堅信號上海生煎皇 (淘大商場2期)

营业中

休息中

🍴秘製豬扒擔擔麵 中辣 $68 (5/10)豬扒口感好乾，好硬，甜甜哋似叉燒，個味ok但肉質不了，之前食好好食，今次唔得😐擔擔麵叫咗中辣湯底，辣辣地，麻醬味唔出，辣味出啲，都算係濃嘅鹹鹹辣辣，如果麻醬濃啲會好好多！個麵幾滑幾腍，份量足嘅，但整體一般。🍴堅信號生煎包 $22 兩個 (8/10)即叫即煎，個皮好脆好薄大少少煙韌，肉好大粒，好有肉汁，有肉香味，鹹鹹香香有鮮味，幾好食！推薦指數: 6/10淨係生煎包保持到水準，豬扒同擔擔麵之前都好食，但而家已經不了，朋友食嘅紅燒肉都好難食，希望餐廳做返好過水準，如果唔係淨係買生煎包啦🙂

堅信號嘅生煎包係生招牌！每一次食都一定會有生煎包！擔擔面 -夠香濃，面底係偏淋身嘅。喜歡花生味嘅人都應該會鍾意呢個湯底。豬扒上海粗炒 -喜歡佢都算多菜，夠味道。但豬扒可能醃得太耐，肉質有啲鬆散。紅油炒手 - 味道就正常發揮，係唔夠熱。生煎包 -全餐重點，底煎得夠脆，內里鎖到汁。👍🏻總的來說，會再光顧嘅。不過感覺上好似冇以前咁好食了。希望堅信號分店開多左後，會繼續保持返水準啦。因為價錢上唔算平，如果食物水準保持唔到，而淘大又開多咁多食肆⋯⋯

防疫措施放寬後，商場都比之前熱鬧，所以周末想食個午餐 都唔係度度有位。 天寒地凍 都係心心念念想食熱湯麵同埋爆汁生煎皇🤣👉🏻京蔥牛肉湯麵配涼拌青瓜堂食特別覺得牛肉分量多，同埋大大舊京蔥好好味❤️👉🏻四川擔擔麵 配紅油抄手用手機下單自訂口味方便好多，因為用紙下單好似冇得揀走辣❤️👉🏻堅信號生煎皇一如以往，熱辣辣，包底香脆，正❤️👉🏻熱 茉莉綠茶依間分店用不銹鋼杯上熱飲😳😳😳好保温，啱哂依d 天寒地凍ge 日子😳😳😳👍🏻👍🏻👍🏻Ps 我見佢手機落單有得點紙巾一包🤣好想問佢係咪唔provide 紙俾客人🤣（雖然我用左自己的lol) 其實食佢ge 餐唔算好平，我覺得提供餐巾一張半張其實都好基本🙉🙈🙈🙈

🆗芫荽豬肉水餃8隻 - $40水餃排得好整齊，湯內仲有一小條芫荽，但餃子皮好厚，口感一般。而且都吾算大隻，餡料吾多，芫荽豬肉比例各半。湯底冇咩味。☑️ 爆章生煎包4隻 -$52呢個係新口味嘅生煎包，好有創意。外表吸晴，整到章魚小丸子甘，有紫菜絲、木魚醉、燒汁同沙律醬係面，都會爆湯，而入面嘅肉係紫紫地色，係章魚滑黎，味道都ok。🆗堅揪小籠包2粒 - $20呢個都係新口味，外表同普通小籠包一樣，而小籠包嘅餡同爆章生煎包入邊嘅一樣，有少少湯，但口感就同普通小籠包冇咩分別。☑️堅信號生煎包4隻 -$36都係原味最好食，包皮脆口，一咬爆湯，湯有肉汁嘅香味，餡料肉味濃郁。🔘糖醋脆黃魚菜飯 - $68菜飯ok的，但脆黃魚好厚粉，魚肉其實冇好多，雖然有菠蘿及三色椒作配菜，但糖醋汁得好少，想撈飯都吾得，而且酸甜味都吾出。☑️紅油韭菜水餃2隻+1隻生煎包 - $12呢個係12周年嘅配搭，價錢抵嘅，紅油水餃吾錯，夠香辣，韭菜味都香。

