塚田農場 (已結業)

1）蟹肉三文魚子飯細細杯，好迷你但裏面都好多蟹肉，再親埋魚子好鮮甜2）醃銀帶魚茶葉天婦羅炸魚面頭有茶葉碎好特別亦都好鬆脆3）火焰三文魚牛油果卷亦都好新鮮配埋沙律醬好開胃4）推介蕃茄芝士免治雞肉雞肉好入味差埋芝士同埋蕃茄成件事好想嗌碗白飯撈汁5）三文魚親子鹽昆布炒飯旁邊職員幫我哋落咗雞蛋然後等到雞蛋半成熟嘅時候撈埋啲飯一齊食仲有少少飯焦味好香6）最後我哋叫咗石鍋雪糕新地芒果味呢個雪糕好好味呀！因為佢係將芒果汁雲呢拿雪糕同埋芝士蛋糕撈埋一齊，原來都好大一杯兩個人食都得7）另外仲有一個白熊牛奶布丁芭菲好可愛啊，布丁亦都唔會好甜，亦都好濃的牛奶味餐廳裏面加$38仲有自助飲品區

美人鍋✨美人鍋✨都聽咗好幾年，但今次先第一次食，簡簡單單$168就有一個美人鍋套餐，唔洗諗好方便，來自日本宮崎嘅佢，食物到裝飾都好美觀。🐖明太子芝士免治豬肉很好吃，肉香肉嫰，煮耐咗都唔會嚡口👍 🐖豬豚腩片同樣好香，可能油脂比較豐富，所以豬肉味好香濃。🥗疏菜盛合種類非常豐富，有紅椒、黃椒、蓮藕、南瓜、紅菜頭、青瓜、車厘茄、菇、生菜、旺菜等等，味道都很不錯。🍚最後就是飯麵的部分，選擇非常之多，仲有意大利飯選擇，非常與眾不同，個人選擇了比較特別的日本羽衣麵，外表好似粗新嘅河粉，入口滑身，配上美人濃湯，再加入紫菜和香脆兩種配料，就更加香喇。👉差啲漏左唔記得講，佢嘅醬汁都好多選擇，仲要好特別，其他餐廳真係好少見，有啲直頭見都未見過，例如椰子芫茜汁、自家製黑麻油、芝麻甜醬油、果仁芝麻汁等等，以上四款我都有試到，一個字「正！」

觀塘大家都會諗起工廈，不過apm都有好多餐廳架🤩🔺美人鍋套餐 ($168)簡左壽喜燒湯底， 但實際上係雞湯加壽喜燒。加上雞湯嘅味道比壽喜燒重好多，所以基本上湯底都只係有雞味。。湯底食得出係真係好濃嘅雞味，同其他放題好唔同🤔但我個人就唔係咁鍾意呢種太重嘅雞味。 配料方面都幾豐富： 手打魚丸、雞件、豬肉片、蔬菜盛盒、 麵條。不得不讚係佢啲肉係幾高質，雞件好嫩滑，同埋豬肉有一定嘅厚度，唔係好薄嗰種。但麵條有待改善，因為好易一夾就爛（未煮前）。仲有佢呢好多醬可以揀，個人推介柚子醋汁，酸酸地又唔會太鹹。🔺 沖繩魷魚配豬肉炒麵 ($88)個人覺得呢個幾好食！ 比起美人鍋，我會推薦食呢個。 食落好似大阪燒，因為係鐵板上所以會有少少焦香味，麵條係比較有彈性同埋硬啲嘅，所以夾落去唔會好易爛，調味出色。🔺 薄餅比想像中細，但呢個米做嘅pizza幾好食，唔係麵包嗰款，所以係口感幾特別，好脆記得趁熱食，但配料方面就少咗啲，如果鍾意試新嘢嘅話不妨一試。

