影片
更多
2015-09-19
2125 浏览
臨近中秋同家人做節，大件夾抵食嘅大排檔應該是不錯嘅選擇。深水埗出名多嘢食，增輝附近都已經有「小菜王」同「榕記小菜王」，其實都已經算係不俗，點知今次食增輝真係大失所望。第一道菜是焗魚腸，呢個餸係呢一餐入面算不錯嘅一道，魚腸同魚肝十分足料，而表面亦十分香脆。但之後的：薑蔥撈魚皮、花枝炸皮蛋、燒鰻魚、客家釀豆腐、鮑汁炆豬手同串燒都只係介乎一般或水準以下。特別是最後兩道可以說是差！首先講講「鮑汁炆豬手」，唔知係太好賣補炆唔切定食味本應如此，豬手呈現爽脆色白無味狀態，明顯未有炆夠時間。本以為鮑汁炆豬手應該濃厚軟淋，而所謂鮑汁更加係零入味，唔講以為係白雲豬手，價值$98真係多晒！另外漏單嘅串燒係一絕！除咗雞肉之外，豬肉同牛肉真係咸到難以入口，沙嗲汁亦無花生香味⋯⋯我覺得係如果食增輝可能要揀煎炸嘅食物再配啤酒，因為咸到送酒就差不多⋯⋯而小菜真係可免了。總計我覺得佢算係水準之下（至少我點嘅菜色），如果要改進真係應該減咸！
第一道菜是焗魚腸，呢個餸係呢一餐入面算不錯嘅一道，魚腸同魚肝十分足料，而表面亦十分香脆。但之後的：薑蔥撈魚皮、花枝炸皮蛋、燒鰻魚、客家釀豆腐、鮑汁炆豬手同串燒都只係介乎一般或水準以下。特別是最後兩道可以說是差！
首先講講「鮑汁炆豬手」，唔知係太好賣補炆唔切定食味本應如此，豬手呈現爽脆色白無味狀態，明顯未有炆夠時間。本以為鮑汁炆豬手應該濃厚軟淋，而所謂鮑汁更加係零入味，唔講以為係白雲豬手，價值$98真係多晒！
另外漏單嘅串燒係一絕！除咗雞肉之外，豬肉同牛肉真係咸到難以入口，沙嗲汁亦無花生香味⋯⋯我覺得係如果食增輝可能要揀煎炸嘅食物再配啤酒，因為咸到送酒就差不多⋯⋯而小菜真係可免了。
總計我覺得佢算係水準之下（至少我點嘅菜色），如果要改進真係應該減咸！
张贴