坐忘 (已搬遷) 新店位置

有位都唔比人入間鋪細到好容易撞到人青芥豬軟骨定食味道勁奇怪完全係千年凍肉嘅口感定食姐係多左碗湯滾水上加左小小蔥花唔知點解可以煮到咁鹹😐😐😐好似啲鹽唔洗錢，仲要咁多汁番茄牛肋骨野菜咖哩係食唔到咖哩味道都冇新鮮蕃茄嘅味道牛肋骨都好硬雖然價錢係平，但真係超級難食收銀嘅女人聽唔明廣東話嘅，溝通唔到。宣傳做得好真係多人幫襯，但係味道做成咁樣係做唔到長久㗎🤣🤣🤣🤣天后好食嘅嘢咁多，千祈唔好黎哩間

呢間位於#天后 嘅日式咖喱店，由日本人主理的餐廳，主打無添加、無味精、少油及多蔬菜。平時中午同晚飯時間都多街坊排隊架🙈今次試✨招牌慢煮七小時豬軟骨咖喱飯✨🔹#豬軟骨 份量唔算多但肉質軟腍🤤一咬就即刻鬆開。就算無加味精，非常入味，質素好高✨🔹值得一提嘅係咖喱汁，屬於典型嘅日本咖喱，香濃，一啲都唔刺激。小編十分之喜愛🥰唔講都唔知係完全冇落味精，又健康又好味😆🔹蔬菜種類好多，有椰菜花、翠玉瓜、薯仔，營養十分豐富。加埋香濃美味嘅咖喱汁，一啲都唔覺得清淡，送飯一流❤️🔹份量方面，一個正常食量女仔未必食得曬😂因為食曬啲菜同豬軟骨都幾多。（另一個女仔朋友食唔曬啲飯🙈）男仔應該岩岩好下次我會試埋轉烏冬同埋牛肋野菜😌

第一次黎天后呢間坐忘，朋友話係出名食日式咖哩。坐到滿晒人，好彩只係等咗10幾分鐘就有位～ 呢度仲有好多其他嘅日式料理，今次叫咗呢兩款都好好食🥺🥺🍽烤雞沙律烏冬青芥胡麻汁($75) 配醬汁煮蛋半隻(+$6)雞扒份量好足，大大塊食落又多汁，味道不錯～ 下面有沙律菜同胡麻醬撈烏冬，食落醬汁帶有少少青芥味，但唔會好重wasabi唔會太辣，好味😋🍽彩菜豬頸肉燒汁定食($88)份量又係好多，蔬菜大約有4-5款，燒汁炒好惹味調味都適中。因為係豬頸肉，整體呢道就偏油少少～

很喜歡呢間多蔬菜健康之選而且佢會喺menu 上列明無味精使用果餐如果無菜食我會唔開心所以黎到呢度食 我無呢個煩惱😀┈┈┈┈┈┈┈┈┈┈┈┈┈┈┈┈✧ ꙳青芥牛肋沙律 $84牛肋充滿著芥辣wasabi 香感覺好新奇 分好左細細舊不過食左兩舊就覺有d 膩 Share 食就好～而沙律菜上的沙津醬則不能分開上✧ ꙳ 豬軟骨咖喱轉烏冬 $69+$10日式咖喱汁味道夠哂濃每一寸烏冬都很掛汁不過不夠佢就煮得over 左唔夠煙韌 比較會易斷豬軟骨炆得淋 仲要有d筋位 筋同肉食落去易咬而且大大舊份量都真係唔少王牌果然係王牌🃏✧ ꙳芥雞沙律 $79健康d Order 左多一個菜胡麻醬 可汁另上雞相對無牛同豬咁滑不過勝在夠健康嘛☺️🌟無加一服務費🌟要讚既位係佢碗碗上烏冬配菜多有金荀 🥕翠玉瓜 🥒薯仔 🥔椰菜花🌼西蘭花🥦出街想食多d 蔬菜想辦法走佢汁🌝 都係一個唔錯既選擇('ε' )

