塩玉居酒屋 (已結業)

塩玉居酒屋感覺好似去左日本咁🇯🇵好有親切感☺️店員好nice會推介野食▫️海膽火爆丼(HKD 98✨原價HKD 368 ) 加拿大海膽好鮮甜，加上滿瀉嘅新鮮魚籽，啖啖都好滿足💛▫️白昆布松葉蟹鉗卷佐甲羅燒🦀(HKD 118)蟹鉗卷好多蟹肉，配白昆布好match😽沾上香濃嘅蟹膏，好正🤤每日限定5份咋，所以要先打電話去預留▫️另外仲試左🍢串燒類都不錯：月見自家製免治雞肉with Egg Yolk(HKD 25)、塩燒鴨舌(HKD 28)、燒雞皮(HKD 22)、塩燒魷魚鬚(HKD 48)✨

12月5日晚，跟朋友初次到此，有我至愛的火炙左口魚裙邊壽司，黑豚露荀卷，及照燒銀鱈魚，很是不錯。服務員專業地推薦空運刺身，一盤有7款，每件肥美可口，的確是個好的選擇。其他如牛油焗什菌，燒煙肉廣島蠔，四國唐揚牛蒡也值得一試。枱與枱之間距離適中，不會有壓迫感，坐得舒適。是三五知己聚會的不二之選只顧吃，常忘記留下美麗回憶，有些吃完才醒覺未拍照。下次再去，必定相機先食

新開更係要試試啦！ 呢到原來每日由日本空運到港的新鮮時令魚類有2-3種選擇，又可以刺身，又可以燒，唔同口味，正！入到裡面，侍應的熱情招待及推介，環境燈光柔和舒適感覺，氣氛很好，沒有太嘈吵聲音，可以和三丶五知己𣈱談的好地方。重有埋立體圖可以和朋友影相🤩📷今天的時令魚是石鯛，白身魚，魚味清淡不太油利，新鮮啊！軟殼蟹沙津的味道及分量剛好，不會食到太飽；串燒普寧豆腐好好味，個邊脆卜卜的；雞肉串燒的雞蛋配汁一流，好想飲哂它；雞心夠新鮮爽口;比起出面的店鋪，串燒時間速度快口感有驚喜最後店員送我們年糕甜品，又有驚喜細緻的款待，食得開心

平時很喜歡在登龍街搵食，有晚路經比我發現一間新開既居酒屋塩玉居酒屋，一於放工同男朋友黎試下咩料子。當晚是夜晚十時多，一上到去，已經被佢熱鬧既氣氛吸引了，地方不算大，環境暗暗的，見每檯客人都情緒高漲，很有居酒居的氣氛，最適合約埋三五知己黎食下飲下，加上見佢營業到深夜，更適合我呢d 夜貓子講左噤耐，入正題講下食物先。當晚我地叫左個刺身拼盆，嘩，無得頂。超新鮮喔，還切得厚厚的，好好味呀。價錢亦合理。再叫左d 串燒送下酒，因為我好鐘意食內臟，叫左雞心，雞肝，雞皮燒得剛剛好，有水準，在香港食燒雞皮中伏過好多次，這裡合我心意。食完先發覺無影到食物相🙈至於酒，都有好多選擇，實在不錯。岩哂我呢d 酒鬼🤤完全的一餐

朋友介紹，上去一試。好少寫食評，但真心服務態度親切，佢地會介紹你想食咩，我就日本野唔識食有介紹就最好不過！見啲師父整食物，送過來，仲同我地傾兩句。一來就刺生，朋友話味道好，一定中上貨。我就少食魚刺生，但一食又幾好味。上得來居酒屋，我就不食三文魚，當然試下其它魚啦。雖然靚靚女侍應講比我知啲魚名，但我都忘記了我和朋友只掛住食，無咩影相，我就好鐘意食雞翼，多春魚，串燒不錯。飲杯啤酒，就傾成晚，不錯！期望多啲店舖也有此服務，新開張，聽講下午好低食，有機會會再試！

