塚田農場 (已結業)

提早和屋企人慶祝父親節，呢間店可以一邊食飯一邊望住個靚景，感覺好舒服，岩曬一家人食晚飯。叫了幾個餸，有salad、烤大分汐姫蕃茄芝士配免治雞肉、三文魚親子鹽昆布炒飯、梳乎厘玉子燒、關島海老、燒茄子和吞拿魚美人卷。吞拿魚美人卷都幾好味，保持水準。烤大分汐姫蕃茄芝士配免治雞肉，蕃茄配芝士幾好味，蕃茄營養價值高，很喜歡吃蕃茄，覺得健康D！雞肉味道還好，不會太老，都可一試。三文魚親子鹽昆布炒飯很好吃，不會太咸，味道適中。喜歡吃昆布的很合胃口，配三文魚很夾，口感不俗。關島海老都不錯，味道還好，蝦也挺有鮮味，和幾個朋友或家人share就可以，有點熱氣，不會吃太多，最多2～3隻。梳乎厘玉子燒比想象中好吃很多，很有驚喜，口感很彈牙，滑滑的，非常好吃！我和屋企人都最愛吃這個。環境舒適，和屋企人過了愉快的一個晚上。

朋友建議到海運大廈dinner，之前試過一次塚田，食完後唔記得寫食評，所以再食一次。 得三個人，唔可以叫太多野，但點都要食美人鍋，個骨膠原湯底唔錯，配料有雞件同埋四粒豬肉丸，另加一大盤新鮮蔬菜，侍應叫我哋首先試吓湯底，之後先至好用嚟淥嘢，最後證明，未淥過嘢嘅湯底最好，因為最後個湯會變得好鹹🤪另外仲叫咗個牛油果蟹肉沙律，比較一般，仲加咗個炸蝦反卷，都係好一般，叫咗個酥炸魷魚，亦都係好一般。我估應該係叫錯咗野。

6點半黎到拎位，門口既少姐話有吧台位，咁我地都無所謂，點知行到入去就話原來無位，outdoor坐唔坐，咁好啦坐左出去。都估到好難先叫到侍應，諗住坐出面靜啲少啲人都好啦。叫燒帆立貝，問佢到底係我自己燒定廚房燒，佢話佢地會幫我地現場燒。咁照叫，到佢地拎出黎先話出面outdoor燒唔到要係入面張台燒。咁都算，我地都估到啲侍應係唔想行出黎燒，點知我地見到入面有好多個無戴口罩既客人企左係度等位?講野(以我所見應該又係門口位帶位小姐亂咁帶客去啲已經有客既台，但明明位帶位小姐睇住部機有無位先帶客，都可以入到去先發現有人坐左張台?)，總之啲口水周圍噴，而我地個燒緊既帆立貝就係open area無人理佢我地即刻話唔要。有無肺炎都唔應該咁樣呀?另一個地雞燒我地話堅持係我地台燒，個侍應都好堅持唔肯，咁我地就話自己燒，佢一句好呀(好開心唔洗做)就走左去，完全唔會講下到底要點做要燒幾耐，果塊咁既葉到底包住定點。野食既味道一般啦，但如果無coupon 咁既服務再好既食物，仲要其實啲食物真係一般，真係無回頭。到差唔多食完，佢地竟然安排左5個好嘈既女士入黎企係條好窄既路度飲野。我地都立即埋單走人了。埋單既另一位女侍應

之前嚟過呢度食過中午餐，今次老公就帶我嚟食晚餐，呢到可以飽覽成個維港景色，真係完全加分啊！晚餐喺呢度食真係非常之浪漫。跟住我哋主力就係上嚟食和牛美人涮鍋，呢個湯底用非常之多嘅雞骨黎熬製而成，骨膠原非常之多，所以我哋叫咗個湯做美人鍋。首先佢有兩種味道選擇就係壽喜燒同原味，我哋今次就選咗原味，一上枱成個鍋都圍住和牛，全部和牛都非常之薄切，而且和牛底下就有啲新鮮嘅蔬菜，可以中和翻食和牛既油膩度！味道非常之鮮甜。唯一要挑剔嘅就係價錢比較偏貴少少，不過間唔中食一次半次都係值得嘅。

上星期六海港城開始有返7成人流，自然好多餐廳都爆哂。連一d平日較少人去嘅餐廳都大排長龍，去咗呢間日式餐廳walk-in排咗約40分鐘先有bar枱坐。食物唔係太多選擇，但叫咗美人壽司set都算幾好味，份量以一位女士嚟講亦足夠有餘。朋友就叫咗豚肉飯，送飯亦一流。唯一缺點係餐廳8成係bar枱，餐枱只有少量。一個午餐約消費$200-$300，但只能坐bar 枱，而和隔離坐位又近，坐得實在唔舒服，我覺得感覺爭D。所以如果想去食飯，就要預早book定枱。

