坤記糕品專家 (已結業)

少有地去深水埗，經過坤記買了紅豆糕，砵仔糕和白糖糕來試試。砵仔糕是ok的，不太甜。白糖也不錯。但紅豆糕不用吃，一聞便聞到有燶味，食落更加覺燶，很失望，和家人share來試，人人一吃便話「嘩！糯味」。不明白店家為何不知道，還是知道還拿來賣，而且她的價錢真係唔平，紅豆糕$11，砵仔糕及白糖糕$8，細細件的，其實大小不是問題，我都不想吃大大件甜品，不過做糕品咁出名的，有燶味實在不能接受，價錢也太高，試過一次便算了。

去到深水埗，咁就一定要試下哩間中式甜品啦紅豆糕係我覺得做得最出色既。咬落去食到糯米既香甜同小小煙韌，有口感，最重要既係紅豆份量超級多！！每一啖都食到紅豆，紅豆煮得啱啱好，唔會軟爛或者太硬，粉粉的又不失咬口。整體甜度不算太高，很不錯芝麻糕一層層的，質感唔會過硬，有彈性。但略嫌芝麻味唔夠重，普普通通啦。砵仔糕紅豆份量較紅豆糕少。黃糖味道唔會過甜，可以食到糯米香，但係同紅豆糕相比，當然紅豆糕更勝一籌啦。唯一既咸食，菜甫茶粿出面本身包住塊蕉葉？無論係塊葉定係白色既表皮都好油！食落軟糯，菜甫蝦米份量好足，夾得幾好，但係略嫌表皮做得過軟。係做得唔錯既中式糕點，但如果下次再去，我可能淨係會買紅豆糕。

傳統糕點店越黎越少，坤記就係僅存嘅老字號，佢位於深水埗港鐵站出口旁。每天8點，店面就會擺好林林總總嘅傳統糕點，缽仔糕，白糖糕，鬆糕，芝麻糕……記得小時候每次探望嫲嫲，嫲嫲都會一早買定白糖糕等我。那種感覺，那種味道，至今未忘。現在已經成為社會人士。每次經過都會不由自主地買番幾件。白糖糕$8清甜一如既往，不會有過分嗆喉嘅酸味。芝麻糕$10足足有9層，芝麻味濃郁，滑口，但略為偏甜。黄糖缽仔糕$8大大件，紅豆夠稔無渣。但只停留在缽仔糕面，退步左？紅豆糕$10同缽仔糕剛好相反，啖啖都係紅豆。難怪價錢會貴啲。時光嘅流逝，熟悉嘅味道，拼湊出後來嘅傳統。喜愛也許是一種懷念，是一個回憶，更是一種不捨。

每次黎到深水埗必到地方同一定會買返d手信返屋企慢慢品嚐！每次黎到必買有白糖糕，砵仔糕，紅豆糕，芝麻糕。但其實連雞蛋糕同鬆糕都有。啱哂我呢d超鍾意食懷舊中式糕點，一間滿足哂所有願望！舊式老舖般，風味依然。一早用膠袋一件件獨立裝住，夠哂衞生！成八點先去到，都一心諗住博下收舖未先。因為通常都會收工或者買到尾聲，竟然今日仲有好多有得揀，可能係平日。太想食既關係，食飯前買左紅豆糕同芝麻糕過下口癮。價錢係$10一件，但以磅重為準，最終兩件承惠$21我最愛既紅豆糕keep住仲係超多豆，芝麻糕就最鍾意距做到一層層效果，重芝麻味又夠滑，正

家裡的電腦最近總是在跟我鬧脾氣🤷🏻‍♀️好吧最終還是要去一去深水埗找完「電腦醫生」朋友說去醫一醫肚😂😂😂3點多是下午茶的好timing♥️經常聽朋友說坤記糕點的芝麻糕很有名擇日不如撞日!!遠遠已經看見人頭湧湧牆上貼有不同糕點的介紹單買的話 價錢$8/$10就有交易🤤🤤🤤我當然買了芝麻糕試一試它的廬山真面目😏另外也買了紅豆糕因為看似十分真材實料👍🏻👍🏻芝麻糕一層一層的！口感味道都十分好🤤🤤🤤而且並沒有很甜 一點也不膩👍🏻👍🏻♥️而紅豆糕十分足料👍🏻👍🏻👍🏻很多紅豆喔同樣地沒有很膩🤤

一直好想試吓依間糕餅店，今天剛剛經過，我買咗個很出名嘅芝麻糕，價錢根據每件重量而計，小小的一件四方形立方體（約5cm x 5cm)，竟索價十元。味道ok. 食落有芝麻味，但吾夠香濃，口感偏林，吾煙硬，雖然只是十元，但吾好食，吾值！要繼續尋找香濃Q彈芝麻糕。😤😤😤⋯⋯..............................

