塩玉居酒屋 (已結業)

樓上鋪其實真係好多特色嘢食今次試下塩玉居酒屋估唔到食物非常出眾 真係好美味絕對係值回票價 每日都有好多特色時令菜式任君選擇仙台名物酢麵豉軟牛脷 78自從喺日本食過之後就一直好想搵返呢一種味道雖然價錢有少少貴 但係真係好好食牛脷炆得好腍 而且非常入味再配搭麵豉醬真係超級回味！今次亦都試咗三款串燒白鱔 $68鮮甜肥美嘅白鱔 燒到好香脆係愛魚人士必食之選！鵝肝釀雞翼 $48搞搞新意思之作內有乾坤嘅一款燒雞翼鵝肝嘅甘香令到雞翼食上去更加豐富而且仲去咗骨啖啖肉豬頸肉 $28食落非常爽口 再加上店家特別嘅一味粉辣辣地咁樣好惹味！必食推介 白昆布松葉蟹鉗卷佐甲羅燒 $118咁嘅價錢竟然又有卷物又有甲羅燒實在係太抵食！卷物包滿左滿嘅蟹肉同埋櫻花蝦再加上好新鮮嘅三文魚子其中兩個仲要係蟹鉗店員建議可以將蟹膏點在壽司上一齊食效果真係無與倫比 令人一試愛上！一定要再返嚟encore牛肉稻庭烏冬 $98烏冬爽滑彈牙 牛肉係勁滑勁香肉味而且凍冰冰食呢個真係好溫暖湯亦都好清 可以就咁飲店員服務認真又有禮貌而且加茶又密 絕對值得再嚟

各位看過這篇報道的食客請留意，上到去店舖，店主會告訴你這陣子加拿大的海膽全線沒有，所以會以切碎的拖羅肉碎再加少量海膽來安撫我們的心情，然後出示手機讓你看實物圖片。「但請注意的是在電話訂座時並沒有預先說明」在你落單時，而二人同行前往者，亦將會告訴你兩人只可惠顧一客。在詢問下，他們告知已有說明，但其實只有在他們自己的官方網頁公佈，並沒有在是次宣傳這個優惠時同時說明！他們表示會遲啲後加番上去......唔介意遠遠上到嚟，唔想白行一堂，慕名而來，搞清楚先好訂座！唔係就覺得自己好似水魚咁俾人㩒！

身處銅鑼灣，突然之間好想食日本嘢，眾所周知登龍街有好多日本菜，今晚試下樓上的塩玉居酒屋。一入餐廳門口有一個大門簾，內部格局幾有日式居酒居風格。必點呢個加拿大火爆海膽丼$98， 份量巨大，舖滿大量海膽和魚子，性價比爆燈，火爆情度係每枱都叫咗一客。白昆布松葉蟹鉗蟹卷配甲羅燒$118，又係另一性價比爆燈之物。 白昆布用黎包卷物已經係唔係周圍都有得食，卷物入面有梳梳蟹肉，上面仲放有魚子，仲要配個有大量蟹膏的甲羅燒， 蟹膏分量足夠搽在六件卷物有突。而蟹膏甲羅燒有好濃郁蟹味，味道唔太鹹啱啱好。呢度啲燒物做得幾好， 聽聞負責做燒物嘅都係老闆。 串燒生熟程度剛好，味道調配不錯，而且送上串燒嘅時候隻碟係熱碟，非常有誠意。 我覺得燒牛脷，牛肋肉同自加免治雞肉串做得相當出色。 有啲可惜食唔到燒穴子，冇貨。茶壺海鮮湯，有蝦，魚肉帶子等係入面，幾鮮味。黎得居酒屋點可以唔飲酒，麒麟生啤500ml$68蚊。呢個柚子雪葩，柚子味極重，食完呢個可以將之前嘅飽腹感減低，又可以繼續食多轉。燒年糕，咸咸淡淡又煙靭幾得意。由於叫左大量串燒，而且係即叫即燒，所以上得有啲慢。不過服務好好，經理人緣好整晚滿場飛，唔怪得樓上居酒屋都咁

同事介紹我呢間日本餐廳唔錯，所以今日就同家姐過咗嚟食，我哋一早訂位時已經訂咗海膽火爆丼。睇相就知有幾吸引，賣相同味道一樣冇得頂呀！海膽同魚子都好新鮮， 醋飯又夠熱。職員介紹左白昆布松葉蟹鉗卷佐甲羅燒，其實覺得冇乜特別只係個甲羅燒幾正咁，即管試吓啦，嘩～嚟到先知原來咁大份，呢個卷係用白昆布代替紫菜包住，好特別，而且賣相幾靚。咬一啖睇睇原來入面全部都係🦀🦐蟹肉同櫻花蝦❤️勁開心，冇介紹錯。之後叫左北海道帆立貝壽司赤貝刺身都幾新鮮。燒牛利、燒日本雞腎味道好香，職員仲俾咗幾種唔同嘅鹽我地配搭，真係好細心。食埋個冷稻庭烏冬超飽，下次會再嚟。

