塚田農場 (已結業)

今日 本來中午打算幫襯這一間日本餐廳， 但經過與前台及經理的溝通感覺這間店的服務態度極有問題。不過最搞笑嘅前台已經好冇禮貌，點知個經理D態度仲要差過個前台。所以在此奉勸各位朋友這間餐廳還是不要去吧

第一次食呢間餐廳, 價錢合理. 四個人都係$1500有找。 同事早訂枱可以坐到窗邊抬望維多利亞港。十分浪漫 。呢度推介美人鍋。首先飲咗個魚湯，鮮甜啖啖骨膠原，好好味。店長推介食條魚，5:30pm 新鮮日本直送。店長會佢幫你將條魚拆骨煲湯打邊爐 四個女仔食飯嘅好去處∼∼ 所有蔬菜都好鮮甜又係日本直送, 最後個紙米卷都係值得推介!! 煙煙韌韌好好食!!∼

終於有機會嚐到這家人氣超旺的門店～我們下午3:00過去的，所以並不用排隊，窗外正是豪華郵輪，感覺很適合當背景。因為剛下過雨，對面中環的山頂著一層煙霧，分外飄渺，走一段長長的路還是很值得的。因為有點冷，所以點了一碗雞濃湯拉麵，沒想到成為最受歡迎的一道菜。攪拌時，就有一陣雞味撲鼻，裡面的豆芽、大蔥、脆筍都是筆者的愛。湯很濃郁，麵是扁麵，很有嚼勁，一小碗下肚，感覺筆者的蘋果肌又恢復了彈性！即切沙律，真係一上來先切，切時可以聞到一陣蔬菜漂過來，感覺非常新鮮和健康，牛油果和三文魚亦非常合拍。刺身5⃣️品，無公無過。鹽燒宮崎雞，就價錢來講，真係一般般，有些地方燒焦了，雞肉有些祡，但要220，朋友話清遠走地雞好食d！梳乎厘味玉，徒有其名

因為日本店太令人回味，雖然明知香港店走高尚風格，拍拖XX年紀念日我都想去返呢間到慶祝。望住維港睇住幻彩詠香江食呢餐又另一番味道美人牛肉鍋～美人鍋係呢到主打菜，因為食咗好幾日🐔，所以我叫了牛肉鍋。分量係足夠二人，個湯底很是骨膠感覺呢，牛肉襯上溫泉蛋都係第一次咁食（平時生蛋多）$580呢個價錢值唔值就見仁見智，不過我意見其實可以比多d菜～～～梳乎厘鳗魚玉子燒好重蛋味，有梳乎厘感覺，加$10鰻魚絕對係必需~炸粟米塔其實我倆都係粟米怪，見到餐牌有粟米塔就冇可能唔試啦！炸粟米上配雲呢拿雪糕，一口有涷與粟米的脆，食落口唔會太油膩。送啤酒一流例牌啤一啤🍻，平衡下香港瘋人的生活！

美人當然去食美人鍋👩🏼👩🏻相約幾位美人去Ocean Terminal 食塚田農場行到好入去到要等位因為不限時，所以求其有位都照坐本身已大致想好叫咩食，見有位大叔形過黎話介紹下，咁是但啦，你喜歡就介紹原來大叔主要賣魚，叫我地食條日本直送xx鯛本身對魚不感興趣，咪問大叔其他有咩推介，點知大叔言語間話唔清楚唔講個大叔　🥒🌽🍲美人鍋個湯勁正，要飲清d湯梳乎厘玉子燒加入蟹肉好正燒 芝士Yam 都好好粟米粒粒加左雪糕好味個甜品都好好味，蕃薯勁甜

塚田岩岩開既時間已經想黎試打電話諗住book位佢話冇得book 到有一次行過同朋友排隊啦 點知見佢又有得book 啵 等左45分鐘條隊都只系郁左兩個 唯有下次先再打黎book位食啦 今次終於book到位喇安排坐window set 未食野已經有一半滿足$137 5選3米紙卷 叫左煙三文魚 海老 同 吞拿魚卷 店員都好悉心提醒邊個醬點邊個汁 米紙卷皮夠煙un 🤘🏻天婦海老壽司 海老超細條炸得唔夠脆 好似食風咁😂🤣美人牛肉鍋湯膏一大舊慢慢用熱力令佢溶化 湯底正正系壽喜燒既味道 甜甜的牛肉好新鮮 半生熟就可以食喇 但明明個staff話會定時黎幫我地整個鍋 點知都系嗌到吾嗌 自己黎 後加左兩碟拉麵 食晒先話個蛋系用黎點個牛😂🤣再加送兩個白飯撈落個鍋一齊食 早知吾另外叫拉麵啦 飽到根本食吾到個飯辣辣三文魚配青瓜 冇辣味 冇咩特別 可以不試阿波尾雞肉 鹽同芥末味所謂芥末系有人鮮刨芥末系面不過呢個雞真系鮮嫩 放系鐵板上keep warm 👍🏻粟米塔明明睇餐牌話系熱食 點知黎到又雪糕粟米又甜 應該系飯後先叫 不果雪糕溝炸粟米怪怪的 睇黎只有粟米控先岩

