾解渴解油膩，不過建議大家可以叫少甜～3. #香酥排骨麵 <$46>排骨炸到好香脆，無咩骨，啖啖都係肉好正😛 而且唔會好油，一啖肉一啖麵好滿足呀！麵就普普通通咁，除左配台灣麵仲可以轉配做米線㗎😋 湯底要係落單個陣講定要牛肉湯，唔係嘅話會跟清湯，牛肉湯有好重好濃嘅牛香味，無咩味精，飲完都唔會口乾！4. #滷水拼盤 <$56>有鴨舌、鴨腎、雞翼、豬耳同豆干，都幾多款式，但👱🏽👱🏻‍♀就覺得最入味係雞翼同鴨腎，豬耳都幾爽口，但其他都普普通通咁😧 BTW拼盤比較無咁抵食，每樣得2-3件，如果單叫份量會多啲☝🏻

前幾日去開元朗揾朋友拎野，拎完之前佢就帶我去食士林台灣麵我地每人都嗌左個麵，份量都幾夠既我個排骨擔擔麵好夠味，排骨都炸得唔錯經過元朗既朋友不妨試試，令我好想飛返轉台灣！

前排去完台灣，之後就好鍾意食台灣菜，咁聽講士林牛肉麵好好好食，咁就專登過黎試下啦，去到之後，嘩!好多人呀，出面坐滿晒人，另外有好多人排隊，心唸就一定好正，好好彩我一個人就比較容易安排座位，好快就坐低左啦！之後就叫左個紅燒牛肉麵再加多杯蜂蜜柚子茶啦！佢地起菜好快，我相信係因為好多人等位啦，咁嘅氣氛之下我都唔敢點玩電話啦，立即食啦！第一個步驟就係飲啖湯先，湯夠熱，但係坦白講就無咩牛味，只有少少辣味，之後食牛肉啦，牛肉好出色，好林，係半根半肉，我相信都下左唔小功夫，最後就食麵啦，麵其實就唔係好彈牙，直頭係無特別，之前睇人地講話好彈牙我都真係唔覺，總結黎講成碗麵最好味都係舊牛肉，其他都唔可以講話好好味，可能係我期望過高啦！

難得入元朗，想去永年但不夠時間，經過見話熱點就試下點了酸辣雞扒麵，原來酸辣淨係落一Pat豆瓣醬加醋落湯底，唔似四川唔似台灣，唔酸又唔辣雞扒炸得又乾又無味仲話出名，$46冇野飲，食譚仔好過

行開元朗經過呢間店，見到門口好多人坐係到食緊，見肚餓於是決定一試。坐店入面涼冷氣就要等一等位，不過好快就入得。叫左香酥排骨麵，雖然係叫排骨麵，不過塊排骨完全冇骨，好似豬排咁又大又厚。湯底睇落清清地但好有味，啲麵好彈牙。完全係物有所值。加埋12蚊飲埋個珍珠奶茶，好滿足。

話說上回兩個人嚟食，見到隔離枱碟茄子好吸引，但係我哋冇叫到，而且已經飽，所以冇追加。趁今日落雨濕濕，冇地方好去，決定遠征元朗再食。去到唔算多人，如果坐出面就唔駛等位。最後等咗3個字就有位。入面地方細細，不過都算ok的。坐低叫嘢食，唔駛諗，一定要叫上次冇食到的茄子肉燥飯。由於上次已經試咗牛肉面的關係，今次決定試下雞扒面。結果絕對冇失望，兩樣都好味。另外叫咗凍既蜂蜜紅茶同埋香芋珍珠。呢兩杯嘢冇乜特別，我覺得普通。我對面嗰位覺得佢杯香芋珍珠好好飲。最後埋單盛惠123蚊，又一餐。

平時很常在元朗流連，每次中午時份都會發現這間台灣麵大把長龍，今次故意找了平日的下午茶時段光顧。由於沒有太多人，也沒有搭枱的需要。選擇了一個酸辣雲呑米線及雞扒麵（轉牛肉湯需加$3）。嘗了嘗它的麵，感覺非常特別，真的像是那些人手拉出來的麵條，很少餐廳會有這樣的感覺，口感很好，配合著牛肉湯湯底，一試難忘。雞扒十分大塊且香脆可口，卻也只需40多元，性價比高！另一碗的酸辣湯底雖然普通但雲吞的內料足，且咬下去配合著湯底，一個字，正！

今日揸車到元朗特登去士林食馳名的牛肉麵。我哋叫咗三碗紅燒牛肉湯麵，四杯台式飲品，及兩款小菜。牛肉湯麵，湯汁很濃郁，牛肉超級嫩滑，賣相很吸引，簡簡單單麵加牛肉，但味道10分豐富，食得出個湯用咗很多材料去烹飪。我哋叫咗兩款小食，包括滷水拼盤及過橋水餃。滷水拼盤同外間買的都差不多，每款食材都10分入味，我特別喜歡豆腐，豆腐吸收晒滷水的味道。另外過橋水餃，看圖看似無味，精華在於那份醬汁，小小辣又加埋啲醋，令人忍不住吃了一個又一個。四杯嘢飲都是台式飲品味道不過不失，但士林主力售賣牛肉麵，特登入嚟元朗都係為咗食佢牛肉麵，所以飲品不是重點。