堅信號上海生煎皇 (淘大商場2期)

营业中

休息中

九龍灣上海煎餃皇 - 堅信號自從朋友係屋企附近嗰間堅信號買完外賣俾我食過之後，就已經好耐冇食過上海菜啦，一直都好想再親自堂食一次回味，咁岩今日行開九龍灣，原來淘大商場都有一間係度呀 ! 入到餐廳見到人頭湧湧，就知餐廳好受歡迎啦。於是我同朋友就決定今日既午餐喺呢度解決。餐廳面積唔算好大，所以午飯時間都好易坐爆人。不過好彩咁岩有食客離開，我同朋友先可以即刻就入得去食啦。餐牌選擇都算幾多，不過午市套餐就更加抵食，$50幾$60就已經有一份小食﹑飲品同主菜 ! 當中仲包括主打嘅上海生煎包枱面仲貼咗唔同小菜嘅圖片供食客參考，咁好彩最終叫既野食都唔同想像中有好大出入咁就簡單介紹下其中3個叫左既野食啦 :原味黃魚濃湯拉麵既份量好足，上枱已經俾個碗嚇親D魚食落都算新鮮，魚肉片都香口，魚湯調味適中，令麵條食落十分煙韌滑溜，而且麵條粗身， 十分有質感，落埋辣椒油既話味道層次更為豐富堅信號生煎包，食落就明白點解係餐廳主打，生煎包外皮煎得十分香脆，但一咬落去就會有大量嘅肉汁流出來，第一口甚至有汁彈出來(熱辣辣食要小心呀 ! )，餡料亦十分豐富，吸收晒肉汁精華味道很好外婆紅燒肉，亦係上海菜嘅特色之一，不能不點

放假同肥髀去牛頭角買日用品，揀左呢間上海菜快餐店，去到唔使等位，店員安排了靠牆二人枱比我哋，像茶餐廳格局，餐廳是電子自助落單，食物好快到生煎包（$20/2個）皮較硬，湯汁夠，肉餡唔乾，芝麻香，幾好雞絲粉皮（$30）粉皮彈牙，青瓜絲爽脆，芝麻醬不會太濃，撈埋好食秘製厚切豬扒上海粗炒（$70）賣相不錯，上海麵很粗彈牙，醬汁很濃，掛麵不錯，椰菜爽脆，豬扒夠厚而不會乾，半肥瘦索晒汁好味灌湯小龍包（$18/2個）夾起皮穿了漏湯，少失望，皮有煙韌感，湯夠多，肉唔乾，ok食物水準ok，喜歡有小份量嘅選項，我們人少都可以試多兩款食物水準不錯上海快餐

堅信號嘅上海菜唔貴，但質素同服務都幾好。聖誕節中午時間去到唔使等位即刻有得入座，用QR code點餐，野食好快就會送上。蟹粉小籠包兩隻 ～都有少少蟹粉味，可以一試灌湯小籠包兩隻 - 熱辣辣爆湯幾好味生煎包兩隻 - 我枱面上有食法介紹，要先咬開塊皮一小口吸下d汁，吹下佢先食，幾高質，真係熱辣辣多汁而且好味。糖醋脆黃魚配飯- 酸甜汁好正好開胃而且，有好多菠蘿，仲有青椒紅椒配搭，魚塊數量吾少，亦都好吸汁，撈飯一流我哋之後再加單叫咗上海菜肉水餃同埋竹蔗茅根，唔記得咗影相，竹蔗茅根我覺得冇咩味，水餃ok

呢間生煎包喺淘大都開咗一段時間，但因為價錢都唔算話好平，所以一直都未去試食。有一次朋友同我講話佢哋嘅生煎包好好食，所以我決定要試一試！😋😋😋------------------------------佢哋依家外賣四個生煎包就$30，但四個三煎包邊度會夠飽，所以我就另外叫咗京蔥牛肉菜飯。------------------------------生煎包：有驚喜！😋一咬落去就爆曬啲汁出嚟，勁多汁，個包皮都唔算話太厚，好好食！------------------------------京蔥牛肉菜飯：可能因為佢哋主打生煎包，所以佢個京蔥牛肉飯唔算話好好食。個京蔥牛肉好多油，調味略淡，份量都比較少。------------------------------鍾意食三煎包嘅朋友可以試吓，但係就唔好對佢啲主食太有期望。🥴

昨天經美食平台訂咗個2人套餐，因為前一天預訂，為免有留單情況，我於今天送餐前一小時致電餐廳確定訂單，我哋揀咗糖醋排骨飯、京蔥牛肉麵、小龍包、生煎包、豆漿同綠茶，食物質真係算唔錯，由其是生煎包真係一定要叫皮脆咬入包有肉汁，而小龍包同皮薄多肉汁真係真心值得推介，最重要沒有因為外賣送使食物味道有改變。只是由於送錯飲品，致電店舖，職員很好馬上幫我跟進送回飲品同時再送生煎包，服務真係一流，屋企人已經order 話一定下次要再幫襯。