Very disappointing and definitely not worth the price. Bad quality for very expensive food. Bad service. Don’t eat here if u don’t want to feel like just about every other restaurant in ocean terminal tastes better than this restaurant!!!

食完變靚D？🤔💆‍♀️💃依間嘅招牌菜係美人鍋就緊係要試下😉今次揀左美人蕃茄鍋（$380），蕃茄湯底配雞肉、雞肉丸及多種蔬菜。雞肉、雞肉丸肉質一般的，有少少雪味。反而，蔬菜的味道很好，很鮮甜，蕃茄湯可以濃一些。～～～～～～～～～～～～～～～～～～三個可愛的波波飯卷😛～～～～～～～～～～～～～～～～～～～依間有三款飯卷提供，今次揀咗兩款：豚肉飯卷（左右）芝士豚肉飯卷（中間）（$32 一個）。豚肉飯卷外脆內軟，肉有鐵板燒的味道。可惜，醬汁稍為鹹了一些，芝士不夠溶，飯的質地太軟。～～～～～～～～～～～～～～～～～～粟米愛好者必食✨～～～～～～～～～～～～～～～～～～今次叫左個炸粟米塔 （$68），意外地好好食。下面係炸粟米，上面係香草味雪糕，一冷一熱，粟米每一粒都炸得好脆，每一粒都好甜。～～～～～～～～～～～～～～～～～～

超靚夜境，新鮮美味日本直接食材！❤️無味精濃濃雞湯美人鍋！😍超彈牙的日本走地雞🙆‍♀️🎉 落地大玻璃望住無敵尖沙嘴海景😊 消費夠$500 仲有5個鐘 free parking 👍🏻(Mon-Thu) (時為2018-06-05，記得double check）其實塜田農場都開咗一段日子，但印象中次次打電話book 都係爆😱 唯有次次都係試walk in , 但通常bar 枱都有位，所以都無需等太耐。 超推薦雞湯美人鍋，但要小心雞唔到淥太耐，小心d肉老咗。 個雞湯超好飲，超濃！完全冇味精！真係一d都冇口喝！飲咗仲可以添飲！ 😍😍😍 開心爆！一問先知個雞湯煲咗8小時 ❤️！

5月開始食生日飯啦咁就之前有朋友介紹食呢間但因為佢食過, 所以等同其他朋友食咁另一班朋友約起, 就建議呢間我通常俾幾間出黎佢地選左呢間 景係有嘅如果唔怕熱直接可以坐室外吹海風對正個維景食飯 三文魚牛油果即切沙律有專人幫你即切好似好新鮮咁啦醬汁可以再多少少更好 南蠻炸雞好味道炸皮香口而不膩 紫菜牛油果簡簡單單好味道 梳乎里玉子燒這個一定要叫呀好好味甜甜的 美人蕃茄鍋由於其中一個朋友唔食雞湯所以我地就轉左清湯由於全部係蔬菜所以清到爆炸 美人鍋睇見個舊膠原雞湯寶就知幾濃味啦濃到有漿口的感覺 另外叫左2卷卷物, 係普通正常野因為冇影相就唔記得左自己食左咩咁如果想搵個有景嘅餐廳食野呢度都係一個選擇

行過海港城，見到呢間日式餐廳排好長龍👫👬👬雖然等位要等半個鐘有多，但係見到餐牌都心郁郁好想試吓，尤其係佢個美人鍋，好有正宗日式shabu shabu感覺本來淨係期待嘢食，但估唔到入到去個海景仲吸引😍個美人鍋外觀好靚，分開兩層擺，上層配菜，下層雞件，好吸睛，啱晒相機食先～雖然配料好似好普通，得啲雞、菜，但最估唔到係佢個湯底竟然係濃濃既靚雞湯，飲落好清甜，忍唔住飲哂佢😆d雞就算煮得耐都唔會老，讚👍🏻仲有個好推介就係個鰻魚蛋，外表睇起黎好似蛋包飯，切開有勁多鰻魚汁流出黎，好正！不過個抹茶布甸就普普通通，唔特別推介😿