因為有海港城coupon 想打邊爐 溫野菜又等太耐 所以黎左試下呢間餐廳2人揀左個美人鍋食其實個鍋好唔抵食 420蚊+1 得好少肉類 同瓜菜一塊牛都冇😑 個烏冬要另加15蚊我地再叫左蟹肉帆立貝味增烤菜呢個幾好食 不過就細碟左啲見佢咁好食 諗住再試埋個長芋明太子芝士燒點知就中左伏喇 食左啖就唔想再食我地仲試左個日本炸麵包雪糕 還好喇 不過不失不過呢間野啲價錢都唔平 希望個服務質素可以提高返少少我地本來叫左個炸麵包雪糕 話左最後先上點知啲員工好似個個趕收工咁 我地都未食完個鍋同埋啲小菜 就已經上埋個雪糕比我地叫個職員幫我地收埋先 就叫我地等陣 但一去冇回頭 個雪糕會熔架...最後第二個職員先幫我地收埋先但再上個雪糕時 又唔比甜品刀叉人同埋舉左手好耐都冇人理，杯水唔會幫人refill一下 etc總括而言 試一次就夠喇

[🇭🇰香港- 尖沙咀].🔻美人鍋,湯底好黏口,應該真係用咗好多雞去熬,可以保充返啲骨膠原,揀咗配牛肉,有6大片但肉質就一般啦,反而配料好豐富又健康,有雞肉丸,唔同種類既蔬菜-金菇,豆腐,蘿蔔片...壽司set個賣相唔錯但卷物味道就麻麻地;想推介小食-"蟹肉梳乎里玉子燒,"口感唔錯,味道好似日式甜蛋.🔻🍽 塚田農場📌 地址: 尖沙咀廣東道3-27號海港城海運大廈2樓OTE 202號舖.#tummysready #tummysreadytoeat #tummysreadyinhongkong #tummysreadyattsimshatsui #tummysreadyforshabushabu #tummysreadyforhotpot #tummysreadyforjapanese

第一次來這間店，由於在疫情下，人不多，坐位好好，可以看海，環境不錯。以下介紹一下食物，我們，三個人，點了五款食物兩款甜品，好满足。海老枝豆芝士炸春卷，皮比較林，有點似食越式米紙卷，食到有幾粒蝦肉，不過味道普通，不太特別。蟹肉帆立貝味噌烤菜，芝士味比較重，不太食到味噌的味道，以薯仔片做底，都幾好食，不過蔬菜不算多，有待改進。三文魚牛油果美人卷，都係用越式米紙卷的方式包，不過因為比較喜歡食蔬菜，所以食入去都幾清新，但三文魚味就一般，不過都好味。豚肉丼，米飯好味，豚肉亦烤得不錯，有點似豬肉乾，但有肉汁，惟汁較咸，有改進的空間。美人涮鍋(和牛及豬腩)壽喜燒，這個正！牛肉及豬肉都好食，加上湯底很好味，加入蔬菜，不會太油膩，如果人多食加多碗飯用湯底泡粥，仲好！這個值得再食！甜紅薯泥糰子冰淇淋配芝麻雪糕，丸子彈口都幾好。抹茶餡蜜芭菲配焙茶雪糕，個雪糕好好味，仲有綠茶啫喱及少少紅豆，這個很好味，下次都會再食。是次惠顧食物不算太特別，但水準不錯，有機會都會再食。

啲人成日話經濟唔好，飲食業好難做，無生意，今日請咗半日假hea 下，估唔到weekday 咁多人，好多餐廳都full ,想encore 1881walk in無位，行咗去海港城，好多食肆都要排隊，最後揀咗食呢間，都坐咗9成，雖然有海景，不過冷氣唔太夠。order 咗個雜錦壽司御膳，佢menu 寫壽司，其實唔係一件件，係魚生飯，魚生都幾細粒，飯應該都唔係珍珠米，另外一個係美人壽司御膳，賣相好靚，有手卷，豆腐同天婦羅，手卷size幾好，一啖一件，天婦羅有蝦，粟米，旁邊另外都有炸物，係魚，仲有個賣相幾靚嘅係腐皮包住啲蛋，鰻魚同魚子，overall食物都唔算高質，天婦羅都炸得麻麻。set 配沙律同飲品，飲品有烏龍茶，橙汁，咖啡同汽水，我地揀咗橙汁同檸茶，雖然無咩特別，不過就有個海景可以hea到4點。