之前成日想試都冇機會，今日同朋友喺九龍灣行完街就去咗食。星期四晚8:30冇人排隊，直接可以入。職員十分有禮貌，提醒我地scan QR code 自助落單，又提供口罩套。我地order 左4粒一直最想試既生煎包，底部十分香脆，面頭有蔥花同芝麻，一啖咬落去有湯汁噴出來，暖暖地又未至於燙口，我一個人食左3粒😂😂另外仲order 左個雞排菜飯，雞排大大塊，不過不失。 仲有就係五彩麻醬撈麵，可以揀走某邊樣配料同多醬，呢樣野幾細心。👍🏼整體都唔錯，有機會會再食。

🍭九龍灣食咩好？🔸之前喺旺角返工經常都會食呢間堅信號上海生煎皇，不過好耐都冇食了，而家係淘大開咗分店，當然要再嚟食下啦🤗🔺招牌生煎包個底煎到好脆，個皮都幾薄👍🏻好多汁，食個時記得小心d😂我就稍嫌個肉味重咗dd 🔺雞絲粉皮呢個粉皮超薄超爽口，雞絲好滑，配埋麻醬，超好味😋🔺麻辣雞腳雞腳好爽口，個麻辣汁好香辣，正👍🏻🔺小籠包呢個小籠包一般，皮唔夠薄同埋肉味太重，個人覺得唔掂👎🏻🔺麻辣猪耳呢個猪耳又係好正，好爽口，個汁辣得非常有後勁🥵💫整體食物唔錯，小食有驚喜，反而兩樣招牌菜失色咗少少，必食雞絲粉皮😋👍🏻員工都幾有禮貌😝想簡簡單單食下上海野，呢間都算可以😆

大學時期已經成日去生煎皇，嗰時得旺角一間分店，坐得好迫但係已經知係好嘢嚟，因為性價比好高幾年之後嘅今日原來已經咁多分店豬扒菜飯必叫，豬扒有少少蜜汁味，咬落唔會好韌，不過同樣問題，就係菜飯都冇乜菜既😅😅唔講真係都唔知係菜飯雞絲拌麵，呢個係夏天必點，以為係麻醬，其實係少少甜味嘅冷麵汁，雞絲足料，多啲蔬菜就好喇跟餐嘅小籠包，湯汁夠多唔會乾爭爭，肉餡鮮甜孜然雞翼不過不失，有少少香料味，唔太鹹都ok。試咗幾間分店，水準差唔多，會繼續食

：「以『生煎皇』為名，口氣頗大，但名不虛傳。」《製》堅信號上海生煎皇（九龍灣店）《品》【秘製 #豬排 #擔擔麵（多花生醬、多蔥）】$62🔸湯雖偏稀，欠醇厚口感；但花生麻醬味明顯，偏甜可口。🔸未到極濃，但多醬始終搭救濃度，且口感微沙似沙爹。🔸肉碎、花生碎、蔥花頗多，使得口感香氣豐富不單調。🔸一絲微辛，但絕不算辣，增味添香。▫️麵質普普，偏軟；許是湯不夠稠，麵不算掛湯；▫️若欲一口得麵與湯，需用湯勺盛之。♦️豬排乍看有微微焦變，雖不脆，但色澤靚麗；♦️香而軟腍，醃得入味！♦️密度高而不柴，稍似叉燒，口感佳。♦️疑以蜜汁燒過，甜味掛帥，頗有驚喜。♦️雖油脂較多，但整體上佳。🔎#老饕鑑鹹_上下品—————————————————————————【#生煎包】▫️賣相極佳，表面飽脹圓滑，麵皮薄而具麵粉香。▫️綴以滿滿蔥花芝麻，非流於賣相，香氣飄逸，津河暗湧！🔸底層呈螺旋形，煎得金黃，脆如厚切薯片；🔸雖比「誠記」薄，但脆度相若！♦️肉餡飽滿，瘦肉居多，不膩，適合老饕。♦️熱辣新鮮，湯汁夠熱，多而鮮甜，整隻入口有爆發之效！皮薄：5/5；汁多：4/5底脆：4/5；底厚：3/5肉量：4/5；肉香：4/5；肥瘦：4:6麻香：4/

生煎包熱辣辣好多湯汁，好好味😋；回鍋肉粗炒，味道偏鹹，回鍋肉好老，咬唔爛，格硬吞都困難，可能我牙力唔夠，牙齒唔夠利；秘制豬扒菜飯，豬扒有別於我在任何餐廳食過嘅豬扒，超軟林，無咩口感；竹蔗茅根汁清爽可口，唔會太甜；口水雞翼一般般。

淘大依間堅信號都開咗一排今日終於有機會試下我地晚餐時間去到套餐贈送小食同茉香綠茶我揀咗上海醬蘿蔔 咸甜適中咬落爽脆 好開胃呀另外仲可以揀麻辣豬耳正餐 選擇都幾多 叫咗個四川擔擔麵 餐牌寫住係辣嘅不過黎到我覺得一啲都唔辣喎甜味偏重（我最愛）肉藻打到好蓉 而麵嘅口感好軟身煙韌整體口感就係好香濃軟滑令我一啖接一啖咁食曬😋另外朋友叫咗豬扒湯麵豬扒嘅賣相都好吸引肉質睇落鮮嫩多汁 下次有機會要再試埋佢除咗套餐之外依度嘅餐牌仲有好多小食例如招牌嘅小籠包同生煎包而早餐既栥飯都好吸引呢整體黎講 依家餐廳無論味道同價錢都好合理食物選擇亦多 我係會再次幫襯嘅！