今日sogo行完街街，非常之肚餓，朋友話book左間餐廳比驚喜我，即管去睇睇啦。嘩⋯原來佢一已經訂左海膽火爆丼，見到心心眼，超興奮。滿滿嘅海膽係溫暖嘅米飯上，再加魚子點綴，兩樣都係我嘅至愛,職員話呢個係佢哋嘅招牌，唔訂就未必有得食。海膽火爆丼係必食， 10個like燒物方面就點左燒青椒仔、燒白鱔，廚師嘅烹調技術不錯，外脆內軟，好享受啊丫，白鱔再點多一次品嚐。最後叫左個清酒煮蜆，酒味不會太重，啱晒我呢啲唔太飲酒嘅人，蜆湯都比我地飲埋。甜品方面叫咗柚子雪芭，正正餐常，無咩特別。

好友 S 喺銅鑼灣上班，平日最愛就係去拉麵街搵食，早前邀約我一敍，就特意揀左登龍街一間新開嘅樓上舖「塩玉居酒屋」。原來友人睇過報導，得知餐廳以「鹽」作主打，師傅在日本親身搜羅左 20 多款味道的鹽入饌，包括竹炭鹽、黑松露鹽、煙燻鹽等，由前菜、串燒，以至清酒，都灑上不同口味的鹽花，感覺特別，所以想拉埋我一齊去試下。餐廳座落於登龍街 28 號永光中心 10 樓 ，門口掛滿食客所寫的木製匾額。踏進店，地方唔錯，空間感甚廣，沒花巧裝潢，簡約而平實，圍繞住窗邊嘅散座全為絨墊梳化，配上一室淺灰色嘅靠背座椅，感覺乾淨舒服。由於友人已經早有心水，所以我亦樂得清閒，今晚嘅點餐任務，就一於交由佢發辦。友人愛吃燒物，決定先嚟幾款串燒做頭盤。率先上桌的燒雞翼 ($34)，熱辣辣、香噴噴，外表呈金黃色，教人垂涎三尺。咬下，雞皮極之脆口，雞肉嫩滑焦香，調味亦絕佳，非常好吃！接著是一客燒羊扒 ($78)，羊扒入口雖然帶少許羊膻味，但肉質軟腍脂肪多，烤製後仍保持嫩滑同豐富肉汁。燒牛脷 ($42)，牛舌勁厚身，食落爽口彈牙有嚼感，加上用鹽調味，入口外香內嫩，屬必食之選。燒日本黑豚五花腩 ($38)，黑豚五花腩切薄片後串

尋晚同老公試食左間高質日本料理🎏首先係加拿大極上海膽爆丼，用料爆多，海膽加上三文魚子好夾，兩個字好鮮！原價$392，依家訂位食晚飯只係優惠價$98🎉勁抵食😍Sushi is fresh,串燒又係好好味，推介燒香葱蒜牛肉$58，燒雞軟骨$22😋最後係茶壺海鮮湯$48，精緻又鮮甜，好有驚喜。另外仲有半價優惠($98)無限任飲指定清酒🍶推介指數: 8.5/10鐘意食日本野既大家不妨一試⭐

其實係咁。睇某大報紙話佢係有個海膽飯, 蝕住都要做黎口脾。我真心覺得要幫襯一下。既可支持小店, 又可以大飽口福。於是book 左夜晚食。黎到即刻叫個海膽飯加sushi set, 再加多個吞拿魚蓉卷試一試佢。個海膽飯一黎就知係好野。無腥味。pure。香。滑。肥大。仲好有海水fresh。。98蚊, 我無野好講, 除左個“抵”字。去個某某餐廳同某某廣場。個啲真係無得比。魚生都幾好。但係個吞拿魚蓉竟然係最意想不到地入口即蓉。同行的話太咸。(我重口味dd)總括黎講。一定要去try try.

