堅信號上海生煎皇 (淘大商場2期)

营业中

休息中

疫情關係，很多原本晚上的朋友聚會也取消。 趁著這幾天不太忙碌，特別請了中午的假，相約媽媽一起吃過午膳，好好享受這悠閒的半天。餐廳位於九龍灣淘大花園的商場，地鐵站出發不用10分鐘便到，地點方便就腳。疫情關係，餐廳易安排入座時量度體溫，而且有洗手液洗手，抗疫工作十分足夠。 我們一行二人叫了兩個午餐，另外加配了小吃。雞絲粉皮(⭐⭐⭐⭐💢)清新開胃的前菜，爽口的粉皮和青瓜絲配上微微酸的麻醬，十分醒胃。鎮江肴肉(⭐⭐⭐⭐💢)鎮江肴肉一份有五至六小粒，膠質豐富，充滿彈性，吃起來冰涼可口，令人食慾大增。堅信號上海生煎包 (⭐⭐⭐⭐⭐)這個生煎包是餐廳的名菜，果然名不虛傳。表皮煎得香脆可口，軟硬度適中。咬開便是澎湃的肉質，熱辣辣，冬天吃一流。餡料也十分豐富， 而且不算太鹹。一份四件兩個人分享剛剛好。京蔥牛肉菜飯 (⭐⭐⭐⭐⭐)京蔥牛肉是媽媽的最愛，一場嚟到當然要一試。牛肉份量十分多，配上味濃的醬汁，拌飯一流。而且菜飯也值得一讚，用料十足，吃起來質感較乾身。 豬扒菜湯麵 (⭐⭐⭐⭐⭐)我選的這個豬扒湯麵也不錯。豬扒大大塊，而且十分厚身。烹調時配上蜜糖，吃起來十分惹味。而且湯麵份量也十分足夠，大吃的男生也

第一次試佢嘅外賣自取，因為裝修都几靚，嘢食都好多款式，等候時間都可接受。叫左招牌嘅生煎包，出名爆汁脆皮。好細好細個，仲要係好圓滑嘅形狀，好似肚臍餅咁，食落去個皮係脆，但係厚身冇味；係爆汁，但係唔覺得個包飽滿。即係皮同肉同汁係嘅口感係不能合埋一齊。亦叫左推介嘅黃魚雪菜麵，感覺一般，黃魚係炸咗但係冇乜味，湯麵亦都一般總之食唔出煮嘅心機同技巧雞扒菜飯，個汁係甜嘅，ok, 但係雞扒冇醃過，汁同肉又係分離最正常係杯豆漿，有啲豆味所以總括黎講，如果喺淘大食飯可以揀其他。

同朋友興起想食生煎包，上海野，就搵到附近有呢間堅信號，喺門口探完熱同埋消毒完雙手之後好快就有得入座仲有口罩袋提供俾你暫時袋住個口罩，好細心晚市有套餐可以選擇，仲要係有折扣優惠，可以平得來又試到多啲嘢，十分推介！今次嘅主打生煎包，一份有四個，外層皮唔會太厚太乾身，上枱時個溫度都夠晒熱，唔會凍咗覺得唔好食。入邊舊肉夠大小適中，唔會細細粒，而且味道都好有肉味，唔係得陣粉味，而且好多湯，果然係一個好嘅生煎包！ 套餐嘅蠔油生菜，蠔油唔會太多太鹹，生菜夠新鮮，最緊要冇青味，夠晒營養均衡，唔會剩係得肉同埋澱粉！京蔥牛肉菜飯，京蔥牛肉好有驚喜，每舊牛肉都好多汁好入味，用黎送飯一流，菜飯亦都好入味，唔會覺得菜同飯係分開，兩者好夾。

一直都很想試這一間 — 堅信號上海生煎皇今天剛好約了朋友來到九龍灣於是便提議午餐一起來這裡吃上海菜午市的時候已經高朋滿座等了一會兒才有位置 相當受歡迎午市有抵吃午市套餐 亦可單點選擇也不少 樣樣都很想試生煎包熱辣辣上碟生煎包 肉汁滿滿 鎖在包內外皮香脆 一咬落去 肉汁滲滿口腔 必點呀蒜泥白肉白肉切成薄薄的一片 上面加上香口惹味的蒜泥 配上自家醬汁 份外美味 味道亦挺特別京蔥牛肉菜飯京蔥爆得十分香 牛肉嫩滑一啖牛肉一啖菜飯 夠惹味 不錯不錯酸辣湯麵比想像中算是味道較淡的一款湯麵彈牙好咬口 湯底喝下去酸酸的挺開胃和以上菜式一起吃很夾抗疫期間也有限定的午市套餐買返屋企就又抵又好味也是不錯的選擇

