坐忘 (已搬遷) 新店位置

突然幫襯多年冇食的小店，水準依然好食。餐廳有點狹窄並播放90至00年代廣東歌。今次食的是黑椒燒汁牛肋骨，燒汁與飯的比例均勻並帶有少量黑椒的辣味而主菜牛肋多汁綿可口，口感有時軟滑有時像肉絲而配菜的洋蔥不辣，加上沙律食落更健康。

想試呢間天后人氣飯堂好耐，佢最出名係七小時慢煮豬軟骨同野菜咖哩飯 。9點去到成功避開排隊人潮，店內坐位比較擠迫，同埋服務態度麻麻。✦ 炒15種一日野菜咖哩飯 $69野菜種類好豐富，有翠玉瓜、紅蘿蔔南瓜、椰菜花、茄子、三色椒、薯仔、蕃茄、洋蔥和西蘭花等等，啱晒鍾意食蔬菜嘅人。咖喱好開胃唔會好辣，比起屋企煮嘅日式咖喱層次更加豐富，非常好送飯。味道好啱做返工飯堂，但未至於要排隊食。

之前lunch time去鰂魚涌分店食過諗住試吓嚟天后分店會唔會少啲人排隊星期五晚飯時間有幾個人排緊隊排咗大概15分鐘到就入得呢間餐廳有唔少定食選擇🍛🍲🍜咖喱，烏冬，豬軟骨喺人氣選擇差唔多每一台都會叫大部份定食都係$6x-7x，性價比高⭐️豬軟骨定食⭐️豬軟骨分量超多😍炆得好琳身好易入口🤤配菜有沙律菜🥗沙律菜好新鮮，配上Caesar醬汁無論係鰂魚涌定天后分店，食物質素都非常高價錢唔算太貴，性價比高👍🏻👍🏻如果鐘意食日本野，一定要嚟試試呢間餐廳！不過就要有心理準備，可能要排一陣隊

今次試呢間小店位於天后地鐵站10分鐘距離，主打野菜結合咖哩料理，見好多人推介都唔輸蝕試下先😋平日晚餐時間去都坐無虛席，坐爆曬，一台客接另一台，店鋪size唔大，繁忙時間感覺比較逼。店鋪裝修偏向日系，以深色木作主調，用木造枱及木椅，仲可以透過透明玻璃見到廚房製作過程。試左大熱嘅必食！豬軟骨7小時煮野菜咖喱飯同廚師推介シェフのオススメ，蕃茄牛肋野菜咖哩飯！加多$10可以有柚子蜜或其他汽水。兩個飯唔係普通白飯或珍珠米，而係溝了南瓜(?)定蕃薯(?)營養飯，回應店鋪主打營養均衡嘅宗旨。豬軟骨咖哩偏甜，肉燜得好淋好入味，成到最後偏鹹，好少食完飯都未食完餸，肉菜比例一比一，整體份量適中，性價比高。加左蕃茄令咖啡味道冇豬軟骨飯甜，但咖哩味及牛味都好重，送飯一流。雖然蔬菜是切成一片片，蕃茄煮完都保留形狀，冇變成糊狀，食落有口感。中意食咖哩嘅朋友一定要黎試一試🍛👍🏻👍🏻👍🏻

響天后附近做嘢，都係一去到午飯時間諗唔到去邊度食嘢因為驚多人，所以都係慣性去搵一間可以買外賣嘅餐廳，跟住就搵咗呢間camper’s, 地點方面還算可以啦，最主要係因為經過，所以冇特別留意，但係見到響地鐵站行過嚟都唔會好遠。之前已經聽人講過話呢間嘅日式咖喱牛腩飯幾好食，不過最近想食少啲澱粉質，所以冇叫到飯。今次就叫咗個黑椒燒汁彩菜牛肋沙律，另外加多隻溫泉蛋。牛腩嘅份量都幾足夠，味道都非常之唔錯，加埋落個沙律度啱啱好，沙律方面就係一般菜沙律有少少似凱撒沙律嘅汁，如果冇加餸嘅話就會有少少偏淡，不過加埋就啱啱好。溫泉蛋就比想像中生咗少少，唔係嘉義相熟嘅問題，而係一打隻蛋出嚟就已經滑咗落去個沙律底度，個蛋黃仲要穿埋，下次試吓要半隻糖心蛋可能會好啲。