呢間係公司附近，食過幾次。第一次食個陣，覺得好食，但而家越嚟越偷工減料。最近幾次都覺得差咗好多，但未差到想出post。今次叫咗個牛油果三文魚飯，牛油果少到喊，都預咗唔會同menu一樣，但無諗過爭咁遠。仲有個自助沙律吧越嚟越廢。出菜好慢，好幾次都要等半個鐘以上先有嘢食，最長試過一個鐘。追單時佢地話刺身係要耐d。疫情下我知你好難捱，但唔好fake個客，我寧願你選擇少d，但樣樣好食。點解要寫夠200字先可以rating

呢日係觀塘買完貓糧後, 我地去左APM 搵食, 去試我期待已久既塚田農場。店舖裝修走日系風格, 燈光柔和, 而且枱與枱之間都非常闊落, 環境比人感覺舒服自然。坐底後, 店員會先送上餐牌, 再細心解釋如何使用 QR CODE 自助落單, 真係好方便快捷。佢地menu既選擇非常多, 有火鍋 /壽司/飯類等等, 應有盡有, 真係可以滿足唔同人士既需要。我地叫左一個美人鍋套餐 (1人用) $168。有8款精選湯底以供選擇, 我地要左特別既口味 - 檸檬芫茜湯,  淡淡清香既檸檬味, 估唔到可以同芫茜咁夾。套餐會配一款免治雞肉 + 一款肉片 + 一份蔬菜盛合 + 一款飯/麵類。係4款特制既免治雞肉當中, 我地要左 - 明太子芝士免治雞肉, 味道調較得剛剛好, 口感有點似魚滑, 幾得意豚腩肉 - 肉質嫩滑，肥瘦均勻, 充滿油香, 唔錯。蔬菜盛合 , 由多種唔類型既蔬菜組成, 有小蕃茄、金針菇、黃 / 紅椒、雜菜等等, 色彩豐富之餘, 全部都非常新鮮, 夠哂營養健康。飯麵類當中, 我地叫左 - 日本羽衣麵 , 呢個好特別, 好似腸粉皮咁, 口感滑嫩, 吸湯食一流。另外再追加左2款雞肉。日本薩摩雞肉

由前身「美人鍋」，進化到而家嘅「塚田農場」，開咗咁耐我先第一次嚟食🙈 不過今日太熱唔想打邊爐，所以就無叫到最signature嘅火鍋，只係試咗丼飯。Lunch menu會包埋自助沙律吧🥗同飲品吧🥤，飲品由紙包/罐裝，到餐廳調製飲品，以至咖啡、果汁都有，選擇都幾多，不過refill就有啲慢。醬料眼望都一樣好多選擇，不過因為我唔係打邊爐，就無仔細研究～醃漬吞拿魚刺身丼 醃味噌湯 $88 吞拿魚薄切，份量有少少令人失望，但飯係有大量... 食到最後其實仲有一半飯係食唔落嘅。吞拿魚醃漬過，但味道唔突出，唔係仔細dap其實食唔出，而且魚味欠奉😅 到後期真係要出去醬料吧拎豉油先有啲味... 飯應該無經過調味，而且飯質黏口，感覺嘛嘛😐男友叫嘅雜錦角切魚生丼又正常喎，新鮮之餘仲幾好食𠻹，唔知係咪個別款式嘅問題喇...🤭如果你鍾意睇我嘅食評，不妨關注我，支持吓我，謝謝你☺️💕

與朋友到apm午飯， 下午兩點十五分入座， 果然大把位， 唔使同人逼。午餐餐牌很簡單， 只得幾頁紙， 點餐用手機掃描枱角的q R code， 操作算為方便。 我們點了一客切角雜錦魚生Don， 及一客鹽燒豚肉Don套餐。點餐後大約十五分鐘， 隨即送上 切角雜錦魚生丼， 兩分鐘後再送上整套的鹽燒豚肉Don套餐。 切角雜錦魚生Don ok， 啲魚生都夠新鮮， 不過稍為細粒些小。 但係鹽燒豚肉Don 就有些失色， 飯夠熱 ，汁夠未， 但係鹽燒豚肉偏乾身。 跟餐的小食，沙律ok， 但係啲炸雞就好乾身， 啲肉好實， 應該係返炸的， 前菜的豆腐也不嫩滑， 口感實實地， 但係又未於去到硬豆腐嘅程度。成餐飯冇水冇茶， 之後仲要去買嘢飲， 經歷真係麻麻地。