今次光顧這家餐廳，純粹被加拿大海膽火爆丼吸引，只需要$98，一來價錢便宜，二來海膽份量不吝嗇，怎能錯過呢？！於是相約朋友來這裡吃個簡便火爆丼。餐廳貫徹日風簡便裝潢，採用開放式廚房，燈光昏暗，我最喜歡這裏的沙發座，可以讓客人舒適地用餐，隨時倚靠著沙發慵懶一下。 到了晚上7時，餐廳陸續客滿，每檯均見海膽丼蹤影，哈哈！不過點餐時發現每兩人只可以點一客，體貼的侍應隨即為我們介紹了其他招牌菜。⭐️加拿大極上海膽火爆丼$98賣相頗為震撼，這碗海膽飯用了一板海膽，三文魚籽粒粒晶瑩剔透，幼滑無比，不停從上層滑落。一片片海膽入口香味濃郁，連海膽也用了不同的鹽來調味，非常特別呢！三文魚籽新鮮甘甜，配上壽司飯吃，令人飽足。⭐️白昆布松葉蟹鉗卷佐甲羅燒$118這客蟹鉗卷也很有特色，以昆布包著蟹鉗卷，再蘸甲羅燒吃，甲羅燒很惹味，份量也很大方。嚐一口，卷物已見驚喜，裡面還有酥脆的櫻花蝦和密密麻麻的蟹肉碎，頭尾的蟹鉗卷還吃得到飽滿的蟹肉，見微知著，難怪能成為招牌菜呢！⭐️牛油果軟殼蟹卷$78單看賣相，牛油果如果新鮮一點將更容易引起客人的食慾。嚐一口，香脆的軟殼蟹令人滿意，牛油果如果再厚一點點就好了！⭐️雞肝$25雞肝的表面

近來各方面都實在辛苦得令人喘不過氣來，放工後真係要同朋友去食下好野吐吐苦水減下壓，今晚就跟朋友去左銅鑼灣名食街登龍街永光中心10樓的塩玉居酒屋。好喜歡塩玉居酒屋的設計格局，門口一大幅繪馬，具有特色(又有點恐怖)的日本面具，店內昏暗，酒吧台的佈置等等， 都令我有重回了一趟地道日本居酒屋的感覺。來塩玉的其中一個目的，就是為了這個海膽火爆丼！ 仲要係超級大優惠價98蚊！！！！！海膽丼用的是加拿大海膽，加上大量魚子，份量相當驚人，性價比高得在場每一枱食客都點了一杯。另外任飲指定sake都只係加$98，在場都見到好多枱好酒之人不停添加sake。刺身方面點了黑松露白身魚薄切8片$98，呢個食法係我近期最愛，白身魚沾幾粒海鹽加小許黑松露醬，不用醬油味道剛好！黑松露酢海葡萄沙律配帆立貝$98，勾起了我在沖繩狂食海葡萄的回憶！ 呢個沙律都用咗唔少海葡萄，帆立貝好大粒好滑嘟嘟！串燒牛肋肉好香牛味。呢個桃雪芭賣相好可愛，桃味亦好重好清新。整體感覺很好，店員服務更好，食店面積小小但店員比例奇高，店員會一絲不苟的整齊擺放枱面餐具，會不停添加熱茶(80幾度好滾果隻，我至愛)，店長好nice，難怪呢度咁爆場咁多熟客

銅鑼灣新開左一間居酒屋見到佢嘅報道都好似幾好食，仲有海膽杯，同埋甲羅燒呢兩樣都係我最鍾意食嘅嘢。我想八點半都見到好多人仲坐喺度食嘢，我哋坐低左啲面就俾咗本靚靚嘅Menu我地。我哋叫咗八昆布蟹卷甲里燒，大蟹鉗非常之多肉而且用咗蛋皮代替紫菜別有一番風味。口感結實而且有蟹肉嘅味道，配買蟹膏放入口真係非常香濃滋味。呢度嘅海膽杯超級抵食只係＄98比出邊坊間好多嘅海膽佢都多好多。呢個優惠希望唔好完啦因為真係好好味，超級抵嚟呢度一定要試而且仲要勁多三文魚籽，非常之滿足另外我哋仲叫咗個壽司拼盤上面有12件壽司，我最鍾意就係火灸燒過嘅，另外帶子同埋蝦都好新鮮，我的最愛。我哋叫多咗個軟學蟹牛油果卷，好大件而且蟹下結份量都好大隻，唔會炸到縮水，上面會有少少蟹子所以入口好清新。呢度嘅串燒都幾多花款見到上網嘅報導，會用唔同鹽作調味，帶返每樣食物佢嘅味道出嚟。紫蘇葉雞，超鍾意佢上面有勁多紫蘇葉，特別嘅口味雖然我食唔出係用咗咩鹽調味但係真係帶出咗食物嘅鮮味。我剛雞翼真係有好大嘅鵝肝味，開頭仲以為佢包住一個好大舊嘅鵝肝，怕太油膩。我估佢哋應該係用咗調味整所以令到好香。我哋另外點左半份仙台牛脷，配上醬汁非常之嫩，而且好