見到正平咁一面倒就即管入去試下叫咗個豬軟骨烏冬胡麻咖哩飯金平蓮藕沙律就食物黎講最出色嘅真係金平蓮藕沙律甘酸咸辣集於一身，食起上嚟幾豐富己有層次其次就係個胡麻咖哩飯佢有咖哩胡麻味非常之濃厚雖然佢個豬軟骨係聲稱最出名亦都係自己餚除咗稔同有軟骨之外我就諗唔到有咩值得稱讚嘅地方食起上嚟未有嗰種コク嘅濃厚感覺。服務方面，除咗單純地好似返咗屋企食飯之外冇嘢想講…………………環境方面咪就係迫夾咁囉……不過都係嗰句佢個性價比咁高你期望佢服務同環境可以有幾好攞咗喇但老實講佢都唔係零服務嘅只係佢哋真係當正你係仔女同啲兄弟姊妹咁囉

講到日本菜 香港真係咩類型都有壽司刺身、拉麵烏冬、居酒屋等等呢間日式餐廳真係我食咁多次都好鍾意❤️主廚喺日本經營咗十多年再將餐廳開到嚟香港❗️先喺鰂魚涌開店 後來再開天后嘅分店兩間店嘅裝修都好日本家庭式感覺🇯🇵店內嘅座位唔算太多每逢食飯時間都總會有食客等候菜式主打無添加、無味精、多蔬菜、少油🌟客氣食得健康食得開心🌈炒15種野菜咖喱飯日式咖喱係餐廳招牌菜🍛眼見大部分人去到都係食咖喱😛好鍾意食豬軟骨嗰款煮得好腍身又帶膠質😻不過呢款野菜咖喱自己都好喜歡🫶🏻有超多款蔬菜一齊煮紅蘿蔔、豆角、南瓜、蓮藕、翠玉瓜、西蘭花、椰菜花、洋蔥、薯仔、燈籠椒、茄子等等雖然一啲肉都冇但依然好好食😻野菜炒過後好夠香同咖喱汁一齊煮索滿咖喱香日式咖喱偏甜口但好香濃個飯亦唔係普通白飯咁簡單加咗粟米同番薯🍠多咗啲啲甜味同口感🤤有時我就會將白飯轉烏冬🍜一樣出色！因為咖喱汁都偏濃稠所以就好似咖喱撈烏冬咁😻烏冬煙煙韌韌 好濃味❗️忌廉烤雞野菜烏冬唔喜歡食咖喱都有其他選擇！呢個忌廉湯烏冬都唔錯😍忌廉湯就偏稀啲但飲落好有奶香🤤又唔會好有膩感🫶🏻湯裡面有超多菇！食極都仲有😹雞肉肉質又唔算話好嫩滑偏嚡啲但都算軟腍唔乾好鍾意佢哋嘅烏冬夠煙韌又

呢間小店真係非介紹不可😍!! 一入到去已經feel到係一間好有心思，好擺足心機落去做嘅小店🥹💛食到最後我直頭感嘆：「佢嘅用心同埋好食，係會絕對唔想浪費任何食物🥹🥹」大大大推介，一定會再返嚟食！一去到餐廳已經見到好多人喺度排隊🙆🏻‍♀️不過攞飛嘅時候店員見我哋兩個人，有咁啱即刻安排到位，可以即刻入坐😍🥳餐廳唔係好大，但係裝修好溫馨，都算坐得舒服☺️🍛椰香烤雞野菜咖喱飯$64咖喱唔算好辣😝仲有好香嘅嘢椰奶味🥥雞嘅份量非常足夠😎最特別係「野菜」！種類非常足夠🥕🥒🫑🌽🥦睇得出蔬菜唔單只係配菜，而係重要元素🤩值得一提係佢嘅飯🍚係舖頭特色嘅番薯粟米飯😋唔單止口感更加豐富，亦都更加有營養😚🍲豬軟骨7小時煮白芝麻烏冬 $69 豬軟骨都煮得非常林同埋個汁都好夠味😋反而白芝麻湯未必好食到有芝麻味，但都係好食嘅。另外烏冬都配有大量嘅椰菜，貫徹店舖以顧客健康為優先嘅原則🤩讚！