多次回訪小店, 食物都係用心製作, 簡單健康既味道👍🏼吸引唔少人前來光顧。平日中午都多人排隊, 但上菜速度都好快, 所以都唔需要等太耐。豬軟骨野菜咖哩飯$72豬軟骨用左7小時慢煮已經非常軟淋😋軟骨位置亦好軟淋, 食到滿滿既骨膠原。而野菜亦係心思之作🥬🥦會用幾種唔同既野菜去焗, 而唔係用水白烚, 所以保留到野菜既甜味。而飯用左南瓜、番薯🍠同粟米🌽一齊煮, 味感甜甜地, 配上日式咖哩一齊食多左一種清甜既感覺🍛豬軟骨七小時定食 $72定食份量好多, 有大大件豬軟骨、沙律🥗清湯同白飯。豬軟骨用左7小時慢煮, 醬油味煮得好入味🤤軟骨位置已經煮到非常軟淋, 而且大件又唔碎, 輕輕一咬已經自動化開。

一入去門口戈位叔叔幫我地好趕咁落單，如是者坐左大半個鐘，見到遲入過我地嘅客人都已經食緊就覺得唔對路，同另一位待應姐一對到眼，佢先嚟問我係唔係落左單？同邊位落？咁我就望向大半個鐘前幫我地單位戈位叔叔，叔叔用一個「唔關佢事」嘅眼神，嬲爆爆咁走嚟「再」幫我地落單～全程一句唔好意思都冇 我都唔知係太餓先覺得好好食定係間野真係好食～

長年在日本生活都習慣多菜飲食，回港出外食飯 除了自己另叫一碟菜之外，多數都冇或只配一條！想起以前常去的日式飯堂，已過了晚飯高峰時間仍是有人排隊。沒有選擇我最愛試的期間限定，而是叫了我的必叫定番豬軟骨野菜咖哩飯，當送到我面前，回憶返哂嚟，拍個照便急不及待一口吞入，就是這味道，保持水準👍🫶在日本豬軟骨很平，所以自己也試煮過好幾次，但都整唔到這裡的那種入口即化，冇牙都可以食到的質感。同樣70幾蚊茶餐廳的咖哩豬扒飯，我寧可到坐忘排隊食，野菜又多，而且是焗過用心製作的野菜，真的跟我在日本小店食開的咖哩店水準一樣。

港島人氣健康日式咖哩小店 標榜無味精～ 坐忘總係俾到我個種係屋企食返comfort food嘅感覺 每次去開附近就會想食佢地嘅咖哩飯同豬軟骨～👅• 豬軟骨七小時煮野菜咖喱飯 $75 🐖 4.8/5呢個必點！豬軟骨經過7小時慢煮已經變得超級軟淋 好入味 軟骨位每次食都可以做到QQ啫喱感 滿滿骨膠軟 好正～ 除咗豬軟骨 我自己都好中意呢到嘅飯同野菜 飯方面係南瓜番薯粟米飯 甜甜地的 平時出街食飯我好少食伴碟嘅菜 一係烚到好淋一係好污糟 但坐忘嘅野菜處理得好好夠爽脆 真係feel到每一個部分都有用心做 唔係求其hea你！ • 椰香烤雞野菜咖喱飯 $69 🐓 4.4/5第一次試佢地嘅椰香烤雞 椰奶味好重 夠香！雞嘅份量意外地多 有成4大舊 仲唔會嘞口 唔錯總結：一間有心做好每樣食物嘅餐廳！價錢抵食 健康又好味 推介 無得輸！！❤️ 📍坐忘天后電氣道127號地舖鰂魚涌濱海街13號中興大廈地下

終於食到依間咖喱🙌🙌🙌😙😙 6:00已經坐滿人咖喱幾濃，有辣度✌️✌️大概五小辣質素，蔬菜嘅處理方式值得一讚，南瓜好軟身，蓮藕煎得好薄脆，配合咖喱汁，一流！依間咖喱啲人介紹咗好多次😋😋餐廳比較細小，自家式作業，食完就要走！蔬果全部都有煎過，薯仔切到好似粗薯條咁，口感一流有素食Menu ☺️☺️#天后

叫咗個豬軟骨野菜野菜咖哩烏冬（飯轉烏冬），咖哩同烏冬其實都唔錯，但啲豬軟骨真係非常之咁鹹，好艱難先撐住自己食埋最後一舊豬軟骨。返到屋企都要係咁飲水。店內環境好迫。可一不可再。

