坤記糕品專家 (已結業)

對，就是同樣的糕點，但人愈大，糕顯得愈小，因為我手大了嘛。以前陪媽到附近的街市買菜，在未有餸菜要幫手拿的時候，總能愉快地捧著坤記的糕點細嚐，特別是那個九層芝麻糕，我總愛逐層逐層的分開吃，好不過癮。是否人愈大，愈會懷念昔日簡單的快樂，就愈會覺得現在的總是比不上回憶中的美好？主觀原因是其次，不過對於慕名一試的食饕，恐怕現時的水準未能令他們交口稱譽，也遑論其糕點值得拿米芝蓮推介了。一直以來都是一家樸實、家庭式經營的士多，糕點做得出名，但只是佔了店舖的單邊，另一邊是賣汽水香煙。向這邊大街應該會生意較好，旁邊那檔賣傘的都是區內有名，兩店可謂拍住上，每次經過都是絡繹不絕。店面就是眼見的大，所有糕點都是在別的地方自家製，再端出來賣。即日製即日清，沒有加防腐劑，因此晚一點來都未必會齊款，試過晚上八時來到，剩下沒多少選擇了。要吃新鮮的，當時是早上來會比較好，糕點至少都沒暴露在空氣那麼久。牆上貼著的價錢和圖片，雜亂無章；與其躊躇用神看，倒不如看看籮上有什麼就買什麼。價錢不是劃一的，但多數都是切成均等份，每件紅豆糕、芝麻糕、馬蹄糕 $9，其他如砵仔糕、白糖糕、鬆糕 $7，有些更可以「斤」去賣($36)，一件

啱啱系合益泰食完，醒起附近有間坤記糕品，就順便過嚟埋翻幾舊糕當下午茶啦，順便仲可以解決埋呢幾日嘅早餐添~~真係一舉兩得。呢度嘅糕可以論斤稱，又可以一個個賣，一個系7蚊。揀咗一舊白糖糕，好細一舊，食起身味道就係白糖嘅味道，仲有好濃郁嘅經過發酵嘅酸味。馬拉糕好硬！食唔到一半就已經食唔落啦，建議唔好揀呢樣。。芝麻糊糕嘅芝麻味好香，食落去好軟好滑。砵仔糕，細個阿嫲去親街市都會買翻份俾我食，有紅糖、有白糖，紅豆雖然算多，但係糕太甜啦，食到好滯，糕嘅質地太彈牙

坤記~  大家都推佢係'深水埗之寶'~  無錯, 曾經係/記憶中係好好味, 尤其這店是媽咪幫趁開更有感情!人是有慣性的, 每次去深水埗, 有幾個店差不多是例牌報到的: 合益泰食幾蚊腸粉、新香園飲杯鴦或食件蛋牛治、跟手去生隆餅家買盒糯米糍再返番地鐵口坤記買芝麻糕/葉仔, 然後坐地鐵出花墟或去旺角逛吓, 這路線都走過好多次, 真係人生一樂事呢!坤記位於那個名不經傳的所謂"北河商場"街角, 我估好多人都唔會留意那是一個小商場, 但這店位置開揚便利, 攞晒個對角位對正地鐵口, 人來人往真係十次去十次都有人買緊糕!今日經過又買咗一堆, 樣樣買少少, 但沒有打開逐件影相因為本來都沒打算寫食評當時仍在寫九龍城區而手機中太多相未寫, 但突然寫到深水埗無理由不寫它吧!   九層芝麻糕很多人都影過了, 吃下口芝麻味淡淡的軟綿綿滑嘟嘟的....那是回憶的事了, 現在的有時滑有時有點粗糙/有時九層有時一pat亦有點水水的~  不過我都會照買, 慣了!!   砵仔糕細個就鍾意食, 但大個了其實我已不太喜歡吃, 不純粹自己口味改變, 而是有時只見黃糖色但食唔出黃糖味, 糕身有時亦不是彈彈的而有點點削; 白糖糕一向