放寛翻夜晚堂食後，可以收工後同朋友輕鬆一下，食個晚餐傾下計。我同朋友都係十五十六乜都想食，所以我地就揀左塚田農場。因為呢間餐廳可以打邊爐，又可以食下其他唔同既野，例如食魚生，壽司等，解決到我地十五十六既煩惱。而且餐廳是一人一鍋，所以較放心。疫情期間下可以是不錯的選擇，十分衛生。我和朋友都點了美人鍋套餐，蔬菜和肉的比例很好，不會令到顧客只吃到肉而少吃了蔬菜。當然，如果你是食肉獸，就可以再另點肉類。此外，由於我和朋友都太想試一下魚生，所以點了三文魚框飯和蟹肉三文魚子框飯。 框飯用了竹筒和簡易設計的碟子盛住，很有日本風的感覺，十分合適打卡。 而味道方面， 三文魚和蟹肉三文魚子都十分新鮮，很值得一試。

喜歡這店的日系裝潢，燈光柔和，設有不少軟座卡位，環境雅緻舒適。餐廳以手機掃QR Code落單，食物款式分門別類，附圖片參考，非常清晰，款款賣相吸引。午餐包自助沙律吧和飲品吧任飲任食，非常豐富。自助沙律吧沙律菜新鮮爽脆，可配柚子汁或芝麻醬，令人大開胃口。飲品吧有超過20款飲品可選，除果汁和汽水外最特別是健康蔬果汁，如西瓜紅莓茉莉茶、甘筍蘋果美人水、柑桔美人水、排毒健美綠茶、粉紅檸檬梳打等等。三色刺身定食賣相精緻，配味噌湯、豆腐和南蠻炸雞。特別一提白飯都好有質素，非常香綿又黏糯，富有米香，光吃都覺好味。三式刺身有三文魚、油甘魚和吞拿魚，件件均非常新鮮，嫩滑得很，尤其三文魚更是魚腩位置，肥美得很，啖啖魚油。還有大量大大粒的魚籽，一點都不腥，十分美味。炙燒三文魚(半熟)牛油果丼大有驚喜，三文魚燒得恰到好處，肉質得以保持嫩滑之餘還滲出啖啖油香，入口即溶，與清新又軟綿的牛油果非常配合，加上芝麻，更添口感和味美。

今日下午與朋友去魔鬼山行山，出發前便來到APM吃飯，來到我和朋友期待已久的美人鍋。之前在YouTube 已經看過美人鍋被受盛讚，今次終於可以和朋友一起來打卡。位置：雖然是處於大商場，但較偏僻的後方，不是在Uniqlo 那一邊。環境：面積頗大，近門口位置就是沙律吧、醬油吧和飲品，尤其是醬油和飲品都是專門調製，而且無限添飲。服務：用OR code下單，五分鐘後就上完所有食物，值得稱讚？午市：無論是吃火鍋或其他飯丼，已包沙律和飲品，可以坐多久都可以！炙燒三文魚（半熟）牛油果配味噌湯$98份量不多，賣相一流，大約是數片的炙燒三文魚和軟荏荏的牛油果，調味淡，所以飯一定要落醬油，而且拌勻所有材料才好吃，當然單吃炙燒三文魚都夠魚香味，魚肉較軟化。美人鍋套餐$168：骨膠原湯、明太子芝士免治肉、蔬菜盛盒、雞肉&豚肉、意大利寬條麵（本來是想吃日本羽衣麵，但已賣光）。骨膠原湯其實是雞湯，雞味非常濃郁，雞湯用來滾蔬菜是特別好吃，因為蔬菜易掛上湯汁，不用點醬料都美味！至於肉類，雞肉已事先煮熟，豚肉片帶有豬味，不是騷味，而是新鮮豬肉香，這點是很驚喜！其實我最欣賞不是雞湯，而是店內提供的火鍋食材都很新鮮，我覺得這

