坐忘

营业中

休息中

我諗有唔少鍾意食素嘅朋友都會知道呢間餐廳，雖然佢唔係主要淨係賣素食，不過佢嘅野菜都比較出名。尤其是15種野菜飯， 包含咗好多唔同款式嘅蔬菜， 足夠一日嘅營養。不過作為食肉獸嘅我當然要喺食材之餘亦都要加少少肉啦呢一個係 咖哩野菜牛坑腩 配上南瓜蕃薯粟米飯。咖哩有少少辣，非常之引起食慾，加上野菜都分別有輕輕烤過，非常香口，軟綿綿咁，吸收曬咖哩汁嘅味道，撈飯一流。 反而牛坑腩有少少失色，唔夠野菜好味。其次我亦都非常鍾意呢一個飯，係因為佢將南瓜蕃薯粟米等等 ，煮到好濃，撈埋米飯入面，感覺就好似食緊鹹蛋黃撈飯一樣咁，但估唔到佢全部都係蔬菜，質地厚實，就算唔撈咖哩食，都一樣好味。