今日揸車去咗海港城 LCX 攞野，因為依家消費 $100 蚊就可以免費泊一個鐘如此類推，所以順便喺附近醫埋肚，費事蝕咗停車場收費。有幾間都好想食，例如六公館、松藝館、天穴、映水芙蓉、度小月等等，最後揀咗塚田農場。午市餐牌選擇唔算好多，餐廳景觀同價格以尖沙咀黎講可以接受，叫咗京都特色伴菜配鯛魚 & 鰻魚茶漬飯御膳。午餐會跟飲品及沙律。京都特色伴菜配鯛魚 & 鰻魚茶漬飯御膳 ($218) : 賣相都幾精神 👍🏻 伴菜有七款咁多，有玉子、凍豆腐、吞拿魚、牛肉、 刺身等等，每款都各有特色，而中間就有四件天婦羅炸物 ; 而且每款伴菜都細細碟，樣樣都可以試到，但又唔會食唔哂 ; 鰻魚雖然比較細件但豐腴多汁 🤤 茶漬湯味道甜甜地清清地超正 👍🏻

今個週末很多餐廳都滿座了，這家餐廳只剩outdoor 有位置。因天氣很好，有點風，岀面的位置亦非常舒適，很適合拍照。我們點了兩個下午套餐，有咖啡/茶/果汁/汽水提供兩個餐各有麵豉湯，天婦羅，漬物，炸魚，腐竹皮。天婦羅和炸魚都不油膩。腐竹皮的食法也很特別，是把烚好的腐竹皮疊成如迷你豆腐磚再加上醬汁像蔴醬。魚生不算鮮甜，味道一般。蟹肉同牛肉壽司都好吃。清淡配搭，不過不失。個人不喜愛吃中國鰻魚，因為魚腥味很重。每次要吃都是要日本鰻魚，比較安全。我接受到這個餐的鰻魚。雲呢拿雪糕加蘋果同合桃片。蘋果和雪糕都是甜甜的，很夾。但價格有點高，不特別，不太值。環境一流👍🏻👍🏻👍🏻食物都不錯👍🏻服務一般是因為服務員的態度讓人感到不想招待，點餐時回應語氣有點不耐煩，但女職員服務是ok的。我第一次在尖沙咀這個價錢的餐廳有這個感受。光顧價錢平一半的餐廳也沒有這個情況。

夜晚八點幾，見唔少人排隊，所以試下喺出面排左30分鐘，諗住入去食好野，點知嗌左個美人涮涮鍋-和牛豬腩肉個所謂好出名嘅湯底不過不失，冇咩特別但係啲肉真係唔掂，份量唔多之餘，又真係唔好食，肉就點麻醬食，吉野家個麻醬好食過佢另外有一碗鰹魚湯，用嚟點菜食，個鰹魚湯就唔錯既，$560食離個鍋性價比簡直係負數食牛X好過另外嗌咗個鐵板炭燒雞，幾香同幾滑，有7,8件，但$238唔值環境方面，係唔錯嘅，但係如果用呢一個價錢，咁嘅食物質素，寧願食隔離嗰間映水芙X，一樣有靚景，人地好食好多唔會再去

塚田牧場因為有coupon諗唔到食咩就求其入左間本身冇咩期望 好好彩佢比左失外我地坐 望住條維港食嘢食都幾特別 叫左個鰻魚卷 炒飯 茶漬飯 同生果卷嘢食幾好食嫁 價錢係正常日本嘢價錢但用呢個價錢有好嘢食又有景食真係⋯⋯🥰______________________________總結：⭐️⭐️⭐️⭐️ 推介味道：❤️❤️❤️❤️（覺得好特別 好Fresh）份量：🍚🍚（有小小似fine dine嘅覺得好細因為）環境：🍴🍴🍴🍴🍴（好到冇得彈）服務：💪🏻💪🏻💪🏻（有海景我坐 太好啦😚）價錢：💸💸💸（偏高嘅價位 但係合理）

非常之鍾意喺呢度食晚飯，因為店內有落地大玻璃，能夠睇到維港美麗嘅景色，淨係呢個無敵大海景都已經令店舖嘅格調加分。今晚一家三口去食飯，我哋點咗個店主推介「美人涮鍋～和牛」用大量雞骨熬煮超過8小時做湯頭，再加上美味嘅和牛肉片、腐皮葱卷及新鮮蔬菜打邊爐，味道鮮甜，啖啖都係牛肉同雞湯精華。塚田農場最出名就係食雞料理，聽聞香港店嘅雞肉料理都係精選來自日本養育場嘅走地雞，而炭燒走地雞係日本塚田農場嘅必食名菜，雞肉沾上炭燒嘅香味，加上雞肉口感又嫩又彈牙，唔怪之得喺咁受歡迎！另外我哋再點咗意式生鯛魚片及鰻魚炒飯，魚片卷拌香醋汁，魚嘅鮮甜感覺失色，反而鰻魚炒飯就非常好食，有興趣嘅大家記得來試下啦～

話說去吃lunch. 叫了個和牛及炭燒雞。 個景係1流， 到了的set lunch, 食物質素是可以的；但價錢就比較貴。 本身見到openrice有明日booking就即刻book. 全因方便，唔洗預早book位。 如果要hea個中午又想即刻(早1日) book定位，可試試！