第一次食想食咖喱牛，唯有選擇牛肋就試咗個芝麻牛肋咖喱飯⋯我好似食緊芝麻糊咁⋯⋯食到第三啖已經唔想再食落去。配菜係幾多嘅，但全部都係芝麻糊味。黑芝麻真係唔可以配咖喱🤢朋友點既豬軟骨咖喱好食少少，算係易入口。但豬軟骨就用甜酸醬煮，配日式咖喱就有啲矛盾。個種甜美完全覆蓋左咖哩未最後就係個南瓜飯，雖然係用日本米。但煮出來之後變得好熔。其實可以嘗試南瓜分開，淨係用白飯上碟。如果仲有機會試，就試吓個烤雞咖喱飯.牛油烤雞應該唔算太伏

🐽軟骨胡麻湯烏冬🍜豬軟骨系好好出色🫣🫣有三塊豬軟骨胡麻湯唔會好重味,有啲芝麻味 糖心蛋都煮得啱啱好! 但凍身的🥲烏冬正常發揮, 但都唔夠飽🫣小左d不過配菜就少啲,得少少椰菜絲🥲🥲環境真系好逼🥲🥲逼到…肥d都坐唔到加上好多人等 真系會等到憫憎🙈可能試咖喱飯會好d🙈🙈🪙價錢$75+$8蛋🍜味道:3.8/5🔴🟠🟡🟢🔵🟣⚪️⚫️服務：4.3/5環境：3.1/5返食：3.2/5價錢：3.8/5🔴🟠🟡🟢🔵🟣⚪️⚫️👷🏻‍♀️利申：本網只代表個人感受與想法不代表全部🫡(本台暫試運當中, 全人手營運, 多多包涵)🪙今次全自費👷🏻‍♀️直接跟店員下單📍坐忘 (天后)天后電氣道127號地舖🚈(天后站A2出口行5分鐘)🧁每一個Follow & Like都係運作動力🔥🥹🥹唔好吝嗇撳個like同埋follow啦!#hkfoodie #天后美食 #香港美食 #平價美食 #foodiehk #hongkongfoodie #hongkong #90s #couplehk #hkfoodie #假日好去處 #拍拖好去處 #香港遊記 #日本菜

食到清碟日式素咖喱飯又係之前見其他人食過book mark左好耐都未試，因為只有天后及鰂魚涌有店，甚少去這兩區。終於今天去天后，機會來了！炒一日野菜咖喱$69- 350g的野菜種類很多。沒有港式咖喱飯老是常出現的椰菜👍🏻換來有幾片南瓜、椰菜花、茄子、三色椒、薯仔、蕃茄、翠玉瓜、紅蘿蔔、豆角、紫洋蔥和西蘭花！非常豐富。飯也花了心絲，有粟米和蕃薯！一碟飯13種蔬菜！咖喱不太辣很惹味，濃稠適中👍🏻極下飯🤤很久沒有試過全碟飯菜連汁也吃清光😝彩菜豬頸肉燒汁定食$92- 小朋友選擇，基本上和我的雜菜咖喱差不多，就是多了幾片豬頸肉和白蘿蔔湯。飯是白飯。豬頸肉咖喱$78- 也是和我的野菜咖喱基本上一樣，多了豬頸肉。ENCORE 指數 ⭐️⭐️⭐️⭐️⭐️

呢度既裝修走北歐木屋風有種好Cozy既感覺⛺️ 星期六6點令鐘黎到已經坐座無虛席, 再晏啲黎已經要等位🧐 呢度主打健康家庭式料理, 每款食物都會配上大量既野菜, 務求令到大家食得有營養😍 彩菜黑豚豬頸肉燒汁定食🍱($92)賣相係超家居既感覺, 份量幾多, 豬頸肉好腍身燒到好香😍 另外仲有大量七彩顏色既蔬菜健康得黎又好食, 加埋個燒汁簡直係白飯小偷🤩豬軟骨七小時煮野菜咖喱飯🍛($75)豬軟骨勁入味, 有入口即融既口感, 咖喱係偏甜甜辣辣勁惹味, 另外都配左大量既蔬菜🥬呢度成個感覺好cozy好有家既感覺, 食物都相當高質, 大推俾大家😍