塚田農場 (已結業)

元宵佳節行完花燈會去海港城新翼試新餐廳我哋叫咗美人鍋套餐：～必食美人鍋好多蔬菜好新鮮雞肉嫩滑～鰻魚芝士卷口感幾特別嘅fusion菜～疏乎里蛋超好食！熱辣辣又好滑～芒果石鍋雪糕～雞尾酒兩杯好多選擇好特別，我哋飲咗櫻及霞，值得推介對住維港靚景超正

我同朋友book咗八點鐘去食，咁呢我哋今次就試咗個美人鍋，咁我覺得嗰湯底個味道好似喊咗少少， 另外的材料冇我想像中咁好食。咁另外我哋仲叫咗兩杯嘢飲同埋一個小食， 埋單大約六百蚊左右，其實呢個價錢我覺得有啲貴嘅。呢間餐廳嘅好處就係可以睇到維港景色，同埋你預早book位可以坐到卡位，就算你兩個人嘅話。

自從在九州食了一次塚田農場後一直都很想再食 可惜香港的分店常常都要排隊 今次平日晚上時段經過 見到不用排隊所以立即試試😚每枱必點美人鍋👩🏻雞湯非常濃郁 湯頭帶點黏稠 感覺充滿骨膠原!配菜有雞件 手打雞肉丸和不同蔬菜 其中很喜歡腐皮葱卷 腐皮吸滿雞湯配搭葱粒 食起很清新!非常滿意的一道料理!玉子燒熱辣辣上枱 食時會燙口 加入了高湯的玉子燒食起蛋香濃郁 更帶點鹹鹹的鮮味 梳乎厘蛋口感鬆軟q彈 內餡的粟米和芝士令整個玉子燒更添層次和風味🤤每卷壽司上都放了五塊忌廉芝士🧀咬落先嘗到濃厚芝士味 再有鰻魚的鮮味和三文魚子的鹹香🍣個人很喜歡食芝士所以很滿意 如果不喜芝士的會覺得有點過膩🤭沒有甜點怎算一頓完美的晚餐🤔點了最新推出的抹茶芭菲 除了必有的白玉蕨餅啫喱 還有甜甜脆脆的多士 水準不錯🍨望著海景 食著美味的料理 再喝杯甜甜的清酒🍶緊繃的心情也慢慢放鬆了😌

星期一晚上約7點沒有訂位2大1b即時入位見到有訂位的枱有卡放著很有心思下次希望訂到枱，坐埋海景位就perfect !由於帶住bb既關係我地無叫最出名既美人鍋共叫左4樣野總括來說這餐廳環境舒適待應服務態度良好，很主動加水亦細心放好餸菜(因有bb)食物質素高下次會再來👍🏻

拍拖週年想食日本野，又想有靚景，又要坐得舒服（女仔係多要求😝），所以我男朋友就book 左呢間喇！要行去LCX 既盡頭，遠就遠d, 但食完可以上去平台睇夜景，都係一個不錯既浪漫節目！由於book 左位，所以餐廳安排左海景位，加上手寫既一張welcome 卡，好窩心呀！炸粟米塔 $78每次去都會叫呢個粟米塔，好鐘意佢又熱又凍又脆既口感，不過我地2個人食都有d 漏，多人share 一齊食就剛剛好喇！美人鍋 $380必食美人鍋，骨膠原湯底，冇中式火鍋咁濃郁，可以食到食材既本質味道！而且有侍應來將食材放曬入鍋，擺得好精緻，所以食相都斯文d 😝 但雞肉唔知係來自邊度，肉質同平時食既不同，冇咁軟熟，口感相對有點"un", 唔係咁習慣！其他蔬菜好鮮甜，雞肉丸最好食😋😋由於怕唔夠食，我地另加 $15 多一個烏冬。豚肉卷飯團 $32豚肉包飯，上面淋上甜既燒汁，其實冇乜特別太驚喜。以呢個價錢可以有齊服務，海景，日本美食，我覺得係物超所值！下次再去叫另一d 菜式試下先

第二次嚟食，都係食日頭，但點解冇左我最想食嘅鰻魚炒飯嘅😭😭Lunch time 得set，朋友都推介拉麵，就試下啦。餐有沙律。我食柚子肉丸拉麵，湯好香好好飲！不過好似冇乜柚子味，連柚子肉都淨係得皮嘅苦味冇甜味⋯⋯比我之前食評另一間柚子拉麵淡。湯食食下會愈來愈咸，不過都係可接受範圍內。肉丸幾好味，食到肉嘅甜。朋友食雞腿拉麵，個湯好深色以為會好咸，但其實同我個碗差不多。另外小食的話，炸雞塊會好食過豬肉飯團。雞肉塊食落去唔算太油膩，飯團入面個飯冇味，不過外面的豬肉有燒汁，要平均分嚟一齊食先好味。杯茶都幾好飲，我壺幾特別。

