塚田農場 (已結業)

今日揸車去咗海港城 LCX 攞野，因為依家消費 $100 蚊就可以免費泊一個鐘如此類推，所以順便喺附近醫埋肚，費事蝕咗停車場收費。有幾間都好想食，例如六公館、松藝館、天穴、映水芙蓉、度小月等等，最後揀咗塚田農場。午市餐牌選擇唔算好多，餐廳景觀同價格以尖沙咀黎講可以接受，叫咗京都特色伴菜配鯛魚 & 鰻魚茶漬飯御膳。午餐會跟飲品及沙律。京都特色伴菜配鯛魚 & 鰻魚茶漬飯御膳 ($218) : 賣相都幾精神 👍🏻 伴菜有七款咁多，有玉子、凍豆腐、吞拿魚、牛肉、 刺身等等，每款都各有特色，而中間就有四件天婦羅炸物 ; 而且每款伴菜都細細碟，樣樣都可以試到，但又唔會食唔哂 ; 鰻魚雖然比較細件但豐腴多汁 🤤 茶漬湯味道甜甜地清清地超正 👍🏻