外賣：上海粗炒見食評有不少人讚好食，又唔會好多油，於是外賣一試，起初食都唔覺好油，味道都ok，啲餸都唔係碎濕濕，食到差唔多最底，啲油好多，可能堂食會好啲生煎包8/12堂食：試過熱辣辣，好好味！10/12堂食：不熱，暖暖的，沒有驚喜，都係熱辣辣最好食！

今日下晝去左堅信號淘大分店，叫左生煎飽，上海粗炒，加埋韮菜豬肉水餃。自助落單後，先來生煎飽，趁熱即食，一咬落去即標汁，好彩店員已事先提點過，有了準備，冇辣親個咀；裡面滿滿肉汁，好正！上海粗炒，麵夠粗，味道比較淡，要加D醋同辣椒醬先OK。最後上韭菜豬肉水餃，餃皮很滑，味道也是較淡。

之前經過 #堅信號上海生煎皇 已經想試，今日見到有下午茶就試下。我點咗佢出名嘅 #生煎包 套餐，另加小籠包同酸辣湯。枱上仲有教點食熱辣辣嘅生煎包，先唔會把湯汁射到週圍都係😂。生煎包外層鬆軟，包底仲好脆。一咬開湯汁會爆開，真係要慢慢咁食先得，加埋豬肉餡料，味道同口感都很好。灌湯小籠包 同樣充滿湯汁，皮夠薄，所以夾起要好細力。濃郁豬肉餡加埋惹味湯汁，食落都唔錯👍酸辣湯 🥣材料豐富，有木耳，冬菇，豆腐，旬等等。酸酸辣辣夠開胃，唔算好酸不過我都係覺得辣😅最後飲埋 #茉香綠茶 🍵，有好香茉莉花味，只係聞都好正😆。生煎包同小籠包果然係皇牌，下次要再食啊😋

一位女士進店堂食，男經理帶位比2個選擇，另一男客對面，或斜對面。現在抗疫為何是2人座對面坐，而店中有其他吉枱？如單人堂食就安排男女同枱？香港餐廳為何有如此安排？認為單人食飯會想搭訕？性別岐視？點餐後刻意將單放客用餐位置，在客低頭吃時伸手到客頭下面收碟。叫左3樣嘢食1個飲品。食物水準一般，就價位而言不能要求太多，但服務真如入去堂食就欠左佢地咁。加點後再次將單放客用餐位置，好像怕客點餐時沒看價錢，會想走數既態度。到食完攞單出去比錢，個男經理攞起張單竟然大聲問張單嗰枱客去左邊，要客就站他面前，佢解釋以為客係想點外賣？？？！可能都淨係想做外賣。總之無下次！

一蚊一分但好快到期，有450分襯到期前一日，諗住換6個生煎包，點知一定要有任何買野先換到，比其他餐廳麻煩，唔係完全免費要付外賣盒錢兩個盒共4元，疑似部長人士比平日買野態度差左，可能今日星期六較繁忙。下次唔玩儲分啦，生煎包反正做特價，費事煩

原來堅信號有好多間分店 但我第一次食咋而生煎包真係好好食!! 招牌果然無呃人呀😂😂生煎包入面係豬肉餡，而且充滿濃濃湯汁而最欣賞係個包底硬硬脆脆 口感十分好😋真係出色既👍咬落去之前真係小心辣咀同埋小心噴到人😆 枱面上都擺左張圖表教大家點樣食最好😂 上海粗炒又係不錯 未算太油 有冬菇片同肉絲 夠哂入味 岩哂重口味既朋友仔😆而且椰菜夠爽甜 麵質又彈牙 真心不錯😋😋下午茶份量都算大碟 夠哂飽肚👍加埋生煎包小食 成件事好圓滿😋😋

晚飯套餐好抵食 $70 秘製醬汁豬扒菜飯 配紅油炒手 配飲品 加$13有兩個生煎包仔豬扒口感似叉燒 我覺得好好食 又有菜飯選擇 3隻炒手 已經好飽 好抵食 加埋生煎包 太滿足下次會再黎試埋其他套餐