今日約咗兩個好耐冇見嘅舊同事一聚! 去邊度食咩就由佢哋決定! 結果佢哋就帶咗我平時好少去嘅海港城其中一間餐廳! 餐廳裡環境相當唔相, 有卡位, 有方檯, 有露台, 餐廳裡仲可以欣賞住個維港景色享用晚餐! 遇著時間啱仲可以一邊食飯一邊欣賞個幻彩耀香江添😆 但好可惜我竟然冇影到個環境同大家分享一下環境分享唔到就分享吓食物啦！ 美人鍋 ~ 個湯底嚟嘅時候好似一個布丁咁, 然後熱住咁溶化, 材料就另外盛載的! 湯底熱到咁上下, 侍應會首先建議我哋飲吓啲湯先, 然後再幫我哋煮! 個湯底夠晒濃很好喝😋芝士豚肉飯團以為會好膩, 結果係最好味(個人認為)👍芝士溶溶哋係個豚肉上面, 要襯熱食先得! 小亮推介梳乎里玉子燒(蟹肉), 口感真係梳乎里咁, 內裡軟軟得, 微微甜幾好食即切沙律菜~侍應會係你面前切切切撈撈撈, 噱頭嘢, 不過都新鮮好味嘅! 炭燒走地雞可能因為我哋掛住影相搞到過了火喉, 所以食落有啲乾咁!其他食物,甜品就不過不失雖然沒有影環境相, 但望住個維港食晚餐心情很好呢！

每次行過都見有長龍,今晚特登嚟試由於有訂枱所以無需等候就入座被安排坐卡位,對住中環夜景食飯好有氣氛我地2人點左一個美人combo海老牛油果美人卷皮薄而且配菜新鮮,口感重重帆立貝玉子壽司卷帆立貝鮮味十足加上玉子,一流美人鍋湯底黎既時候係啫喱狀,等佢慢慢煲熱變湯底侍應過嚟幫我地載起2碗湯比我地試下我地都急不及待, 一入口係濃郁既雞味好creamy之後佢就幫我地落埋其他野雞肉加骨膠原湯底,雙重享受有3種醬汁,雞滑點左醬汁更加highlight左雞既鮮味蔬菜吸哂湯底既味

今次係二次黎食，事緣上次黎既時候有架大郵輪停泊左，完完全全阻住哂個景。今次又有好友相約，就又黎試試運氣啦。首先，呢個位置係相當係唔方便，係海港城近碼頭入口起計都要行十分八分鐘(~_~;)行得黎都肚餓了。不過都好既今晚，因為終於見到個景了咁當然都係繼續叫美人鍋啦，其實無覺得特別好食，不過都叫材料新鮮既。其實個人黎講比較喜歡佢啲卷物材料新鮮 配搭得都唔錯 唔算好amazing 但都幾夾 個帶子甜蛋卷都幾好食總體黎講，有呢個景呢，就性價比ok geh但如果想食好好食既日本餐廳就應該唔係呢度了

冬日行山之后需要找美食照顾一下胃（腿表示不服，行山明明累的是腿），不远万里到尖沙咀海港城看人山人海，哦原来今天是元旦。趁着午餐高峰过后人少，来到塚田农场吃日式下午茶。环境很好，聚会约会款待自己的好地方意式三文鱼和帆立贝，精致新鲜。热食推荐第一个梳乎厘玉子烧，鸡蛋么怎么做都好吃(｢･ω･)｢嘿，后面两个比较普通，第二个类似烧饼的还愉快的有点糊，影响味道呀！第三个是啥，吃完后无感。寿司卷有好几款都值得一试餐后甜品不可少，各有特色，看眼缘来点吧！

閨蜜book左呢間日式料理同我慶祝生日，一入到門口已經覺得好清靜、好舒服😌雖然已經有打電話book，但係window seat已經full曬，只可以揀table同bar枱，今次揀左table枱。入到有張卡仔寫住book枱人既名，連埋有件日本衫仔都幾得意。呢到最出名就係美人鍋，叫左$668既set餐，包左雞尾酒、前菜、鍋同甜品，另外再叫左個即切牛油果三文魚salad。上菜其實都幾快，大約十分鐘就已經有個鍋上黎，但係只有我地呢枱佢冇俾個配菜架我地睇，完全唔知道係咩樣。等個湯滾左後，侍應會黎問你落唔落雞，之後連埋配菜砌到靚靚甘，呢part做得不錯👍🏻食呢個之前同時會有兩個前菜，前菜個脆蝦卷👍🏻👍🏻👍🏻外脆內軟配埋調味真係不錯，美人卷有d失望，似係春卷包住一堆野，個汁又搶曬味。最好既係呢間餐廳冇限時，中意坐幾耐都得，我同朋友7點坐到9:20先離開，好岩傾計。美中不足係侍應態度有d差，朋友問餐既內容答得好hea, 同堆有被敷衍感覺。不過整體黎講都係不錯，好值得再食既一間餐廳👍🏻仲送會員卡可以換野食