對上果次黎食坐忘應該係兩年前了。難得住新界既朋友過黎港島一日遊，我就梗係要帶佢去食港島既美食喇！ 朋友話未過東岸公園，咁我就諗附近有咩好野食 🤔，腦海突然悶過呢間餐廳。見咁雲耐冇去，一於試下質素維唔維持到先！ 去到已經見到外面有幾對情侶排緊隊，入面坐無虛席。等佐大約10分鐘就入得去。餐廳環境係比較狹窄，冇咩空間放自己既袋。呢個係餐廳唯一既缺點。不過要做多啲生意，都明白既 😂。我同朋友叫個兩個餐。一個係慢煮豬軟骨7小時煮咖啡飯。另一個係期間限定青芥豬軟骨定食。（1）慢煮豬軟骨7小時煮咖啡飯 $69豬軟骨雖然只係兩大塊，但歌塊都好大，就算男仔食都絕對夠食。豬軟骨咬落超林，食得出係真係用佐幾個鐘時間整既。最正係秘製咖啡汁，甜甜咸咸，撈埋啲飯一齊食，一真係食到停唔到口！ 最估唔到既係啲菜既份量超多 一啖肉，一啖菜咁食真係爽。（2）青芥豬軟骨定食 $69開頭以為青芥配豬軟骨會怪怪地😂，但食落估唔到青芥味道配上豬軟骨既味道都幾特別，呢個組合幾有風味。唯一可以改善既就係啲菜份量無慢煮咖喱飯咁多，朋人嫌唔夠菜 😂。Btw，呢個set係期間限定，唔係日日都食到架！

跟朋友來到天后，行完東岸公園後想搵個地方食飯，於是就來了坐忘。手畫的Menu好可愛食物的款式都好多，唔怕揀唔到餐廳的佈置亦好舒適作為豬軟骨控的我，一定要試試呢款七小時慢煮豬軟骨!果然無令我失望，豬軟骨偏咸，但肉唔會"鞋"，軟骨亦呈啫喱狀，認真不錯。朋友點了蕃茄牛肋野菜咖喱飯，蕃茄同咖喱味好濃，牛肋肉亦夠稔，可惜的是唔夠入味，但整體算不錯。跟餐+$10點了一杯柚子蜜，比食物遜色得多。整體來說，為了豬軟骨，如果再次來到天后，我一次會再來光顧。

晚飯時間，餐廳都比較多人，所以今晚選擇叫外賣返去食！呢間食評既評價都唔錯，唔係熱氣野，今晚一試～招牌卡豬軟骨野菜咖喱湯烏冬：咖喱湯好濃稠，好香～係日式甜咖喱汁～豬軟骨好大舊，煮得好淋身，好似食緊炆牛腩，咁好多軟骨嘅膠原，超級入味！野菜配料好多。烏冬嘅麵質好好。好滑！好煙韌係高質嘅烏冬，仲好掛湯！醬汁溏心蛋（日本產）：入味，嫩滑軟煮牛肋野菜咖喱飯：打開個飯盒～嘩，啲餸菜仲多過啲飯，牛肋煮得好淋身，夠入味，咖啡味岩岩好，仲有蓮藕片，好好送飯昆布湯：味道剛好，唔咸！

位於天后大排長龍既餐廳，去到都排咗15分鐘先有位，餐廳位置都幾大但係坐嘅位置同隔籬枱比較近。當中佢哋嘅招牌菜係豬軟骨🐷，都係唔錯嘅但係未到好驚喜，質地軟糯，而且都幾大塊，湯底好濃郁，餐牌特別貼心，標明素食同埋無麩質既餐點，備啲特別營養要求既食客參考，亦都可以將餐點改成素食

