城八日本料理

营业中

休息中

今日收工老細話要獎勵下我地班同事帶左我地黎城八食飯,呢度唔係有人帶既話應該都幾難搵, 既然係老闆請, 我唔客氣啦!首先係刺身拼盤, 有超多野食! 牡丹蝦、鮑魚、油甘、響螺、肥吞拿、吞拿魚, 如果只叫呢一碟既話應該都要2個人先食得曬!之後仲有拆肉毛蟹，大大份，拆到2碟出來, 真係唔怕唔夠分.之後再叫左TORO SUSHI, 純粹老闆喜歡.熟食方面我地叫左蕃薯天婦羅, 之前係葵芳食過D黑心鋪頭用麵粉當天婦羅粉, 呢度炸得岩岩好, 而且食得出係真天婦羅粉!另外我又食左燒牛扒, 牛扒好林, 都JUICY既去得日式餐廳當然唔少得飲返幾啖清酒啦!

今日同我BB嚟城八慶祝我地結婚周年,諗住簡簡單單食餐飯又想食豪啲,城八真係好適合!我地坐底左之後,點左壽司拼盤,刺身拼盤同埋叫左生蠔.佢地不論係壽司定刺身拼盤,一個拼盤入面有既款式同種類都好多,一個拼盤就可以滿足到我地想一次過食好多唔同款式既美食,餐廳都是用心安排同設計!除此之外,佢地既生蠔非常新鮮,味道鮮甜,有豐厚既肉 好有口感,來貨好靚!!而且環境亁淨,食得開心又坐得舒服,我同我BB都食得好開心,呢個餐廳絕對係值得再食!

尖沙咀係香港既中心地區, 真係乜鬼野食都有.今日成班姊妹一齊出黎行街呼吸新鮮空氣順便去食個好西.叫左Toro，响螺，牡丹蝦，海膽，金目雕既刺身拼盤, 牡丹蝦都幾大隻.食材都好新鮮, 由其隻海膽, 我都係第一次食到咁甜.另外我地又叫左隻毛蟹, 拆肉好大份, 一隻可以拆到兩碟, 好鮮甜, 識食真係一定係食日本蟹.食完個拼盤發現我地自己好似唔記得左叫平時最愛既三文魚籽壽司,每一粒魚籽係口入面爆開既感覺真係好幸福.當然無理由只叫刺身啦, 熟食我地叫左超爽嫩鮮甜juicy既白玉粟米.呢個白色既粟米比起我地平時食既粟米真係更甜, 夠特別, 我中意!

早幾日我同男朋友黎左慶祝拍拖記念日, 係附近買完手鍊之後黎左呢度開海膽大餐我地叫左好多野食, 全部都係離唔開海膽, 海膽, 同埋海膽.首先黎既係海膽軍艦同吞拿魚壽司, 平時成日食三文魚, 黎到咁既地方男朋友比錢一定係食吞拿魚!海膽超新鮮, 好甜, 完全唔似食緊泥, 由佢既顏色都知道擺得入口.我地試佢個吞拿魚覺得好食, 再另外叫埋甜蝦同Toro刺身.份量唔多, 但絕對值!我覺得唔係好夠再另外叫多個海膽吞拿手卷, 海膽同吞拿魚呢個配搭真係好夾.而男朋友就叫左份長崎生蠔同埋清酒煮大蜆, 生蠔都鮮, 不過同海膽冇得比囉.平時係出面食既清酒煮蜆都係細隻既, 呢隻大蜆真係大隻的, 無沙!

今日就去咗尖沙咀行街啦！咁行街都shopping咗好耐我又好鐘意同女朋友兩個人啦！因為想行咩同食咩都好方便所以就同女朋友周圍去啦！行到夜晚攰攰地，又肚餓，就見到呢間日本野，城八，都幾吸引，就入咗去我就叫咗一個三文魚，三文魚籽同呑拿魚拼盤，三文魚都好肥美，呑拿魚又入口即溶，Oec呢，三文魚籽都好大粒添之後仲叫咗一個炸蝦天婦羅同燒明太子炸蝦天婦羅份量都多，又唔太粉，唔錯嘅估唔到嘅係明太子可以一舊舊，一直都係好似蟹籽咁一粒粒，令我大開眼界，今次真係好滿足城八唔錯嘅選擇