15/7/2022 負責收錢的男店員，問用八達通定現金，屋企人打算 用支付宝有優惠，給店員scran 後發现沒有任何優惠。該店員 即回答(你沒有出示個code ,所以不能享有優惠。)這已不是一次用同一理由，不給客人使用支付宝優惠 😤😤😤如不願意客人使 用支付宝優惠，請不要放個promotion stand 在cashier count 。而食物方便一 般，豬扒太硬.下次不會再光顧此分店。

相信堅信號嘅生煎包街知巷聞，大家都有食過，除咗生煎包之外仲有其他特別嘅菜式今日嚟到淘大商場嘅其中一間分店介紹下，生煎包分別可以揀兩件或者四件，佢嘅水準仍然都係咁高，裏面嘅餡料豐富，肉汁超多，皮薄餡靚真係抗拒唔到，真係可以一個人食晒四件🤤🤤🤤，唸起都已經流晒口水，明明先食完🙊🙊除咗生煎包外，我哋都嗌咗灌湯小籠包，呢款小食都係必叫，小籠包都可以做到皮薄餡靚，肉汁夠晒豐富，如果鍾意生煎包同小籠包嘅你一定要黎試吓，因為呢兩款絕對係堅信號嘅鎮店之品👍🏻👍🏻👍🏻我哋仲嗌咗回鍋肉上海粗炒，出面嘅上海粗炒多的是，但係回鍋肉就比較少，回鍋肉肥瘦均勻，每一片都係咁平均，上海粗炒嘅顏色色澤均勻，超級入味，麵嘅軟硬度都剛剛好，再加上大蔥，紅椒，同菜嘅配搭真係冇得頂😋😋而令一款就係韭菜豬肉水餃，除咗韭菜另外都有白菜同酸辣湯等，有辣有唔辣有素食，選擇都幾多，湯底都係清湯為主，水餃皮薄，餡料又多，韭菜又夠香，大細又平均，都係唔錯既選擇🫶🏼🫶🏼而最後嘅小食就係孜然雞翼，佢都係有三件同五件揀，雞翼嘅皮夠脆，炸得好均勻，但又唔會乾，肉汁鎖住喺裏面，超級惹味，飲品方面我哋就嗌咗豆漿，佢都有分凍同熱，豆漿味都夠濃郁，唔會好甜

近排晚上經常外出食飯🥢， 有時諗食乜嘢都係一個煩惱🤔。 放工揸車到淘大商場， 見到有堅信號， 之前聽朋友講這裏的生煎包幾好食， 昨晚終於一試😆。 點兩個晚餐套餐🍱 ～ 四川擔擔麵+涼菜雙拼+灌湯小籠包+酸辣湯+洛神花茶$89、 秘製豬扒菜飯+ 紅油韮菜餃+ 堅信號生煎包+ 熱豆漿$85。 🔸四川擔擔麵🍜 ～ 濃香微辣的湯底，麵條帶點柔韌，惹味好吃。 🔸涼菜雙拼🥒 ～ 涼菜酸酸甜甜， 帶點爽口。 🔸灌湯小籠包🫓 ～ 熱辣辣一口爆汁， 皮薄汁多。 🔸酸辣湯🥣 ～ 有冬菇、木耳、豬紅、豆腐和肉絲， 口感豐富，酸酸辣辣，越飲越開胃。 🔸秘製豬扒菜飯🍛 ～ 豬扒厚切， 肉質軟腍， 味道不錯。 🔸紅油韮菜餃🥟 ～ 一碟有三隻， 辣辣的。 🔸堅信號生煎包🫓 ～ 爆汁餡料， 肉汁十足， 加上皮薄而挺😋，油膩感不高， 整體香脆可口👍🏻。 🔸洛神花茶🥤 ～ 微酸的，帶有絲絲甜味。 🔸熱豆漿🥛 ～ 有香濃的豆味， 真材實料。 整體味道不錯， 價錢相宜， 店員們的服務非常親切有禮， 值得一讚👍🏻。

之前食過佢嘅生煎包，都幾好食，所以今次就試下新菜式川味口水雞湯麵套餐：湯麵唔錯，口水雞個辣椒都唔錯，但個雞唔凍，口水雞嘅雞唔凍。。。而且雞嘅味都差左少少，簡稱唔好食茉香綠茶(凍)：雖然話凍，但其實都無冰，而且無糖，都幾健康😅果然生煎包店只適合食生煎包