今天中午到九龍灣工作，天氣寒冷，實在想念熱呼呼的餸菜，之前在旺角吃過堅信號，知道淘大有分店，今天再來堅信號😋個人認為套餐價錢相當經濟實惠， 60多元便有菜、餸麵和一杯紅豆豆漿，絕對會再來。糖醋排骨上海麵糖醋排骨醃得入味，有不少軟骨，是滿滿的骨膠原呢！而上海麵的麵質彈牙，配上糖醋排骨來吃， 合適。紅豆豆漿最令我驚喜的是這杯紅豆豆漿呢！紅豆經調味和烹煮後，軟綿綿的，充滿了紅豆香。配上暖暖的豆漿後，非常暖胃飽肚。鮑汁生菜套餐配生菜的性價比真高，又健康，而且加上鮑汁後，令生菜的味道更豐富。酸辣湯水餃酸辣湯的材料很豐富，有筍、冬菇絲和肉絲等等，而且酸醋味適中，最喜歡就是伴着水餃一齊吃，水餃是滿滿的菜肉餃。很開胃。

今日行經，見不斷有人賣外賣，又見食評未唔差，所以就小試牛刀，生煎包有2/4選擇，心大心細，又唔係好餓，又怕外賣凍咗唔好食，想收銀哥仔背後見到$30/4件海報。咁就實在太理想了。落單後唔夠1分鐘就可以拎走，以為好快跳上車食，點知塞車，唯有在街上等，實在忍不住，要趁熱食，所以走到街角，先食一粒，熱辣辣，燙口的！咬落去，上皮薄，下皮脆，再咬落去，就爆汁。感覺十分滿足。疫情期間，$30/4粒，性價比很高喇！

小胖超愛食上海菜，特别係小籠包，相比小籠包，小胖更愛生煎包，因爲生煎包的口感更豐富，小胖真心感到幸褔可以住係個充满不同國家美食的地方天氣變凍，令小胖更加想食到包覆住滿滿熱呼呼肉汁的生煎包，所以小胖去咗一間性價比高食上海菜的食店，堅信號佢係主打生煎包，當然除咗生煎包外亦有其他上海美食。小胖點了招牌必食生煎包，外婆紅燒肉配菜飯和上海菜肉雲吞麵。佢的生煎包外型堅挺包滿，包底脆香，一咬落去，熱呼呼的肉汁滿溢出黎，因爲內部肉汁好熱，所以小胖會先咬一個小缺口，將内部肉汁倒入匙羹到先飲，之後再將醋倒入生煎包內，之後一大口咬落去，脆香包底配滿滿的肉，肉的香甜加配醋的酸澀，真心好食！佢的紅燒肉炆到十分好食，肉質軟嫩又帶點甜甜的汁醬，配搭清香的菜飯，剛剛化解紅燒肉的膩佢的菜肉雲吞麵亦係包滿滿滿的餡料，味道清甜，適合口味清淡人士小胖和友人二人食到超飽，但平均50都唔洗，抵食，而且位置寬敞好坐，環境 乾淨，因疫情關係，店內采用一次性筷子，亦會俾個紙袋你放口罩

淘大新開左堅信號, 當然要買下外賣. 之前經過次次都好多人等外賣. 當然要叫生煎包($30/4隻), 糖醋排骨($60), 雞絲粉皮($30). 仲要有全單九拞. 都幾抵.必食當然系招牌生煎包, 真系好味, 外脆又多汁, D肉唔會有雪味, 不過呅第一啖時就要小心D汁咇出黎. 雞絲粉皮份量唔算好大碟, 不過D粉皮就非常爽唔立口, 醬汁好香真系好開胃. 糖醋排骨醬汁酸酸甜甜好滋味,  醬汁濃郁,  豬肉質容易入口, 唔太林唔太硬, 但非常入味,  好好送飯. 三款食物水準不錯, 下次再黎時希望保持水準🍽️

疫情之下雖然多咗喺屋企煮飯，但煮得多真係會好悶都好想出街食下飯～今日就近近地同爸媽去咗附近嘅淘大商場食飯，呢間食上海菜既，平平哋質素都不錯。晚市套餐多數都包左兩款小食同一款主食。其中一款小食係兩件生煎包，見間舖頭名叫自己做生煎皇，我諗生煎包應該係佢哋嘅主打～生煎包嘅size比想像中細，不過食落口熱辣辣，應該係新鮮煎起嘅，入面都多汁同食到餡料嘅鮮甜味👍🏻古法扣豬手，個豬手都炆得又林又入味，配上上海菜必食嘅菜飯，有菜有肉比較健康！掛住食好多其他嘢都冇影不過三個人食咗咁多嘢先係人均$100，都算幾抵食。

屋企樓下試下午客豬手菜飯＋酸梅湯$36兩件豬手大大件，入味！菜飯份量也不少，抵食！生煎包十豆漿$284個生煎包，熱辣辣，要好小心、好小心食，咬開有好多湯汁，不錯！胡麻醬茄子$13冷盤，麻醬香濃，配茄子一流