一路都聽人講過呢間居酒屋唔錯，就黎試一試佢，都唔洗等位，一入到去感覺裝修好日式好好feel，坐低後店員就介紹order呢個刺身飯，因為佢而家做緊優惠推介好抵食。。海膽火爆丼，佢d三文魚子同海膽都唔少，同佢地餐牌幅相一樣，多到跌晒落黎，完全無欺騙成份，海膽無腥味，食落好新鮮，如果中意食真係可以不停order😋😋😋另外自己單點左d壽司，有三文魚，松葉蟹腳，吞拿魚赤身，最有驚喜既就係吞拿魚，口感有d似拖羅，軟綿綿。👍🏻👍🏻串燒就有燒雞軟骨同燒雞皮🐓串燒青椒仔🥦日本黎既多春魚🐟同翠肉瓜🥒多春魚真係燒得好好味，唔乾身，亦唔腥，外皮又夠脆。鹽燒雞翼，香脆多汁👍🏻👍🏻

朋友帶路黎試試銅鑼灣人氣居酒屋！先黎壽司拼盤(10件) $198有三文魚,帶子,甜蝦, 三文魚子,蟹子,左口魚等等,一般大路野都有~仲有卷物同甜蛋~好岩口味~海膽火爆丼 $98呢個真係超級抵食! 三文魚子好澎湃,多到滿瀉~粒粒晶瑩剔透!由於加拿大海膽唔靚,轉左用韓國海膽,良心表現!每枱只可以叫一客咋白昆布松葉蟹鉗卷佐甲羅燒 $118呢個又係驚喜之作! 第一次食用白昆布黎做既卷物,估唔到又幾香,最驚喜係蟹卷係用原隻松葉蟹鉗黎卷架!一個蟹鉗可以做到3件卷,可想而知個蟹鉗係幾大隻,食落啖啖蟹肉! 甲羅燒好惹味,無論係就咁食或者配埋蟹鉗卷食都咁正居酒屋必食串燒!大蔥雞肉串 $22燒煙肉蕃茄卷 $22呢度寫明用海鹽黎燒，果然食到原始既鮮味呢！火候剛好而且皮脆肉嫩

在銅鑼灣可以用$98食到個海膽飯！？真係無睇錯！的而且確真有此事而且唔係將貨就價hea整！！海膽為加拿大海膽，大大pat好滋味甘香濃郁無怪味三文魚籽晶瑩剔透！粒粒鮮味的份量2人 share都剛剛好！可以食多幾款唔同既野。叫左個白昆布松葉蟹鉗卷佐甲羅燒賣相幾靚仔好吸引到我蟹肉壽司卷清香再加d甲羅燒既蟹膏配黎食變得濃郁，成件事好似藝術品似的清酒煮蜆個湯底清香，唔算好濃清酒味，但係蜆肉都好鮮~一粒沙都冇！夠哂熱辣辣好味道自家製免治雞肉棒~有蛋香加持更加好食！雞肉棒好有質感！不能不食金黃色既粟米香又甜！飲埋杯啤酒就無得頂！麒麟生啤

超級感動呀！今晚表妺話請我去銅鑼灣燈籠街食日本野，真係要多謝她的厚愛，佢知我最鐘意日本野！相約永光中心地下等，店舖門面好日本feel入內的坐位都好滿下，不過表妺約得我更係有一手準備，早已訂左位安排坐兩人位都坐得舒服，環境唔會太嘈同逼夾。先黎個加拿大海膽丼，上枱時見到已經好滿足，有好多好多嘅加拿大海膽鋪得好多層，還要滿瀉嘅三文魚子連碟都好多，三文魚子在口腔內爆出魚油，滋味無窮原全無腥味，絕對係新鮮先有嘅味道，顏色金黃唔知以為一球雪糕咁 Creamy $98 就係抵到你唔信呀！ 白昆布松葉蟹鉗卷佐甲鑼燒 $118 甲鑼燒全部都係由蟹膏蟹子煮，甘香味又有濃濃嘅蟹味！ 跟埋用松葉蟹肉製成嘅卷物，好滿足！ 壽司拼盤10款 ~ 各有所愛，不過就普通些。反而串燒真係要食，叫左幾樣食都好滿意味道調得出色，熱辣辣燒牛肋骨 $28 燒得剛好唔會過火兼且有嚼頭。燒牛舌 $42 夠厚身食落鬆軟兼無渣添 京都豆腐幾多特別外層脆脆仍保留到豆香。我自己最鐘意同埋會推介比大家，呢個月見自家製免治雞肉棒$25 ，有粒粒軟骨雞肉免治燒得金黃微焦配埋雞蛋黃醬汁同食另雞棒更香更滑。食咁多野都係每人約$300 ,下次要再黎先