今日到深水埗，一定不能錯過坤記糕點，用純黑芝麻整出黎的黑芝麻糕，好濃的芝麻味，入口系即溶的，滑到甘，點會⑤掛住吖，甘多年味道都不變，好中意就分9層去整，成個口感好好，中間好滑，上下層實實地，豐富了口感的層次

慕名到這間米芝蓮街頭小食店買糕點吃，首選當然是九層芝麻糕。這個芝麻味濃且突出，見其他食評都有介紹過，我就不在這裡重複了。芝麻糕的形狀切得有點不一，買的時候店員會在你面前磅一磅才給你，好像很均真的，但不知道是否循例作勢而已。無論如何，我真心堆介這個。看見糯米糍也蠻可愛，就要了沙角味試吃。我帶回家翻熱吃，糯米皮柔軟適中，但黏著蕉葉不能整個拿出來吃。沙角餡雖多，但有大粒肥豬肉，好恐怖。原來糯米皮也很油，沾滿整張蕉葉。我吃完感到很油膩！

記得兒時媽媽一出深水埗就會買糕點俾我地做甜品,加上坤記入選左米芝蓮後網上報紙電視日日有報導,鉤起左好多童年回憶,今日特登出深水埗搵食,買左4款試試有冇唔同到馬蹄糕好清甜糕身仲得好挺好滑唔太硬又唔會軟到一夾就爛可惜馬蹄太小唔夠馬蹄味芝麻糕可能冇咁新鮮散開晒出有小小溶左水,雖然食落口有砂但就食唔出芝麻味,而且做得甜左食落有酸味原味蛋糕第一次食鬆軟得唻煙煙靭靭雞蛋香味好重甜味好清食完一件仲想食多件米漿鬆糕口感好怪鬆糕係口入面好似有好多氣泡湧上來,一路咬一路有遮遮車,係口又好難吞落喉嚨,味道又酸又澀,我好唔鐘意隻味同以前味道相差太遠又一間名氣過大為左做生意堅持唔到原味舖頭

深水埗其實有不少經典的街頭小食, 而坤記的糕點, 當然是不少朋友的回憶. 這天路過, 想起好久沒有吃這裡的九層芝麻糕了, 不如來一客吧.這裡就在港鐵站後, 相當便利的位置. 其實這裡除了芝麻糕之外, 當然還有紅豆糕, 白糖糕, 馬蹄糕等等, 愛吃中式糕點的, 總有一款合您意吧.九層芝麻糕 $9: 5分, 一客九層芝麻糕要$9, 好像上次來的時候還是$4, 是加覆太大, 還是我真的咸豐年也沒有來過? 質感是偏粗糙的, 不會是滑溜的那種, 味道是少甜, 或許說是沒有甚麼甜味, 而芝麻的味道亦偏淡, 水準只算一般.中式糕點, 其實也是我們的一種優良傳統, 或許已經越來越少地方供應了, 坤記糕品專家這老店還是值得珍惜的. 雖然現在吃到的九層芝麻糕已不復當年勇, 只有令人更加回味昔日的光輝, 以及那段美好的日子.

今日去深水涉懷舊一番, 這間店鋪以前沒有這招牌, 只有士多的門面...不知是否迎合其他人, 從前買糕只有用重量計價錢, 現在可以計件買....紅荳糕 : 係就紅荳, 但少了點紅荳的香甜, 冇乜味, 但好在唔太甜law芝麻糕 : 一點芝麻香也沒有, 還沙沙的, 不夠細滑砵仔糕 : 係多荳但沒有蔗糖的甜味是否出左名就會質素下滑? 令懷舊食旅失望結尾