最近呢個商場開左好多新餐廳，今日試下呢間，約8點到，無訂位當然要排隊等候，不過都不需等好耐，環境當然正啦，維港境當然要點推介既美人鍋，個湯底話淆左8個鐘，好多骨膠原wo 。個湯底一上枱好似個啫喱咁，一路滾就會慢慢溶，味道係幾鮮甜既，幾濃郁，幾黏口 $380服務幾好，侍應會幫忙將d料放哂落個鍋到，排得靚靚咁另外都叫左個三文魚牛油果美人卷，幾好食，不過就細件左d ，應該叫一口美人卷$48杯飲品就貴囉，$88

上星期去左海港城，諗唔到食乜之際就突然見到LCX打通左，有間日本過江龍嘅塚田農場🐖🐏🐄 一入到去就咁啱坐正窗邊望住個大海景😍Lunch set有好多款，我地分別叫左一款京都特色伴菜配鯛魚茶漬飯御膳🍱再加個炭燒走地雞御膳！先講京都個款，佢好精緻每樣都細細碟咁，個鯛魚茶漬飯好正，湯好清、魚無碎骨而且夠熱👍🏻另外d伴菜都有幾多款，分別有玉子、山藥泥吞拿魚刺身粒、銀雪魚等。中間就放左天婦羅🍤個皮好薄身同埋真係一d都唔油😚😚😚好中意 (8/10)另外到炭燒走地雞，佢個燒有d燶左小小😢但佢夠哂熱，用鐵板上架!!炸炸聲咁❤️而依個餐都有天婦羅架，好多野食👍🏻 (7/10)每個餐都每杯野飲架，價錢大約150至200到啦(lunch)

呢邊裝修好後第一次黎食飯見到開咗好幾間餐廳，間間都坐擁維港靚景朋友一早bk定枱，指定想坐窗口位唔鍾意遲到嘅我一早去到，安排咗最入嘅枱比我哋，都好，幾個女仔傾計大聲唔怕嘈到人旁邊就係落地大玻璃，原來出面仲有少量露天座位，不過就講明出面嘅位冇得食火鍋，我見d人都係飲下嘢咁燈光偏暗，人齊叫嘢食嗌咗一個美人鍋，一個牛肉美人鍋，仲有d小食同甜品先黎呢個炸粟米塔，都係見openrice d相覺得幾得意就嗌黎試下，上面係一球vanilla雪糕，配熱辣辣嘅炸嘢係幾match再黎呢個梳乎里玉子燒，係全餐最有驚喜，無論係個名，外型，定係味道好soft, 好香蛋味, 不嬲都鍾意食玉子燒，冇諗過可以昇華去呢個層次之後主角美人鍋同牛肉美人鍋都到咗兩者分別係個湯同配料。。廢話😂牛肉美人鍋都有呢球布甸，不過就外加咗牛肉湯我覺得就咁美人湯好正！好膠骨原加咗牛肉嘅美人鍋，有d似吉嘢家牛肉汁味配料就雞肉丸子好食份量就女仔ok啦，唔大食的話🙈今晚咁啱有一枱10幾人日本客，應該係一班同事收工gathering，氣氛好好，好似去咗日本d居酒屋咁

母親節想帶媽咪去食好野，想帶佢食啲特別啲嘅野，於是選擇去尖沙咀海旁，有露天坐位可以一邊欣賞海景，一邊享受美食嘅日本餐廳。呢度嘅食物比較新穎，同出邊嘅日本餐廳有啲唔同，首先試咗佢個美人鍋個湯底真係非常濃郁、鮮甜，加上食物都非常新鮮，俾人一種好健康嘅感覺 之後再追加左個魚刺身，非常新鮮，肉質非常鮮甜，將個魚頭放入湯度簡直係絕配之後加多咗個美人卷，都好好食因為媽咪比較喜歡食雞翼關係，所以嗌多左兩款雞，一個碳味好重，都唔錯。 本人唔太喜歡食炸嘢， 但炸雞配佢兩款特別嘅醬，感覺都唔會好油膩。最後加埋呢個甜品， 媽咪都讚不絕口店員服務都好好，因為連媽咪生日一齊慶祝， 一齊唱生日歌，好有氣氛媽咪開心就好啦！