聽講呢間餐廳嘅食材都系取自系佢地嘅日本農場，Lunch 嘅餐牌都包左自助飲品及沙律吧🥙🥗飲品除左可以系雪櫃自取之外，仲提供多款果汁同美顏茶，我就鍾意飲甘荀蘋果美人水，飲落有好清香嘅蘋果味🍎，仲唔會太甜美人鍋套餐 $168揀咗骨膠原湯，明太子芝士免治肉，雞肉加豚腩肉湯底唔會太濃味，加埋好多不同種類嘅新鮮疏菜，感覺好健康呢到嘅雞系來自農場嘅走地雞，所以食落嘅質感系比較煙韌豚腩肉個口感系比較肥美香滑，加埋個烏冬就夠晒飽美人框飯御膳 $158刺身沙律有一片魚生，食落鮮甜肥美，豆腐好香滑小食揀咗天婦羅🍤蔬菜天婦羅嘅口感都好新鮮，仲有一條細嘅炸蝦，個炸粉咬落好鬆化飯就選擇咗蟹肉三文魚籽框飯➕蒲燒鰻魚框飯，兩個都系暖粒粒嘅糯米飯三文魚籽同蟹肉都好鮮味，鰻魚煮得好香滑

今次主要只係想搵個地方坐下等朋友，唔太肚餓，所以就只係點左幾個刺身。本來諗住呢度主要係食火鍋，其他野未必太好食，但竟然有驚喜！刺身比其他同等連鎖店新鮮，質量亦比較好，價錢合理。唔食火鍋嘅朋友都可以黎試下。

我是在附近返工 見到這間新開店 門口的圖片很吸引 不防一試 叫了個牛油果半熟三文魚午餐到後👀凸左一半 牛油果唔見左一大缺外 分量不如一個下午茶還有豉油唔夠問佢攞竟比左啲咸到七彩的平豉油 老細呀 慳還慳 請你自己試完先比客食丫 😔 萬 分 唔 抵 食 😩 失 望 到 極

一直都想試吓呢間塚田農場，聽啲人講佢哋多數會去打邊爐，今次同老公去到APM行街，咁熱唔想食打邊爐，但係見佢哋有好多唔同款好精美嘅熱食，我哋就試吓佢哋啲熱食啦！比較出色嘅係佢哋嘅沖繩大島魷魚配豬肉炒面，醬汁好香濃，而且配上呢個鐵板，一路食都一路好熱辣辣，仲有少少香焦左嘅脆脆地嘅麵條。另外試咗佢哋嘅美人，卷鰻魚忌廉芝士美人卷。幾特別冇壽司咁飽咁膩，就用米紙包住材料，幾好，幾新鮮，爽脆！仲試埋佢哋嘅年糕薄餅，煙un 質地，少少黏口，味道唔錯㗎！

美人鍋套餐，多達八款精選湯底，最後選了豬骨熬製的骨膠原湯。入口濃郁鮮甜，很保身。明太子芝士免治肉口感有點像魚滑，蔬菜盛合色彩鮮艷很吸睛。上桌時湯底有點像啫喱，加熱後就溶解成湯底。豚腩肉肉脂分配平均醬汁有很多款選擇，濃味，辣味都有。選了三款分別椰子咖哩汁、芝麻甜醬油及椰子莞茜汁。帆立貝玉子壽司卷，有點像向燒賣致敬。帆立貝鮮甜，配上玉子外層。海老牛油果美人卷，米紙包着多種鮮嫩蔬菜及蝦，色彩繽紛。沾上酸酸甜甜的果有點像在吃點心般的精緻。梳乎厘玉子燒上桌時店員會捧著熱烘烘剛焗好的倒於碟上，切開後明太子滿瀉出來。三文魚親子鹽昆布炒飯有點像韓式燒烤時所吃的蛋燒，而趁著蛋漿未全熟的時候將蛋皮包著飯。炒飯裡混合魚子及三文魚碎很香。最後抹茶餡密芭菲，有曲奇又有小丸子及其他和菓子，加上雪糕令口感大增。店內地方寛趟，空間感大而且充滿和室風格，置身其中享受日式放美食。