影片
更多
2016-05-23
1642 浏览
坤記~ 大家都推佢係'深水埗之寶'~ 無錯, 曾經係/記憶中係好好味, 尤其這店是媽咪幫趁開更有感情!人是有慣性的, 每次去深水埗, 有幾個店差不多是例牌報到的: 合益泰食幾蚊腸粉、新香園飲杯鴦或食件蛋牛治、跟手去生隆餅家買盒糯米糍再返番地鐵口坤記買芝麻糕/葉仔, 然後坐地鐵出花墟或去旺角逛吓, 這路線都走過好多次, 真係人生一樂事呢!坤記位於那個名不經傳的所謂"北河商場"街角, 我估好多人都唔會留意那是一個小商場, 但這店位置開揚便利, 攞晒個對角位對正地鐵口, 人來人往真係十次去十次都有人買緊糕!今日經過又買咗一堆, 樣樣買少少, 但沒有打開逐件影相因為本來都沒打算寫食評當時仍在寫九龍城區而手機中太多相未寫, 但突然寫到深水埗無理由不寫它吧! 九層芝麻糕很多人都影過了, 吃下口芝麻味淡淡的軟綿綿滑嘟嘟的....那是回憶的事了, 現在的有時滑有時有點粗糙/有時九層有時一pat亦有點水水的~ 不過我都會照買, 慣了!! 砵仔糕細個就鍾意食, 但大個了其實我已不太喜歡吃, 不純粹自己口味改變, 而是有時只見黃糖色但食唔出黃糖味, 糕身有時亦不是彈彈的而有點點削; 白糖糕一向
人是有慣性的, 每次去深水埗, 有幾個店差不多是例牌報到的: 合益泰食幾蚊腸粉、新香園飲杯鴦或食件蛋牛治、跟手去生隆餅家買盒糯米糍再返番地鐵口坤記買芝麻糕/葉仔, 然後坐地鐵出花墟或去旺角逛吓, 這路線都走過好多次, 真係人生一樂事呢!
坤記位於那個名不經傳的所謂"北河商場"街角, 我估好多人都唔會留意那是一個小商場, 但這店位置開揚便利, 攞晒個對角位對正地鐵口, 人來人往真係十次去十次都有人買緊糕!
今日經過又買咗一堆, 樣樣買少少, 但沒有打開逐件影相因為本來都沒打算寫食評當時仍在寫九龍城區而手機中太多相未寫, 但突然寫到深水埗無理由不寫它吧!
九層芝麻糕很多人都影過了, 吃下口芝麻味淡淡的軟綿綿滑嘟嘟的....那是回憶的事了, 現在的有時滑有時有點粗糙/有時九層有時一pat亦有點水水的~ 不過我都會照買, 慣了!!
砵仔糕細個就鍾意食, 但大個了其實我已不太喜歡吃, 不純粹自己口味改變, 而是有時只見黃糖色但食唔出黃糖味, 糕身有時亦不是彈彈的而有點點削; 白糖糕一向不是我杯茶因為不喜歡那點點發酵過的微酸味, 但媽媽眼中小朋友應該吃這個吧所以都買了很多年, 她自己喜歡吃咸的葉仔, 有時我們又會買馬蹄糕和粒粒紅豆糕, 我只會說因為以前食開, 那些好味道都在記憶中吧! 而且以前是計重量買的, 近年可能方便人龍買所以件庄計算, 芝麻糕已經要$9蚊件, 兩三口都吃完了...反而如果遇著鬆糕熱辣辣剛出爐可試試因為它淡淡香鬆彈彈幾好味!回憶中的坤記總叫人帶著情意結間中就要回去"到此一遊"! 何況舊餅鋪買少見少, 唔支持吓, 我們的下一代或許就要在網上才見識到什麼是中式糕點. 不過, 近年我覺得生隆的芝麻糕和砵仔糕更勝一籌, 有比較就分了高低...
服務方面: 賣糕阿姐真的沒話說, 人多龍長亦無皺紋頭, 耐心的招呼大家, 即使唔太肯定想買什麼, 就像是我這類心大心細樣樣都想買的客人, 她都會推介貨品和等候客人選定, very good!
其實見到坤記嘅成功, 賣到米豬連都要推一推我是很替它歡喜的, 因為要幾十年屹立不倒確實很難得, 希望它水準keep 番穩定一些就會多些返頭客, 加油呀!
张贴