嚟到之後，睇一睇Menu，發覺佢個套餐好抵食！大約$60度，就已經有一個主食、一個小食同埋一杯飲品。於是我哋叫咗個外婆紅燒肉菜飯，小食揀咗麻辣無骨鳳爪，而飲品就要咗杯豆漿！咁多嘢食加埋先62蚊，真係起抵食😚外婆紅燒肉肉質鬆軟，燜到好林，一啲都唔會韌。個麻辣無骨鳳爪味道好好，唔算好麻，本身見到麻辣都有少少怕，但原來只係少少啦，唔係好食得辣嘅人都接受到！最正係啲鳳爪已經去咗骨，可以好放心咁食，鳳爪食落個口感好好，少少脆，成日好怕冷盤會食到有腥味，但呢個一啲都無，好值得一試！嚟到呢度，梗係要試佢個生煎包啦！我哋叫咗4個包，一嚟到非常香，個底煎到脆，一咬落去，爆多肉汁，多到熱親個嘴，真係不得了！建議大家等一下先食，因為實在是太新鮮啦！個皮好薄，肉餡又好新鮮！一下子就清咗兩個，於是我哋忍唔住叫多兩個食！下次可以再encore😝😝

知道淘大商場都開咗生煎包，終於揾到時間去試下😋我哋幾個人好貪心，要咗午餐、生煎包、小籠包仲有一啲小食！黃魚濃湯拉麵🍜上菜嗰陣，已經見到好靚，係一條完整嘅黃花魚起咗兩條魚柳嘅肉出嚟，加埋啲配菜，五顏六色好靚。一試更加不得了，無骨啖啖肉之餘，啲魚肉仲好滑，配埋啲汁真係好好食！個魚湯仲好鮮甜，真係冇講錯係濃湯！灌湯小籠包嚟到上海菜館，點可以唔試吓小籠包呢，小籠包鄙薄餡靚，啲肉又好新鮮肉汁清甜，值得一試👍🏻堅信號生煎包嚟到呢度，梗係要試吓佢嘅招牌生煎包，睇到枱面有個生煎包教學，真係好搞笑，但係多得呢個教學先唔會辣親個口！因為生煎包真係爆曬汁，入面啲汁超級熱辣辣，一唔小心真係會辣親🤣🤣我哋細細啖咬開已經爆曬汁流晒出嚟，加埋個除博博嘅包皮，真係一試難忘！堅信號秘製豬扒菜飯個豬扒甜甜地，肉質鬆軟，食落有少少似叉燒嘅感覺。上海菜一直都非常之濃味，但係呢個豬扒啱啱好，個人覺得好符合香港人口味！雞絲粉皮份量都幾多，雞絲配買青瓜仲有粉皮簡直係最佳配搭！用咗日式麻醬，食落好香！

豬仔今日約左朋友來到九龍灣行街經過這間 堅信號上海生煎皇由於很久沒有吃過上海菜的關係和朋友都覺得很想食於是便在這裡食晚餐生煎皇特惠晚餐低至六折有小籠包兩個、主菜和飲品還可以用優惠價格追加小吃小籠包想不到這裏的小籠包也不錯外皮薄薄包住肉 滿滿湯汁 點上薑醋 正生煎包這裏最有名的生煎包 當然要點來試試生煎包熱辣辣 鎖住肉汁外皮吃下去脆脆的一咬落去 先喝掉湯汁 味道很鮮上海粗炒這盆粗炒的份量十分足滿滿一大盤絕對吃得飽配上肉絲、冬菇和菜 不錯不錯川味口水雞翼菜飯川味口水雞的味道麻麻辣辣最特別是加了瓜子 吃下去很香口雞翼對半切開 方便吃用 而且更入味麻辣蓮藕同樣也是加了瓜子的麻辣汁配上爽口的蓮藕 味道很搭豆漿麻麻辣辣配豆漿就最岩啦 解渴又好飲

今日來到淘大的堅信號生煎包皇。這裏的晚市套餐非常抵食，每個套餐會送兩隻小籠包，另加一款小食再加十元而已。今天我們點了兩個套餐，分別是外婆紅燒肉菜飯和京蔥牛肉湯麵，另加了三款小食，麻辣豬耳，麻辣萵筍和必點的生煎包。這裏的生煎包肉汁香濃，鮮嫩多汁非常出色。小籠包亦在水準之上，湯汁豐盈。小食方面，辣度足夠，萵筍亦有清甜，可以一試。主食上我們較喜歡紅燒肉菜飯，紅燒肉肥而不膩和菜飯非常匹配。再配上清甜的豆漿，為今天豐盛的晚餐作美妙的完結。