今日auntie特認買來俾我地試試米芝蓮糕點，她買了很多白糖糕，紅豆糕，砵仔糕！食落去口感麻麻，我們4個人一致覺得食物質素麻麻，吾值呢個價錢，同美譽！可能出左名，質素就差。糕點頗糖，比出面的甜，食吾慣。

很肚餓但要等到晚上八時左右才有飯吃，所以決定先去找一點吃的來醫肚很久沒幫襯過坤記了，尤其是坤記得獎後，多次經過都見到大排長龍。難得今天沒人排隊，就買一塊芝麻糕來吃吧。一份包好的芝麻糕磅後遞到我手上，入面裝有 一塊大約7x7x7cm的立方體，粗略數數應該有7層吧。芝麻糕全塊也是灰色的，頂層顏色略深，聞上去沒啥香味。入口偏軟，少甜，有淡淡的芝麻香。用牙齒輕輕咬著一角很容易就可以一層一層撕來吃。但其實每層味道也一樣，頂層口感略硬（乾了?）感覺比以前失色不少，沒有了之前的軟中帶點煙韌，沒有了濃濃的芝麻香…… 是一時失手了嗎？ 還是恃寵而驕了? 希望下次可以吃回以前那種好味吧

平時睇電視介紹得多，去開深水埗，所以去試下。砵仔糕8蚊一個，覺得咁貴既，平時個啲5蚊。但……哇！竟然係細個架味道呀！甜度岩岩好，食落唔會有硬架感覺。8蚊都覺得值呀！

復活節假期有時間就去深水埗行下，當然要食下坤記白糖糕，我由細食到大，好清楚白糖糕嘅味道，嗰日食落口第一啖已經覺得好酸，比友人試左都話係，咁我就返去，細細聲問個店員，點解咁算嘅今日，個店員竟然好惡咁話，呢啲唔係酸呀小姐，我今日啲白糖糕好靚，咁靚都話酸，呢啲係發酵嘅味道，唔係人人做到，果一刻我真係呆左，明明係酸左仲可以話係靚同發酵！嗰件手心咁大嘅白糖糕成八蚊我都只可以掉左佢！我都已經專登細細聲講架啦，唔係有心攪事，你咁對客都唔知點解仲咁好生意！

其實已經食飽，但係見到呢間咁出名嘅糕品店 ，都要買幾件返屋企食下。 店舖係正地鐵出口， 好容易搵。佢哋最特別有三款都係以重量計算，就係馬蹄糕，芝麻糕同紅豆糕 ，最少要十蚊起。買咗黃色有豆砵仔糕， 煙煙韌韌 ，紅豆多，甜度過中， 好味， $8一件。 白糖糕， 甜甜酸酸， 白糖糕唔係好多鋪頭做得好食， 佢哋真係做得唔錯 ，又可以食番細個嘅回憶 ， 都係$8一件。 芝麻糕 ，我覺得最好食 ，一層疊一層， 好考功夫做， 好香芝麻味 ，軟綿綿，呢個可以再食，$10一件。但係我得糕點價錢偏貴

每次來深水埗必食的小食店，糕店很多款式選擇，很想全部味道也買一件。我最喜歡是芝麻糕，紅豆糕。芝麻糕很有質感，不太甜，最好是即場食，所以每次只可以買幾件。希望可以常常吃喔~

喺圓方食完餃子，就喺呢度買咗紅豆糕、芝麻糕同雞蛋糕返屋企。$10舊，少少貴啦。紅豆糕味道有d似喳咋，雞蛋糕就好飽肚 ~之前都有食過砵仔糕，感覺都係一樣 － 味道正常，但又好似未至於特別好食。不過呢類店真係買少見少，所以下次經過嘅話應該都會幫襯支持下！

下一站，去了已有約五十年歷史的「坤記糕品專家」。門庭若市，可見它確是深水埗馳名老字號。據說，小店堅持以人手研磨米粉製作傳統糕點，砵仔糕、紅豆糕和糯米茶粿是其招牌糕點，吸引了不少遊客慕名而來。剛出爐的家鄉糯米茶果，熱辣辣，香噴噴的，十分誘人﹗這兒的糕點，是按重量收貴的。老闆秤完後，會告知客人糕點售價。小妹這一件紅豆糕，就要$10，蠻貴的﹗咬一口，糕身香軟，紅豆味十分突出，糕內也夾雜了不少既香腍又富咬口的紅豆粒。

懷舊小食，每次行過都好想再食返呢個「童年回憶」，但好多時因為太受歡迎而賣晒，今次三生有幸，終於俾我食到！有不同種類的糕點，雖然價錢不太便宜，但我都想食缽仔糕！招牌缽仔糕賣相吸引！超多超多紅豆！超級鐘意！食落去好有口感，而且好QQ! 下次經過定必再食！希望以後都能保持水準！