晚餐套餐 $72 有3款野食 幾抵食🤪1. 古法扣豬手湯麵3隻細豬手 夠淋 個汁少少甜 好味道!個米線湯麵湯底好鮮甜 似係胡椒魚湯 飲完都唔口渴 應該冇咩味精👍👍2.京汁茄子辣辣地嘅冷盤 茄子冇咩味 個辣汁係甜辣 都吸引、開胃😋😋3.招牌生煎包(2個)外面煎得香脆 個包唔粉 入面有唔少湯汁 豬肉餡料都唔錯 2個唔夠 想食多個🤤迷你蟲草花雲吞雞＄28真係好迷你😂 但都有2粒雲吞同雞脾而且湯好清甜👍

好少俾廣告吸引而去食一間舖頭但嗰日經過淘大商場 見到廣告上面個生煎包好似好多汁咁就忍唔住去咗食🤤居然又真係唔錯 仲要唔貴📍生煎包（4個）枱面有一張指示 教你如何正確進食生煎包😂😂生煎包入面好多汁 啲湯好濃郁 😍肉同包都不錯 上面嘅蔥花同芝麻亦令生煎包更香唯一可以挑剔嘅就係包嘅底部有少許過硬不過整體嚟講都唔會令人失望😌📍外婆紅燒肉簡直就係邪惡之選🙈🙈極肥膩但係真係極香口厚厚嘅肥豬肉入口則溶 醬汁好濃味😍偶爾放肆都唔係好過分啫🙈📍鎮江肴肉$32有八舊 鎮江肴肉嚟講都算幾平唔係話唔好食🤔但係味道好似比平時食開嘅淡啲但都算合格嘅 不過不失啦📍豬扒配上海粗炒套餐上海粗炒味道濃郁 啱晒重口味嘅人又唔會過鹹 豬扒就舊舊都大大件 又厚切 絕對唔會唔夠餸佢本來淨嗌一杯熱豆漿要成$12但而家只要再加多$10就可以轉套餐可以有杯熱豆漿飲 又多碟醬醃蘿蔔食 非常着數🤩🤩我叫咗咁多嘢食 除翻開兩個人每人都只係$96😳$100都唔洗 仲要唔使加一覺得性價比好高🤩🤤食完超級滿足如果下次去到九龍灣 再諗唔到食咩嘅話都絕對值得翻兜🥰

好耐無食上海野~今晚決定叫個外賣！兩個人食！叫左回鍋肉粗炒，酸辣湯同四個生煎包我仲加左個菜飯！真係好鐘意食菜飯哈哈回鍋肉粗炒味道不錯！不過偏油膩個生煎包好出色！底煎得好香成個包入面都係湯汁！推薦大家一定要試下

依間好多分店既堅信號發展得咁快，我都忍唔到要去試，一試就明點解可以開咁多分店啦，都有啲料到。首先佢有晚市套餐，好抵，比起單叫平65折，咁我就叫左厚切豬扒湯麵，配酸辣湯，配菜心，再加多一碟招牌生煎包。介紹下酸辣湯先，佢唔算好辣，質地都好正宗，唔會太水，所以都唔錯。。。厚切豬扒湯麵，佢係話係秘製醬汁黎既，我自己覺得似鼓油味，不過都煎得幾好食！一個餐夾埋又唔貴，仲要配埋酸辣湯，仲有菜心，菜心都唔算係難食，都有甜味，所以呢個餐都真係幾抵，大家可以黎食😂最開心係佢好窩心，有埋桂圓紅棗茶，要加6蚊，不過又真係真材實料既，佢d料有成半杯咁多，所以飲到尾有d甜架😝😝😝招牌生煎包更加係佢熱門推介，好食！佢真係勁爆汁，不過因為預咗所以冇辣親個咀，總括嚟講，依間，抵食！

主打上海菜嘅堅信號上海生煎皇新開不久就開咗幾間分店，睇落好似做得唔錯，今次一於嚟試吓佢嘅質素。雖然晚市有套餐選擇，不過我個人都係偏好散叫，至少食到嘅都係自己最鍾意食嘅，唔使俾佢既選擇局限住～餐牌都係大路嘅上海菜，而令人驚喜嘅係竟然有酸菜魚食！我就毫不猶豫咁叫咗一份餐廳嘅座位數目不算多，晚市都見到係餐廳外等位嘅食客。酸辣湯雲吞～酸辣湯略嫌不夠重口味，酸度和辣度均可再加強，整體味道算合格；而雲吞大大粒，好足料，餡料亦都算新鮮。到我最期待嘅酸菜魚，估唔到呢個有驚喜！魚肉非常鮮甜及嫩滑，湯底亦都夠味，係我鍾意食嘅味道！一人份量唔會好大碗，如果嫌唔夠飽嘅話仲可以另加白飯豆漿夠晒豆香味亦唔會太甜