約左兩個女仔密友放工食飯密密針。上網見到呢間食物幾精緻又係中心點尖嘴就早兩日訂定位。佢位置其實係海港城最盡頭，要過晒連卡佛行到尾所以人流都比較少，去到時都仲有少少吉檯。餐廳留左個靠窗位畀我地，景觀超有驚喜，基本上係望住成個維港。食物都係同網上見到的一樣精緻，我地三個女仔叫左一個美人鍋，追加雜炊，另外兩個卷物，再加甜品。通常精緻都會份量偏少，所以其實圍觀附近食客都以女性為多。最後埋單每位大概接近300一位，以咁既位置，景觀和食物質素算係Ok啦。幾個女仔傾下計算係唔錯既選擇。

同朋友食生日飯揀咗係尖沙咀既塚田農場, 聽講呢度好難BOOK 位所以一星期前已經打去BOOK, 得兩個時段揀, 一係6:30 食到8:00, 一係8:30食到收鋪, 最後BOOK 咗8:30一去到已見人龍, 好彩BOOK 咗位即時入得, 呢度環境幾好, 坐窗邊仲有夜景睇, 呢度出名美人鍋, 於是叫咗個2人份量, 由於個鍋係冇得加大只可以加其他配料, 於是加多咗隻雞, 後來又有人推住一車魚話可以切片起骨連同火鍋食, 而骨食到最後放落湯到再煲下。呢度D野食都幾特別, 而且有人會過黎SERVE你, 好似沙律, 估唔到佢會推一車食物係你面前切菜,切蝦同其他材料, 整好新鮮上枱。到個美人鍋, 係鍋度有一舊奶白色好似布甸既湯, 未飲已經FEEL到佢好重骨膠原, 當湯溶咗之後, WAITER會幫我地將食材一樣一樣排得靚靚入鍋, 食物未食得先飲啖湯先,似加咗奶既雞湯, 味好濃, 冇味精,而佢地既雞件件都好滑。熱盤叫咗個梳乎厘玉子燒, 蛋又甜又滑,再叫咗客豚肉卷飯團, 飯團外包上豬肉片同醬汁一齊燒,味道唔錯。其實仲有好多野未試, 睇黎要再ENCORE。

平日晚上，無book情況下，去到，等左幾分鐘就有位啦！（可能時間較夜啦，當時已9點啦）已是第二次黎到哩度用餐，上次因選擇了室外位置，所以點唔到美人鍋，今次就室內座位，當然就選擇了美人鍋，再加上鰻魚炒飯，兩個人食，係好足夠、好飽！美人鍋選了走地雞！當湯煮好時，會有小碗充滿骨膠原的清湯飲用，再由店員幫忙將所有材料放人鍋內。清湯真係好清甜、唔會太油膩！走地雞肉質好嫩、唔會鬆散！配菜上，相片上紫紅色的原來係蘿蔔，十分之好味！鰻魚飯味道適中，不會太濃味。另外都有叫了飲品！因唔飲酒的關係，所以特別留意無酒精飲品，都算多選擇。店內環境舒適，座位寬敞！有戶外位置，如只飲野，天氣又不是太熱或太凍，室外位置係首選！可以對住個海景，真的好靚！

+ 環境靚，望哂成個海景- restaurant manager連個二人千幾蚊嘅餐 可以揀咩野飲都唔知- 啲蠔煮到韌哂 又細隻到呢 調味又完全唔入味 個汁嘅味係完全無入到落d蠔到- waiters and waitresses簡單講 可以話發緊夢，拎野飲黎就求奇放係佢最易放嘅位置，同野飲應該放嘅位置差好遠。問佢地基本野又唔識答- 主菜係四舊日本走地雞加兩碗白飯 用左小小鹽調味 係一人份糧 - 甜品係一個vanilla雪糕 加兩片蘋果 無特別 哩個價錢可以食好好多，我地埋單$1300 似食左$500野 又唔飽無計啦 d錢全部攞黎食個景 d員工非常junior全餐飯得一位serve我地嘅female staff係 professional 唔可以recommend間野俾人 因為真係諗唔到有咩好野