呢度嘅野菜咖喱飯真係好好味，因為食素關係，如果咁啱響附近都會過嚟食。餐廳無加一，明嘅，唔應該有咩要求，但係最近幾次嚟，次次個女侍應都係黑口黑面，真係唔知佢係老闆定係好唔想做。今日閒日大概2:15到舖，我比朋友先到幾分鐘，係，門口寫明「繁忙時間」要齊人先入得，但明明過咗食飯時間，店內起碼一半吉位，個女侍應一見未齊人即刻嘢都唔講閂返度門淨啲夾到我。我開返門入去，我話咁我一個，佢好大聲同佢另一個同事講「佢話佢一個喎」店家3點落場費時阻人收工，我未坐定都嗱嗱聲幫朋友叫埋，到啲飯嚟，幾乎係成個碟掟落枱「啪啪」兩聲（？）朋友都問我發生咩事。之後仲橋埋手企一邊，成個殺手咁嘅樣到2:30pm左右有一家5人想入坐，人哋已經到咗4個講明有1個泊緊車，又係一見未齊人就喝嗰家人出去等（？）唔係第一次嚟食，但可能係最後一次，呢位侍應嘅態度真係令人嘆為觀止

今日叫左好耐冇食嘅坐忘外賣，估唔到一打開都仲係熱辣辣，值得一讚。今次都係叫番我至愛嘅豬軟骨野菜咖喱烏冬，份量好足，有成隻切開嘅溏心蛋，同埋有8種蔬菜同2舊豬軟骨。豬軟骨炆到好稔，最鍾意係炆到變啫喱狀嘅軟骨，我試過一次過食晒所有豬軟骨，覺得好「漏」，一定要同人share 先得😂 咖喱汁唔係好辣，帶少少甜，但好香咖喱味，落去撈埋啲烏冬一齊食真係好正。蔬菜有翠肉瓜，茄子，蓮藕，甜椒，蘿蔔等等，應該全部都炸過，所以保留到好鮮艷嘅顏色同埋保持到口感，唔會過稔。

區域：天后店名：坐忘 Camper’s選擇：日本菜/烏冬/ 無肉餐單價錢：$51-100 （人均＄62）飲品：不包味道：tasty 菜式》 椰香烤雞野菜咖喱飯份量：飽，大碗環境：餐廳有播我喜歡既劇集ost 歌單》整體印象：good地址：天后電氣道127號地舖 （天后站A2出口行5分鐘）

如果一問起天后有咩好嘢食，相信大份人都聽過坐忘依間日式家庭料理，招牌主打日式咖喱、慢煮豬軟骨、配上多款蔬菜，健康又好食！聽聞長期好受歡迎要排隊，但我平日夜晚去食直入就得！👓豬軟骨野菜咖喱飯 $72豬軟骨不枉係慢煮7小時，非常淋有少少果凍狀態，可以唔使咬直接吞😂有兩大嚿非常多肉，一定夠飽！係日式咖喱比較甜，但覺得似普通咖喱磚味純甜味唔算特別，若果帶少少辣會好一點。個白飯有少少黃色以為係蛋炒飯，但其實加咗少少南瓜蓉，伴碟好多蔬菜營養好均衡好健康同好飽囉😂味道唔錯不過冇網民講得咁誇張，有機會會想試吓其他菜式再驗證下有冇驚喜😂評分：7.5/10👓烤雞野菌忌廉湯烏冬 $78奶白色忌廉湯底，味道偏清澈帶少少忌廉味唔算好漏或油膩。好多菇菌好食，烏冬都唔錯，但敗筆在於烤雞，雞肉好老好鞋，我諗叫返住軟骨烏冬會開心啲。評分：7/10