今日放lunch，就去咗城八食lunch啦，因為成日都叫外賣，叫得多外賣就緊係會厭，就去咗食城八佢Lunch set有自選壽司同三色丼自選壽司我就叫咗海膽，三文魚籽，肥toro同甜蝦, 牡丹蝦 等壽司，海膽壽司都幾鮮甜，肥Toro入口即溶，唔錯, 牡丹蝦食落啖啖肉, 甜蝦都有甜甜的味道仲有個三色丼就有三文魚籽，海膽同魷魚，份量都好多，三文魚籽好大粒啦三色丼係日本係好常見的簡單日本料理,因為佢可以有唔同的搭配食完呢餐都幾飽，一個星期食一次都幾好下個星期又食先

今日同朋友出咗尖沙咀，一留就留到夜晚，諗住食埋個dinner先返去。不過晚市呢個時間，尤其係尖沙咀呢啲人山人海既地方，真係邊間餐廳都塞爆晒人。呢個時候，係附近見到一間日本料理專門店，人流好似冇咁多，加上又可以食下日本嘢，我地就一於去試下呢間城八日本料理。 入到去，環境唔會太吵雜，幾舒適坐低之後我地即刻睇睇menu有啲咩好食。因為得兩條友，我地食量又唔算太大，就諗住淨係叫個刺身拼盤一齊食。拼盤其實幾抵食，因為嗌一碟就已經有好多款唔同刺身可以食裡面就有牡丹蝦、鮑魚、金目鯛、油甘、響螺、肥吞拿、BB吞拿、深海池魚、左口溥切咁多款刺身，可以任揀任食我就特別鐘意金目鯛，味道夠鮮又一流，美味至極！不過叫完拼盤又覺得少咗啲嘢，就多叫咗個Toro壽司同清酒燒大蜆講起壽司我就最鐘意toro壽司啦，呢度既toro都係一樣好食 食過咁多嘢都已經幾飽，不過聽聞呢度仲可以叫埋蜜瓜食我地就當係飯後甜品咁叫埋個蜜瓜嚟食，咬落蜜瓜汁非常鮮甜，夠新鮮，同係超市買到既係兩種感覺！非常正😊

聽朋友講，尖沙咀有一間專門食日本料理既餐廳非常好食，佢食過一次就讚不絕口，仲話要帶埋我去試多次，而今次就同佢一齊嚟到城八食海鮮好西。我地得兩個人，其實應該要叫多幾個朋友嚟會比較抵食，因為人多唔驚食唔晒，可以嗌多幾款唔同食物齊齊share，不過無計，人都唔係咁容易約得齊。唔緊要啦，呢次我哋嚟試下佢既刺身拼盤拼盤有好多款唔同種類刺身，多到有啲我都唔太知佢叫咩名，不過知道有飽魚、金目鯛、肥吞拿，都係我鐘意食嘅！肥吞拿味道夠晒鮮甜！其實另外既刺身都十分美味😊食咗好多刺身，就想食其他嘢中和一下，就嗌咗個三文魚籽先，雖然如果叫埋壽司會比較正，不過就咁食三文魚籽都係好正，一粒粒既口感非常讚朋友仲叫埋個拆肉毛蟹，隻毛蟹就真係夠晒大份啦！毛蟹盤上仲用咗其他嚟裝飾，令到隻毛蟹更加吸引啦，事不宜遲就開始食，啲肉好嫩滑，一開始望落以為幾細碟，點知食落就覺得好飽肚呀……我同朋友都好勉強咁先清得晒所有嘢食，不過美味係真係唔錯。下次要帶多啲朋友嚟食！！

不知不覺又係一年裡面最特別嘅日子，就係生日啦！其實由幾年前就冇特別再慶祝過，不過機會難得，都好想犒勞一下自己。除咗食蛋糕，當然係去食自己鐘意既食物啦於是我嚟到呢間城八日本料理。城八係專門食日本料理，通常都係壽司、刺身等海鮮類為主，我都係個海鮮狂熱迷，今日就準備嚟食食食 嗌咗個壽司拼盤，而呢個拼盤就放置到好似生日蛋糕咁既樣，中間真係插咗枝蠟燭！都可以營造一下生日氣氛既而我驚自己唔夠食，另外再嗌多咗幾樣食物有白玉粟米、海膽壽司、日本小蘿蔔煮海鮮白玉粟米真係好好食！一般都會食開最正常黃色個款粟米，但白玉粟米真係第一次食到，而且係超乎我想像既美味。咬落粒粟米夠晒爽口，而且味道十分鮮甜，就算份量幾多，都好快比我清晒啦～靜岡蜜瓜都一樣鮮甜，而且因為夠新鮮，口感上完全唔會差，令人一啖接一啖，好快又食完。呢餐生日「飯」真係極級享受！