最近想經openrice book枱所以搵返個account，一睇原來對上一次寫食評已經係2008年！哈哈！平時有咩美食分享都係post相上社交平台就算，今次呢間新餐廳令我好有衝動要寫返個食評讚一下！我同朋友兩個都好中意食日本野，知道登龍街都多日本餐廳就去睇下有無心水，一去到永光中心見到呢間居酒屋個名咁特別就決定試一試。入到去地方唔大但座位闊落，燈光環境都幾有氣氛，侍應都好熱情。我同朋友諗住慢慢食下野傾下計，於是分開幾次叫，逐樣慢慢試。首先叫沙律同小食，叫左溫室蕃茄沙律、鱈魚乾同燒茄子，估唔到小食已經咁驚喜！蕃茄食得出係日本貨，好清甜；鱈魚乾好香脆，忍唔住食完一塊又一塊，極速清晒；燒茄子好juicy而且好夠味唔會淡mou mou！之後留意到餐廳塊黑板寫住d是日推介係menu無既野，侍應就介紹係餐廳每日都會有d即日空運到港既新鮮海產，日日都唔同款，當日侍應就推介我地試一款叫「羽太」既魚，侍應仲非常細心，驚我地兩個人食一條魚太寡，特別介紹我地一半做薄切刺身，一半鹽燒，黎個「一魚兩味」！真係估唔到連日本餐都可以咁樣食，值得推介！先食薄切刺身，肉質彈滑而且非常有魚味，真係好新鮮！另一半鹽燒完之

今次係諗唔到有咩食，做次白老鼠上黎新開既塩玉居酒屋試下。開初以為改得呢個名，一定係串燒有不同種類既鹽俾你揀，或者玉子有神奇既地方，點知，係冇既打開menu, 價錢係喺永光中心入面係最實惠既檔次，咁新開張要試下師傅手勢，一定係叫串燒同壽司。串燒賣相ok, 不過食落你會知道食材個質素唔夠top, 而師傅既手勢同火候未能彌補到呢點不足，於是食落就係大眾口味冇特別。咁我覺得芸芸串燒入面，雞類既都燒得不俗，雞尾，雞皮，都燒到外而脆皮，入面唔乾身，一d特殊串燒，好似紫蘇葉包大蝦燒，都幾有新意。壽司都係食材問題，未夠鮮味，師傅手勢都麻麻，壽司飯好易散到一地都係，食左幾貫唔同種類既壽司，整體來說要改進既地方幾多。咁新開既餐廳，質素未穩定都情有可原，期望之後可以食到更好既質素。

蟹膏，蟹肉，海膽鮮甜，飯有焦香！食哂D飯，仲有小小飯焦，我梗係吾會放過，倒左D面豉湯落個石窩到，食埋DD飯焦，仲可以keep 到熱辣辣tim,口感一流吖！會再幫襯！

嚟咗兩晚呢間塩玉居酒屋，食咗好多飛機貨。最令我難忘的就係慢煮鮟鱇魚肝，同我平時食開嗰啲完全唔同。之前食開嗰啲都係新鮮蒸熟再加酸汁，但呢個慢煮不但冇酸汁，反而總食到魚肝的油香，真係值得一試。佢哋個飛機貨拼盤平靚正，我哋兩個人＄468食到有七款刺身，呢七款刺身全部都係日本空運到港的，師傅話飛機貨每日都唔同，要睇每日有咩拼盤就出乜嘢，侍應話因為我哋食滿＄300仲有sake送，我哋真係覺得超值，下次一定會再嚟。😊

當天和友人在大球場睇完香港隊亞洲盃足球賽 已經晚上十點，正好記得朋友推介永光中心新開的樓上舖的居酒屋，距離我們好近一於襯呢個機會飲番兩杯！入到去，場內的氣氛非常好，待應們都忙於熱情地招乎客人，當我們坐低，應該是店內其中一位老闆，非常熱情地推介店內介紹的燒物，和刺身。於是我們便聽推介，除了啤酒，更開了一支清酒，當晚食了：燒雞皮，雞肝，雞心，牛舌，手羽先，全是送酒的食物，全部都整得有水準，不馬虎，燒雞皮不會燒得過火，雞心亦非常濃味。之後，店長亦推介一款刺身，由深海池魚，獅魚腩，帶子，金目鯛，北海道海膽，組成，全部非常鮮味最難忘是獅魚腩，肥油濃香～正全晚其中一位老闆都間中走來和我們談笑風生，而全場亦非常熱鬧，氣氛非常好，由於第二日大家都返工，所以我們帶有一點的醉意便離開了，不過今次是夜宵，所以未能試太多其他食物，相信下次會和三五知己放假前，再盡情一試