今天經過深水埗嘅坤記糕品專家，口痕買咗幾塊糕點嚟落肚，味道雖然無以前咁有feel，不過距哋嘅芝麻糕、白糖糕、紅豆糕仲係我至愛點嘅三寶；剛剛買到手仲熱熱哋，一層一層分量均勻蒸好嘅芝麻糕睇落最吸引，趁熱食咗一塊，唔算太甜，入口即化，感覺滿口都係濃濃嘅黑芝麻味；跟住食紅豆糕，一塊糕入面藏咗好多紅豆，食落啖啖都有紅豆粒，d豆蒸得軟綿綿，香噴噴，不過味道確實不如以前，若果係以前嘅話更加好味；最后來塊甜甜之中略帶d酸meimei噶白糖糕；點解要先食芝麻再食紅豆，最后先食白糖糕？哈哈，Lee嗰係本人多年食三寶嘅經驗，食完芝麻之后，牙齒唔多唔少會粘住d芝麻屑，睇落比較黑，食完紅豆之后可以將芝麻屑除掉，不過又會有紅豆屑喔，所以最后食白白凈凈嘅白糖糕就至巖啦！不過宜家食完之后嚼粒香口膠，效果一樣！哈哈，以上建議純屬參考！

咬下這口白糖糕，就想起爸爸的話當年：爸爸從前的住所，每天也有一位老伯伯，吃力地擔著兩個大煲，一個滿載白糖糕，另一個是砵仔糕，沒有升降機的當時，徙步於每個樓層之間，出力地叫賣：「 好香嘅白糖糕呢！好味嘅砵仔糕呢喂！」記憶中的滋味，總是令人特別嚮往。坤記的白糖糕，糕身雪白剔透，四平八正的賣相，入口時帶著微酸，隨後就只剩下白糖的清甜，內裡有著不少氣泡，令口感更鬆軟之餘，亦有著彈牙的煙韌。砵仔糕是爸爸的至愛，當然要吃黃糖風味的。咬一口，淡淡的甜度，濃厚的黃糖甘香，夾雜著份量剛好的紅荳，整體口感，溫軟綿密爽滑，確實是我們的傳統美食。相信，坤記就憑這兩個樸實美味的糕點，已討盡米芝蓮團體的歡心。

見好耐冇食就拜託左男友哥哥順度去外賣俾我芝麻糕冇以前咁好食，太軟冇口感芝麻味亦冇乜好失望白糖糕就比較好一點，冇酸味，最怕食到其他有酸味既白糖糕馬碲糕就完全冇味點解會咁架？我諗今次係我最後一次食

家人很喜歡吃中式糕點, 每次經過都會買回家給他們吃!這次買了白糖糕+砵仔糕, 白糖糕入口偏酸, 砵仔糕豆量很多但黃糖味不出!總覺得以前吃的比較好吃!感覺白糖糕質素很不穩, 偶然會買到偏酸的!O_Q

今次試的是砵仔糕。size 比一般的較小，入口非常彈牙煙靱，有隱隱約約的黃糖味，但米漿味欠奉，紅豆不是大大粒的天津紅豆，但一點也不苦，少少甜味，雖然沒留下深刻印象，但又的確比眾多的砵仔糕好D。

經過深水埗試下最新米芝蓮推介食店坤記糕點，門口好多人排隊，買左黃、白砵仔糕，千層芝麻糕，雞蛋糕，白糖糕同鬆糕。最好味都係招牌砵仔糕，質地彈牙又唔會太膠，甜度適中，豆香幼滑。白糖糕就係酸酸地果隻，個人覺得一般。芝麻糕都好香芝麻味，不過比較水，而鬆糕都好正，有蛋香，質地禁落去係會彈返上黎果隻。好味，不過貴左d。

友人常笑我像「阿婆」...因為我特別喜愛傳統食物！砵仔糕、馬拉糕、雞蛋仔、雞仔餅、香蕉糕、什至嫁女餅我也很喜愛，所以我很早已留意以傳統糕點起家的坤記！但我已有很長一段時間沒有經過深水埗了，剛好今天到深水埗上班，便打算回憶一下那昔日的美味！精挑細選下，我選擇了芝麻糕！但味道好像已經大不如前了...以前的芝麻糕，層次分明，入口香滑軟熟，有口感之餘，仍傳來一陣陣的芝麻香！但今天的芝麻糕...九層合一，已看不見當中的層次；入口有點兒粉，沒有昔日的札實香滑。芝麻的香味也大不如前，真的有點兒失望...每次遇到這樣情況，心裏頭也是酸溜溜的。為什麼好的食店往往成名後，都不能維持故有水準？往往只是向錢看，偷工減料。真心盼望香港能多一點良心食店！