是日家庭聚會,來到門口見到充滿日式風情既門口都已經覺得好吸引😸😸 叫左個三文魚籽來做開胃菜,粒粒咬開好鮮甜,份量亦都好足😼重頭戲就緊係呢個刺身拼盤啦!!😻😻 (牡丹蝦、鮑魚、金目鲷、油甘、響螺、肥吞拿、BB吞拿、深海池魚、左口溥切) 😽吞拿魚呈鮮粉紅色,真係好新鮮,入口即融,呢個刺身拼盤大大件又抵食😻另外叫左拆肉毛蟹(方便懶人進食😼),個裝飾好特別,擺左條甜姜係面,第一次見覺得好特別,一人一啖好快就清曬😽叫左三碗稻庭烏冬一齊share食,都好飽肚,d烏冬唔會煮完軟pat pat反而好彈牙😼最後就用燉蛋做完結啦!😽 燉蛋唔會太老,個調味亦都好正,唔係普通既日式蒸水蛋咁簡單,好滑身🙀

今日幫朋友慶祝生日, 因為大家耐無見又好想食日本野, 就揀左一間有蛋糕既日式餐廳叙下~因為朋友生日咁開心, 一於叫個清酒cheer一cheer佢!! 係香港第一次見到呢隻裝清酒既壺, 又幾特別幾靚哈哈Menu有個好特別既菜式叫燒喜之刺,個名咁吉利我地就叫左條燒喜之刺比壽星仔,希望佢賺大錢,年年有啦!!當然唔少得蛋糕啦, 日式蛋糕你又見過未? 係香港其實都好少見到有日本餐廳提供呢D壽司蛋糕, 我地都係因為個壽司蛋糕慕名而來, 結果不負眾望, 壽司蛋糕顏色七彩繽紛, 有好多唔同既食材出來, 大家都可以揀自己中意既來食, 一次過滿足晒大家既願望。 我自己最鍾意玉子燒捲物, 係我覺得最突出既。下次如果有其他朋友生日又想食日本野, 都可以再黎依間再食過!!

今晚放工同同事一齊去happy hour,路過棉登徑呢間餐廳決定入去試下,外部同內部裝修都有好濃既日本風情,覺得自己好似置身於日本既居酒屋咁,服務好好亦都好親切🥰呢碟係長崎生蠔,勁大舊同埋好肥美,加埋個檸檬汁更加突出生蠔既鮮甜,一啖就可以食曬,一個字正!緊係唔少得男同事最愛既燒魷魚啦,燒到金黃色同埋有小小焦香,真係好香,煙煙韌韌好有咬口,配埋清酒簡直一流😋一壺清酒都好夠飲,用一個好似咖啡壺既容器裝住清酒,飲既時候感覺都新奇啲😙

尖沙咀有好多日本餐廳,但早排同朋友試嘅依一間,真係值得一提。依間城八日本料理喺棉登徑,尖東站n3出口行一兩分鐘就到,非常近便。入到去就緊係試剌身壽司!叫左牡丹蝦、鮑魚、金目鲷、油甘、響螺、肥吞拿、BB吞拿、深海池魚、左口溥切刺身拼盤。啲剌身夠厚身得黎又非常新鮮,好鮮甜！除左刺身,仲叫左啲燒物,我就試左個燒帶子,燒得夠香，而且食落又唔會話俾燒味蓋住帶子本身嘅味道,唔錯!另外個海鰻壽司都好好,香甜之餘鰻魚肉軟度啱啱好!值得一試！

朋友生日飯喺度食,環境好舒適,食材都夠新鮮!生壕新鮮,腥味唔太重凍烏冬真係好有日本嘅味道,好似就喺日本食咁!拖羅夠魚油,入口鬆溶,正!清酒煮大蜆,用清酒帶出蜆嘅味道,唔會完全得酒味!GOOD!拆肉毛蟹，大大份，一隻可拆2碟2! 深海池魚、三文魚籽壽司嘅魚籽真係大大粒、海膽壽司海膽味濃得黎仲食到有海水味,非常新鮮!除左刺身壽司燒物,原來甜品都正,有抺茶,檸檬雪榚,個燉蛋甜而不漏,好夠蛋香味下次一定再回頭!希望鋪頭食材可以一路KEEP住咁新鮮!

城八係一間隠世高級傳統日本餐廳, 位置私隠度一流, 位於棉登徑最盡頭, 遠離煩擾! 需要客人自己趟門而入, 係一個非常好嘅用餐地方, 給人好溫暖嘅感覺。城八所用材料都係日本直接採購, 新鮮地道。